Morgunblaðið - 07.07.2001, Page 14

AKUREYRI
14 LAUGARDAGUR 7. JÚLÍ 2001 MORGUNBLAÐIÐ
SÍÐUMÚLA 2
108 REYKJAVÍK
SÍMI 533 1313 FAX 533 1314
fron@fron.is www.fron.is
F R Ó N
Finnbogi Kristjánsson, lögg. fasteignasali
Opið hús í Grjótaseli 5,
laugardaginn 7. júlí og sunnudaginn 8. júlí frá kl. 14 til 17.
Um það bil 150 fm efri sérhæð ásamt 45 fm tvöföldum bílskúr, mikið
ósamþykkt rými á neðri hæð. Mjög fallegur og vel gróinn garður.
Einstök staðsetning við opið svæði, leikskóli og skóli í göngufæri.
Verið velkomin.
Sérstök eign - Einstök staðsetning
MARGRÉT Jónsdóttir leirlistakona
opnar sýningu á spiladósum í Horn-
stofu Safnasafnsins á Svalbarðs-
strönd í dag, laugardaginn 7. júlí.
„Ég hef lengi verið að velta þess-
ari hugmynd að spiladósunum fyrir
mér, en aldrei látið verða af því að
framkvæma hana. Þegar Níels á
Safnasafninu bauð mér að sýna hjá
sér, þótti mér tilvalið að draga
þessa gömlu hugmynd upp úr kist-
unni. Oft er það svo að maður
gengur lengi með hugmyndir í
kollinum áður en þær verða að
veruleika og það gildir um þessar
spiladósir mínar,“ sagði Margét.
Sjálf bjó hún eitt sinn í húsinu sem
nú hýsir Safnasafnið og Horn-
stofan er fyrrverandi svefn-
herbergi hennar. „Ég sá strax að
spiladósirnar pössuðu vel inn í
þessa litlu stofu,“ sagði hún.
Margrét sagði að spiladósir væru
í sínum huga tákn ævintýra og lífs-
gleði. „Þetta eru lítlir skúlptúrar
sem snúast hring eftir hring og
leika fjörug lög.“
Vildi gera eitthvað nýtt
Alls eru á sýningunni 9 spiladós-
ir og ein ljósakróna sem einnig er
spiladós. „Ég hef ekki fengist við
þetta áður, en vildi endilega nota
tækifærið og gera eitthvað nýtt
þegar mér bauðst að sýna í Safna-
safninu, leyfa sköpunarþránni að
fá dálitla útrás,“ sagði Margrét .
Hún stundaði nám við Kunst-
håndværkskolen í Kolding í Dan-
mörku, en hefur frá árinu 1985
starfað að list sinn á Akureyri og
tekið þátt í fjölda samsýninga auk
þess að halda nokkrar einkasýn-
ingar. Margrét var bæjarlistamað-
ur á Akureyri árið 1993.
Á Safnasafninu eru sex aðrar
sýningar, bæði úti og inni. Safnið
er opið alla daga frá kl. 10 til 18 og
er aðgangseyrir 300 krónur, en
ókeypis fyrir börn. Sýning Mar-
grétar verður opin til 3. ágúst
næstkomandi.
Sýning á spiladósum Margrétar í Safnasafninu
Spiladósir
tákn
ævintýra
og lífsgleði
Margrét Jónsdóttir leirlistakona með spiladósir.
NÝUPPSETTIR ráspallar við
Sundlaug Dalvíkur voru nýlega vígð-
ir. Það var sundkappinn góðkunni,
Örn Arnarson, sem mætti á svæðið
af því tilefni og vígði pallana form-
lega ásamt félögum í sundfélaginu
Rán.
Á myndinni er Örn að klippa borð-
ann áður en hann stakk sér til sunds.
Örn vígði
nýja
ráspalla
Sundlaug Dalvíkur
Dalvík
AKUREYRARKIRKJA:
Kvöldmessa kl. 20.30. á sunnu-
dagskvöld. Sr. Svavar A. Jónsson.
Félagar úr Kór Akureyrarkirkju
syngja. Organisti: Björn Steinar Sól-
bergsson. Morgunsöngur kl. 9 á
þriðjudagsmorgun. Kyrrðar- og fyr-
irbænastund kl. 12 á fimmtudag, 12.
júlí. Bænaefnum má koma til prest-
anna. Unnt er að kaupa léttan há-
degisverð í Safnaðarheimili eftir
stundina.
KAÞÓLSKA KIRKJAN: Messa í
dag, laugardag kl. 18 og á morgun,
sunnudag kl. 11 í Péturskirkju við
Hrafnagilsstræti 2 á Akureyri.
Kirkjustarf
SAFNADAGURINN er næsta
sunnudag, 8. júlí, og af því tilefni
munu félagar í dansflokknum Smár-
anum sýna þjóðdansa á
bæjarhlaðinu við gamla bæinn í
Laufási. Bærinn verður opin að
venju frá kl. 10 til 18, en dansarar
munu verða á svæðinu frá kl. 15 til
16.
Danshópurinn er frá Félagi eldri
borgara í Dalvíkurbyggð. Í nýju veit-
ingastofunni fást þjóðlegar kaffiveit-
ingar. Einnig kjötsúpa, skyr og
brauð ef pantað er með fyrirvara.
