Morgunblaðið - 03.06.2001, Síða 49

BRÉF TIL BLAÐSINS
MORGUNBLAÐIÐ SUNNUDAGUR 3. JÚNÍ 2001 49
FRÁ HÁSKÓLA ÍSLANDS
SKRÁSETNING NÝRRA STÚDENTA
misseri takmarkaður (fjöldi í
sviga): læknisfræði (40),
hjúkrunarfræði (65),
sjúkraþjálfun (18) og
tannlæknadeild (6).
Við nýskrásetningu skrá
stúdentar sig jafnframt í
námskeið á komandi
haust- og vormisseri.
Umsóknum um skrásetningu
skal fylgja:
• Ljósrit eða staðfest eftirrit af
stúdentsprófsskírteini. (Ath! Öllu
skírteininu. Athugið að hægt er
að forskrá sig áður en til
útskriftar úr framhaldsskóla
kemur í vor, enda verði staðfest
ljósrit af öllu stúdentsprófs-
skírteininu lagt fram um leið og
það liggur fyrir).
• Skrásetningargjald kr. 25.000.
• Ljósmynd af umsækjanda
(í umslagi merktu nafni og
kennitölu).
Ekki er tekið á móti beiðnum
um nýskrásetningu eftir að
auglýstu skrásetningartímabili
lýkur 6. júní nk. Athugið einnig
að skrásetningargjaldið er ekki
endurkræft eftir 20. ágúst 2001.
Skrásetning er þegar hafin.
Mætið tímanlega til að forðast
örtröð.
umsóknareyðublaða í
anddyri Aðalbyggingar.
• Áhugasviðskönnun Strong
fyrir nýnema.
Áhugasviðskönnunin fer fram í
stofu IX í Aðalbyggingu frá kl.
10 til 15. Þeir sem forskrá sig
og vilja taka áhugasviðspróf
hafi beint samband við
Námsráðgjöf HÍ í síma
525-4315 frá kl. 13 til 14
mánudaga til fimmtudaga.
Greiða þarf 3.500 krónur fyrir
áhugasviðskönnunina (ekki er
tekið við greiðslu með debet-
eða kreditkorti).
• Stutta kynningarfundi
kl. 10:00 og 13:30 um hagnýt
atriði fyrir nýnema og upplýs-
ingar um námsleiðir í stofu II í
Aðalbyggingu.
Stúdentspróf er
inntökuskilyrði í allar deildir
Háskólans, en athugið þó
eftirfarandi:
Þeir sem hyggjast skrá sig til
náms í raunvísindadeild (allar
greinar nema landafræði) skulu
hafa stúdentspróf af
náttúrufræðibraut.
Í eftirtöldum greinum eru
samkeppnispróf við lok
haustmisseris í desember og
fjöldi þeirra sem öðlast rétt til
að halda áfram námi á síðara
Skrásetning nýrra stúdenta
til náms í Háskóla Íslands
háskólaárið 2001-2002 fer fram
í Nemendaskrá í Aðalbyggingu
Háskólans og lýkur 6. júní
2001. Umsóknareyðublöð fást í
Nemendaskrá sem opin er kl.
10 til 16 virka daga, einnig er
unnt að fá umsóknareyðublöð í
öllum framhaldsskólum
landsins.
Í Háskóla Íslands eru ellefu
deildir sem hver um sig býður
upp á nám til fyrstu
háskólagráðu og framhaldsnám.
Samtals eru 57 námsleiðir til
fyrstu háskólagráðu
(BA/BS/kandídatspróf),
starfstengt viðbótarnám (eitt ár)
eftir fyrstu háskólagráðu er í 19
greinum og 74 námsleiðir eru til
meistaraprófs sem margar geta
einnig leitt til doktorsprófs. Auk
þess er boðið upp á stutt
hagnýtt nám í nokkrum
greinum. Nánari upplýsingar um
nám við Háskóla Íslands er að
finna á heimasíðu Háskólans,
www.hi.is
Námsráðgjöf Háskóla
Íslands býður upp á
eftirfarandi þjónustu dagana 22.
maí til 6. júní frá kl. 9 til 16:
• Aðstoð við útfyllingu
Einkavæðing –
samkeppni –
neytendur
STUNDUM finnst manni að þegar
talað er um einkavæðingu finnist
sumum það vera eins konar skamm-
aryrði, það er að segja hjá stjórnar-
andstöðuflokkunum sem beinlínis
hafa ríkisrekstur á stefnuskrá sinni.
Þessir flokkar fylgjast ekki með þró-
uninni og láta sem Ísland geti dagað
uppi sem náttröll meðal vestrænna
þjóða.
