Morgunblaðið - 07.07.2001, Síða 53

FÓLK Í FRÉTTUM
MORGUNBLAÐIÐ LAUGARDAGUR 7. JÚLÍ 2001 53
• Men In Black
• Guns Of Navarone
• Look Who's Talking
• Idle Hands
• Dragon : Bruce Lee Story
• Erin Brockovich
• End Of The Affair
• Universal Soldier II
• Waterworld
• Twins
• Girl Interrupted
• Center Stage
• Godzilla
• Mask Of Zorro
• Replacement Killers
• Wolf
• Lost World
• Dragonheart
• Jaws
• Psycho'98
• U-Turn
• Parenthood
• Jurassic Park
• Big Daddy
• Full Monty
• The Thin Red Line
• Stuart Little
• Moonstruck
• Death Becomes Her
• Village Of The Damned
• Circus
Aðeins í verslunum
Skífunnar, Músík og
Mynda og BT.
Þú kaupir tvo diska
og færð þriðja diskinn frían!
FYRIR
Gríðarlegt magn titla í boði!
• Men In Black
• Guns Of Navarone
• Look Who's Talking
• Idle Hands
• Dragon : Bruce Lee Story
• Erin Brockovich
• End Of The Affair
• Universal Soldier II
• Waterworld
• Twins
• Girl Interrupted
• Center Stage
• Godzilla
• Mask Of Zorro
• Replacement Killers
• Wolf
• Lost World
• Dragonheart
• Jaws
• Psycho'98
• U-Turn
• Parenthood
• Jurassic Park
• Big Daddy
• Full Monty
• The Thin Red Line
• Stuart Little
• Moonstruck
• Death Becomes Her
• Village Of The Damned
• Circus
Þetta er aðeins brot
af því besta!
BÖRNIN eru á leið í sum-arbúðir og eru yfirmátakát yfir því. En til hliðarstendur stelpa ein, sem
er ekki alveg jafn kát, því hún fær
ekki að fara í Regnbogaland. Það er
hún Regína.
En hún er ekki í fýlu í alvöru, því
þetta er nefnilega leikkonan Sig-
urbjörg Alma Ingólfsdóttir, sem fer
með titilhlutverk Regínu í söngva-
og dansamynd sem byrjað var að
taka upp fyrir rúmri viku. Og Sig-
urbjörg er sko engin fýluskjóða.
„Sko, Regína er eini krakkinn í
götunni og að því er henni finnst í
öllum heiminum, sem fer ekki í
sumarbúðir. Hún er alveg rosalega
sár því allir krakkarnir sem eru að
fara eru að grobba sig yfir því,“ út-
skýrir hún. „Mamma hennar hefur
bara ekki efni á því að senda hana
þangað. Svo er það Pétur, besti vin-
ur hennar, sem Benedikt Jónsson
leikur, en hann fær heldur ekki að
fara.
Pétri og Regínu finnst þau verða
að komast í sumarbúðirnar, og eru
því alltaf að reyna að safna pen-
ingum fyrir því en það mistekst og
svoleiðis. Svo gengur myndin líka
út á gimsteinaþjófinn Ívar sem
Baltasar Kormákur leikur.“
Í fyrsta sinn á Íslandi
Hrönn Kristinsdóttir er framleið-
andi Regínu fyrir hönd Íslensku
kvikmyndasamsteypunnar. Hún
fræðir blaðamann um stafrænu
myndavélina Sony HD 24, sem ver-
ið er að nota í fyrsta skipti við upp-
töku á íslenskri kvikmynd, en bæði
Wim Wenders og George Lucas
voru að ljúka við upptökur með eins
myndavél. Hrönn segir mun þægi-
legra að taka Regínu upp á staf-
ræna myndavél, því mun dýrara sé
að taka upp á filmu og í þessa kvik-
mynd þarf að taka upp mikið af
efni. Atriði séu oftar tekin upp í
barnamyndum, það sama eigi við
um söngva- og dansmyndir, ekki
síst þar sem myndin verður hljóð-
sett á ensku. Þá þarf að taka allar
nærmyndir tvisvar, fyrst þar sem
leikararnir tala á íslensku og síðan
á ensku.
„Aðal samframleiðendur okkar
eru fyrirtækið La Fête í Québec,
Kanada. Þau sérhæfa sig í barna-
myndum og voru mjög hrifin af
handriti Margrétar og Sjón og þau
fóru fram á þessar tvöföldu upp-
tökur,“ segir Hrönn.