Dansað í Laufási
TVÍTUGUR karlmaður hefur í Hér-
aðsdómi Norðurlands eystra verið
dæmdur í sjö mánaða fangelsi vegna
þjófnaðar úr bifreiðum, en sex mán-
uðir eru skilorðsbundnir til þriggja
ára. Þeir eru bundnir því skilorði að
maðurinn sæti á skilorðstímanum
sérstakri umsjón.
Maðurinn var ákærður fyrir að
hafa í þjófnaðarskyni reynt að kom-
ast inn í um 50 bifreiðar í Gler-
árhverfi að næturlagi í mars síðast-
liðnum og tekist að stela 965
krónum í smámynt úr nokkrum
þeirra. Í aprílmánuði fór hann í
þrjár bifreiðar og stal m.a. 15 þús-
und krónum í peningum úr einni
þeirra.
Maðurinn játaði brot sitt. Hann
hefur margoft áður verið dæmdur
fyrir þjófnaðarbrot. Með umrædd-
um brotum rauf hann skilorð og var
sá hluti dómsins því tekinn upp að
nýju. Sökum andlegra erfiðleika og
skýlausrar játningar þótti fært að
skilorðsbinda meirihluta dómsins
nú.
Ólafur Ólafsson kvað upp dóminn.
Héraðsdómur Norðurlands eystra
Dæmdur vegna þjófn-
aðar úr bifreiðum
FJÖLMENNI tók þátt í sjóstanga-
veiðimóti sem efnt var til í
Grímsey á dögunum, en þetta er í
þriðja sinn sem slíkt mót er hald-
ið í eyjunni. Hefur það átt sívax-
andi vinsældum að fagna.
Sjóvak, Stangaveiðifélag Eyja-
fjarðar, Kiwanisklúbburinn Grím-
ur og Kvenfélagið Baugur í
Grímsey standa fyrir þessu móti.
Vel aflaðist á mótinu eða um 16
tonn sem deildist niður á þátttak-
endur sem voru á bilinu 60 til 70
talsins.
Aflahæsti karlinn á mótinu var
Pétur Sigurðsson með 447 kíló,
Magnús Ingólfsson var í öðru
sæti með 425 kíló og Hörður Guð-
mundsson þriðji með 381 kíló.
Guðrún Jóhannesdóttir varð afla-
hæsta kona mótsins með 448 kíló,
Sólveig Erlendsdóttir náði 397
kílóum og varð í öðru sæti og
Soffía Ragnarsdóttir varð þriðja
með 389 kíló.
Sólveig Erlendsdóttir veiddi
stærsta þorskinn, tæp 10 kíló,
Haraldur Ólafsson fékk stærsta
karfann, 6,1 kíló og hann veiddi
einnig stærstu ýsuna, sem var
tæp 3 kíló. Valdimar Valsson
veiddi stærsta karfann, tæpt kíló
og Rúnar Sigmundsson var með
stærsta steinbítinn, 2,2 kíló.
Meðalafli á stöng í þessu móti
var tæp 270 kíló.
Morgunblaðið/Sigrún Konráðsdóttir
16 tonn á sjóstangaveiðimóti
Grímsey
RÚMLEGA tvítug kona hefur í
Héraðsdómi Norðurlands eystra
verið dæmd til greiðslu 35 þúsund
króna sektar í ríkissjóð vegna fíkni-
efnabrots.
Konunni var gefið að sök að hafa
sent tösku með fötum og peningum
til Reykjavíkur í þeim tilgangi að
kaupa fíkniefni fyrir peningana.
Lögreglan lagði hald á töskuna þeg-
ar hún var endursend til konunnar
daginn eftir. Þá reyndist hún inni-
halda 2,82 grömm af hassi. Lög-
regla lagð hald á fíkniefnin.
Konan hefur áður hlotið dóma,
m.a. vegna ölvunaraksturs, líkams-
árása og brots gegn valdstjórninni.
Með umræddu broti rauf hún skil-
orð sem nú var látið haldast, en
hæfilegt þótti að konan greiddi 35
þúsund krónur í sekt vegna brots
síns nú.
Kona greiði sekt vegna fíkniefnabrots
Lét senda sér fíkni-
efni frá Reykjavík
FMMTÁNDA starfsár Sumartón-
leika í Akureyrarkirkju hefst með
tónleikum í kirkjunni á morgun,
sunnudaginn 8. júlí, kl. 17.
Alls verða tónleikar haldnir fimm
sunnudaga í röð í júlí- og ágústmán-
uði og er aðgangur ókeypis.
Flytjendur á fyrstu tónleikunum
verða Erik Westberg Vokal En-
semble sem er 16 manna sönghópur
frá N-Svíþjóð en stjórnandi hans er
Erik Westberg. Einnig mun Saminn
Johan Märak jojka og Mattias Wa-
ger leika á orgel.
Á efnisskrá verða verk eftir:
Benjamin Britten, Jan Sand-
ström, Hallgrím Pétursson, Jaako
Mäntyjärvi, Sven-Eric Johansson,
Þorkel Sigurbjörnsson, Erland Hil-
dén og J. H. Roman
Sönghópur frá Svíþjóð
í Akureyrarkirkju