Morgunblaðið - 11.04.2001, Page 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 11. APRÍL 2001 13
VÍNARDRENGJAKÓRINN
mun halda tvenna tónleika í
Garðabæ í október næstkom-
andi og er heimsókn hans lið-
ur í hátíðarhöldum vegna 25
ára afmælis bæjarins. Þá
heldur kórinn eina tónleika á
Akureyri.
Þetta er í annað sinn sem
kórinn kemur hingað til
lands en hann söng hér á
listahátíð í Reykjavík árið
1990. Að þessu sinni eru 26
drengir og fjórir fullorðnir í
hópnum en að sögn Lilju
Hallgrímsdóttur, formanns
menningarmálanefndar
Garðabæjar marka tónleikar
kórsins hér á landi upphaf
tónleikaferðar hans um Ís-
land, Skandinavíu og Írland.
Lilja segir nálægðina við
Reykjavík gera það að verk-
um að bærinn verði að vera
með eitthvað vandað og
öðruvísi menningarefni á
boðstólunum og því hafi ver-
ið ráðist í að fá kórinn hingað
til lands vegna afmælis bæj-
arins.
Ástæða þess að drengirnir
halda tónleika á Akureyri er
sú að einn af fararstjórum
þeirra að þessu sinni var í
drengjakórnum sem kom
hingað fyrir ellefu árum og í
þeirri ferð fóru drengirnir til
Akureyrar. Honum hafi orðið
sú ferð eftirminnileg og því
vildi hann að drengirnir nú
fengju að njóta þess líka.
Sund á bannlista
Það var þó ekki allt sem
drengirnir gerðu hér síðast
sem féll stjórnendunum í
geð. „Þá var þeim boðið í
sund hér í Garðabæ en það
var víst ekki voðalega vin-
sælt því þeir mega ekki fá
kvef,“ segir Lilja og bætir
því við að passað sé upp á að
ekkert slíkt verði gert að
þessu sinni.
„Við höfum fengið sendar
reglur upp á 10 síður um það
hvernig við eigum að haga
okkur því þetta eru sko ekki
neinir venjulegir drengir.
Þeir eiga t.d. að hafa bún-
ingsherbergi þar sem eru 30
stólar og 30 snagar og þar
verður að vera vatn og djús
við stofuhita. Þeir verða að
fá þrjár hollar máltíðir á dag
og verða að fá algera hvíld
milli 15 og 17 og svona mætti
lengi telja.“
Þá eru gerðar töluverðar
kröfur um aðbúnað drengj-
anna og fararstjóra þeirra og
til dæmis er það gert að skil-
yrði að þeir gisti á fyrsta
flokks hóteli, drengirnir tveir
og tveir í herbergi en far-
arstjórarnir í sérherbergjum.
Lilja segir þessar kröfur
skiljanlegar þegar tekið er
mið af því að þeir búi nánast
í ferðatöskum alla sína æsku.
Miðasala hefst með haust-
inu en tónleikarnir í Garða-
bæ verða þann 11. og 12.
október í nýjum sal Fjöl-
brautaskólans í Garðabæ
sem mun taka um 600 manns
þegar hann verður tilbúinn.
En óttast menn ekkert að
aðsóknin verði mun meiri en
salurinn rúmar? „Það er
aldrei neitt skemmtilegra en
þegar húsið er of lítið fyrir
menninguna,“ segir Lilja að
lokum.
Tvennir tónleikar Vínardrengjakórsins hér á landi í haust liður í afmælishaldi Garðabæjar
Tíu síður af reglum
fylgja drengjunum
Garðabær
LEIKSKÓLAR Reykjavíkur
brýna fyrir starfsmönnum
allra leikskóla í höfuðborginni
að hreinsa burt nálar og
sprautur úr leikskólagörðum
áður en börnum er hleypt út í
leik enda hafi orðið vart við
slíkt á leikskólum víða í borg-
inni. Starfsmenn á leikskólan-
um Austurborg finna færri
sprautur eftir að lyfjaverslun í
nágrenninu hætti að hafa opið
á næturnar en nokkuð kvað að
slíku áður.
