Morgunblaðið - 03.06.2001, Blaðsíða 4

FRÉTTIR
4 SUNNUDAGUR 3. JÚNÍ 2001 MORGUNBLAÐIÐ
FJÁRMÁLARÁÐHERRAR Norð-
urlanda telja stöðu efnahagsmála á
Norðurlöndum áfram trausta þrátt
fyrir að útlit sé fyrir hægari hag-
vöxt í helstu iðnríkjum á næstunni.
Þetta kom fram á fundi ráð-
herranna í Helsinki á föstudag.
Ráðherrarnir töldu nauðsynlegt að
hafa hemil á kostnaðarþróuninni
og að áfram verði fylgt aðhalds-
samri stefnu í ríkisfjármálum.
Búist er við að heldur dragi úr
hagvexti á Norðurlöndunum á
næstunni, en á þessu ári er reikn-
að með að hagvöxtur verði að með-
altali tæp 3% á Norðurlöndunum
og 2,5% á næsta ári. Á öllum
Norðurlöndunum er gert ráð fyrir
verulegum afgangi á fjárlögum á
þessu ári og því næsta, sem gefur
færi á að lækka skuldir hins op-
inbera enn frekar á næstu árum.
Geir H. Haarde, fjármálaráð-
herra, benti á að töluverðar breyt-
ingar hefðu orðið á sviði efnahags-
mála á Íslandi að undanförnu. Þar
bæri hæst breyttar áherslur í
stjórn peningamála sem ótvírætt
myndu styrkja stöðu efnahagsmála
þegar fram í sækir. Þá hefði ríkis-
stjórnin ákveðið sölu á Landssím-
anum, Landsbanka og Búnaðar-
banka og að horfur væru á því að
hafist yrði handa um frekari upp-
byggingu álvera hér á landi.
Ráðherrarnir fjölluðu einnig um
ýmis skattamál og staðfestu sam-
komulag milli Norðurlandanna um
gagnkvæm upplýsingaskipti og
aukið samráð á því sviði. Enn-
fremur var á fundinum rætt um
ýmis málefni á vettvangi Evrópu-
sambandsins, meðal annars með
tilliti til fyrirhugaðs leiðtogafundar
í Gautaborg síðar í þessum mán-
uði.
Afmælisfundur Norræna
fjárfestingarbankans
Samhliða fundi fjármálaráðherra
Norðurlanda var haldinn ársfund-
ur Norræna fjárfestingarbankans
sem jafnframt var afmælisfundur
bankans í tilefni þess að aldar-
fjórðungur er nú liðinn frá stofnun
hans. Í ávarpi sínu gerði Geir H.
Haarde að umtalsefni þær miklu
breytingar sem orðið hefðu á al-
þjóðafjármagnsmarkaði frá því að
bankinn var stofnaður. Það hefði
kallað á stöðuga endurskoðun á
starfsemi bankans sem væri í senn
til marks um styrk norræns sam-
starfs og þann sveigjanleika sem
væri nauðsynlegur við ríkjandi að-
stæður. Nú væri til dæmis mun
meiri áhersla lögð á starfsemi
bankans í Eystrasaltsríkjunum og
öðrum ríkjum Austur- og Mið-Evr-
ópu en áður og framlag Norður-
landanna til uppbyggingar efna-
hagslífs þessara ríkja væri bæði
mikilvægt og mikils metið, þrátt
fyrir að Norðurlöndin teldust ekki
til stórvelda á þessum markaði.
Fundur fjármálaráðherra Norðurlanda og ársfundur Norræna fjárfestingarbankans í Helsinki
Þróun efnahagsmála á
Norðurlöndum áfram
fremur hagstæð
UNNIÐ er að undirbúningi og upp-
setningu vinnupalla við Háteigs-
kirkju vegna umfangsmikilla við-
gerða á turnum kirkjunnar. Að sögn
Flosa Ólafssonar, múrarameistara
hjá Verkfræðistofunni Línuhönnun
og umsjónarmanni verksins, er ver-
ið að endursteypa súlurnar undir
turnunum vegna frostskemmda.
„Það er svona eins og gengur, “
segir Flosi og bætir við að það þætti
nú kannski ekki ósanngjarnt eftir
40 ár. „En þetta er þó nokkuð mikil
aðgerð og erfið framkvæmd. Það er
ekki hægt að steypa nema fáar súl-
ur í einu því ekki getum við treyst
því að almættið haldi í turnana á
meðan við endurnýjum undirstöð-
urnar.“ Flosi segir að framkvæmdir
hefjist á þriðjudag en stefnt sé að
því að verkinu ljúki 15. ágúst.
