Morgunblaðið - 07.07.2001, Blaðsíða 19
ÚR VERINU
MORGUNBLAÐIÐ LAUGARDAGUR 7. JÚLÍ 2001 19
BRESKU togararnir Lanchella og
Kirkella komu til hafnar á Eskifirði í
fyrsta skipti í sumar á fimmtudag, en
skipin hafa stundað karfaveiðar suð-
austur af landinu undanfarin sumur
og veitt úr kvóta Evrópusambands-
ins. Eins kom þýski togarinn Iris til
hafnar á Eskifirði í gærmorgun.
Skipin munu landa karfa á Eskifirði
á fimmtudögum í sumar en aflinn er
sendur í gámum á markað í Evrópu á
föstudögum. Skipin voru að veiðum í
Rósagarðinum svokallaða en karfa-
kvóti ESB innan íslenskrar land-
helgi á þessu ári er samtals 3.000
tonn og má aukaafli þeirra nema
10% af heildaraflanum. Fimm tog-
arar stunduðu veiðarnar sl. sumar
og var heildarafli þeirra alls um
1.400 tonn. Hinsvegar hafa 12 bresk
og þýsk skip sótt um leyfi til veið-
anna í sumar.
Afli skipanna þriggja var heldur
rýr að þessu sinni, að sögn Sigurþórs
Hreggviðssonar hafnarstjóra á
Eskifirði, aðeins um þrír gámar hjá
Krikellu, tveir gámar hjá Lanchellu
og tveir gámar hjá Iris en hann sagði
að skipin hefðu aðeins verið þrjá til
fjóra daga að veiðum.
Lönduðu karfa úr ESB kvóta
Morgunblaðið/Helgi Garðarsson
Bresku togararnir Kirkella og Lanchella í Eskifjarðarhöfn.
„HEYRÐU, þetta hefur bara verið
alveg þokkaleg humarvertíð. Það er
ekkert hægt að vera að kvarta undan
því. Veiðin hefur verið bæði góð og
jöfn. Það dúraði aðeins um daginn en
kom upp strax aftur,“ segir Ægir
Birgisson, skipstjóri á Steinunni SF
10, í samtali við Morgunblaðið.
Hvernig er krabbinn eins og þið
Hornfirðingar kallið humarinn oft?
„Krabbinn er þokkalegur, hann er
jafnstærri en undanfarin ár. Við höf-
um verið að fá upp í 60% í fyrsta
flokk og sáralítið í minnsta flokkinn.
Útkoman er því alveg þokkaleg. Við
erum búnir að vera mest í austur-
dýpunum, Hornafjarðardýpi og Lón-
dýpinu. Við byrjuðum reyndar í
Breiðamerkurdýpinu en krabbinn
hérna austur frá var betri og stærri.
Það var tekið svo mikið í Breiða-
merkurdýpinu í fyrra að það virðist
þurfa einhverja hvíld. Það er nauð-
synlegt að fara varlega og má ekki
auka kvótann of mikið að mínu mati.
Ég held að það sé allt í lagi að fara
upp í 1.500 tonn eins og búið er að
ákveða fyrir næsta ár. En menn
ættu að hugsa sig vel um áður en
þeir ætla sér að auka kvótann í 2.400
tonn eins og hann var á sínum tíma.
Það sýndi sig þá að stofninn þoldi
það ekki. Það betra að hafa kvótann
minni og fá þá jafnari veiði og stærri
krabba.“
Hvernig hafa veiðarnar gengið?
„Vertíðin byrjaði seint núna vegna
verkfallsins, en reyndar á svipuðum
tíma og áður fyrr. Í fyrra byrjuðum
við 30. apríl og sumir nokkru fyrr. Þá
var veiðin mjög góð og það má því
velta því fyrir sér hvort við hefðum
ekki átt að byrra fyrr hér á árum áð-
ur. Yfirleitt hefur botninn dottið úr
veiðinni í kringum sjómannadaginn,
en þótt við séum seint á ferðinni
núna er það óvenjulegt að veiðin sé
svona lengi fram á sumarið. Nú er
kominn sá tími að það dúrar af og til
og þá jafnvel í öllum dýpum, en kem-
ur upp aftur.
Við erum komnir með rúmlega 22
tonn miðað við skott og það er bara
ágætt. Við sjómenn miðum alltaf við
skott þótt við séum alveg hættir að
slíta um borð eins og áður var. Það
gefur um 30% meira að koma með
heilan humar að landi en skottin.
