Morgunblaðið - 07.07.2001, Side 4

FRÉTTIR
4 LAUGARDAGUR 7. JÚLÍ 2001 MORGUNBLAÐIÐ
BAUGUR og Inditex, sem er eig-
andi tískuverslanakeðjunnar
ZARA, hafa undirritað samning um
að vinna saman að því að opna slíka
keðju á Íslandi. Fyrsta skrefið verð-
ur að opna verslun í nýju versl-
anamiðstöðinni Smáralind í vetur
og í versluninni, sem verður um
1.500 fermetrar, verður seldur
fatnaður á konur, karla og börn.
ZARA-verslunarkeðjan var
stofnuð árið 1975 með einni verslun
í borginni La Coruna á Spáni, en nú
eru reknar um 550 verslanir í um
30 löndum.
Jón Björnsson, framkvæmda-
stjóri sérvörusviðs Baugs, segir að
sérstaða ZÖRU-verslananna felist í
því hversu fljótt tekst til að koma
tískuvörum á markað um leið og
þær komast í tísku og það á hag-
stæðu verði. Eins nái verslunin til
breiðari aldurshóps en tísku-
vöruverslanir gera almennt.
Jón segir að verslunin í Smára-
lind verði sett uppog rekin á sama
hátt og aðrar ZARA-verslanir.
„Þessi búð mun eins og aðrar fá
nýjar vörur tvisvar í viku, en í
hverri viku eru framleiddar um
1.500 nýjar vörutegundir. Þeir
sjálfir greina þarfir markaðarins á
hverjum stað og mun verslunin hér
fá vörur samkvæmt því,“ segir Jón.
Hann segir það gjarnan sagt um
ZÖRU verslanirnar að komi við-
skiptavinur þangað inn og sjái eitt-
hvað sem honum líst á, verði hann
að kaupa það strax vilji hann ekki
missa af því alveg.
„Af því að þeir skipta fötum
svona ört út, eru þeir með lítið af
hverju, hverju sinni. Eins reyna
þeir að senda aldrei sömu vörurnar
tvisvar,“ segir Jón. Hann segir að
verðið í versluninni hér á landi
verði svipað og í verslunum annars
staðar í Evrópu.
ZARA-verslanir er að finna í að-
alhverfum og verslanamiðstöðvum
í borgum Evrópu, Bandaríkjanna,
Asíu og Mið-Austurlanda. Inditex-
samsteypan er meðal stærstu fram-
leiðenda tískufatnaðar í heimi með
veltu upp á 2.615 milljónir evra í
fyrra og hagnað upp á 262 milljónir
evra. Fyrirtækið rekur fimm versl-
anakeðjur (ZARA, Pull & Bear,
Massimo Dutti, Bershka og Stradi-
varius) og 1.100 verslanir í 33 lönd-
um. Starfsmenn félagsins eru um
það bil 24.000.
Zara-verslun
í Smáralind
TIL ágreinings kom milli fulltrúa Framsókn-
ar- og Sjálfstæðisflokks á fundi byggðaráðs
sveitarfélagsins Skagafjarðar í gær og endaði
með því að samstarfi flokkanna í sveitar-
stjórn Skagafjarðar var slitið. Á fundinum
átti meðal annars að taka afstöðu til nið-
urstöðu vinnuhóps um sameiningu veitufyr-
irtækja sveitarfélagsins, þar sem lögð var til
sameining veitnanna, í líkingu við það fyr-
irkomulag sem tíðkast hefur hjá öðrum sveit-
arfélögum.
Lagði Herdís Sæmundardóttir, oddviti
framsóknarmanna og formaður byggðaráðs,
fram tillögu um að fresta sameiningunni til 1.
nóvember næstkomandi og í framhaldi af því
að athugað yrði hvort ekki væri hagkvæmt að
selja Rafveitu Sauðárkróks.
Við umræður kom fram andstaða fulltrúa
sjálfstæðismanna en við atkvæðagreiðslu var
tillagan samþykkt með þremur atkvæðum
fulltrúa B-lista gegn tveimur atkvæðum full-
trúa D-lista sem lögðu fram bókun þar sem
fram kemur vilji til að sameina Rafveitu
Sauðárkróks og Hita- og vatnsveitu Skaga-
fjarðar í hlutafélag. Í framhaldi þessa lögðu
fulltrúar B-lista fram bókun þar sem fram
kemur að litið sé svo á að með því að greiða
atkvæði gegn tillögunni hafi sjálfstæðismenn
rofið samstarfið í sveitarstjórn Skagafjarðar.
Framsókn mun hefja viðræður við
Skagafjarðarlistann
Í samtali við Morgunblaðið vísaði Herdís
Sæmundardóttir, oddviti framsóknarmanna,
til bókunar sinnar og greinargerðar með til-
lögunni. Þar kemur fram að sem formaður
byggðaráðs telji hún mjög nauðsynlegt að
bregðast við afar erfiðri skuldastöðu sveit-
arfélagsins og bendir í því tilviki á að á fyrstu
sex mánuðum ársins hafi skuldir hækkað um
rúmar áttatíu milljónir vegna gengisbreyt-
inga og verðbólgu. Sagðist Herdís áður hafa
rætt þann möguleika að selja rafveituna en
talað fyrir daufum eyrum. Nú hafi tillögu
hennar verið hafnað, því telji hún forsendur
samstarfs brostnar og segist hún þegar munu
hefja viðræður við fulltrúa Skagafjarðarlist-
ans um nýjan meirihluta.
Gísli Gunnarsson, oddviti Sjálfstæðisflokks-
ins í sveitarstjórn, sagði að eitthvað í þessu
máli kæmi ekki heim og saman. Sveitarstjórn
hefði verið sammála um að fara þá leið að
sameina veitufyrirtækin og að það hefði einn-
ig verið samdóma álit þeirrar nefndar sem
sett var á stofn til að skoða þann mögu-
leikann. Hefðu allir fulltrúar í nefndinni, sem
voru frá öllum sem buðu fram til sveit-
arstjórnar, verið um þetta sammála.
Í gærkveldi hefði Herdís haft samband við
sig og sagt að hún myndi flytja um það til-
lögu að fresta sameiningunni og kanna sölu á
rafveitunni. Sagði Gísli að ekki hefði verið
unnt, á þessum tíma, að kalla meirihluta sam-
an til fundar um málið enda hefði komið fram
að meirihluti væri fyrir því í byggðaráði að
fara þessa leið. Sagði Gísli að sér þættu þessi
vinnubrögð afar óvenjuleg svo ekki væri
meira sagt, að slíta samstarfinu á nefnd-
arfundi en ekki á fullskipuðum fundi meiri-
hlutans.
Ágreiningur um veitufyrirtæki í bæjarráði Sveitarfélagsins Skagafjarðar
Samstarfi fram-
sóknar- og sjálf-
stæðismanna slitið
HÉRAÐSDÓMUR Vestfjarða
dæmdi í gær fyrrum fram-
kvæmdastjóra og stjórnarfor-
mann Vesturskipa ehf. í 30
milljóna króna sekt og 10 mán-
aða fangelsi, þar af 7 skilorðs-
bundið, fyrir annars vegar brot
á lögum um virðisaukaskatt og
hins vegar brot á lögum um
staðgreiðslu opinberra gjalda.
Samkvæmt ákæru efnahags-
brotadeildar ríkislögreglu-
stjóra stóð ákærði sýslumann-
inum á Patreksfirði ekki skil á
virðisaukaskatti sem inn-
heimtur var í nafni félagsins að
upphæð rúmar 434 þúsund
krónur. Þá var ákærði sakaður
um að hafa ekki staðið sýslu-
manni skil á staðgreiðslu opin-
berra gjalda sem haldið var eft-
ir af launum starfsmanna
Vesturskipa ehf. á árunum 1998
og 1999, samtals að fjárhæð
rúmar 11,5 milljónir króna.
Ákærði játaði sök og taldi
dómurinn sök hans nægilega
sannaða.
Ákærði var á tveggja ára
skilorði eftir fangelsisdóm sem
hann hlaut í Hæstarétti
snemma árs 1999 og rauf skil-
orðið með brotum sínum.
Erlingur Sigtryggson dóm-
stjóri kvað upp dóminn. Helgi
Magnús Gunnarsson, löglærð-
ur fulltrúi efnahagsbrotadeild-
ar ríkislögreglustjóra, sótti
málið. Verjandi ákærða var
Sigurður A. Þóroddsson hdl.
Dæmdur í
30 milljóna
sekt og
fangelsi
LEIKSKÓLASTJÓRUM í Reykja-
vík var veitt heimild frá 1. júlí sl. til að
umbuna hverjum starfsmanni með
allt að 12.500 króna gjöf eftir því sem
leikskólastjórinn ákveður.
Hallur Símonarson, fjármálastjóri
Leikskóla Reykjavíkur, segir að
þarna sé verið að ræða um starfs-
menn sem eru í 100% starfi og hafa
verið frá áramótum. Þeir hyggist vera
áfram í starfi og það liggi ekki fyrir að
starfsmaðurinn segi upp.
Leikskólastjórarnir eru 76 talsins
og segir hann að þetta hafi verið lagt í
þeirra hendur.
Hallur segir jafnframt að pen-
ingarnir verði teknir af þeirri
fjárheimild sem hver leikskólastjóri
fær í upphafi árs til að reka leikskól-
ann en ekki sé um aukafjárheimild að
ræða af hálfu Leikskóla Reykjavíkur.
„Svo verða leikskólastjórarnir að
meta hvort þeir hafi efni á þessu.“
Hallur segir að leikskólastjórarnir
ákveði sjálfir hvort þeir umbuni
starfsmönnum sínum með því að setja
peningana í ferðasjóð starfsmanna,
gefi þeim gjafabréf o.s.frv.
Aðspurður segir Hallur að þetta
komi í framhaldi af kjaramálum frá
árinu 1999.
„Árið 1999 var ekki búið að gera
kjarasamninga og ekki búið að skrifa
undir og ekkert sest að samninga-
borði. Launin voru mjög lág og það
viðurkenna allir að það þurfti að gera
bragarbót á því og þetta er einn liður í
því að lægja þessar óánægjuöldur
sem risu á þeim tíma. Þetta kemur í
beinu framhaldi af því.“
Leikskólastjórum
veitt heimild til að
umbuna starfsfólki
GOTT veður var á fjórðungsmóti
hestamanna á Kaldármelum í gær,
þurrt en skýjað, og um kvöldmatar-
leytið voru mótsgestir um 800. Dag-
skráin hefst í dag klukkan 10 með yf-
irlitssýningu kynbótahrossa. Hópreið
verður farin strax að loknu matarhléi.
Þá verða B-úrslit í tölti og úrslit í op-
inni gæðingakeppni stóðhesta. A-úr-
slit í tölti verða um klukkan 20 og
dansleikur um kvöldið á mótsstað.
Bruni frá Hafsteinsstöðum og Jak-
ob Sigurðsson náðu hæstu einkunn
allra í forkeppni gæðingakeppninnar í
gær. Hlutu þeir 8,62 í keppni B-flokks
gæðinga og tróna að sjálfsögðu á
toppnum þar.
Næstir þar eru Sólon frá Stykkis-
hólmi og Vignir Jónasson með 8,48 og
Kóla frá Laugabæ og Róbert Logi Jó-
hannsson eru í þrðja sæti með 8,36.
Næst koma með 8,35 Fannar frá
Akranesi og Lárus Á. Hannesson og
Dagrún frá Skjólbrekku og Olil
Amble. Í sjötta sæti er Geisa frá
Kirkjuskógi og Vignir Jónasson með
8,34 og Guðmar Þór Pétursson er
með hross í næstu tveimur sætum,
þau Hreim frá Hofsstöðum með 8,33
og Ögrun frá Útnyrðingsstöðum með
8,27. Þessi átta pör mæta í úrslit á
sunnudag.
Í A-flokki gæðinga standa efstir
Högni frá Gerði og Reynir Aðal-
steinsson með 8,39 en Sölvi frá Gísla-
bæ og Jón Gíslason fylgja fast á hæla
þeirra með 8,36. Í þriðja sæti koma
Einir frá Gullberstöðum og Þorvald-
ur Á. Þorvaldsson með 8,33, Tindur
frá Innri-Skeljabrekku og Jóhann
Þorsteinsson eru í fjórða sæti með
8,32 og Birna frá Ketilsstöðum og
Jakob Sigurðsson eru með 8,30 í
fimmta sæti og Reynir frá Skáney og
Haukur Bjarnason sjöttu með 8,29.
Í sjöunda sæti eru Kolskeggur frá
Ósi og Vignir Jónasson með 8,28 og
Hálfdán frá Vestri-Leirárgörðum og
Jón Gíslason áttundu með 8,26.
Efstur í ungmennaflokki var Jó-
hann K. Ragnarsson á Dögg frá
Kverná með 8,22, Ásdís Kjartansdótt-
ir kemur næst með 8,13 á Galsa frá
Dunki.
Af unglingum er efst Gróa B. Bald-
vinsdóttir á Yrpu frá Spágilsstöðum.
Sjöfn Sæmundsdóttir kemur næst á
Skjóna frá Selkoti með 8,21 og Guð-
mundur M. Skúlason er þriðji á
Snorra frá Borgarhóli með 8,20.
Í opinni gæðingakeppni stóðhesta
standa efstir Askur frá Kanastöðum
og Þórður Þorgeirsson með 8,56 en í
A-flokki eru efstir Ás frá Breiðholti
og Leifur Helgason með 8,29.
Af börnum hlaut hæsta einkunn í
forkeppni Sigurborg H. Sigurðar-
dóttir á Odda frá Oddsstöðum með
8,38. Eva K. Kristjánsdóttir er önnur
á Pjakki frá Hvoli með 8,36 og Ing-
ólfur Ö. Kristjánsson þriðji á Mími frá
Syðra-Kollugili.
Fjórðungsmót hestamanna á Kaldármelum hófst í gær
Morgunblaðið/Valdimar
Hinum flugvakra stóðhesti Aski frá Kanastöðum var nú telft fram sem
klárhesti í opinni gæðingakeppni stóðhesta og stóð hann sig með prýði
hjá Þórði Þorgeirssyni. Hlutu þeir 8,56 í einkunn og standa efstir.
Bruni og Jakob voru
með hæstu einkunn
VERKEFNALEYSI blasir við
starfsfólki stórgripasláturhúss Goða
á Hellu eftir helgi þar sem gripa-
flutningsaðilar hættu að keyra gripi
til sláturhússins sl. fimmtudag þar
sem þeir segjast ekki hafa fengið
greitt fyrir vinnu sína síðustu vikur
og mánuði.
Guðmar J. Tómasson, sláturhús-
stjóri á Hellu, staðfesti þetta í sam-
tali við Morgunblaðið í gær og sagði
starfsemina eiga eftir að lamast
strax eftir helgi og tíu til tólf starfs-
menn sláturhússins verði verkefna-
lausir.
Kristinn Geirsson, framkvæmda-
stjóri Goða hf., segir að fyrirtækið
hafi ekki fengið tilkynningu frá
flutningsaðilum þess efnis að þeir
muni hætta að keyra gripi til slát-
urhúss Goða á Hellu.
„Þetta kemur okkur verulega á
óvart en ef þessir aðilar hætta að
keyra þá leitum við bara annarra
leiða. Það eru okkar viðbrögð við
þessum athugasemdum. Okkur
finnst þetta athugavert með þessa
akstursverktaka þar sem þeir
keyptu flutningstæki sín af Goða en
hafa lítið borgað okkur. Ef við förum
í hver eigi að vera að greiða hverjum
þá sýnist mér að þeir ættu að vera
greiðendur til okkar,“ segir Krist-
inn. Spurður sagði Kristinn að hann
ætti ekki von á öðru en að slátrað
yrði áfram á Hellu.
Sláturhús Goða
á Hellu
Verkefna-
leysi yf-
irvofandi