Á fæðingardeildinni
Og höfundur handrits og tónlist-
ar, Margrét Örnólfsdóttir, er líka
stödd á svæðinu. „Mér líður einsog
ég sé á fæðingardeildinni með hríð-
ir,“ segir Margrét og hlær.
„Það er gaman að fylgjast með
fyrstu tökunum, en ég hef annars
nóg annað að gera, því það eru allt-
af einhverjar breytingar sem þarf
að gera á tónlistinni. Svo er verið að
þýða textana sem Olga Guðrún
Árnadóttir samdi yfir á ensku, því
öll söngatriði eru á tekin upp á
ensku sem flækir málin svolítið.
Þetta er roslega spennandi og ég
trúi því bara núna að þetta sé að
gerast.“
– Er eitthvað öðruvísi en þú sást
fyrir þér?
„Já, ég var búin að ímynda mér
margt, en um leið og ég sé nýju út-
færsluna þá verður hún raunveru-
leg. Við María Sigurðardóttir leik-
stjóri og Aletta Collins
danshöfundur erum búnar að vinna
mjög mikið saman að hugmyndun-
um á bak við dansatriðin, þannig að
ég kem ekki alveg græn að því, og
það er mjög flott að sjá leikarana
gera allt eins og það á að vera.“
– Hvernig myndirðu lýsa þeirri
tilfinningu?
„Bara gleði, gleði.“
„Ég veit að það sem verður
skemmtilegast í upptökunum er
þegar við gerum kökulagið. Þá eig-
um við að klessa okkur öll út í
kremi, skreyta kökuna og rústa
bara eldhúsið!“ segir Sigurbjörg
full af tilhlökkun, en hún segist
kunna allt handritið utan að enda
séu þau búin að æfa síðan í maí.
„Svo er eitt mjög fallegt atriði
þegar Regína fer niður í fjöru og
syngur lag til pabba síns sem dó
fyrir tveimur árum. Hún er alveg
að fara að gráta, hún saknar hans
svo. Það er alveg æðislega fallegt
lag og mér finnst svo gaman að
syngja.“
Sigurbjörg segir að oft sé svolítið
erfitt að þurfa alltaf að bíða svona
lengi á milli upptaka, en þá les hún
bara eða talar við vinkonur sínar
sem hún hefur eignast við upptök-
urnar. Hún bætir við að stefnt sé að
því að sýna myndina annan jóladag
og að hún hlakki voðalega mikið til.
– Af því að þá verðurðu stjarna?
„Já,“ svarar hún hreinskilin og
hlær. „Ég hlakka til því ég hef aldr-
ei leikið í bíómynd áður og það
verður rosalega skrítið að sjá mig
leika á stóru tjaldi. Ég á líka eftir
að kvíða geðveikt fyrir,“ segir hún
hlær enn meira.
„Það er svo gaman líka að vinna
með svona frægum leikurum. Mað-
ur þarf samt ekkert að vera feiminn
við þá, þetta er bara venjulegt
fólk.“
– Hefur þig dreymt um að leika í
bíómynd?
„Já, ég var búin að láta mig
dreyma um það síðan ég var
tveggja ára! Ha, ha. Mamma vissi
alltaf að ég myndi verða eitthvað
þessu líkt, því ég var alltaf dans-
andi, syngjandi og leikandi þegar
ég var lítil. Í haust fer ég svo aftur í
skólann en ef mér býðst hlutverk í
leikriti eða einhverri sýningu í vet-
ur, þá segi ég STRAX já! Mér
finnst þetta svo skemmtilegt,“ segir
þessi skemmtilega tíu ára leikkona
og finnur sér kött til að leika við á
meðan hún bíður eftir að röðin komi
að sér fyrir framan myndavélarnar.
Mér finnst þetta
svo skemmtilegt!
„Regnbogaland, indæla
Regnbogaland“ syngur
dansandi appelsínugul-
ur barnaskari þar sem
Hildur Loftsdóttir á leið
um Ránargötuna.
Morgunblaðið/Billi
Bless, bless, við erum á leið í sumarbúðir.
Morgunblaðið/Billi
María leikstjóri er íbyggin við upptökurnar en það eru Fahad Falur að-
stoðarleikstjóri og Jónas Guðmundsson gripill einnig.
Morgunblaðið/Billi
Draumur Sigurbjargar Ölmu um að leika í kvikmynd hefur nú ræst.
Tökur á söngva- og dansmyndinni Regínu eru hafnar