Morgunblaðið - 07.07.2001, Blaðsíða 15
AKUREYRI
MORGUNBLAÐIÐ LAUGARDAGUR 7. JÚLÍ 2001 15
A E R O B I C - T Æ K J A S A L U R - L J Ó S - G U F A - P O T T U R
Technosport Bæjarhrauni 2, þriðju hæð, sími: 565-0760
Nýtt 4 vikna átaksnámskeið
fyrir konur hefst 11. júlí
1 mán. á aðeins
5.500 kr.
3 mán. á aðeins
11.900 kr.
• Fjórir tímar í viku
• Þrír tímar í Aerobic-sal
• Einn tími í viku með einkaþjálfara í
tækjasal, fyrirlestrar og margt fl.
• Umsjón Helena Björk íþróttafræðingur,
Einar Ólafs. lyfjafræðingur og Janus
Guðlaugs. íþróttafræðingur
Tilboð Nýjar
peru
r
Verð aðeins 6.900 kr
Flott í fríið
KRISTÍN E. Ólafsdóttir á Akureyri
hélt upp á 100 ára afmæli sitt í gær,
föstudaginn 6. júlí í fríðum hópi vina
og vandamanna.
Kristín fæddist í Fljótum árið
1901, en ólst upp í Flókadal þar til
hún fluttist með foreldrum sínum,
Björgu Halldórsdóttur og Ólafi Eir-
íkssyni til Siglufjarðar. Þar í bæ
stundaði hún síldarvinnu og hafði
gaman af, en hún segir Siglfirðinga
vera gott fólk og glaðlynt. Fjölskyld-
an fluttist síðar til Akureyrar þar
sem Kristín hefur alið allan sinn ald-
ur. Hún giftist Jón Pálssyni trésmið
árið 1922 og eignuðust þau tvö börn,
Bergþóru sem búsett er á Akureyri
og Arngrím sem býr í Reykjavík.
Kristín segist vera heimakær og
vill helst dvelja á heimili sínu sem
hún hefur haldið að Aðalstræti 32 í
rösk 70 ár. Lengsta ferðalag hennar
var að Odda á Rangárvöllum þar
sem sonur hennar þjónaði sem
prestur á sínum tíma og þá hefur
hún farið til Reykjavíkur.
Kristín hefur þokkalega heilsu og
sér að mestu leyti um sig sjálf en
nýtur einnig aðstoðar dóttur sinnar
við ýmis verk. Hún vinnur enn við
handavinnu, prjónar og heklar. Þá
hlustar hún á útvarp og fylgist með
sjónvarpi, en segist ekki lengur geta
lesið sér að gagni þar sem hún er
með ský í auga.
Langlífið þakkar Kristín góðri
heilsu og léttri lund, en hún segir það
versta fyrir heilsuna að fólk sé í fýlu.
„Fýlan hefur aldrei átt heima á mínu
heimili,“ sagði hún.
Góð heilsa og létt
lund skipta mestu
Morgunblaðið/Rúnar þór
Sigríður Stefánsdóttir, staðgengill bæjarstjóra, flutti Kristínu E. Ólafs-
dóttur kveðju frá Akureyrarbæ.
Kristín E. Ólafsdóttir fagnaði
100 ára afmæli sínu
TVEIR karlmenn um tvítugt hafa
í Héraðsdómi Norðurlands eystra
verið dæmdir til að greiða sektir
til ríkissjóðs vegna fíkniefnabrots.
Mennirnir sem búsettir eru á
höfuðborgarsvæðinu voru hand-
teknir í Sundlaug Akureyrar í
febrúar á þessu ári en þar og á
gistiheimili sem þeir dvöldu á fann
lögregla rúmlega 56 grömm af
hassi.
Viðurkenndi annar þeirra að
eiga stærsta hluta fíkniefnanna, en
hinn átti lítilræði. Sá hefur ekki
áður komist í kast við lögin og
þótti refsing hans því hæfilega
ákveðin 28 þúsund króna sekt í
ríkissjóð. Félaga hans var gert að
greiða ríkissjóði 150 þúsund krón-
ur í sekt, en hann átti sem áður
segir bróðurpart fíkniefnanna.
Hann hefur áður hlotið dóma, m.a.
vegna brota gegn ávana- og fíkni-
efnalöggjöf.
Hassið sem lögregla lagði hald á
var gert upptækt.
Tveir menn dæmdir vegna fíkniefnabrots
Með hass í sundi