Morgunblaðið - 11.04.2001, Síða 21

VIÐSKIPTI
MORGUNBLAÐIÐ MIÐVIKUDAGUR 11. APRÍL 2001 21
UTANRÍKISRÁÐHERRA hefur
falið einkavæðingarnefnd ríkis-
stjórnarinnar að annast sölu á 20%
hlut af heildarhlutafé í Íslenskum að-
alverktökum hf. en ríkið á nú 39,85%
hlut í félaginu. Áhersla er lögð á að
5–7% hlutur verði seldur í dreifðri
sölu til almennings og 13–15% hlut-
ur, ásamt því sem ekki selst til al-
mennings, í tilboðssölu. Gert er ráð
fyrir að einkavæðingarnefnd taki er-
indi þetta til umfjöllunar strax eftir
páska og að sala geti hafist fyrri
hluta sumars. Þetta kom fram í ræðu
Jóns Sveinssonar, stjórnarformanns
Íslenskra aðalverktaka hf., á aðal-
fundi félagsins í gær.
Ein tillaga kom fram á aðalfund-
inum um fimm menn í aðalstjórn og
var hún samþykkt samhljóða. Tveir
viku úr stjórninni, Sveinn R. Eyjólfs-
son varaformaður og Bjarni Thors. Í
þeirra stað voru kjörnir Jón Ólafsson
Friðgeirsson, stjórnarformaður
Norðurljósa, og Vilberg Vilbergsson,
sem var áður í varastjórn félagsins. Í
aðalstjórn voru endurkjörnir Jón
Sveinsson, Árni Grétar Finnsson og
Tryggvi Þór Haraldsson. Í var-
astjórn voru kjörnir Bjarni Thors og
Sigurjón Sigurjónsson, sem var áður
í varastjórninni.
Bæði meginskilyrði fyrir
áframhaldandi sölu uppfyllt
Jón Sveinsson sagði að af hálfu ís-
lenska ríkisins hafi lengi staðið til að
selja sinn hlut í fyrirtækinu, enda sé
fyrirtækið á almennum samkeppnis-
markaði og því ekki rök fyrir því að
ríkið taki þátt í rekstri sem margir
aðrir aðilar geti jafnframt sinnt til
frambúðar. Af hálfu ríkisins hafi ver-
ið talið rétt að áfangaskipta sölunni
og ljúka henni ekki fyrr en búið væri
að gera fyrirtækið að samkeppnis-
hæfu alhliða verktakafyrirtæki og
koma því fyrir á innlendum hluta-
bréfamarkaði. Verkefni félagsins séu
nú að stærri hluta utan varnarsvæða,
sem ekki hafi verið í upphafi. Ís-
lenskir aðalverktakar væru nú á að-
allista Verðbréfaþings Íslands og því
megi segja að bæði meginskilyrðin,
sem sett hafi verið í upphafi af hálfu
ríkisins fyrir áframhaldandi sölu,
hafi nú verið uppfyllt.
Fram kom í máli Jóns að um sölu á
því sem eftir standi af hlut ríkisins,
19,85%, þegar 20% hlutur hefði verið
seldur, hafi ekki verið tekin ákvörð-
un um. Um sölu á þeim hlut hljóti að
ráðast nokkuð af hvernig takast
muni til við framangreinda sölu.
Ýmsar stórar sölur hlutabréfa séu í
undirbúningi, bæði í Símanum,
Landsbanka Íslands og Búnaðar-
banka Íslands. Gera megi ráð fyrir
því að samræming á ólíkum sölu-
áföngum þurfi að fara fram.
Góð verkefnastaða
Að sögn Jóns er verkefnastaða Ís-
lenskra aðalverktaka góð, þrátt fyrir
að verkefni innan varnarsvæða hafi
dregist saman. Sérstaklega sé félag-
ið í mikilli sókn á byggingarmarkaði
íbúða auk þess sem það vinnur að
stórum verkefnum bæði á eigin veg-
um og á tilboðsmarkaði. Íbúðarbygg-
ingarsvæði félagsins í Mosfellsbæ, á
Álftanesi og við Sóltún og Mánatún í
Reykjavík, séu í hraðri uppbyggingu
og skipulagsvinna framtíðarsvæðis á
Blikastaðalandi sé á lokastigi. Einnig
hafi félagið fjárfest í og eigi ýmsar
lóðir og lönd til framtíðarþróunar og
uppbyggingar til margra ára.
Jón sagði að Íslenskir aðalverk-
takar væru eitt öflugasta verktaka-
fyrirtæki landsins. Íslenskir aðal-
verktakar, Ármannsfell, Álftárós,
Vélaleiga Sigurjóns Helgasonar,
Nesafl og ÍA-Ísafl væru nú orðin að
einu fyrirtæki. Félaginu hefði verið
umbylt á nokkrum árum með það að
markmiði að það yrði virkur þátttak-
andi á öllum sviðum byggingariðnað-
ar, hvort sem um væri að ræða íbúð-
arhúsnæði, atvinnuhúsnæði,
opinberar byggingar, hvers konar
mannvirkjagerð, jarðvinnu eða
gatnagerð.
