Frjáls verslun - 01.03.1969, Blaðsíða 27

FRJÁLS VERZLUN
23
VERZLANIR
ÓÐINSTORG H F. - NÝ
SÉRVERZLUN
Iðnfyrirtœki flytja söluþjónustuna frá verksmiðjunum.
Nýlega var opnuð verzlun að
Skólavörðustíg 16 undir nafninu
Óðinstorg h.f. Verzlunin hefur á
boðstólum vörur fyrir húsbyggj-
endur og aðra, sem innrétta þurfa
íbúðir, frá því að innveggjum hef-
ur verið lokað.
Verzlunin selur inni- og úti-
hurðir, sólbekki, eldhúsinnrétting-
ar, fataskápa, harðviðarveggi, raf-
tæki í eldhúsið og eldhúsvaska,
þ.e.a.s. eldavélar, eldavélasett, eld-
húsviftur og ísskápa. Ennfremur
selur verzlunin eldhúshúsgögn.
Þeir aðilar, sem selja vörur sín-
ar eru:
Jón Pétursson, húsgagnaverk-
smiðja, sem selur JP eldhúsinn-
réttingar og fataskápa.
Kaupfélag Árnesinga, trésmiðja,
sem selur eldhúsinnréttingar, fata-
skápa og inni- og útihurðir.
Stáliðn h.f., Akureyri, sem sel-
ur stálhúsgögn í eldhús.
Inni- og útihurðir, sem selja
inni- og útihurðir, ásamt bílskúrs-
hurðum og sólbekkjum.
Ofnasmiðjan h.f., sem selur stál-
vaska og fleira.
Jónas Sólmundsson, húsgagna-
meistari, sem selur harðviðar-
klæðningar.
Hurðir h.f., sem selur bylgju-
hurðir.
Hingað til hafa húsbyggjendur
orðið að verja miklum tíma til að
kaupa það, sem þá vanhagar, á
þessum og hinum staðnum. Einn-
ig lætur verzlunin í té ókeypis að-
stoð við að skipuleggja eldhús og
skáparými og leiðbeinir í þeim
efnum. Höfuðáherzla er lögð á,
að innréttingar geti verið á sem
beztu verði, án þess þó að slegið
sé af kröfunni um gæði. Hafa
verksmiðjurnar, sem selja vörur
sínar þarna, reynt, í trausti ör-
uggrar sölu, að stilla verði eins í
hóf og unnt er, en jafnframt
vinnst þeim mun meiri tími til
að sinna framförum í framleiðslu,
þar sem öðrum aðilum hefur ver-
ið falin skipulagning og sala fram-
leiðslunnar.
Allt kapp hefur verið lagt á að
gera verzlun þessa, sem er ein-
stök að gerð, sem bezt úr garði til
að sinna verkefni sínu.
Ábyrgð er á öllum smíðahlutum
og raftækjum.
Fyrirtækið er sniðið að erlend-
um fyrirmyndum, þannig að verk-
smiðjurnar sjálfar hafi verzlunar-
fyrirtæki, er annist söluþjónustu
við viðskiptamenn fyrirtækjanna,
en að salan fari ekki fram í hin-
um ýmsu verksmiðjum. Mikið
hagræði er fyrir viðskiptavininn
að geta keypt allt á einum stað
fyrir fast verð.
TILBOÐ
í stuttu máli gengur salan þann-
ig fyrir sig, að ef húsbyggjand-
inn kemur með hústeikningu í
verzlunina, getur hann fengið fast
verðtilboð í alla innréttingu húss-
ins, hurðir, skápa og raftæki, enn-
fremur hluta þess, ef hann óskar
þess. Þannig getur húsbyggjand-
inn fengið fastan samning um
verð og afhendingu alls tréverks
í húsinu. Fólk utan af landi getur
einnig póstlagt teikningu og ósk-
að eftir tilboði um verð og mynda-
listum og þannig notfært sér
skipulagsþj ónustu verzlunarinnar
og fengið fast verðtilboð. Sýnis-
horn af flestöllum gerðum innrétt-
inga og raftækja er komið fyrir í
verzluninni á smekklegan, að-
gengilegan hátt og þannig geta
viðskiptavinirnir séð og kynnt sér
rækilega þar innréttingar og vél-
ar, áður en kaup eru gerð.