Frjáls verslun - 01.05.1972, Blaðsíða 69

Einkaaðili:
Otrúlegir snúningar
og lítill hagnaður
Svo eru þeir, sem byggja
sjálfir; sjá einir um útvegun
allra hluta, ráða sér menn og
vinna sjálfir baki brotnu í hús-
byggingunni í öllum frístund-
um. Á síðari árum fer þetta
stöðugt minnkandi og fá nú
menn verktaka í auknum
inæli til þess að sjá um bygg-
inguna að liluta eða öllu leyti.
Hinrik Bjarnason, fram-
kvæmdastjóri Æskulýðsráðs
Reykjavíkur, er einn þeirra,
sem eru að byggja sjálfir, og
sagðist hann aldrei hafa trúað
því að óreyndu, hvað þetta
væri ótrúlega erils- og snún-
ingasamt. Enda sagðist hann
vafalítið láta verktaka sjá um
að koma upp fyrir sig húsi, ef
hann byggði aftur, og gera
það að minnsta kosti fokhelt.
Hér á eftir lýsir hann umstang-
inu við húsbyggingar í stórum
dráttum.
ENDALAUSAR
ÚTRÉTTINGAR
Menn, sem ætla að byggja
sjálfir, þurfa að byi'ja á að
sækja um lóðir, en eftirspurn
eftir lóðum í Reykjavík er
geysileg. Getur því oft tekið
langan tíma við það eitt að
bíða eftir lóð. Síðan þarf að
greiða lóðina, en meðal ein-
býlishúsalóð í Reykjavík kost-
ar um 300 þúsund krónur með
gatnagerðargjöldum. Þetta
verð er mun lægra víðast úti
á landi, og getur farið allt nið-
ur í 15 til 20 þúsund.
Síðan þarf að semja við
arkitekt um að teikna húsið
og þarf að fá þær teikningar
samþykktar af viðkomandi
byggingayfirvöldum. Einnig
þarf að fá allar lagnir teikn-
aðar í húsið og fá þær sam-
þykktar.
Áður en byrjað er á nokkr-
um verklegum framkvæmdum
þarf að ráða byggingameistara,
múrarameistara, pípulagninga-
meistara, og í flestum tilfellum
þarf einnig að ráða rafvirkja-
meistara strax. Þá er loks
hægt að byrja á grunninum,
og þarf þá að semja við aðila,
sem taka að sér gröft. Að því
búnu þarf að semja um kaup
á grús til uppfyllingar, þar
sem þess er þörf.
Þá kemur að uppslættinum,
Einstaklingum miðar hœgar
áfram.
og þarf þá að vera búið að út-
vega efni, kanna verðlag, gera
kaupsamning og koma bygg-
ingarefninu á byggingarstað.
Þegar menn fara svo að vinna
á staðnum, þarf vinnuskúr
með raflögn og hreinlætisað-
stöðu.
Smíða þarf glugga og koma
þeim fyrir jafnóðum og slegið
er upp, og að uppslætti lokn-
um þarf að semja um kaup á
steypu og steypa. Þegar húsið
hefur verið steypt upp, þarf
pappa og járn á þakið, taka
þarf heimtaugar fyrir raf-
magn, heitt vatn og kalt, hita-
veitu og skolp.
Útvega þarf hráefni til múr-
unar og múra húsið utan og
innan, kaupa gler og setja það
í. Smíða þarf innréttingar og
hurðir og koma því fyrir og
er þar við enn einn aðilann að
eiga. Máli menn hús sín ekki
sjálfir, þarf einnig að semja
við málara, og svona mætti
lengi telja.
Þótt þessi upptalning kunni
að virðast einföld, sagði Hin-
rik, þá er alveg ótrúlegt um-
stang í kring um þetta. Oft og
tíðum er erfitt að fá iðnaðar-
menn, og getur bið eftir þeim
jafnvel tafið fyrir öðrum. Allt
efni þarf að berast á réttum
tíma, svo ekki verði bið eftir
því. Gera þarf ýmsar pantan-
ir langt fram í tímann, semja
um kaup við iðnaðarmennina,
semja um greiðslur við efnis-
seljendur o. s. frv.
HÆPINN GRÓÐI AÐ
BYGGJA SJÁLFUR
Hinrik tók fram, að hann
hefði verið heppinn, þvi að
byggingameistari hans hefði
tekið af honum margt ómakið,
en það væri að sjálfsögðu eng-
in regla. Taldi hann hæpinn
gróða fyrir flesta menn að vera
að standa í byggingum sjálfir,
nema þeir hefðu því rýmri
tíma til þess að sinna því sem
skyldi. Að vísu væri margt
hægt að gera sjálfur, en það
vildi þá gjarnan koma niður
á byggingahraðanum og væri
matsatriði.
Að lokum sagði Hinrik, að
maður, sem stæði í því að
byggja sjálfur og væri auk
þess í fullri atvinnu, hefði lík-
lega ekkert annað upp úr því
en áhyggjurnar, því að ef hann
reiknaði sér vinnulaun fyrir
sína vinnu væri húsið ef til
vill jafn dýrt og ef verktaki
hefði séð um byggingu þess.
FV 5 1972
69