Frjáls verslun - 01.03.1969, Blaðsíða 49
FRJALS VERZLUN
45
hefur verið fyrir tilraunastofum í
efnafræði og eðlisfræði. Fyrirhug-
að var, að reist skyldi hús yfir
Náttúrugripasafn ríkisins, en síð-
an varð úr, að fest voru kaup á
650 fermetra hæð að Laugavegi
105. Happdrættið tók þátt í bygg-
ingu Háskólabíós, bæði með bein-
um framlögum og lánum og fé
hefur verið varið til Tannlækna-
skóla, sem er til húsa í Landspítal-
anum. Til Raunvísindastofnunar
Háskólans hefur verið varið tæp-
um 14 millj. kr. og til byggingar
Árnagarðs hefur happdrættið þeg-
ar varið um 20 millj. kr. Fé hefur
einnig verið varið til Orðabókar
Háskólans, til kaupa á húseign-
inni Aragötu 9, þar sem eru til
húsa lesstofur fyrir laga- og við-
skiptafræðinema, og loks ber að
geta þess, að happdrættið mun
taka þátt í byggingu nýs stúdenta-
garðs og félagsheimilis stúdenta.
VINNINGAR.
Fyrsta árið, sem Happdrætti Há-
skólans starfaði, voru greiddar kr.
467.525.00 í vinninga, en á þessu
ári mun upphæðin nema rúmlega
120 milljónum kr. Þar af eru 2
vinningar á 1 milljón, 22 á 1/2
milljón, 24 á 100.000 kr. og síðan
tæplega 30.000 smærri vinningar.
í stjórn happdrættisins, sem
skipuð er af Háskólaráði, eru Ár-
mann Snævarr, rektor, formaður,
Þórir Kr. Þórðarson, próf. og Hall-
dór Halldórsson, próf., en í happ-
drættisráði, sem skipað er af Fjár-
málaráðuneytinu, eiga sæti Björn
Hermannsson, deildarstj., formað-
ur, Rannveig Þorsteinsdóttir, hrl.,
Hallgrímur Jónasson, kennari,
Bergþóra Guðmundsdóttir, frú og
Höskuldur Jónsson, deildarstjóri.
HAPPDRÆTTI S.Í.B.S.
Ólafur Jóhannesson, forstjóri
Happdrættis SÍBS, sagði, að happ-
drættið hefði verið stofnað með
lögum 1949 og á þannig 20 ára
afmæli um þessar mundir. Á þess-
um tveimur áratugum hefur hagn-
aður SÍBS af rekstri þess numið
um það bil 68 milljónum kr., og
fórust Ólafi Jóhannessyni svo orð,
er hann lýsti því, hvernig ágóð-
anum hefði verið varið:
Ólafur Jóhannesson.
— Fyrir 30 árum var SÍBS
stofnað. Það setti sér þegar í upp-
hafi það markmið að koma á fót
vinnuhæli fyrir berklasjúklinga
útskrifaða af heilsuhælum. Hlut-
verk þessa heimilis átti fyrst og
fremst að vera endurhæfing, það
er að segja að sjá þessum ný-
útskrifuðu sjúklingum fyrir létt-
um störfum hæfilega langan tíma
á degi hverjum og annarri að-
hlynningu og hjálpa þeim þannig
til að ná sem mestri starfsorku,
áður en þeir hyrfu til starfa á
Framh. á bls. 48.
„LJÍÍF OG MILD"