Frjáls verslun - 01.08.1996, Side 45

EN ÞÓ KLASSÍSKUR
Veitingahúsið Þrír Frakkar hjá Úlfari
Hvers konar veitingahús er Þrír
Frakkar hjá Úlfari?
Þessari spurningu er ekki létt að
svara. Fiskréttirnir eru mjög góðir,
vínlistinn óvenjulegur og þjónustan
vinaleg og óþvinguð. Verðið er mjög
hagstætt miðað við gæði matarins og
það hvað maturinn er vel útilátinn.
Avallt er eitthvað nýtt og spennandi á
matseðlinum. Gestirnir eru margir
hverjir úr sjávarútvegsgeiranum, er-
lendir ferðamenn, fjölskyldur úr ná-
grenninu og eldri herrar sem eru
orðnir þreyttir á pasta og hrísgrjóna-
réttum, sósum úr ávaxtasafa og ein-
hverju sem er á „beði“ eins og það
heitir víst.
Þrír Frakkar hjá Úlfari er tilvalinn
staður til að fara með erlenda gesti á,
gesti sem þú vilt kynnast betur eða
kveðja eftir ánægjuleg kynni og við-
skipti. Segðu gesti þínum að fara úr
bláu jakkafötunum eða dragtinni og í
Sigmar B. Hauksson
mun í vetur skrifa um
íslenska veitingastaði
eitthvað þægilegt. Hafðu samband
við Úlfar og hans menn og fáðu þá til
að setja saman góðan matseðil. And-
rúmsloftið á Þremur Frökkum er
óþvingað og þægilegt. Þar er því
hægt að eiga góða stund og minnis-
stæða. Þegar þú svo hittir viðskipta-
vin þinn síðar getur þú verið viss um
að hann mun minnast á kvöldverðinn
sem þið áttuð á Þremur Frökkum hjá
Úlfari.
Þrír Frakkar hjá Úlfari,
Baldursgötu 14, Rvík
sími: 552 3939.
45