Frjáls verslun - 01.07.1991, Síða 24

BLAÐAFULLTRÚI í 5500
MANNA BÆJARFÉLAGI
Friðþór Eydal, blaðafulltrúi varnarliðsins: „Nú hafa menn ekki lengur
afsökun að halda úti þessu geysilega apparati.“
„Það er þíðan milli austurs
og vesturs sem gerir fækkun í
Bandaríkjaher mögulega. Nú
hafa menn ekki lengur afsökun
fyrir því að halda úti þessu
geysilega „apparati“,“ segir
Friðþór Eydal, blaðafulltrúi
varnarliðsins. Friðþór segir að
þó að spennan milli austurs og
vesturs hafi mikla þýðingu hafi
reynslan af Persaflóastríðinu
orðið mönnum lexía. Nú verði
að hafa í huga að hægt verður
að beita hernaðarmætti við
einhverjar aðstæður sem
menn sjá ekki einu sinni fyrir
að gætu skapast. „Þess vegna
hefur ekkert breyst hér. Það,
sem menn eru að gera hér dags
daglega, er að fylgjast með so-
véskum kafbátum, skipum og
flugvélum, sem koma út á At-
lantshafið frá Kólaskaga öðru
hverju til æfinga. Það er ekk-
ert sem bendir til þess að sam-
dráttur sé í hernaðarmætti
hér.
Þeir eru að taka upp ný tæki sem
eru mörgum sinnum áhrifameiri en
þau sem fyrir voru. Stjórnkerfi og
þjálfun eru miklu markvissari. Hlut-
verk þeirra hér er að fylgjast með og
það mun verða það áfram.“ Friðþór
segir að stöðin í Keflavík sé það lítil
að ekki verði af miklu að taka. Ekki
sé hægt að fækka starfsfólki með
því að taka ákveðna þætti út úr
starfseminni.
f Keflavík eru 3200 hermenn en
5500 manns eru samtals á vellinum
þegar tekið er tillit til borgaralegra
starfsmanna og fjölskyldna her-
mannanna. „Þó svo að dregið yrði
eitthvað úr þeim herafla, sem er í
Keflavík, og jafnvel þó að fækkað
yrði um helming þýðir það ekki að
þjónustuliði fækkaði að sama skapi
urn helming.“
Einn stór liður í þjónustunni er ein-
faldlega að halda við flugvellinum í
Keflavík, en hann er að sögn Friðþórs
ákaflega fullkominn. „Hann er sáralít-
ið notaður miðað við flugvelli af þess-
ari stærð. Það væri hægt að veita
miklu fleiri aðilum þjónustu með til-
tölulega litlum aukakostnaði."
Frá árinu 1974 hafa hundruðir íbúða
verið byggðar undir þær bandarísku
ijölskyldur sem eru á flugvallarsvæð-
inu. Upp úr 1960 fóru hermenn að
koma með fjölskyldur sínar og um
1965 var byrjað á fyrstu íbúðunum á
vellinum. Nú er verið að ljúka við
byggingu 248 íbúða og hefja fram-
kvæmdir við 224 íbúðabyggingar.
Nú er á Keflavíkurvelli ríkisrekið
5500 manna bæjarfélag. Bandaríska
ríkið á og rekur allar íbúðirnar svo
að dæmi sé tekið. „Ef áhaldahús
eins bæjarfélags ætti að halda við
húsinu heima hjá þér og jafnvel að
skipta um peru í skrifstofu eða
hanna nýjar byggingar, hvað held-
urðu þá að þyrfti marga til þess?“
segir Friðþór eins og til að leggja
áherslu á að það sé ekki líklegt að
bandarísk yfirvöld geti dregið mjög
úr þeirri þjónustu sem nauðsynleg
verður í framtíðinni til að halda við
3200 manna her og fjölskyldum her-
mannanna.
24