Morgunblaðið - 28.07.2001, Blaðsíða 15

VIÐSKIPTI
MORGUNBLAÐIÐ LAUGARDAGUR 28. JÚLÍ 2001 15
BLOOMBERG-fréttaþjónustan hef-
ur sagt frá því að Kenneth Peterson,
eigandi Columbia Ventures, sem
meðal annars á Norðurál í Hvalfirði,
sé nú farinn að sýna fjárfestingum í
gervihnattasímum áhuga. Að því er
fram kemur hjá Bloomberg hóf Pet-
erson að kaupa skuldabréf fyrirtæk-
isins Globalstar um miðjan janúar
eftir að fyrirtækið hætti að standa í
skilum á greiðslum af skuldabréfun-
um.
Til þess hafi hann notað fé sem
hann fékk við sölu á álverksmiðju í
Kaliforníu, en fyrir verksmiðjuna
hafi hann fengið 120 milljónir
Bandaríkjadala eða um 12 milljarða
íslenskra króna sé miðað við gengi
gærdagsins.
Peterson segir í samtali við Blo-
omberg að skuldabréfin hafi verið
keypt fyrir 4 til 12,5 sent á hvern dal,
sem þýðir 4–12,5% af nafnvirði.
Nafnvirði bréfanna er um 140 millj-
ónir Bandaríkjadala, eða um 14
milljarðar íslenskra króna, en Pet-
erson gefur ekki upp hve mikið hann
hefur greitt fyrir bréfin. Miðað við
þessar tölur ætti sú upphæð þó að
liggja á bilinu 5,6 og 17,5 milljónir
Bandaríkjadala.
Auglýsir í dagblaði eftir sam-
vinnu við aðra lánardrottna
Globalstar, sem er eina fyrirtæki
sinnar tegundar sem ekki hefur lýst
sig gjaldþrota, hefur varið um 4
milljörðum Bandaríkjadala í að
senda 48 gervihnetti upp í geiminn
og eiga þeir að tryggja símasamband
hvarvetna á jörðinni. Í lok mars var
fyrirtækið með um 40.000 viðskipta-
vini en áætlanir höfðu gert ráð fyrir
hálfri milljón. Handsímarnir fyrir
kerfið eru nokkuð fyrirferðarmiklir
og geta kostað um 100.000 krónur og
mínútan hefur kostað yfir 100 krón-
ur, sem Peterson segir að verði að
lækka til að ná til fleiri notenda.
Samkvæmt Bloomberg hafa hinar
miklu fjárfestingar Globalstar orðið
því erfiðar. Hlutabréfaverðið hefur
lækkað um 96% síðasta árið og selst
hluturinn nú á 28 sent.
Peterson hefur auglýst í dagblaði
eftir samvinnu við aðra lánardrottna
Globalstar í því skyni að fá að koma
fram sem fulltrúi þeirra gagnvart
fyrirtækinu og freista þess að þvinga
það til að gera breytingar. Í samtali
við Bloomberg segir hann sex mán-
uði liðna frá því að Globalstar hætti
að standa í skilum og litlar breyt-
ingar hafi verið gerðar á viðskipta-
áætlun fyrirtækisins síðan þá. „Hvar
eru nýju áætlanirnar?“ spyr Peter-
son í auglýsingum sínum, um leið og
hann segir fyrirtækið sóa peningum
fjárfesta í misheppnaða áætlun.
Útlitið býsna dökkt
Bloomberg hefur einnig eftir Neil
Dorfinger, sem starfar hjá fjármála-
fyrirtækinu DLS Capital Partners í
Dallas, að fyrirætlanir Petersons séu
langsóttar og útlitið sé býsna dökkt
hjá Globalstar.
„Ég hef verið í því að kaupa hluti
þegar þeir eru óvinsælir,“ sagði Pet-
erson við Bloomberg, og bætti því
við að hann og fjárfestar sem væru
með honum í þessu stunduðu það að
taka við fyrirtækjum í erfiðleikum
og koma rekstrinum í lag. Hann
sagði að þessi hópur hefði einnig
fjárfest á Íslandi, bæði í álveri og
símafyrirtækinu Halló.
Gervihnattasímafyrirtækið Globalstar í erfiðleikum
Kenneth Peterson
fjárfestir í Globalstar
BAUGUR á nú í viðræðum við
Rekstrarfélag Kringlunnar um
opnum Bónusverslunar í húsnæði
Habitat, samkvæmt heimildum
Morgunblaðsins. Habitat hefur
opnað verslun í Askalind í Kópa-
vogi og hyggst flytja alla starf-
semi sína þangað eftir versl-
unarmannahelgi og loka um leið
verslun sinni í Kringlunni.
Leiða má líkur að því að versl-
unarplássið sé eftirsótt en ekkert
hefur fengist staðfest um hver
hlýtur það. Samkvæmt heimildum
Morgunblaðsins er þó líklegast að
Bónus opni þar verslun.
Náist samningar verður um
sextándu verslun Bónuss að ræða
en Bónus rekur nú tólf verslanir í
Reykjavík og nágrenni auk versl-
ana á Ísafirði, Akureyri og Sel-
fossi. Verslun Habitat í Kringl-
unni er rúmir 800 fermetrar og
þar verður því komin þriðja
stærsta Bónusverslun landsins.
Verslunin í Holtagörðum er sú
stærsta á höfuðborgarsvæðinu,
um 870 fermetrar en verslun
Bónuss á Akureyri stærst þeirra
allra, en hún er um 1.500 fer-
metrar.