Ljósmynd/Tómas Tómasson
Gert við Háteigskirkju
VEIÐI í Mývatni hefur verið í lægð
undanfarin ár og að sögn Guðna
Guðbergssonar, fiskifræðings hjá
Veiðimálastofnun, er allt útlit fyrir
að svo verði einnig í sumar. Guðni
segir að menn séu nýfarnir að
leggja net sín í Mývatni í sumar-
veiði og að fyrstu veiðitalna sé að
vænta fljótlega.
„Ég vissi bara að veiði var léleg í
vetur og í fyrra og útkoman úr
rannsóknarveiðunum sem ég gerði í
fyrra var döpur. Samkvæmt þeim
mælingum voru horfurnar fyrir
sumarið ekki mjög bjartar,“ segir
Guðni og bætir við að tvær dýfur
hafi átt sér stað í Mývatni frá árinu
1986, önnur 1988 og hrun árið 1997
sem stofninn hefur ekki enn náð sér
eftir.
„Kísilvinnslan hefur
ekki fjarvistarsönnun“
Guðni segir að í lífríki Mývatns
séu þekktar sveiflur sem útskýri
þessa lægð. „Það verður átubrestur
og hafi silungurinn ekki nóg í sig
um sumartímann verður fellir yfir
þann tíma, hann brennur hreinlega
upp.“
Guðni segir að menn viti ekki
hvað kemur þessum átubresti af
stað en sjónir hafi beinst að botn-
inum og setinu. Spurður um áhrif
kísilvinnslunnar á þessar sveiflur
segir hann erfitt að fullyrða nokkuð.
„Það er ljóst að kísilvinnslan hefur
ekki fjarvistarsönnun og er búin að
vera þarna um býsna langan aldur.
Vandræðin eru þau að ekki eru til
rannóknir fyrir þann tíma, viðmiðun
áður en vinnsla hófst er ekki til,
þannig að menn hafa ekki beinar
upplýsingar um hvort eitthvað hafi
verið öðruvísi þá.“
Guðni segir það yfirleitt þannig
að röskun af mannavöldum hafi
áhrif á lífríkið. Það sé því vel hugs-
anlegt að um tengsl sé að ræða þótt
hann viti ekki hver þau eru.
„Reyndar er ákveðin gáta sem við
höfum ekki svör við, en veiðin í
vatninu hefur verið að sveiflast um
lægra meðaltal og hefur verið að
minnka síðastliðin 30 ár,“ segir
Guðni.
Slælega horfir
fyrir sumar-
veiði í Mývatni
JÓN Kristjánsson, heilbrigðis- og
tryggingamálaráðherra, hefur skip-
að þriggja manna nefnd til að fara yf-
ir og leggja fram tillögur um stað-
setningu og hvernig standa beri að
uppbyggingu Landspítala – háskóla-
sjúkrahúss.
Í starfsnefndinni eiga sæti þau
Ingibjörg Pálmadóttir, fv. heilbrigð-
isráðherra, og er hún formaður,
Magnús Pétursson, forstjóri Land-
spítala – háskólasjúkrahúss og Páll
Skúlason, rektor Háskóla Íslands.
Starfsnefndinni er gert að skila heil-
brigðis- og tryggingamálaráðherra
greinargerð sinni fyrir lok nóvember
2001.
Ritarar starfsnefndarinnar eru
Ragnheiður Haraldsdóttir, skrif-
stofustjóri í heilbrigðis- og trygg-
ingamálaráðuneytinu, og Ingólfur
Þórisson, framkvæmdastjóri.
Framtíðaruppbygging
Landspítalans undirbúin
ÍSLENSKIR framleiðendur sýn-
ingarinnar Litla hryllingsbúðin, sem
sett var upp í Chat Noir-leikhúsinu í
Ósló í febrúar, hafa höfðað mál gegn
rekstraraðilum leikhússins, ABC
Teaterdrift, vegna brots á samningi
þar sem rekstraraðilar hússins eru
sakaðir um að hafa ekki skilað allri
innkomu sýningarinnar til framleið-
enda. Sýningin var sett upp um
miðjan febrúar og hlaut góðar við-
tökur á frumsýningu en áhorfendur
létu sig hins vegar vanta í kjölfarið.
Nokkurt tap varð því á sýningunni
og m.a. hafa laun leikara ekki ennþá
verið greidd að fullu.