Þetta er ágætis veiðiskapur, en
það er alltaf gott á öllum veiðiskap,
þegar vel gengur. Maður var nú orð-
inn hálfleiður á þessu áður, þegar
obbinn af humrinum var tekinn á
þremur vikum eða svo og svo var
verið að sarga á þessu langt fram eft-
ir sumri. Menn voru þá orðnir hálf-
leiðir, þegar komið var fram í ágúst.
Við byrjuðum að landa heilum
humri í fyrra og þá sögðu karlarnir
nú loks væri verandi að vera á þessu.
Það fiskaðist líka vel og við vorum
jafnvel jafnmikið í landi og á sjó,
vinnslan stýrði veiðunum í samræmi
við afkastagetuna. Það hefur verið
svipað núna og löndunum er skipt
niður á bátana, við megum koma
með ákveðið magn á ákveðnum degi
og eftir því er farið. Það skilar sér
betur fyrir alla aðila, bæði veiðar og
vinnslu.“
Kom sér ekki illa að ekki skyldi
fást niðurstaða í kjaradeilur sjó-
manna og útvegsmanna?
„Þetta ár hefur verið allt í lagi, en
sjómannaverkfallið setti anzi stórt
strik í reikninginn hjá öllum. Fyrir
okkur á þessum bátum var þetta á
skelfilegasta tíma. Framan af var
vertíðin mjög léleg. Þetta var ótta-
legt náskrap framan af, en þegar fór
að líða aðeins á marz fór veiðin að-
eins að glæðast og það reddaði okkur
þessi stutti tími sem verkfallinu var
frestað. Þessi tími þarna á milli redd-
aði okkur og ég hefði ekki boðið í
það, hefði því ekki verið frestað þá.
Það ekki nógu gott að það virtist
enginn sáttavilji vera, hvorki hjá sjó-
mönnum né útgerðarmönnum. Menn
voru skíthræddir og þorðu ekki að
gefa eftir, óttuðust að þá tækju
stjórnvöld það upp og settu lög á
deiluna. Mér fannst það strax í fyrra,
þegar menn fóru að tala saman að
báðir aðilar stefndu í verkfall. Mér
finnst nú ekki rétt að hafa það að
markmiði í samningaviðræðum að
fara í verkfall og ég er ósáttur að því
leyti. Það er líka skelfilegt að geta
ekki klárað svona samninga og þurfa
að láta einhverjar stjórnvaldsað-
gerðir yfir okkur ganga. Það getur
enginn verið sáttur við þann farveg
sem þessi mál eru komin í,“ segir
Ægir Birgisson.
Ekki hægt að kvarta
Ægir Birgisson, skipstjóri á Steinunni SF, er ánægður
með „krabbann“ í ár enda er hann stærri en í fyrra
Morgunblaðið/HG
Humrinum landað úr Steinunni SF 10. Þeir eru komnir með vel yfir 20
tonn af skottum eins og þeir segja og eru ánægðir með árangurinn.
Ægir Birgisson á Steinunni SF .
DÚNDUR
T I L B O Ð
UMBOÐSMENN UMM LAND ALLT
Teba veggofn og
helluborð saman í setti. Fjölkerfa
blástursofn, undir & yfirhiti, grill og
grillteinn. Helluborð með 4 hellum.
Verð áður kr 52.500
Eldavél með
grilli, 4 hellur, þar af 1
hraðsuðuhella. Geymsluhólf.
HxBxD:85x49,6x60 cm.
Verð áður kr. 38.900
Splunkuný gerð af
1000 snúninga Zanussi þvottavél.
Sérstakt hrað - og ullarþvottarkerfi.
Fékk hæstu einkunn fyrir þvottagæði.
Verð áður kr. 59.900
ZANUSSI
Suðurlandsbraut 16 108 Rvk. Sími 5880500
46.90
0
45.80
0
32.90
0
26.90
0
Kæliskápur í
borðhæð með rúmgóðu 18 lítra
frystihólfi. Sjálfvirk afþíðing í kæli.
Kælikerfi með þriggja ára ábyrgð
HxBxD:85x55x60 cm.
Verð áður kr. 33.900
stgr. k
r stgr. k
r
stgr. k
rstgr. k
r