Morgunblaðið - 28.07.2001, Blaðsíða 8

FRÉTTIR
8 LAUGARDAGUR 28. JÚLÍ 2001 MORGUNBLAÐIÐ
Nýr ritstjóri Stúdentablaðsins
Blaðið spegill á
innra líf skólans
STJÓRN Stúdenta-ráðs ákvað fyrirskömmu að ráða úr
hópi fjögurra umsækjenda
Bjarka Valtýsson í stöðu
ritstjóra Stúdentablaðsins
fyrir veturinn 2001–2002.
Bjarki var spurður hve-
nær fyrsta blað undir
hans ritstjórn kæmi út.
„Ég tek til starfa 15.
ágúst nk. og það má búast
við fyrsta blaði rúmum
mánuði eftir það.“
– Ertu farinn að leggja
línurnar?
„Já, það eru ýmsar hug-
myndir farnar að myndast
hvað varðar bæði efni og
aðila að ritstjórninni.
Vissulega er fullsnemmt
að lýsa einhverju yfir hvað
þetta snertir, ég get þó
sagt að blaðið á að þjóna háskóla-
samfélaginu og virka sem eins-
konar spegill á það líf sem fram
fer innan þess. Hvað þetta varðar
er háskólinn prýðileg upplýsinga-
veita, sem dæmi um slíkt er af-
mæli Háskóla Íslands – það veitir
manni þemu upp í hendurnar.“
– Er Stúdentablaðið eingöngu
ætlað stúdentum við HÍ?
„Fyrst og fremst á Stúdenta-
blaðið að segja fregnir og
skemmtileg tíðindi frá starfsemi
Háskóla Íslands – það kemur til
með að beina spjótum sínum að
þeim vettvangi. Hins vegar er
mikilvægt að blaðið sé aðlaðandi
og læsilegt fyrir t.d. eldra fólk
sem hyggur á nám eða endur-
menntun, sem og framhalds-
skólanema sem hyggja á háskóla-
nám. Við dreifingu á blaðinu
verða þessir markhópar hafðir í
huga.“
– En nú eru komnir nokkrir
aðrir háskólar – mun þess sjá
stað í Stúdentablaðinu?
„Það er ekki ætlunin að segja
beinar fregnir af lífinu í öðrum
háskólum á landinu, enda er af
nógu af taka í Háskóla Íslands.
En komi upp álitamál eða mál
sem snerta t.d. samvinnu HÍ við
aðra háskóla þá mun þess að
sjálfsögðu verða getið.“
– Hvenær hófst útgáfa Stúd-
entablaðsins?
„Stúdentaráð tók til starfa
1920 og nokkrum árum síðar hóf
Stúdentablaðið göngu sína, það á
því augljóslega langa sögu að
baki.“
– Hefur þú áður komið að rit-
stjórn blaðs?
„Já, ég var ritstjóri Munins,
skólablaðs Menntaskólans á Ak-
ureyri skólaárið 1996–1997. Það
var virkilega góður skóli því ég
og ritstjórnin sáum ekki aðeins
um alla ritstjórn og efnisöflun
heldur alla auglýsingasöfnun og
að hluta uppsetningu. Við geng-
um þannig nær algerlega frá
blaðinu sjálfir.“
– Hvað með auglýsingar, er
mikið af þeim í Stúdentablaðinu?
„Ritstjóri og ritstjórn koma
ekki að auglýsingasöfnun fyrir
Stúdentablaðið, aðrir aðilar sjá
um það. Hlutfall aug-
lýsinga er 30 til 40%
eins og algengt er með
miðla af þessu tagi.“
– Ertu með hug-
myndir um breytta
vinnslu blaðsins?
„Það er ætlun mín
að koma blaðinu betur til skila á
vefnum www.student.is. Netmál
nema innan Háskóla Íslands og
þeirra sem eiga heimili á stúd-
entagörðunum eru mjög góð,
betri en gengur og gerist við t.d.
erlenda háskóla eins og t.d. há-
skólann í Kaupmannahöfn og há-
skólann í Madrid.“
– Hvernig ætlarðu að standa að
efnisöflun?
„Það býr margur ritsnillingur
meðal nema við Háskóla Íslands.
Ég ætla mér að draga þá úr skel
sinni. Til að hrinda þessu í fram-
kvæmd er ætlunin að vera í góðri
samvinnu við formenn einstakra
félaga innan skólans og ekki síst
skorarformenn sem hefðu þá
samband við kennara, sem sjá
einna helst hvernig ritfærni nem-
endanna er háttað. Einnig er
mikilvægt að leita inn í sem flest-
ar deildir svo að fjölbreytileikinn
verði sem mestur. Reynt verður
að kafa ofan í sem flest mál.“
– Eiga svona blöð eins og Stúd-
entablaðið ríkt erindi í öllu upp-
lýsingaflæði samtímans?
