Frjáls verslun - 01.04.1961, Blaðsíða 17
Alsír hefur aldrei verið sjálfstætt ríki, í ströng-
ustu mcrkingu þess hugtaks. Og varla er hægt
að segja, að tilraunir hafi verið gerðar til að mynda
slíkt ríki þar, fyrr en þá nú. Uppreisnin gegn
Frökkum hefur staðið yfir í 6 ár, en búast má við,
að samkomulagsumleitanir muni leiða til þess, að
landinu verði veitt a. m. k. einhver sjálfstjórn.
Verður nú gerð nokkur grein fyrir Alsír og íbúum
þess.
Lctndslag og úrkoma
Atlasfjöllin liggja eftir landinu frá austri til vest-
urs og skiptast þau í tvo aðalfjallgarða. Strand-
héruðin suður að fjöllunum eru mjög þéttbýl, enda
er úrkoma þar um 750 mm á ári (um 900 mm í
lleykjavík). Iíandan nyrðri fjallgarðsins dregur
mjög ur úrkomunni, og þar er steppugróður ríkj-
andi. í norðurhlíðum syðri fjallgarðsins er svo aftur
nokkru meiri úrkoma, en þar fyrir sunnan tekur
Sahara-eyðimörkin við. Hafa þá fjöllin tekið við
öllum raka, sem er í loftstraumunum, er blása frá
Miðjarðarhafinu.
I’eir hlutar landsins norðan fjalla, sem ekki eru
ræktaðir, eru vaxnir sígrænum runnum, sem ein-
kenna lönd, þar sem Miðjarðarhafsloftslag ríkir..
En sunnar, í fjallshlíðunum, vex eik, fura og sedrus-
viður. Og síðan tekur við steppan á hásléttunni,
eins og áður er sagt.
Þessi landsvæði skiptast í þrjú héruð: Oran, Alsír
og Constantine. Meira en tveir þriðju hlutar lands-
ins eru eyðimörk, og er henni skipt í tvo hluta,
„Oases“ (Vinjarnar) og „Saoura“.
íbúar af ólíkum uppruna
Áætlað er, að í Alsír búi nú um 10 milljónir
manna, þar af eru 9 milljónir múhameðstrúar og
1 milljón, sem kennd er við hinn evrópska upp-
runa sinn. En skiptingin er mun flóknari en þessar
tölur gefa til kynna. Hinir evrópsku eru alls ckki
allir franskir. Fólk af öðru þjóðerni hefur verið
hvatt til að setjast að í landinu. Einkum var það
gert á öldinni sem leið. í dag heyrist nær því eins
mikil spænska töluð í Oran-borg og nágrenni eins
og franska, og ítalir eru fjölmennir í Constantine-
héraði. Auk þess hafa margir frönsku landnemanna
komið frá lvorsíku og hafa því talað ítalska mál-
lýzku.
Einnig hafa komið innflytjendur frá Möltu,
Þýzkalandi, Sviss og írlandi. Við manntalið 1886
voru Frakkarnir taldir 220 þúsund og innflytjendur
frá öðrum löndum Evrópu 203 þúsund. En síðan
hefur verið erfitt að skilja á milli þessara hópa, þar
sem önnur kynslóð landnemanna fékk yfirleitt
franskan borgararétt. Skiptingin liefur þó enn þá
mikilsverðu þýðingu, að verulegur hluti evrópsku
ibuanna hefur aldrei litið a Frakkland sem fyrrver-
andi eða hugsanlegt heimaland.
Meðal múhameðstrúarmanna er einnig um skipt-
ingu að ræða. Arabar réðust inn í Alsír á 7. öld og
síðan aftur og aftur. fbúunum, sem fyrir voru, var
snúið til fylgis við Kóraninn, en arabísk tunga og
siðir náðu ekki sama árangri. Berba-mál, sem eru
óskyld arabísku, eru enn töluð af fjórðungi íbú-
anna í landinu, og margir Berbanna hafa sérstöðu
gagnvart trúarbrögðunum.
FRJÁLS VERZLUN
17