Morgunblaðið - 14.07.2001, Side 8

FRÉTTIR
8 LAUGARDAGUR 14. JÚLÍ 2001 MORGUNBLAÐIÐ
Kvöldvaka á Skriðuklaustri
Lesið úr fjórum
skáldverkum
Í KVÖLD verður aðSkriðuklaustri haldinskáldsagnakvöldvaka.
Skúli Björn Gunnarsson.
forstöðumaður Stofnunar
Gunnars Gunnarssonar.
var spurður nánar út í
þennan viðburð?
„Lesið verður úr verkum
fjögurra íslenskra höfunda
og fluttir fyrirlestrar um
þau. Þessi viðburður er lið-
ur í skáldsagnaþingi Hug-
vísindastofnunar Háskóla
Íslands. Verkin sem fjallað
verður um eru Svartfugl
eftir Gunnar Gunnarsson,
Sú kvalda ást sem hugar-
fylgsnin geyma eftir Guð-
berg Bergsson, Leigjand-
inn eftir Svövu
Jakobsdóttur og Djúpið
eftir Steinar Sigurjónsson.
Fyrirlesarar eru Jón Yngvi Jó-
hannsson bókmenntafræðingur,
Birna Bjarnadóttir bókmennta-
fræðingur, Garðar Baldvinsson
bókmenntafræðingur og Matthías
Viðar Sæmundsson dósent við
H.Í.“
– Er þetta fyrsta kvöldvakan?
„Þetta er í fyrsta skipti sem
svona skáldsagnakvöldvaka í
þessu formi er haldin hér, hins
vegar hafa áður verið haldnar
kvöldvökur á Skriðuklaustri með
blandaðri dagskrá, þar sem ýmis
íslensk skáldverk hafa verið tekin
fyrir.“
– Eru skráðir gestir á þennan
viðburð?
„Nei, þetta er opin dagskrá fyr-
ir hvern sem er og ég á von á að
nokkuð margir láti sjá sig, miðað
við góða mætingu á aðra viðburði
að Skriðuklaustri.“
– Hefur verið gestkvæmt hjá
ykkur í sumar?
„Hingað koma ríflega hundrað
manns á dag um þessar mundir.
Gestir fá persónulega leiðsögn um
húsið og geta skoðað ýmiskonar
sýningar sem hér eru. Þar er fyrst
að telja sýninguna Austfirsku
meistararnir. Það er myndlistar-
sýning með verkum frá Listasafni
Íslands eftir listamenn sem annað
hvort eru fæddir eða aldir upp á
Austurlandi. Þar má nefna Jó-
hannes Sveinsson Kjarval, Gunn-
laug Scheving, Finn Jónsson og
Svavar Guðnason. Einnig er hér
grunnsýning um Gunnar Gunn-
arsson rithöfund, sem byggði
Skriðuklaustur árið 1939 og bjó
hér til 1948 þegar hann gaf ís-
lenska ríkinu hús sitt. Á grunnsýn-
ingunni er æviferill skáldsins rak-
inn í máli og myndum. Þá eru hér
einnig Fjallkirkjuteikningar
Gunnars yngri Gunnarssonar list-
málara. Og í Gallerí Klaustri eru
minni myndlistarsýningar með
verkum ýmissa listamanna.“
– Hvað er fólk að sækja þegar
það kemur að Skriðuklaustri?
„Það er að sækja andlega og lík-
amlega næringu. Sumir hafa
áhuga á Gunnari Gunn-
arssyni eða húsinu sem
slíku, eða þeim sýning-
um sem eru hér hverju
sinni, aðrir láta sér
nægja að tylla sér í
veitingastofu, sem er í
gömlu borðstofu hússins og njóta
þar veitinga.“
– Er góður grundvöllur fyrir
rekstri af þessu tagi?
„Já, tvímælalaust. Starfsemin
hér hófst á síðasta ári og strax síð-
asta sumar komu 4.000 gestir í
húsið. Aðsókn á viðburði hér sl.
vetur sýndi að þessi starfsemi er
kærkomin viðbót við menningarlíf
Austfirðinga. Þá held ég að mörg-
um hafi þótt tími til kominn að
þessari gjöf skáldsins væri sómi
sýndur með uppbyggingu menn-
ingar- og fræðaseturs.“
– Er mikil aðsókn að gestaíbúð
fyrir lista- og fræðimenn?
„Já, hún er mjög góð og aðeins
nokkrar vikur yfir háveturinn eru
ekki nýttar. Menn dvelja hér í
þrjár til sex vikur og vinna að
margvíslegum verkefnum því öll-
um er frjálst að sækja um og íbúð-
inni er úthlutað á grundvelli þeirra
verkefna sem menn ætla að vinna
að.“
– Þurfa þau að tengjast Aust-
fjörðum sérstaklega?
„Þeir sem eru með verkefni sem
tengjast á einhvern hátt Austur-
landi, austfirskum fræðum eða
Gunnari Gunnarssyni njóta ákveð-
ins forgangs samkvæmt úthlutun-
arreglum. En slík verkefni eru fá
enn sem komið er.“
– Er blómlegt menningarlíf
þarna í sveitinni?
„Það búa ekki nema rúmlega 80
manns í Fljótsdalnum nú orðið en
á Héraðinu öllu sækja íbúar menn-
ingarviðburði innbyrðis. Tónlist-
arstarf stendur hér með miklum
blóma og annað menningarstarf
vex með hverju árinu sem líður.“
– Er þarna margt muna Gunn-
ars?
„Hér eru nokkur húsgögn úr
eigu Gunnars og Francisku konu
hans til að varpa ljósi á hvernig
skáldið bjó, annars er það ekki
markmið okkar að
koma hér upp „dauðu“
safni um skáldið Gunn-
ar Gunnarsson, heldur
halda minningu hans á
lofti með uppbyggingu
fjölnota menningarset-
urs.“
– Þekkir fólk verk Gunnars
núna?
„Það er allur gangur á því, þeir
sem eldri eru þekkja verk hans vel
en síður þeir yngri. Flestir gestir
þekkja hins vegar gömlu lygasög-
una um að Skriðuklaustur sé
teiknað af einum af húsameistur-
um Hitlers. Arkitektinn var að
vísu þýskur, hét Fritz Höger en
komst ekki til metorða í þriðja rík-
inu.“
Skúli Björn Gunnarsson
 Skúli Björn Gunnarsson fædd-
ist á Egilsstöðum 1970. Hann
lauk stúdentsprófi frá Fjölbraut-
arskólanum á Sauðárkróki 1991
og BA-prófi í íslensku frá Há-
skóla Íslands 1996. Hann starfaði
um tíma á Landsbókasafni- Há-
skólabókasafni og sjálfstætt við
almannatengsl, útgáfu og kynn-
ingarstörf. Hann varð for-
stöðumaður Stofnunar Gunnars
Gunnarssonar á Skriðuklaustri í
október 1999. Skúli er kvæntur
Elísabetu Þorsteinsdóttur fram-
reiðslumeistara og eiga þau tvö
börn.
Menn öðlast
andlega og
líkamlega
næringu
Þú verður bara að sætta þig við að vera orðinn með úrelt tól, góði.
FASTEIGNIR
mbl.is VEÐUR mbl.is