Frjáls verslun - 01.07.1991, Blaðsíða 25

FORSÍÐUGREIN
„Það gerir enginn út á hervarnir sé þeirra ekki þörf. Það er staðreyndin sem blasir við ef þíðan viðhelst milli austurs
og vesturs.
HVAÐ GERÐIST EF HERINN FÆRI?
Það fer ekkert á milli mála að þeir,
sem vinna hjá varnarliðinu og hjá
verktökum, hafa búið við góð kjör og
vinnuaðstöðu. Þau tíðindi, sem ber-
ast úr herbúðum stórveldanna, hafa
borist inn í íslenska lögsögu — og
einnig á völlinn. Enginn stjórnmála-
flokkur hefur þó hugleitt hvað kynni
að gerast ef ekki yrði lengur þörf á
hernum til varnar, þ.e. hvað gerðist
ef Gorbatsjov og Bush kæmust að því
með einu símtali að hersins á Miðnes-
heiði væri ekki þörf lengur.
Varnarliðið er á við 100 þúsund
tonn af þorski ef það kynni að auð-
velda viðmiðunina. Hundruðir millj-
óna hafa runnið tiltölulega átakalítið
inn til þjóðarbúsins og án þess að ís-
lenska ríkið hafi þurft að kosta neinu
til sem heitið getur.
„Við getum náttúrlega ekki spáð
fyrir um þessi mál,“ segir Karl Stein-
ar, formaður Verkalýðs- og sjó-
mannafélags Keflavíkur og nágrennis
í Keflavílv. Enn er væntanlega langt í
að kallið komi og á meðan bíða verk-
taka mikil viðhaldsverkefni. Það er
dýrt að halda úti 5500 manna ríkis-
reknu bæjarfélagi nyrst við Atlan-
tsála. Einkaleyfi stórra verktaka að
feitum verkefnum hafa fært ýmsum
mikla björg í bú á liðnum áratugum.
Og 1000 starfsmenn hafa getað geng-
ið að verkefnum vísum hjá varnarlið-
inu sjálfu.
Fari herinn eða verði stórlega
dregið úr umsvifum hans á íslandi
dragast tekjur þjóðarbúsins verulega
saman í kjölfar minni tekna einstak-
linga. Sé allt meðtalið erum við að tala
um tugi milljarða króna. Það gerir
enginn út á hervarnir sé þeirra ekki
þörf. Það er staðreyndin, sem blasir
við, ef þíðan viðhelst milli austurs og
vesturs. Þá kemur að því að íslensk
stjórnvöld verða að gera „viðeigandi
ráðstafanir". Hvernig væri að huga að
framtíðinni áður en hún sjálf knýr
dyra?
25