Morgunblaðið - 07.07.2001, Qupperneq 54
FÓLK Í FRÉTTUM
54 LAUGARDAGUR 7. JÚLÍ 2001 MORGUNBLAÐIÐ
ÞAÐ mætti áætla að Krókódíla-Dun-
dee væri orðinn þreyttur á að berjast
bæði við dýr og menn. Flestir muna
hversu rækilega hann sló í gegn í
fyrstu kvikmynd sinni árið 1986, og
önnur fylgdi í kjölfarið tveimur árum
seinna.
En nei, ó nei, ástralska náttúru-
barnið er mætt til leiks í þriðja sinn og
nú er það hið villta líf Los Angeles- borgar sem hann þarf að átta sig á.
„Mick Dundee á nú son eftir
Bandaríkjadvölina, og saman kynna
þeir sér lífið í Los Angeles, menning-
arhöfuðborg heimsins. Flétta mynd-
arinnar er ekki flókin, hún snýst um
það að horfa á heiminn í gegnum augu
Mick Dundee,“ segir leikarinn Paul
Hogan um nýju myndina, en hann
skrifaði handritið að henni ásamt
Matthew Berry og Eric Abrams.
Dundee þurfti nýja brandara
„Dundee er gamaldags og hefur
sinn háttinn á, og það gerir hann ut-
angátta í fáguðum glansheiminum.
En Los Angeles er líka hættulegur
staður, hættulegri en villt náttúra
Ástralíu því fólk er alltaf hættulegra
en dýr.“
Paul, sem hefur sjálfur búið í
Englaborginni, segir að Krókódíla-
Dundee-myndirnar séu sýndar í sjón-
varpinu í Bandaríkjunum í hverjum
einasta mánuði, og að hann hafi hugs-
að með sér nú þyrfti karlinn á nýjum
bröndurum að halda.
„Þegar ég flutti síðan frá Los
Angeles fannst mér að ég yrði að
leyfa Mick Dundee að koma þangað,
þetta er svo mikil gerviborg að þar
yrði hann alveg eins og þorskur á
þurru landi.“
Paul á hús í Santa Barbara, sem er
skammt frá Los Angeles, hann á einn-
ig hluta í nautgripabúgarði í Kóló-
radó-fylki, en býr hins vegar á bú-
garði sínum í Ástralíu. Þar hefur hann
kengúrur, vallabíur [minni tegund
kengúra], refi, snáka og fleiri tegund-
ir dýra en enga krókódíla.
Berst ekki við krókódíla
– Ertu kannksi svolítið líkur Mick
Dundee í alvöru?
„Við höfum alla vega sama húmor,“
segir Paul og hlær, en hann er einmitt
giftur Lindu Kozlowski sem leikur
eiginkonu hans í myndinni og á með
henni ungan son. „Ég verð einnig að
viðurkenna að flest atriði myndarinn-
ar eru byggð á reynslu minni af þess-
ari sérstæðu borg. Ég get samt ekki
sagt að ég berjist við krókódíla.“
– Ertu hræddur við krókódíla?
„Nei, en ég stekk samt ekki út í
næsta vatn til að takast á við þá og ég
myndi aldrei fá mér sundsprett í
krókódílaá.“
– Á Krókódíla-Dundee sér raun-
verulega fyrirmynd?
„Nei, en þeir urðu nokkrir til eftir
að myndin kom fyrst út. Og frægast-
ur varð sá sem drap löggu og dó síðan
í skotbardaga. Mér finnst það reynd-
ar mjög ólíkt Krókódíla-Dundee.
Annars var kvikmyndapersónan
mjög raunveruleg fyrir marga og ég
held að það sé vegna þess hversu
auðvelt er að finna sig í henni. Mick
Dundee er opinn, vingjarnlegur og
dæmir engan fyrirfram. Fólk kann
vel við það, og vill gjarna vera þann-
ig.“
Lifir góðu lífi
Paul hefur ýmislegt bardúsað í
gegnum tíðina. Hann var skipamálari
áður en hann fékk eigin grínþátt í
sjónvarpinu, en upp úr því hófst kvik-
myndaferillinn. Hann hefur skrifað
flestar kvikmyndir sínar og framleitt
og það er því spurning hvað hann tek-
ur sér næst fyrir hendur.
„Ég hef engin plön fyrir framtíðina.
Ég hef bara gert nokkrar myndir og
þannig vil ég vinna. Ef eitthvað
áhugavert kemur upp þá er ég til í
slaginn. Ég vinn bara á 2–4 ára fresti
svo það er eiginlega „come back“ í
hvert skipti. Þess á milli nýt ég bara
lífsins og lifi mjög góðu lífi, þakka þér
fyrir. Ég nýt útiverunnar, náttúrunn-
ar og dýranna mikið og kvikmynda-
gerðin er eiginlega eins konar áhuga-
mál.“
Að lokum segir Paul að hann hafi
áhuga á að koma til Íslands því hann
viti lítið um landið en það sé einmitt
ástæðan fyrir áhuganum, auk þess
sem hann er viss um að vart séu til
meiri andstæður en Ísland og Ástr-
alía.
– Ég held samt að Ástralar og Ís-
lendingar séu ekkert svo ólíkir.
„Já, ég get trúað því að þeim kæmi
vel saman. Fólk sem býr í auðn og
umkringt villtri náttúru skilur hvert
annað. Fólk sem er tengt náttúrunni.“
– Og öðrum finnst við hálfskrýtin.
„Já, en það er einmitt málið með
Krókódíla-Dundee, það skiptir ekki
máli hvað öðrum finnst,“ segir Paul
Hogan að lokum og lofar að kíkja til
landsins innan tíðar.
Fólk er hættulegra en dýr
Kvikmyndin Krókódíla-Dundee í Los
Angeles var frumsýnd hérlendis í gær.
Paul Hogan sagði Hildi Loftsdóttur að
kappinn væri ennþá samur við sig.
Mick Dundee í ham.
Fágað glamúrlíf Los Angeles er nýr og villtur heim-
ur í augum Crocodile Dundee.
Hogan á tökustað Krókódíla Dundee í Los Angeles með Serge Cockburn sem leikur son
hans, og einhverjum svart/hvítum félaga þeirra.
hilo@mbl.is