Frjáls verslun - 01.06.1985, Blaðsíða 7
frjáls
verzlun
FRJÁLS VERZLUN
Sérrit um viðskipta-,
efnahags- og atvinnumál
RITSTJÓRI:
Sighvatur Blöndahl
RITNEFND:
Kjartan Stefánsson
Pétur A. Maack
LJÓSMYNDARAR:
Jens Alexandersson
Loftur Ásgeirsson
AUGLÝSINGASTJÓRI
Sjöfn Sigurgeirsdóttir
ÚTGEFANDI:
Frjálst framtak hf.
Timaritiö er gefiö út i samvinnu
við Verzlunarmannafélag
Reykjavikur og Verzlunarráð
islands
SKRIFSTOFA OG
AFGREIÐSLA:
Ármúli 18,simi82300
Auglýsingasimi 31661
STJÓRNARFORMAÐUR:
Magnús Hreggviösson
AÐALRITSTJÓRI:
Steinar J. Lúðviksson
SKRIFSTOFUSTJÓRI:
Halldóra Viktorsdóttir
ÁSKRIFTARVERÐ:
795,00 kr./159,00 kr. eintak
LAUSASÖLUVERÐ: 179,00 kr.
SETNING, PRENTUN OG
BÓKBAND:
Prentstofa G. Benediktssonar
LITGREININGAR:
Prentmyndastofan hf.
Öll réttindi áskilin varöandi efni
og myndir
Ritstjóraspjall
SALA ríkisfyrirtækja hef ur verið töluvert í umræðunni
á síðustu mánuðum og misserum eftir síendurteknar
yfirlýsingar nokkurra ráðherra Sjálfstæðisflokksins um
að nú skyldi taka til hendinni og losa ríkiö út úr ýmsum
atvinnurekstri. Minna hefur hins vegar orðið um fram-
kvæmdir til skaða. Sverrir Hermannsson iðnaðarráð-
herra er í raun sá eini, sem hefur látið verkin tala. Nægir
þar að nefna sölu Landssmiðjunnar til starfsmanna fyr-
irtækisins, sölu hlutabréfa ríkisins í Iðnaðarbankanum
og sölu hlutabréfa i Sigiósíld á Siglufirði. Betur má hins
vegaref duga skal.
í raun er það engin spurning, að rekstur undir ríkis-
forsjá getur aldrei gengiö eins vel og undir stjórn einka-
aðila. Starfsmenn Landssmiðjunnar hafa sannað þetta
áþreifanlega. Þeir tóku við fyrirtækinu um síðustu ára-
mót, en það hafði þá búið við umtalsverðan hallarekstur
um árabil. Þegar var tekið til hendinni, fyrirtækinu kom-
ið fyrir á tveimur hæðum í húsnæði í stað fjórum.
Starfsmönnum var fækkað og gripið til ýmis konar hag-
ræðingaraðgerða, sem þegar hafa skilað sér. í samtali
við Sigurð Daníelsson framkvæmdastjóra fyrirtækisins
í Frjálsri verzlun kemur m.a. fram, að tekist hefur að
snúa við blaðinu, þannig að í stað mikils hallareksturs
mun fyrirtækið þegar skila hagnaði á fyrsta ári undir
stjórn starfsmanna, en það var samtals 21 starfsmaður
sem tók sig saman og keypti hlutabréf ríkisins.
í samtalinu viö Sigurð Daníelsson kemur ennfremur
fram, að ógerningur hefði verið að gera nauðsynlegar
breytingar á starfseminni undir ríkisforsjá. Fyrirtækið
hefði haldið áfram á þeirri taprekstrarbraut sem það var
áfyrirsöluna.
Ýmislegt er á döfinni hjá Landssmiðjunni, m.a. er sér-
stakt markaðsátak að fara af stað, en fyrirtækið hefur á
síðustu mánuöum bætt við sig umboöum í viðbót við
þau sem fyrir voru, auk þess sem í bígerð er að fara út í
ýmis konar nýja framleiðslu.
Æðsta yfirstjórn Landssmiðjunnar er i höndum fimm
manna framkvæmdastjórnar, sem hluthafafundur kýs. í
samtalinu við Sigurðs Daníelsson kemur fram að mjög
auðveldlega gangi að láta þetta stjórnunarfyrirkomulag
ganga upp. Fastir fundir séu haldnir í framkvæmda-
stjórninni, auk þess sem boðað sé til hluthafafundar
starfsmanna eins oft og þörf þykir á.
Frjáls verzlun óskar starfsmönnum Landssmiðjunnar
til hamingju með þennan stórgóða árangur á stuttum
tíma, en þeir hafa sýnt áþreifanlega fram á réttmæti
þess, að ríkið hætti að vasast í atvinnurekstri.
Sighvatur Blöndahl
7