Bergur Felixson, fram-
kvæmdastjóri Leikskóla
Reykjavíkur, segist vita til
þess að leikskólakennarar á
Austurborg hafi kvartað und-
an nálum og sprautum í um-
hverfi skólans og segir þetta
hið hvimleiðasta mál. Hann
segir þetta þó ekkert eins-
dæmi því það hafi orðið vart
við slíkt á leikskólum í nánast
öllum hverfum bæjarins. „Við
höfum brýnt fyrir okkar fólki
á öllum okkar leikskólum að
starfsmenn fari út og hreinsi
til, sérstaklega eftir helgar en
margir gera það á hverjum
einasta morgni.
Síðan höfum við látið lög-
reglu vita en hún er vanbúin til
að gæta að þessu. Ef það kveð-
ur mjög rammt að þessu og
leikskólasvæðin verða að sam-
komustað unglinganna í
hverfinu þá höfum við líka lát-
ið öryggisvakt hjá Securitas
fara sérstakar ferðir á þessa
staði.“
Þá nefnir Bergur að í einum
leikskólanna hafi verið sett
upp öryggismyndavél til að
hafa eftirlit með svæðinu en
það komi ekki síður til vegna
þess að mikið hefur verið um
skemmdarverk í þeim skóla.
Hann segir að aldrei hafi
komið upp dæmi þar sem börn
hafi skaðað sig eða veikst
vegna sprautunála á leikskóla-
svæði. „Það hafa aðeins einu
sinni komið upp veikindi barns
sem rekja mátti, samkvæmt
upplýsingum lækna, til ein-
hverrar óþverrapillu. Þá var
það spurning um hvort barnið
hefði fundið þetta í leikskóla-
garðinum eða einhvers staðar
annars staðar en það sannað-
ist ekki neitt í þeim efnum.“
Eftir að apótekið Lyf &
heilsa, sem er til húsa í Aust-
urveri, hætti að hafa opið á
næturnar verða starfsmenn á
Austurborg minna varir við
sprautur og nálar á leikskóla-
lóð og í nágrenni leikskólans
en áður.
Að sögn Öllu Dóru Smith
aðstoðarleikskólastjóra gerð-
ist það af og til að starfsmenn
skólans rákust á nálar og
sprautur í nánasta umhverfi
skólans og af þeim sökum hef-
ur það verið gert að vana að
fara rækilega yfir leikskóla-
lóðina á morgnana áður en
börnunum er hleypt út í leik.
Hins vegar hefur ekki fundist
nál á leikskólalóðinni síðan í
haust og þeim hefur fækkað
mjög í nánasta umhverfi skól-
ans.
„Það virðist vera mun
minna um þetta núna og við
tengjum það við að næturopn-
un í apótekinu var hætt,“ segir
Alla Dóra.
Koma á öðrum tíma
Bergur segist ekki áður
hafa heyrt slíkan nálafund
tengdan við opnunartíma
lyfjaverslana. „Ég hef heyrt
þetta frekar í tengslum við
ákveðin samkomusvæði og þá
reynum við að brjóta þetta
upp með Securitasvörslu því
það er eins og löggæslan hafi
ekki nægan mannafla til að
hjálpa okkur mikið þarna.“
Lyf & heilsa í Austurveri
var um skeið eina apótekið á
höfðuborgarsvæðinu sem
hafði opið allan sólarhringinn
en um síðustu áramót var því
hætt og er nú aðeins opið til
klukkan 2 á næturnar. Guð-
mundur Örn Guðmundsson
apótekari þar segir að starfs-
fólk sitt hafi orðið vart við að
mikið var sóst eftir sprautum
og nálum á næturnar þegar
næturopnunin var enn við lýði.
„Þetta var mikið selt hérna.
Hins vegar hefur engin breyt-
ing orðið á þessu því fólk kem-
ur bara á öðrum tíma.“
Hann bendir á að ekki sé
um óvenjulega mikla sölu á
þessum varningi að ræða hjá
honum því sömu sögu sé að
segja af öðrum lyfjaverslun-
um, enda séu fleiri apótek opin
til klukkan 24 á kvöldin.
Sprautunálar finnast í nágrenni leikskóla í flestum hverfum borgarinnar
Starfsmenn leikskóla hvattir
til að hreinsa til í görðunum
Reykjavík
FYRIRHUGAÐ er að
stofna hlutafélag um
rekstur hótelskips á
hafnarsvæðinu í Arnar-
nesvogi í Garðabæ, þar
sem áður var athafna-
svæði Stálvíkur. Farið
hefur verið fram á við-
ræður við hafnarstjórn-
ina í bænum um leigu á
leguplássi fyrir skipið
vegna þessa.
