Frjáls verslun - 01.03.1969, Blaðsíða 25

FRJALS VERZLUN
21
SAMGÖNGUR — FLUTNINGAR
BOEING 747
STÆRSTA FARÞEGAFLUGVÉL
HEIMS
Hámarksíjöldi farþega 490.
30. september í fyrra var fyrstu
Boeing 747 flugvélinni ekið út úr
flugskýlinu, þar sem hún var
byggð í Everett í Washington. Er
hún stærsta farþegaflugvél, sem
byggð hefur verið til þessa. Að
vísu er Lockheed Galaxy C5A
stærri, en ekki hefur enn verið
framleidd útgáfa af henni, sem
ætluð er til farþegaflutninga. Er
hún enn sem komið er eingöngu
herflutningavél.
Boeing hefur þegar fengið pant-
anir á 160 flugvélum og reiknar
verksmiðjan með að hafa byggt
200 í árslok 1972 og 400 í árslok
1975. Kostar hver vél um 20 millj-
ónir dollara. Búist er við, að far-
þegafjöldi í flugi margfaldist á
næstu árum. Kemur sér þá vel að
hafa þessar stóru flugvélar í notk-
un.
Öll helztu flugfélög heims hafa
pantað 747, svo sem Air Canada,
Air France, Air India, Alitalia,
American, BOAC, Braniff, Con-
tinental, Delta, Eastern, E1 Al,
Iberia, Japan Airlines, KLM, Luft-
hansa, National, Northwest, Pan
American, Quantas, SAS, South
African Airlines, Swissair, TWA,
United og World Airways. Reikn-
að er með, að fyrstu flugvélarnar
verði teknar í notkun í september
1969, en flest þessi flugfélög fá
sínar fyrstu vélar 1970 og ’71.
Reiknað er með, að hámarks-
fjöldi farþega sé 490, en flest
flugfélög hafa hugsað sér að nota
hana fyrir 350—360 farþega, til
að geta haft rýmra um þá. Allt
við þessa vél er stórkostlegt. Hún
er 70,4 metrar að lengd ogvængja-
hafið er 60 metrar. Stélið er 19
metrar að hæð, sem jafngildir
fimm hæða húsi. Hámarkshraði
er 625 mílur eða 1.000 kílómetr&r
og getur hún flogið 6.000 mílur án
viðkomu. Mesta þyngd í flugtaki
verður 355 tonn og tekur hún alls
176.700 lítra af eldsneyti.
Farþegar ganga inn í vélina um
fimm tvíbreiðar dyr á hvorri hlið.
Að innan er hún sex metra breið.
Tveir gangar liggja eftir endi-
langri vélinni, báðir breiðari en
nú tíðkast. Sæti verða breiðari og
rúmbetri, sérstakar setustofur
verða, skápar fyrir farangur og
yfirhafnir, ljós og loftventlar fyr-
ir hvert sæti o. s. frv.
Notaðar eru sérstakar skúffur
fyrir farangur. Verður hann á að
gizka 38 tonn í fullri vél, eða
3.400 stykki. Er hægt að hlaða
eða afhlaða þennan farangur á
7 mínútum.
Til að byggja þessa flugvél,
byggði Boeing nýja verksmiðju í
Everett, um 50 kílómetra frá
Seattle. Aðalbygging verksmiðj-
unnar er stærsta bygging í heimi
að rúmtaki, 4.530.000 rúmmetrar,
sem er 849.000 rúmmetrum meira
en byggingin á Cape Kennedy,
þar sem Saturn-tunglflaugarnar
eru settar saman, sem var stærst
áður.
Verið er að undirbúa byggingu
vöruflutningaútgáfu, þar sem nef-
ið lyftist upp og hægt er að aka
vörum beint inn. Einnig er ætlun-
in að byggja vél, sem breyta má
úr farþegavél í vöruflutningavél
á skömmum tíma, eins og hægt
er að gera við flugvél Flugfélags
íslands.
Boeing flugvélaverksmiðjurnar
hafa byggt alls um 28.000 flug-
vélar, þar af um 4.000 þotur.