Jón greindi frá því að stefnt væri
að því að fasteignafélagið Landsafl
hf., sem fram til desember 2000 var
að 80% í eigu Íslenskra aðalverktaka,
verði skráð á Verðbréfaþingi Ís-
lands. Eignarhaldsfélagið Alþýðu-
bankinn hf. eignaðist í desember síð-
astliðnum 25,5% hlut í Landsafli og
Landsbankinn-Fjárfesting jók á
sama tíma sinn hlut úr 20% í 25,5%.
Hlutur Íslenskra aðalverktaka í
félaginu er nú 49%. Verðmæti eigna
félagsins væri nú talið vera um 6
milljarðar króna.
Rekstur að mestu í
samræmi við áætlanir
Jón sagði að rekstur Íslenskra að-
alverktaka á árinu 2000 hafi að mestu
verið í samræmi við áætlanir. Af-
koma einstakra verka hafi þó verið
misgóð. Félagið hafi gert upp verk
sem ekki hafi staðið undir vænting-
um og megi þar nefna Náttúrufræði-
hús Háskóla Íslands og aðstöðu Bláa
lónsins, en tap hafi verið á báðum
þessum framkvæmdum. Þá hafi
óhagstæð þróun í gengis- og vaxta-
málum, einkum á síðari hluta ársins
2000, verið félaginu erfið, sem skili
sér í verulega óhagstæðari fjár-
magnsliðum ársreiknings.
Lækkun byggingarkostnaðar og
aukinn byggingarhraði
Stefán Friðfinnsson, forstjóri Ís-
lenskra aðalverktaka, gerði grein
fyrir ársreikningum félagsins fyrir
árið 2000. Hann sagði að stjórnendur
félagsins væru ánægðir með afkom-
una að teknu tilliti til aðstæðna. Þeir
vildu þó gera betur en hagnaður eftir
skatta nam 203 milljónum króna í
samanburði við 207 milljónir árið
1999.
Stefán sagði að Íslenskir aðalverk-
takar væru sterkt félag á íbúðamark-
aði og að félagið ætlaði að vera það
áfram. Allar mannfjöldaspár og ald-
urssamsetningarkannanir bentu til
að eftirspurn eftir íbúðarhúsnæði á
höfuðborgarsvæðinu yrði langt um-
fram það sem byggt hafi verið. Hann
sagði að þróun í íslenskum bygging-
ariðnaði hafi hins vegar verið allt of
hæg. Íslenskir aðalverktakar vildu
bæði vinna að lækkun byggingar-
kostnaðar og auknum byggingar-
hraða.
Ríkið stefnir að sölu á 20% af 40% hlut sínum í Íslenskum aðalverktökum fyrri hluta sumars
Tveir nýir í
aðalstjórn
Morgunblaðið/Ásdís
Jón Sveinsson, stjórnarformaður Íslenskra aðalverktaka hf., segir skil-
yrðin fyrir áframhaldandi sölu hlutabréfa ríkisins hafa verið uppfyllt.
GENGIÐ hefur verið frá bindandi
leigusamningum vegna rúmlega 80%
af verslunarrými í nýju verslunar-
miðstöðinni Smáralind í Kópavogi,
að sögn Þorvaldar Þorlákssonar,
markaðsstjóra fyrirtækisins. Hann
segir að önnur mál séu í vinnslu. Erf-
itt sé að tímasetja nákvæmlega hve-
nær búið verði að ganga frá leigu á
öllu húsnæðinu en mál séu í þeim far-
vegi sem áætlað hafi verið. Gert sé
ráð fyrir að í húsinu verði í kringum
80 verslanir, fjöldinn ráðist af stærð
þeirra, en þróunin sé sú að verslan-
irnar séu frekar í stærri kantinum,
til að mynda í samanburði við
Kringluna. Þorvaldur segir að versl-
unarrekendur hafi almennt tekið því
vel að einungis væri hægt að leigja
verslunarrými í húsinu þó vissulega
hafi komið inn aðilar sem hafi viljað
kaupa. Þetta sé form sem þekkist
víða um heim og menn hafi skilning á
því. Alltaf sé spurning í hverju menn
ætli að hafa sína fjármuni, í rekstr-
inum eða steinsteypu.
Verslunarmiðstöðin Smáralind
verður formlega opnuð 10. október
næstkomandi og segir Þorvaldur að
allar framkvæmdir gangi samkvæmt
áætlun. Allt sé því í þeim farvegi sem
að hafi verið stefnt.
Verslunarmiðstöðin Smáralind
Rúmlega 80%
komin í útleigu