Frjáls verslun - 01.06.1974, Page 15

Unnið að smíði þingpalls á Lögbergi. Þar mun þingfundur fara
fram. Lengi a til vinstri er göngubrú yfir Öxará.
Alþingis, og ekki má gleyma
hringveginum, sem gjörbreytir
öllum samgöngum 'á íslandi,
en hann var formlega tek-
inn í notkun 14. júlí. Gef
in verða út öll 'handrit Land-
námabókar, sem eru alls sex,
og verða þau ljósprentuð. Það
er stofnun Árna Magnússonar
sem sér um verkið í samvinnu
við þjóðhátíðarnefnd. Útgáfa
íslandssögunnar er stórt fram-
kvæmdaatriði í sambandi við
1100 ára afmælið. Við höfum
aldrei^ átt stóra samfellda út-
gáfu íslandssögunnar í líkingu
við það, sem gerist hjá öðru*»'
þjóðum. Sigurður Líndal,
prófessor, ritstýrir verkinu og
einir 24 höfundar leggja fram
sinn skerf til verksins.
— Þið hafið auglýst mikið
sölu á minjagripum og peii-
ingum?
— Það er rétt, við höfum
látið gera mjög fallega minja-
gripi í tilefni 1100 ára afmæl-
isins, þ. á. m. má nefna vegg-
skildi eftir tvo íslenzka lista-
menn, Sigrúnu Guðjónsdóttur
og Einar Hákonarson, auk
þess fallega öskubakka. borð-
fána, dagatal og margt fleira.
Eg vil benda á. að alls konar
aðilar hafa einnig gefið út
minjagrÍDÍ, en sú starfsemi er
ekki á okkar vegum og okkur
kemur hún raunverulega ekk-
ert við. Á okkar vegum er
útgáfan á bronz- og silfurpen-
ingum, sem Seðlabankinn ann-
ast sölu á. Þessir peningar eru
stórir, eða um 7 cm. í þvermál
og silfurpeningurinn vegur t.
d. 300 grömm. Seðllabankinn
gefur svo sjálfur út verðgild-
ispeninga, sem verða í tveim-
ur verðgildum. úr silfri og
gulli. Ég vil einnig minna á
fjölþætta minjagripaútgáfu
héraða og bæja.
— Hvað 'um frímerkin?
— Já, ekki má gleyma því,
að Póstur og sími gefur út
alls ellefu þjóðhátíðarfrímerki
og eru allmörg þeirra þegar
komin í sölu. Ég held, að flest-
allir séu sammála um að þau
séu ein'hver fallegustu frí-
merki, sem hér hafa verið gef-
in út. að öðrum frímerkjum ó-
löstuðum.
— Þið eruð með nokkrar
sýningar á prjónunum?
— Já, þar má fyrst nefna
sérstaka sögusýningu að Kjar-
valsstöðum í haust. í júlí og
ágúst verður þróunarsýning
atvinnuveganna í Laugardaln-
um, „Þróun ’74“, sem verður
stórmerk sýning. Þá er uppi
áætlun um að sýna kvikmynd
um allt land sem fjallar um
forna þjóðhætti, en Sunnlend-
ingar voru búnir að láta gera
stóran hluta myndarinnar, til
þess að bjarga vitneskjunni
um ákveðna atvinnuhætti,
sem voru um það bil að hverfa
eða eru horfnir úr þjóðlífinu.
Verið er að vinna að undir-
búningi sjóminjasafns í Hafn-
arfirði og byggingu sögualdar-
bæjar að Skeljastöðum í Þjórs-
árdal. Bæði verkefnin eru
mjög mikilvæg. Má segja, að
við ættum nú að minnast
þriggja höfuðþátta á þessu af-
mæli íslenzku þjóðarinnar:
Ritlistar með ritun íslands-
sögu, byggðarinnar með sögu-
aldarbæ og siglinganna með
knerri, sem ætti heima í sjó-
minjasafninu í Hafnarfirði. En
um hann verður ekkert sagt á
þessu stigi. Margt fleira er á
prjónunum á árinu.
— Svo við snúum okkur að
hátíðarhöldunum, sem fram
fara 'um allt Iand....
— ... þjóðhátíðarárið hófst
raunar upp á Akranesi um
áramótin, þar sem kveiktir
voru landnámseldar að forn-
um sið, og síðan hefur mikið
verið um þjóðhátíðarhald um
land allt. Skólarnir héldu t. d.
upp á þjóðhátíðarárið nú í vor
með ýmsum hætti og á 17.
júní var 1100 ára afmælisins
minnst á flestum stöðum í
orði eða verki, þar sem há-
tíðanhöld fóru á annað borð
fram. Hátíðarhöld í beinu til-
efni þjóðhátíðar fara fram á
24 stöðum í landinu, en fyrstu
hátíðirnar fóru fram 16. og 17.
júní sl. og síðustu hátíðirnar
verða í Reykjavík 3. — 5. á-
gúst og í Vestmannaeyjum
dagana 2. — 7. ágúst n. k. . .
— Hvað er langt síðan þið
hófuð störf í Þjóðhátíðarnefnd
1974?
— Það var árið 1966 í
valdatíð Bjarna Benediktsson-
ar, þáverandi forsætisráðherra,
að Alþingi skipaði nefndina, en
í henni eiga sæti Matthías Jó-
hannessen, formaður, Höskuld-
ur Ólafsson, Gils Guðmunds-
son, Gíáli Jónsson, Gunnar
Eyjólfsson og ég, sem ritari og
framkvæmdastjóri nefndarinn-
ar.
— Að lokum Indriði. Eiga
hátíðarhöldin á Þingvöllum
28. júlí n. k. ekki eftir að
verða glæsileg í alla staði?
— Við gerum okkar bezta
til að svo megi verða. Við
viljum að hátíðin verði eftir-
minnileg öllum, sem til Þing-
valla koma. Þetta er fyrsta
þjóðhátíðin, sem við hö'ldum á
Þingvöllum síðan við urðum
lýðveldi. Þetta er fyrsta hátíð-
in, sem við höldum án erlends
þjóðhöfðingja og án skugga
heimsstyrjaldar. Við erum
orðnir fullgildir aðilar í sam-
félagi þjóðanna og við þurfum
sjálfra okkar vegna að halda
fullri reisn út á við og gæta
virðingar og samstöðu inn á
við. Góður dagur á Þingvöll-
um á ellefu alda afmæli
byggðar í landinu treystir þá
vitund okkar, að við séum
þjóð mikilla erfða og land
stórrar framtíðar.
FV 5-6 1974
15