Baltasar Kormákur stóð að sýn-
ingunni og segir hana alls ekki hafa
gengið vel, en þar að auki hafi síðan
komið í ljós þegar uppgjörstölur
voru skoðaðar að tölur yfir fjölda
sýningargesta og innkomu stóðust
ekki. Þá hafi einnig komið í ljós að
leikhúsið lagði allar debetgreiðslur
inn á eigin reikning, sem þeim var
ekki heimilt að gera samkvæmt
samningi. Þá segir Baltasar að í ljós
hafi komið að leikhúsið hafi hand-
skrifað út miða, sem væri stórmál
gagnvart skattayfirvöldum í Noregi.
Baltasar segir framleiðendur hafa
staðið við allar fjárskuldbindingar
fram að þeim tíma að uppvíst varð
um samningsbrot rekstraraðila leik-
hússins. Þá hafi verið tekin ákvörð-
un um að frysta allar greiðslur þar
til búið væri að leysa málið.
„Auðvitað er það mjög leiðinlegt
gagnvart leikurunum en þeir geta
ekki ætlast til að við borgum enda-
laust út á meðan við fáum ekki pen-
ingana sem við eigum. Þetta eru um
6 milljónir í launaskuldir en þeir
halda eftir þarna a.m.k. helmingn-
um af þeirri upphæð.“
Í frétt norska blaðsins Dagens
Næringsliv segir Knud Dahl, sem
sér um daglegan rekstur leikhúss-
ins, að engir samningar hafi verið
brotnir og leikhúsið haldi engum
peningum eftir sem ekki tilheyri
því. Hann segir þetta erfiðan rekst-
ur þar sem áhættan sé mikil, upp-
setningin hafi gengið illa og fram-
leiðendur verði að axla ábyrgðina á
því.
Deilur vegna upp-
gjörs Hryllings-
búðarinnar í Ósló
REKSTUR sýkla- og veirudeilda
Landspítalans í Fossvogi hefur verið
sameinaður rekstri sýkla- og veiru-
fræðideilda Rannsóknastofnunar
Landspítala – háskólasjúkrahúss, en
reksturinn í Fossvogi var á ábyrgð
smitsjúkdómadeildar sjúkrahússins
þar. Sýkladeild verður áfram rekin
með óbreyttu sniði í Fossvogi og
verða notendur ekki varir við breyt-
ingar fyrst um sinn.
Unnið er að því í samvinnu við
upplýsingatæknisvið spítalans að
taka upp samtengt tölvukerfi fyrir
sameinaða sýklafræðideild, þannig
að hægt verði að hringja í eitt síma-
númer og fá þar svör, án tillits til
þess hvar sýni eru rannsökuð, sem
hefur hagræði í för með sér fyrir not-
endur þjónustunnar. Prófessor Karl
G. Kristinsson, yfirlæknir, mun veita
þeim hluta sýkladeildar sem starf-
ræktur verður í Fossvogi forstöðu,
líkt og öðrum sýklarannsóknastofum
sem reknar eru á vegum Rannsókna-
deildar LSH.
Veirudeild hefur verið lögð niður í
Fossvogi og veirugreiningar, sem
áður fóru fram þar, verða nú gerðar
á veirufræðideild Rannsóknastofn-
unar Landspítalans að Ármúla 1a.
Arthur Löve, yfirlæknir og dósent í
veirufræðum, veitir veirurannsókna-
stöðinni í Ármúla forstöðu.
Sýkla- og veirudeildir
LSH sameinaðar
TILRAUN var gerð til vopnaðs
ráns í söluturninum Spesíunni í
Garðabæ um tíuleytið í fyrra-
kvöld. Grímuklæddur maður
kom inn í söluturninn og ógnaði
starfsfólki með hnífi, en að sögn
lögreglunnar í Hafnarfirði er
ekki vitað hvers vegna maður-
inn hætti við. Hans er nú leitað
af lögreglunni.
Þá var ölvun einnig nokkuð
áberandi í Hafnarfirði og voru
nokkrir færðir í fangageymslur
um tíma og töluverður erill var
hjá lögreglunni í Reykjavík í
fyrrinótt vegna ölvunar. Alls
gistu sextán manns í fanga-
geymslum í fyrrinótt, flestir
vegna ölvunar á almannafæri
og pústra.
Skemmdarverk voru unnin í
Hafnarfirði þegar átján rúður
voru brotnar í Rafha-húsinu við
Lækjargötu seint í fyrrakvöld.
Lögregla hafði hendur í hári
tveggja drengja sem játuðu á
sig skemmdarverkin og telst
málið upplýst.
Tilraun
til vopn-
aðs ráns
Erill hjá
lögreglunni