Svo lengi sem eðlileg og heilbrigð
samkeppni ríkir með fyrirtækjum og
stofnunum hlýtur sú stefna Sjálfstæð-
isflokksins, að ríkið eigi ekki að vera
að vasast í rekstri fyrirtækja og stofn-
ana, að vera rétt. Jafnvel í mennta- og
heilbrigðismálum getur einkavæðing
og samkeppni gengið að hluta. Einka-
væðing á sem flestum sviðum er
stundum forsenda fyrir betri lífskjör-
um og þar með betri starfsanda en hjá
steinrunnum ríkisbáknum.
Síðustu tíu árin hefur stjórnarfar
tekið svo örum breytingum að vafalít-
ið eru þetta mestu byltingarár Ís-
landssögunnar. Það er engin tilviljun
að Sjálfstæðisflokkurinn með Davíð
Oddsson sem formann hefur stýrt
þjóðarskútunni þessi ár. Stjórnmála-
menn sem Davíð Oddsson fæðast ekki
margir á öld; áræðinn, heilsteyptur
og heiðarlegur, sem þjóðin lítur með
stolti upp til. Góðærið er ekkert nátt-
úrulögmál. Það er fyrst og fremst að
þakka afburðastjórnvisku ríkisstjórn-
ar sem ekki hefur glutrað niður þeim
tækifærum sem stöðugleikinn títt-
nefndi, sem komst á með samningum
verkalýðsfélaga og ríkisstjórnar,
bauð upp á. Það er enginn vandi að
glutra niður góðum tækifærum með
því að lofa öllum öllu fyrir stundarvin-
sældir.
Stundarvinsældir eru slæmur föru-
nautur stjórnmálamanns, hann verð-
ur aldrei langlífur á þingi. Ríkis-
stjórnir Davíðs Oddssonar hafa notið
góðra tækifæra og kunnað að nýta sér
þau. Við eigum gjöful fiskimið sem
gefa af sér 40–50% þjóðarteknanna ef
þau eru skynsamlega nýtt. Þjóðin
getur aldrei ljáð máls á því að láta ris-
ann í Evrópu, ESB, ráða yfir sér og
skammta okkur sem öðrum þjóðum af
okkar auðlind.
Stjórnarandstaðan sér fjandann í
hverju horni og er þá ekki lengi að
blása það upp sem þjóðargjaldþrot sé
fram undan. Þá er ekki ónýtt að hafa
sterka stjórn sem blæs á allan bölmóð
og drífur kjark í þjóðina. Það er svo
annað mál að þjóðin hefur nú um
stund lifað um efni fram, enda ekki að
furða þótt hún kunni sér ekki hóf eftir
áratuga kyrrstöðu og stjórnleysi fyrri
ára. Þegar fólk fær allt í einu svona
lífsskilyrði eftir slíkt þarf það að end-
urnýja bílana sína og breyta um hús-
næði. Þegar bjartsýni ríkir á öllum
sviðum er oft erfitt að gæta hófs. En
til að rugga ekki um of þjóðarskút-
unni þegar vel árar er um að gera að
nema staðar og minnka um sinn út-
streymi á gjaldeyri þjóðarinnar. Það
sannast nefnilega alltaf gamla mál-
tækið að það eyðist allt sem af er tek-
ið.
Sem betur fer er gróska á öllum
sviðum þjóðlífsins; nær ótakmarkaðir
möguleikar, bæði í fiskveiðum, iðnaði
og ferðamennsku, sem eru helstu
stoðir undir góðum efnahag þjóðar-
innar, og alls konar tækniþróun á ótal
sviðum í besta standi. Markaðir fyrir
vörur okkar erlendis virðast vera góð-
ir og á hægt sígandi uppleið svo ekki
þarf þjóðin að kvíða þess vegna. Stóru
verslunarkeðjurnar og fyrirtækin
sem hafa stækkað undanfarin ár með
samruna og hagræðingu bera mikla
ábyrgð gagnvart hinum almenna
neytanda. Þeir verða að njóta þessa
samruna og þeir sem ekki láta neyt-
endur njóta þessa lága verðs og þjón-
ustu sem ætti að koma við slíka hag-
ræðingu verða að gæta að sér.
Fyrirtæki sem fara ekki að settum
reglum um að framboð og eftirspurn
eigi að ráða á mörkuðum verða alltaf
að sjá að sér. Fyrst og síðast verða
þau að skilja að án neytenda er þeirra
fyrirtæki heldur lítils virði. Ef satt er
að jafnvel muni tugum prósenta hvað
verð á vörum í okkar helstu viðskipta-
löndum sé lægra en hér hvernig fær
það þá staðist, eins og stjórnarand-
staðan heldur fram, að laun séu þar
allt að 50% hærri? Þarna er einhver
maðkur í mysunni. Er kannski eitt-
hvað til í því að sumir haldi grasið
grænna hinum megin við lækinn? Við
skulum vona að við fáum að búa við
þetta stjórnarsamstarf sem nú ríkir
hér sem allra lengst.
KARL ORMSSON,
fv. deildarfulltrúi.
Frá Karli Ormssyni: