Morgunblaðið - 07.07.2001, Page 28
LISTIR
28 LAUGARDAGUR 7. JÚLÍ 2001 MORGUNBLAÐIÐ
STELLA Sigurgeirsdóttir sýnir
ætingarmyndir sem hún vinnur
með svokallaðri imageon-tækni, en
verkar jafnframt eftir flóknu ferli
uns hún nær þeirri áferð og þeim
litblæ sem henni líkar. Myndefnið
er afrakstur tölvusamskipta sem á
þriðja tug manna tóku þátt í með
því að senda tvo tugi orða aftur til
listakonunnar.
Það væri of langt mál að lýsa
tæknibrögðum Stellu, en myndirn-
ar eru verkaðar með bývaxi og
límdar á spónaplötur, sem minna
sumpart á fersníseraðan kalkstein
eða margnýttar vaxtöflur; eins
konar palimsest, sem alltaf er hægt
að slétta aftur út svo yfirborðið geti
tekið við enn einu nýju lagi af
skrift. Orðum hvers tölvupóstvinar
er brugðið upp á hverju spjaldi líkt
og um boðorð væri að ræða.
Stella nýtir sér orðfæri og eft-
irlætisfrasa þeirra sem láta henni
eftir póst á Netinu. Hugmyndin er
góð og leturgerðin er sannfærandi.
Hins vegar mætti grunnurinn að
ósekju vera látlausari. Hann virkar
of handunninn svo útkoman verður
eilítið í ætt við tilbúna fornmuni.
Slíkt bætir ekki góða hugmynd,
öðru nær. Með látlausari fleti
mundi athygli áhorfenda laðast enn
frekar að kjarna málsins sem er –
þegar öll kurl koma til grafar –
sjálfsmyndir í rituðu máli.
MYNDLIST
Í s l e n s k g r a f í k ,
H a f n a r h ú s i n u
Til 15. júlí. Opið fimmtudaga til
sunnudaga frá kl. 14–18.
GRAFÍK
STELLA SIGURGEIRS-
DÓTTIR
Mannlýsing-
ar í orðum
Morgunblaðið/Halldór B. Runólfsson
Eftirlætisorð Egils Helga-
sonar, hins þekkta fjölmiðla-
mögurs, eru fóður í einu af
verkum Stellu Sigurgeirs-
dóttur, í Íslenskri grafík.
Halldór Björn Runólfsson
Á SUMARTÓNLEIKUM í
Listasafni Sigurjóns Ólafssonar sl.
þriðjudag fluttu Þórunn Guð-
mundsdóttir og Ingunn Hildur
Hauksdóttir ljóðasöngva eftir
Fauré, Strauss og nokkur vinsæl
íslensk sönglög. Átta fystu við-
fangsefnin voru ljóðasöngverk eft-
ir Gabriel Fauré, allt sérlega fögur
lög, eins og Mandoline, En sour-
dine, Les berceaux, Notre amour,
Le secret, Aprés un rêve, Clair de
lune og Au bord de l’eau. Þórunn
söng þessi lög vel, sérstaklega Les
berceaux, Le secret og Après un
rêve. Það sem einkenndi samleik
Ingunnar Hildar var léttur áslátt-
ur, sem naut sín vel í viðkvæmari
söngverkunum eins og En son-
deine og í fallegu forspilinu að
Clair de lune en var of hlutlaus
t.d. í fyrsta laginu Mandoline, svo
eitthvað sé nefnt
Í fimm ljóðasöngvum, Ich trage
meine minne, Zueignung,
Allerseelen, Morgen og Heimliche
Aufforderung, eftir R. Strauss
söng Þórunn af öryggi og af tölu-
verðum tilþrifum en munur á
raddblæ eftir tónsviði var oft
nokkuð áberandi. Bestu lögin voru
Zueignung, Allerseelen og Mor-
gen, sem er eitt af meistaraverk-
um Strauss og var forspilið, sem
einnig er undirleikur við sönglín-
una, einstaklega fallega leikið og
þar naut sín léttur ásláttur Ing-
unnar.
Íslensku lögin voru ágætlega
flutt en þó sérstaklega fallegt lag
eftir Jórunni Viðar, sem heitir
Vökuró, við texta eftir Jakobínu
Sigurðardóttur. Þetta lag var flutt
af innileik og með hlýrri radd-
hljóman. Önnur lög sem alltaf er
verið að syngja og þarf því að
flytja með „extra bravúr“, til að
gleðja, voru Allar vildu meyjarnar
eftir Karl O. Runólfsson, og
Kossavísur eftir Pál Ísólfsson,
bæði sungin af öryggi en án þess
að „snerta“ strengi hrifningar.
Una eftir Gunnar Sigurgeirsson
og Biðilsdans eftir Loft Guð-
mundsson eru lög sem hafa
gleymst vegna eigin verðleika en
það síðast nefnda var yfirtúlkað og
einnig nokkuð gróflega leikið á pí-
anóið. Vísan sem skrifuð var á vis-
ið rósablað, eftir Árna Beintein
Gíslason, er sérkennilegt lag og
var það flutt af töluverðum þokka
en aðeins of hratt, því í eðli sínu er
lagið sérlega hæg tónun.
Þórunn Guðmundsdóttir er góð-
ur söngvari og ber túlkun hennar
þess merki að hún er vel fær tón-
listarkona. Það er einkum viss
raddvíxl umhverfis skiptisviðið,
sem valda því að efri hluti radd-
sviðsins á það til verða nokkuð sár,
sérstaklega þegar sterkt er sung-
ið, sem er annarrar raddgerðar en
heyra má í sérlega hlýrri og fall-
egri tónmótun á lágsviðinu. Ing-
unni Hildi Hauksdóttur lætur vel
að leika fínlega tónlist en skortir
kraft og skýrleika í tóntaki, þegar
í tekur, svo sem heyra mátti á
stöku stað í lögum Faurés og sér-
staklega í Strauss og jafnvel í ís-
lensku lögunum og þá sérstaklega
í Allar vildu meyjarnar og Kossa-
vísunum.
TÓNLIST
L i s t a s a f n S i g u r j ó n s
Ó l a f s s o n a r
Þórunn Guðmundsdóttir og Ingunn
Hildur Hauksdóttir fluttu ljóða-
söngva eftir G. Fauré, R. Strauss og
íslensk sönglög. Þriðjudagurinn 3.
júlí 2001.
SÖNGTÓNLEIKAR
Umhverfis
skiptisviðið
Jón Ásgeirsson
Fella- og Hólakirkja
SÝNINGUNNI Samræmd heild-
armynd – kirkja, arkitektúr, glerlist
og skrúði lýkur á sunnudag.
Þann dag veita listamennirnir Sig-
ríður Jóhannsdóttir og Leifur Breið-
fjörð, höfundar skrúða og glerlista-
verka kirkjunnar, leiðsögn um
sýninguna milli kl. 15 og 18, en þá er
hún opin til kl. 21. Annars er hún op-
in kl. 13–18.
Sýningu lýkur
ÍSLENSKI safnadagurinn verður
haldinn hátíðlegur um land allt á
morgun, sunnudag. Markmiðið með
deginum er meðal annars að vekja at-
hygli á því fjölbreytta starfi sem fram
fer á söfnum landsins. Einnig er dag-
urinn notaður til að kynna nýjar sýn-
ingar og ýmsar nýjungar í safnastarf-
inu. Að þessu sinni munu rúmlega 50
söfn taka þátt í safnadeginum, meðal
annars listasöfn, byggðasöfn og nátt-
úrugripasöfn vítt og breitt um landið.
Í tilefni dagsins verða mörg þessara
safna með sérstaka dagskrá á sunnu-
daginn. Víða eru leiðsagnir um sýn-
ingar, sérstakar uppákomur og við-
burðir sem varpa ljósi á starfsemi
safnanna. Nálgast má dagskrá safna-
dagsins á heimasíðu Íslandsdeildar
ICOM: www.icom.is
Íslenski
safnadagurinn
FYRSTU sumartónleikarnir við Mý-
vatn verða í Reykjahlíðarkirkju í
kvöld, laugardagskvöld, kl. 21.
Sænskur kammerkór undir stjórn
Erik Vestberg flytur m.a. íslensk lög
og tónverk þar sem hinum forna
sönghætti Sama, jojk, er fléttað með.
Johan Märak er gamalreyndur jojk-
söngvari sem flytur þetta með kórn-
um. Mathias Wager leikur á orgel.
Aðgangseyrir er 500 kr.
Sænskur kór
á Mývatni
SÝNING á teikningum Baltasars af
ábúendum í Grímsnesi verður opnuð
í dag, laugardag, í Gömlu Borg.
Teikningarnar eru nú í eigu Lista-
safns Árnesinga. Gamla Borg er
gamalt samkomuhús sem hefur verið
gert upp og er nú þar rekið kaffihús
sem opið er alla daga frá kl. 14. Sýn-
ingin stendur til 22. júlí.
Teikningar
Baltasars
í Grímsnesi
Guðni J. Guðbjartsson
SVERRISDAGUR verður haldinn
hátíðlegur í Hafnarborg í dag, laug-
ardag, kl. 11. Við það tækifæri hlýtur
Tónlistarskóli Hafnarfjarðar viður-
kenningu úr Minningarsjóði um
hjónin Sverri Magnússon og Ingi-
björgu Sigurjónsdóttur sem voru
frumkvöðlar að stofnun Hafnarborg-
ar, menningar- og listastofnunar
Hafnarfjarðar. Tilgangur sjóðsins er
að minnast þeirra hjóna með því að
veita táknræna viðurkenningu í
formi listaverka, fyrir framlag til
menningar og lista í Hafnarfirði.
Skólinn hlýtur að gjöf myndverkið
Launhelgir tónar sellósins eftir
Messíönu Tómasdóttur, en verkið er
annað tveggja sem Hafnarfjarðar-
bær sendi á Vindhátíð Reykjavíkur –
menningarborgar Evrópu árið 2000
og verður verkið afhjúpað við at-
höfnina.
Sverrisdagur í Hafnarborg
TÓNLEIKUM Herdísar Jónsdóttur
og Steef van Oosterhout, sem vera
áttu í Árbæjarsafni í dag, laugardag,
er frestað fram til 11. ágúst.
Tónleikum í Ár-
bæjarsafni frestað
♦ ♦ ♦
♦ ♦ ♦
♦ ♦ ♦
Í NÆRVERU - nokkrir sálgæslu-
þættir er eftir Sigfinn Þorleifsson,
sjúkrahúsprest á Landspítala – há-
skólasjúkrahúsi. Í bókinni er lýsing á
því hvernig maður nálgast annan
mann, einkum í sálarneyð, og reynir
að leggja lið, styrkja og leiða. Hvern-
ig þeir ganga saman svo lengi sem
annar þarfnast stuðnings til þess að
finna eigin styrk og trú á lífið á ný.
Útgefandi er Skálholtsútgáfan, út-
gáfufélag þjóðkirkjunnar. Bókin er
144 bls. prentuð í Steindórsprent-
Gutenberg. Skerpla annaðist hönnun
og umbrot. Kápumynd er eftir Krist-
ínu Gunnlaugsdóttur. Verð: 2.980.
Nýjar Bækur