„Já, fullkomlega. Stúdenta-
blaðið hefur ákveðna sérstöðu í
þessu upplýsingaflæði því að
blaðið tekur ákveðinn pól í þá átt
sem koma skal, í blaðinu koma
fram hugsanir þeirra sem eru í
mótun – framtíðarfólksins á
vinnumarkaði Íslendinga. Þess
vegna hefur miðillinn ákveðið for-
spárgildi hvað varðar það sem
koma skal og þær hugmyndir
sem krauma undir niðri.“
– Verður Stúdentablaðið vett-
vangur pólitískra átaka undir
þinni stjórn?
„Nei, Stúdentablaðið er í eðli
sínu ópólitískur miðill og mun
verða það áfram undir
minni stjórn. En hefð
er fyrir því að ein síða
sé lögð undir pólitísk
skoðanaskipti í hverju
blaði og svo verður
áfram.
– Eru einhver efni
þér hugleiknari en önnur?
„Ég hef persónulega brennandi
áhuga á öllu sem viðkemur frétta-
mennsku og menningarmálum.
Blaðið á ekki að vera eingöngu
fræðandi fréttalega séð heldur á
þetta líka að vera skemmtilegt
blað. Afþreying á fullkomlega
heima í Stúdentablaðinu líka.“
Bjarki Valtýsson

Bjarki Valtýsson fæddist 17.
júlí 1976 á Akureyri. Hann tók
stúdentspróf frá Mennta-
skólanum á Akureyri 1997 og
BA-próf í almennri bókmennta-
fræði með íslensku sem auka-
grein frá Háskóla Íslands. Einu
af þremur háskólanámsárunum
varði Bjarki í Kaupmannahöfn
við nám í háskólanum þar. Eftir
útskrift fór hann í spænskan há-
skóla, Universidad de Complu-
tense þar sem hann nam
spænsku. Hann hefur starfað á
sambýlum og við prófarkalestur.
Nú er hann textasmiður fyrir
markaðsdeild Stöðvar 2 og rit-
stjóri Stúdentablaðsins. Sam-
býliskona Bjarka er Hildur Þór-
isdóttir, nemi í íslensku við HÍ.
Fregnir og
skemmtileg
tíðindi af
starfsemi Há-
skóla Íslands
„Konan sem kyndir ofninn minn.“
Á VETTVANGI Alþjóðavinnumála-
stofnunarinnar (ILO) hafa verið
samþykktar leiðbeinandi reglur um
baráttuna gegn útbreiðslu eyðni og
um stöðu HIV-smitaðra á vinnu-
markaði. Í framhaldi af þessum
reglum hyggjast Alþjóðasamtök at-
vinnurekenda (IOE) gefa út handbók
um eyðni fyrir vinnuveitendur með
frásögnum um góða framkvæmd á
vinnustað, sem geti orðið öðrum til
fyrirmyndar. Samtök atvinnulífsins
hafa áhuga á að taka þátt í verkefn-
inu og hafa því óskað eftir dæmum úr
framkvæmdinni hér.
Hrafnhildur Stefánsdóttir, yfirlög-
fræðingur samtakanna, segir að lítið
hafi reynt á þetta hérna. „Við höfum
vart orðið vör við vandamál eða feng-
ið fyrirspurnir varðandi eyðni eða
HIV-smit til okkar hjá Samtökum at-
vinnulífsins,“ segir hún, en bendir á
að þeim hafi þótt ástæða til að vekja
athygli vinnuveitenda á að þarna er
að finna leiðbeiningar varðandi með-
ferð þessara mála. Hún segir að þau
vilji gjarnan fá upplýsingar um
reynslu fyrirtækja til að geta miðlað
þeim.
23 milljónir HIV-smitaðra
á vinnumarkaði
Að sögn Hrafnhildar eru leiðbein-
ingarnar þáttur í átaki ILO til að
draga úr áhrifum eyðni á vinnustöð-
um og beinist ekki aðeins að þeim
löndum þar sem eyðni er útbreiddust
heldur einnig forvörnum á öðrum
svæðum. Í fréttatilkynningu stofnun-
arinnar kemur fram að af þeim 36
milljónum sem eru taldar smitaðar af
HIV-veirunni í heiminum séu að
minnsta kosti 23 milljónir á vinnu-
markaði.
Hún segir að leiðbeiningarregl-
urnar sem Alþjóðavinnumálastofn-
unin hafi gefið út fjalli um stöðu HIV-
smitaðra á vinnustað og hvernig fyr-
irtæki og starfsmenn geti tekið á
málum og lagt sitt af mörkum til að
hamla útbreiðslu HIV-veirunnar.
Ný handbók ILO í baráttunni gegn eyðni
Vilja fá reynslusögur HIV-
smitaðra á vinnumarkaði
TILKYNNT var um eld í sumarbú-
stað í Miðfellslandi í Þingvallasveit
laust fyrir klukkan ellefu á fimmtu-
dagskvöld.
Ekki var um mikinn eld að ræða
og samkvæmt upplýsingum hjá
Brunavörnum Árnessýslu hafði
kviknað í út frá reykröri frá eld-
stæði. Þeir sem í bústaðnum voru
höfðu, ásamt nágrönnum, haldið eld-
inum niðri.
Tiltölulega litlar skemmdir eru á
bústaðnum.
Eldur í bústað í
Þingvallasveit
♦ ♦ ♦