Morgunblaðið - 22.07.2001, Blaðsíða 2

FRÉTTIR
2 SUNNUDAGUR 22. JÚLÍ 2001 MORGUNBLAÐIÐ
UMBOÐSMAÐUR Alþingis gagn-
rýnir Landspítala – háskólasjúkra-
hús fyrir að hafa ekki veitt um-
sækjanda um stöðu deildarstjóra
Hreiðursins á kvenlækningasviði
leiðbeiningar um rétt sinn til að fá
ráðninguna rökstudda. Fjórar ljós-
mæður sóttu um stöðuna á vor-
mánuðum og eftir viðtöl við stjórn-
endur spítalans stóð valið á milli
tveggja þeirra.
Sú er var ekki ráðin kvartaði til
Umboðsmanns Alþingis í október
sl. yfir ófullnægjandi rökstuðningi
á ráðningunni og taldi að framhjá
sér hefði verið gengið.
Í álitinu kemur fram að skýrari
grein hafi þó mátt gera fyrir
helstu atriðum um þann umsækj-
anda sem var ráðinn deildarstjóri.
Er það niðurstaða umboðsmanns
að ekki verði annað séð en að
ákvörðun spítalans hafi byggst á
málefnalegum sjónarmiðum, þó að
sú ljósmóðir sem ekki var ráðin
hafi haft meiri stjórnunarreynslu
og menntun en hin. Frekar hafi
ákvörðunin verið byggð á hug-
myndum umsækjenda og framtíð-
arsýn þeirra um rekstur deildar-
innar.
Í rökstuðningi spítalans fyrir
ráðningunni segir m.a. að sú ljós-
móðir sem var ráðin hafi verið lík-
legust til að efla starfsemi deild-
arinnar enn frekar og stuðla að
framþróun hennar á komandi ár-
um.
Erindisbréf hjúkrunarfor-
stjóra verði endurskoðað
Þá beinir umboðsmaður í áliti
sínu þeim tilmælum til Landspít-
alans að endurskoða texta erind-
isbréfs hjúkrunarforstjóra, sem
hafði með ráðninguna að gera, um
framsal á valdi forstjóra. Hjúkr-
unarforstjórinn var þó til þess bær
að taka ákvörðun um ráðninguna,
að mati umboðsmanns, en sam-
kvæmt lögum hafði forstjóri spít-
alans einnig ótvírætt ákvörðunar-
vald um ráðninguna. Beinir
umboðsmaður því til spítalans að
framvegis verði tekið mið af þeim
sjónarmiðum sem rakin eru í álit-
inu.
Þess skal getið að lokum að í
áliti umboðsmanns kemur ekki
fram berum orðum að um Hreiðrið
sé að ræða innan spítalans en af
málsatvikum má auðveldlega finna
út úr því. Í Hreiðrinu er starfrækt
svokölluð MFS-eining, sem stend-
ur fyrir meðgöngu, fæðingu og
sængurlegu, ljósmæðrateymi og
fjölskyldumiðuð sængurlega.
Umboðsmaður Alþingis
Landspítal-
inn gagn-
rýndur
BYGGINGARFULLTRÚI
Reykjavíkurborgar hefur fyrirskip-
að tafarlausa stöðvun framkvæmda
við breytingar á lóð og íbúðarhúsi í
Stigahlíð 93 þar sem ekki hafi ver-
ið sótt um tilskilin leyfi til fram-
kvæmdanna. Var þetta ákveðið í
kjölfar krafna sem nágrannar settu
fram um að framkvæmdirnar yrðu
stöðvaðar. Kaupandi hússins
hyggst koma á fót teiknistofu í
húsinu.
Hinn 12. júlí sl. sendi Dögg Páls-
dóttir hæstaréttarlögmaður bygg-
ingarfulltrúa bréf, þar sem hún
krafðist þess fyrir hönd íbúa húsa-
raðarinnar í Stigahlíð 87 til 97, sem
er í efsta botnlanga Stigahlíðar, að
framkvæmdirnar yrðu stöðvaðar
tafarlaust. Í bréfinu segir m.a. að
um umfangsmiklar breytingar á
umræddu húsi sé að ræða og á lóð
við húsið. Jafnframt hafi nágrann-
arnir fengið upplýsingar um að
breyta eigi notkun hússins.
