Morgunblaðið - 07.07.2001, Blaðsíða 13

HÖFUÐBORGARSVÆÐIÐ
MORGUNBLAÐIÐ LAUGARDAGUR 7. JÚLÍ 2001 13
UNNIÐ er að framkvæmdum
við fyrsta áfanga áhorfenda-
svæðis á íþróttasvæði Víkings
sem ráðgert er að ljúki í sum-
ar. Að sögn Þórs Símonar
Ragnarssonar, formanns
knattspyrnufélagsins Vík-
ings, verður verkinu í heild
væntanlega lokið að tveimur
árum liðnum.
„Núna er verið að setja nið-
ur fyrir sökklum og síðan á að
reisa þarna undirstöður undir
steyptar einingar sem munu
nýtast sem stæði til að byrja
með,“ segir Þór.
Heildarkostnaður
tæpar 50 milljónir
Að hans sögn er ætlunin að
koma fyrir sætum og þaki yf-
ir. Ráðgert er að 1.100 manns
rúmist í sæti þegar mannvirk-
ið verður fullbúið en heildar-
kostnaður nemur tæpum 50
milljónum króna.
Að sögn Þórs er í undirbún-
ingi að sækja um styrki og
fjárframlög til að kosta verk-
ið. Í fyrra stóðu yfir fram-
kvæmdir við vallarsvæðið og
verður nýr knattspyrnuvöllur
formlega tekinn í notkun 19.
júlí nk. þegar Víkingur mætir
Þrótti.
Framkvæmdum við fyrsta
áfanga áhorfendasvæðis verð-
ur þó ekki lokið fyrir leikinn
en lýkur í sumar eins og áður
segir.
Víkingur eignast nýtt
áhorfendasvæði
Fossvogur
Morgunblaðið/Jim Smart
Áætlað er að fyrsta áfanga við áhorfendasvæðið ljúki síðla sumars.
BORGARSKIPULAGI Reykjavík-
ur hafa verið afhent mótmæli 474
íbúa Staðahverfis í Grafarvogi gegn
auglýstri breytingu á aðalskipulagi
Reykjavíkur. Samkvæmt auglýsing-
unni er ætlunin að breyta norður-
hluta lóðarinnar númer 1–5 við
Barðastaði í íbúðasvæði en þessi lóð
var ráðgerð sem verslunar- og þjón-
ustumiðstöð hverfisins.
Í tilkynningu frá íbúum hverfisins
segir að þeir telji sig eiga hagsmuna
að gæta þar sem þeir hafi lagt mikla
fjármuni í íbúðir sínar í hverfinu í
trausti þess að leikskóli, grunnskóli,
verslun og önnur þjónusta yrði
byggð upp í samræmi við samþykkt
skipulag. Þeir segjast vænta þess að
hagsmunir lóðarhafans á Barðastöð-
um 1–5 verði ekki teknir fram yfir
hagsmuni íbúa hverfisins. Þeir telja
að vel rekin matvöruverslun muni
bera sig á þessum stað og einnig sé
þörf á opinberri þjónustu í þessu
hverfi, svo sem heilsugæslu og
félagsþjónustu. Íbúarnir leggja
áherslu á að uppbygging á lóðinni
verði í samræmi við aðalskipulag
1996–2016 eða að svæðinu verði
haldið auðu til framtíðarnota fyrir
verslun og þjónustu.
Í fréttatilkynningunni segir að
nær allir, sem náðst hafi í, hafi tekið
undir mótmælin og minnt er á að
samkvæmt auglýsingunni teljist þeir
sem ekki mótmæla samþykkir.
Frestur til að skila athugasemdum
er til 13. júlí næstkomandi.
Breytingu
á aðal-
skipulagi
mótmælt
Staðahverfi
BÆJARSTJÓRN Garðabæjar hefur
samþykkt að láta kanna hvaða breyt-
ingar þurfi að gera á álagningarstigi
fasteignagjalda til að endurskoðað
fasteignamat leiði ekki til hækkunar
fasteignagjalda Garðbæinga.
Tillaga þessa efnis var samþykkt
samhljóða í bæjarstjórn en sam-
kvæmt henni er bæjarstjóra falið að
láta kanna þessar nauðsynlegu
breytingar þannig að endurskoðað
fasteignamat verði ekki til að hækka
gjöld bæjarbúa. Er þá miðað við að
hvorki heildargjöld vegna fasteigna-
gjalda hækki né stuðli að misræmi
við álagningu á einstaka tegundir
eigna á árinu 2002, umfram almennar
verðlagsbreytingar.
Fyrr í vikunni var greint frá
ákvörðun borgaryfirvalda um að
lækka álagningarprósentu fasteigna-
gjalda þannig að hækkun fasteigna-
mats leiði ekki til aukinna álagninga
á Reykvíkinga.
Fasteigna-
mat hækki
ekki álögur
Garðabær
♦ ♦ ♦