Flaggskip Bónuss
á Smáratorgi
Sem kunnugt er flytur Hag-
kaup verslun sína á Smáratorgi
yfir götuna í hina nýju versl-
unarmiðstöð við Smáralind í
haust. Morgunblaðið hefur heim-
ildir fyrir því að Bónus muni
opna verslun í húsnæðinu á
Smáratorgi og ef af því verður
mun sú verslun verða flaggskip
Bónuss en húsnæði Hagkaupa á
Smáratorgi er tæpir 5.000 fer-
metrar.
Morgunblaðið/Júlíus
Viðræður standa yfir um opnun Bónus-verslunar í húsnæði Habitat.
Bónus hyggst opna verslanir
í Kringlu og á Smáratorgi
Bónus líklega í stað
Habitat í Kringlunni
LÖGFORMLEGUM aðdraganda
sameiningar Aco og Tæknivals
lauk í gær með samþykkt hluthafa-
fundar Aco á samrunanum. Í til-
kynningu til Verðbréfaþings kem-
ur fram að samrunaefnahags-
reikningur miðast við 1. janúar
síðastliðinn, en sameinuð starfsemi
hefst 1. ágúst næstkomandi.
Um síðustu áramót voru 280
manns starfandi í báðum fyrir-
tækjum en ráðgert er að um 200
manns verði starfandi í Aco-
Tæknivali um næstu áramót. Hér
er því um 29% fækkun starfs-
manna að ræða, en gert er ráð fyr-
ir að velta Aco-Tæknivals verði
svipuð og hún var í fyrirtækjunum
fyrir sameiningu. Öll starfsemi Aco
í Skaftahlíð mun flytjast í Skeifuna
17.
Erfitt tímabil í rekstri
Sex mánaða uppgjör mun taka
mið af rekstri beggja fyrirtækja
frá 1. janúar sl., þar sem tekið hef-
ur verið tillit til afskrifta á kröfum
og birgðum beggja fyrirtækja við
sameiningu. Þar munar mestu um
afskriftir á birgðum vegna kaupa
Aco á raftækjadeild Japis og af-
skriftum á kröfum Tæknivals
vegna Íslenskrar miðlunar. Þá er
endurskipulagningar- og samruna-
kostnaður umtalsverður.
Rekstrarniðurstaða Aco-Tækni-
vals á fyrri hluta árs mun end-
urspegla erfitt tímabil í rekstri,
ákvörðun um miklar afskriftir í
kröfum og mikinn endurskipulagn-
ingar- og samrunakostnað, að því
er segir í tilkynningunni til Verð-
bréfaþings. Gripið hefur verið til
viðamikilla aðgerða til að bregðast
við harðnandi efnahagsumhverfi,
en stefnt er að því að frá miðju ári
hafi Aco-Tæknival hreint borð.
„Þar sem vafamál eru uppi í
kröfum, eignum og birgðum verða
teknar afskriftir. Þetta mun þýða
harða niðurstöðu í sex mánaða
uppgjöri en skapa skýra mynd fyr-
ir sameinað fyrirtæki á seinni 6
mánuðum og til lengri framtíðar,“
segir í tilkynningunni.
Hlutafé aukið um 400 milljónir
Ákveðið hefur verið að auka
hlutafé Aco-Tæknivals og fá þann-
ig inn í reksturinn 400 milljónir
króna. Umsjónaraðili útboðsins er
Búnaðarbanki Íslands og er stefnt
að því að sala fari fram í ágúst/
september. Árshlutauppgjörið
verður birt í ágúst, ásamt endur-
skoðuðum áætlunum Aco-Tækni-
vals fyrir seinni hluta þessa árs.
Lögformlegum aðdraganda sameiningar Aco og Tæknivals lokið
Afskriftir þýða harða niður-
stöðu í sex mánaða uppgjöri
FORSVARSMENN annars stærsta
banka á Bretlandi, Abbey National,
segjast opnir fyrir tilboðum um sam-
starf eða samruna við aðra banka-
stofnun. Breski iðnaðar- og við-
skiptaráðherrann hefur stöðvað
yfirtöku Lloyds TSB á Abbey
National, að fengnu áliti samkeppn-
isyfirvalda þar í landi, en tilkynnt
var um þau samrunaáform í desem-
ber sl.
Það var skoðun samkeppnisyfir-
valda að samruni Abbey National og
Lloyds TSB myndi minnka sam-
keppni á bankamarkaði en sameinað
félag myndi fá 27% markaðshlut-
deild. Einnig myndi samruninn
minnka möguleika lítilla banka og
hindra samkeppni þeirra á milli.
Áhrifin yrðu hærra verð til við-
skiptavina og minni nýsköpun.
Lloyds hafði metið samlegðaráhrif
af samrunanum um einn milljarð
punda á ári í lækkuðum kostnaði.
Upphæðin samsvarar um 140 millj-
örðum íslenskra króna. Samkeppn-
isyfirvöld féllust á að sparnaður
myndi hljótast af samrunanum, en
höfðu ekki trú á að neytendur fengju
að njóta hans í formi lækkaðs verðs.
Abbey National hefur nú tilkynnt
15% hagnaðaraukningu fyrir fyrstu
sex mánuði ársins miðað við sama
tíma í fyrra. Hagnaður Abbey nemur
sem samsvarar 140 milljörðum ís-
lenskra króna og var í samræmi við
væntingar sérfræðinga.
Ian Harley, forstjóri Abbey Nat-
ional, segir í samtali við fréttavef
BBC að Abbey sé tvímælalaust
áhugaverðasti fjárfestingarkostur-
inn á bankamarkaði. Það sé vilji for-
svarsmanna bankans að hann haldi
áfram að vaxa og þeir séu opnir fyrir
tilboðum.
Lloyds TSB bauð 18 milljarða
punda í Abbey, eða um 2.500 millj-
arða íslenskra króna.
Abbey National auglýsir
eftir tilboðum um samstarf
Samruni við Lloyds stöðvaður af samkeppnisyfirvöldum