Hyggjast reka
teiknistofu í húsinu
Í gögnum málsins kemur fram
að kaupandi umrædds húss sendi
nágrönnunum í Stigahlíð bréf 11.
júlí þar sem hann gerði grein fyrir
framkvæmdunum, sem hann sagði
m.a. felast í endurnýjun stoðveggja
við hæðarmun á lóð, að steyptir
veggir við götu yrðu fjarlægðir,
hellulögn endurnýjuð og aukin,
gluggi stækkaður á neðri hæð, sett
opnanlegt fag í glugga á efri hæð,
og endurnýjun klæðningar og þak-
kants.
Jafnframt kemur fram í bréfinu
að eigendurnir, sem eru hjón, ætli
að búa áfram í húsinu. Þau séu
grafískir hönnuðir og hyggist jafn-
framt reka teiknistofu í húsinu,
með þremur starfsmönnum. Þegar
þau hafi leitað að húsnæði hafi þau
kannað hvort leyfi þyrfti til að hafa
teiknistofu í íbúðarhúsi. Þeim hafi
verið tjáð að ekki þyrfti leyfi til
þess og ekkert mælti á móti því.
Fjölmörg dæmi væru og um slíkt.
Fyrri eigandi hússins hafi verið
með skrifstofu í húsinu og fjöldi
arkitekta, hönnuða, verkfræðinga,
tæknifræðinga, endurskoðenda,
lögfræðinga og annarra sérfræð-
inga reki vinnustofur í íbúðarhús-
um.
Í bréfi lögmanns nágrannanna
kemur hins vegar fram að skv.
upplýsingum Borgarskipulags sé í
gildi deiliskipulag fyrir svæðið um
að þar sé eingöngu íbúðabyggð.
Nágrannar telji því að breyting á
húsnæðinu í atvinnuhúsnæði að
hluta sé óheimil nema með sér-
stakri breytingu á deiliskipulagi.
Ekkert byggingarleyfi
verið samþykkt
Í erindi byggingarfulltrúa til eig-
enda hússins 17. júlí sl., segir að
svarað hafi verið jákvætt að upp-
fylltum skilyrðum fyrirspurn eig-
endanna um hvort leyft yrði að
klæða vegg á norðurhlið hússins,
stækka glugga o.fl. ,,Ekki hefur
borist umsókn vegna þessara
breytinga, né annarra sem nú virð-
ist unnið að og því enginn bygging-
arstjóri né meistari skráð sig á
verkið enda hefur ekkert bygging-
arleyfi verið samþykkt vegna þess-
ara framkvæmda, sem þó ber skil-
yrðislaust að sækja um sbr. 43. gr.
skipulags- og byggingarlaga nr. 73/
1997, sbr. einnig 11. gr. bygging-
arreglugerðar nr. 441/1998,“ segir í
bréfinu, þar sem jafnframt er til-
kynnt að framkvæmdirnar skuli
stöðvaðar tafarlaust.
Byggingarfram-
kvæmdir stöðvaðar
Nágrannar kvarta vegna breytinga á íbúðarhúsi
HREINN Sigfússon íbúi á Rauf-
arhöfn, hefur hannað og smíðað
nokkuð óvenjulegt orf, til að slá
garðinn við heimili sitt. Verkfærið
er knúið rafmagni og er að uppi-
stöðu gamalt orf sem Hreinn festi
gamla borvél á, en framan á borinn
settti hann hjólsagarblað. Rofinn er
svo fótstig úr gamalli saumavél og
handfangið er málningarrúlla.
„Þetta er óttalegur mói, garð-
urinn hjá mér, og því erfitt að slá
þarna,“ sagði Hreinn í samtali við
Morgunblaðið. „Það eru helst orf
sem geta slegið í kringum svona
þúfur og steina. Mér tókst ekki að
útvega mér orf þannig að ég bjó
það bara til sjálfur.“
Hreinn segist gjarnan smíða hitt
og þetta, fái hann skemmtilegar
hugdettur, svo framarlega sem
honum takist að útvega efnivið.
„Ég bý yfirleitt til það sem mig
vantar, þegar ég bjó til orfið bjó ég
líka til hrífu, úr nöglum og spýtu.
