Frjáls verslun - 01.04.1961, Blaðsíða 20

Valdixnar Kristinsson:
Á ferð með landfræðingum
Það var sundurleitur hópur, sem liittist fyrir ut-
an Gamla-Garð laugardagsmorguninn 23. júlí sl.
Alls rúmlega 30 manns af 10 þjóðum. Bandaríkja-
mennirnir voru átta, og meðal þeirra hin sjötuga
Gosið úr stóru borholunni í Hveragerði var stórfengleq og ævin-
týraleg sjón, sem vakti geysihrifningu
Helen White, sem var aldursforseti hópsins. Svíarnir
voru fjórir og jafnmargir Frakkar og Belgir. Þjóð-
verjar áttu þrjá fulltrúa og Danir einn, og síðan
voru tveir ítalir, tveir Rússar og tveir Japanir. Eru
þá aðeins íslendingar ótaldir.
Eftir að skipzt hafði verið á kveðjum og gefnar
nokkrar upplýsingar, arkaði hópurinn upp í Þjóð-
minjasafn. Var það skoðað af miklum áhuga, og
einnig Listasafnið. Eftir hádegið var ferðinni fyrst
heitið til Ilafnarfjarðar. Koma átti við á Oskju-
hlíð, en þegar farið var fram hjá henni, gerði svo
svarta skúr, að ekki sást í hitaveitugeymana frá
veginum, og var því ekki stanzað þar fyrr en á
leiðinni til baka.
í Hafnarfirði var fiskiðjuver bæjarútgerðarinnar
skoðað. Var þar allt í fullum gangi og vakti óskipta
athygli ferðamannanna. Annar ítalanna hafði
reyndar greinilega mestan áhuga á starfsstúlkunum,
en aðrir létust a. m. k. hafa enn meiri áhuga á fisk-
inum og vélunum. Frá fiskiðjuverinu var gengið
til Hellisgerðis og garðurinn skoðaður. Eftir að
farinn hafði verið hringur um Ilafnarfjörð var ekið
sem leið liggur aftur til Reykjavikur.
Rjómapönnukökunum, sem sérstaklega höfðu
verið pantaðar í Nausti, voru gerð góð skil. Og
síðan var enn haldið út úr bænum. Fyrst var
stanzað á Blikastöðum og skoðuð fjós og hlöður
Sigsteins bónda. Þurfti margs að spyrja urn nytina
í kúnum, heyöflun og fóðurblöndur og annað, sem
of langt yrði upp að telja. Síðan var ekið að dælu-
stöð hitaveitunnar að Reykjum. Þó að þar séu ekki
fyrirferðarmikil mannvirki, eru þau mikil undur í
augum flestra útlendinga. Niðri í kjallaranum var
að venju yfir 40 stiga hiti á Celcius og þótti jafnvel
hinum kulvísustu nóg um. Voru nú vasabækurnar
mjög á lofti og skrifuðu ýmsir mikið.
Um kvöldið bauð bæjarstjórn Reykjavíkur hópn-
um til kvöldverðar að Skúlatúni 2. Fararstjórinn,
20
FRJÁLS VERZLUN