Bjarni Magnússon
sem vinnur að því að
koma hótelinu upp segir
hugmyndina vera þá að
skipið liggi við bryggju
allan ársins hring. „Ég
held að þetta myndi fara
vel þarna enda er þetta
miðsvæðis en þó aðeins
út úr þannig að þetta er
ekki í skarkala miðborg-
arinnar. Mér finnst stað-
urinn að mörgu leyti
henta vel, til dæmis eru
Bessastaðir þarna í bak-
sýn. Auðvitað þarf að
snyrta svæðið í kring að-
eins til og kannski breyta
áætlun strætisvagna
þannig að þeir stoppuðu
þarna við.“
Hann segir hugmynd-
irnar ekki komnar mjög
langt á veg en þó sé hann
með þýskt skip í sigti
sem sé töluvert stórt og
er með um 150 herbergi.
Gangi allt eftir vonast
hann til að hótelskipið
verði að veruleika strax
næsta sumar. „Helst
hefði ég viljað drífa í
þessu því ég held það
komi til með að vanta
gistirými í sumar. Það er
til dæmis mikið um leigu-
flug hingað til lands og
væntanlega og vonandi
verður aukning í því.“
Hann segir kostnað
við það að koma skipinu
upp vera töluverðan en
þó hafi hann trú á því að
rekstur þess muni ganga
upp. „Erlendis hafa slík
hótelskip gengið mjög
vel og þetta er mjög víða
í Evrópu, til dæmis í
Stokkhólmi en þangað
fór ég nýlega til að kynna
mér þetta þar.“
Hótel-
skip við
höfnina í
Garðabæ?
Arnarnesvogur
HRAFN er búinn að verpa
efst í sementsturninum á Ár-
túnshöfða. Hreiðrið er aust-
an megin á turninum, og hef-
ur verið þar æði lengi, eða í
rúmlega 15 ár, að sögn Ein-
ars Þorleifssonar nátt-
úrufræðings. „Hrafnar urpu
áður í klettunum utan í höfð-
anum, en þegar vegurinn var
færður aðeins nær klett-
unum en verið hafði fluttu
þeir sig upp í sementsturn-
inn. Það er næstum því ár-
visst að hrafnar verpi þarna.
Ég kom að turninum 4. apríl
síðastliðinn, og þá var hrafn-
inn lagstur á nokkrum dög-
um áður, var mér sagt af
manni sem þekkti til
fuglanna. Ég hef ekki frétt af
neinu öðru hrafnshreiðri,
sem er orpið í núna, en ég
veit reyndar ekki hvort það
hafi verið athugað sér-
staklega,“ sagði Einar.
Íslenski hrafninn er ein-
dreginn staðfugl. Einkvæni
ríkir og tryggð er haldið við
maka ævilangt. Aðalvarptím-
inn hér á landi er í apríl, en
getur þó verið bæði fyrr og
síðar. Hreiðrið nefnist
dyngja, bálkur eða laupur og
er byggt úr sprekum, lyngi,
beinum og þara og stundum
er gaddavír bætt í; síðan er
fóðrað með ull, grasi eða
mosa. Þetta getur orðið mikil
smíð, náð allt að 150 cm að
hæð og verið 150 cm í þver-
mál.
Hreiðrið er oftast á stöðum
þar sem erfitt er að komast
að, yfirleitt á klettasyllum,
en víða erlendis eru tré vin-
sæl hreiðurstæði.
Íslenski hrafninn er á ein-
um af svokölluðum válistum
Náttúrufræðistofnunar Ís-
lands, en það eru skrár yfir
þær tegundir íslenskra fugla,
dýra og plantna sem eiga
undir högg að sækja hér á
landi, eru í útrýmingarhættu
eða hefur verið útrýmt.
Á þeim lista sem hefur með
fugla að gera er hrafninn
sagður í yfirvofandi hættu; á
síðustu 10 árum hefur orðið
meira en 20% fækkun í stofn-
inum á norðausturlandi en er
ókannað annarsstaðar.
Hrafn er orpinn í laupinn í
sementsturninum á Ártúnshöfða
Næstum árvisst
síðastliðin 15 ár
Morgunblaðið/Ómar
Hrafnarnir virðast ánægðir með hreiðurstæðið í sementsturninum á Ártúnshöfða, enda er
hann nánast sem ókleifur klettaveggur.
Ártúnshöfði