Eins tek ég gjarnan sundur ýmiss
konar tæki og bý til eitthvað nýtt úr
þeim,“ sagði Hreinn.
Morgunblaðið/Erlingur
Orf smíðað úr borvél
og gamalli saumavél
MAÐUR braust inn í mynd-
bandaleigu við Arnarbakka í
Breiðholti í fyrradag.
Að sögn lögreglunnar í
Reykjavík urðu íbúar í ná-
grenni leigunnar varir við
ferðir mannsins og kölluðu til
lögreglu. Þegar lögreglu bar
að var maðurinn hlaupinn á
brott en náðist í hverfinu
skömmu síðar. Hann var ekki
með þýfið á sér en vísaði lög-
reglu á það.
Brotist inn
í mynd-
bandaleigu
RÍFLEGA 2.000 manns frá Hjalt-
landseyjum og öllum Norðurlönd-
unum nema Grænlandi hittust við
Hallgrímskirkju í gærdag. Blaða-
maður og ljósmyndari rákust á
þennan dansandi flokk í marg-
menninu en hann kemur frá
borginni Turku í Finnlandi.
Frá Hallgrímskirkju hélt hers-
ingin, sem er hér á landi vegna
norræna þjóðdansa- og þjóðlaga-
mótsins Barnlek 2001, í skrúð-
göngu niður Skólavörðustíg og
síðan var ætlunin að dansa frá
hafnarbakkanum upp Laugaveg-
inn fram eftir degi.
Nokkrir dropar féllu úr lofti en
hópurinn lét það ekki á sig fá og
dansaði í rigningunni.
Norræna þjóðdansa- og þjóð-
lagamótinu lauk í gærkvöldi.
Morgunblaðið/Jim Smart
Þjóðdansahópurinn frá Finnlandi átti ekki í vandræðum með dans-
sporin og vakti mikla athygli vegfarenda.
Þjóð-
dansar
í mið-
bænum
VEGNA fornleifauppgraftar á Gás-
um í Eyjafirði, sem fjallað var um í
Morgunblaðinu í gær, liggur fyrir
hjá menntamálaráðuneyti stjórn-
sýslukæra frá 18. júlí sl.
Stjórnsýslukæran var send inn til
ráðuneytisins af lögmanni dr.
Margrétar Hermanns Auðardóttur.
Í kærunni er m.a. bent á yfirtöku
þjóðminjavarðar og safnstjóra
Minjasafns Akureyrar á vel kynnt-
um rannsóknaráformum hennar og
innlendra og erlendra samstarfs-
aðila á Gásum í Eyjafirði.
Undanfari kærunnar er formleg
beiðni lögmanns Margrétar til
menntamálaráðuneytis frá 2. júlí
þess efnis að framkvæmdir á Gásum
verði stöðvaðar þar sem stjórnsýslu-
kæra sé væntanleg til ráðuneytisins.
Í samtali við Morgunblaðið sagði
Margrét að það vekti athygli í frétt
blaðsins að breskur fornleifafræð-
ingur væri stjórnandi rannsóknar-
innar á Gásum, en sá sem sótti um
leyfið væri Orri Vésteinsson, dr. í
sagnfræði.
„Þar sem Orra er veitt leyfið fyrir
hönd Fornleifastofnunar Íslands
mætti þar af leiðandi ætla að hann
væri stjórnandi rannsóknarinnar,“
sagði Margrét.
Stjórnsýslukæra
vegna uppgraftar
á Gásum lögð fram
♦ ♦ ♦
TVEIR farþegar fólksbifreiðar voru
fluttir á slysadeild eftir umferðar-
óhapp við gatnamót Breiðholts-
brautar og Miðskóga snemma í gær-
morgun.
Fólksbíllinn lenti í árekstri við
strætisvagn og þurfti að kalla á
tækjabíl slökkviliðsins til þess að
koma öðrum farþeganum út, en
hurðar bílsins voru fastar eftir
áreksturinn. Jafnframt var götunni
lokað fyrir umferð um tíma.
Farþegarnir sluppu með minni-
háttar áverka en þurftu aðhlynningu
á slysadeild.
Tveir á
slysadeild
eftir árekst-
ur í Mjódd