Morgunblaðið - 28.07.2001, Blaðsíða 12

ÞAÐ var að vanda mikið um að vera
á árlegum starfsdegi í Laufási um
síðustu helgi, þar sem fjölda gesta
gafst tækifæri til að rifja upp vinnu-
brögð liðinnar tíðar.
Dagskráin hófst með helgistund
en síðan var tekið til við heyskap á
Laufástúninu þar sem gestir fengu
að spreyta sig við þá iðju með gamla
laginu. Í gamla bænum var unnið að
skyr- og smjörgerð, lummur steiktar
og kaffi malað, svo eitthvað sé nefnt.
Morgunblaðið/Rúnar Þór
Fjölmenni var á starfsdeginum í Laufási. Ungir sem aldnir fylgdust
forvitnum augum með aldagömlum vinnubrögðum.
Fjörlegt á starfs-
degi í Laufási
AKUREYRI
12 LAUGARDAGUR 28. JÚLÍ 2001 MORGUNBLAÐIÐ
Blaðbera
vantar
• Skerjafjörður
Upplýsingar fást í síma
569 1122
Hjá Morgunblaðinu starfa um 600 blaðberar á
höfuðborgarsvæðinu
ⓦ
vantar
Blaðburður verður að hefjast um leið og blaðið kemur
í bæinn. Góður göngutúr sem borgar sig.
Morgunblaðið,
Kaupvangsstræti 1, Akureyri,
sími 461 1600.
í syðri hluta Oddeyrar,
Byggðaveg - Ásveg,
Helgamagrastræti - Munkaþverárstræti,
Oddeyrargötu/Brekkugötu.
DRÖG að samningum við Þór, KA,
Golfklúbb Akureyrar og Íþrótta-
bandalag Akureyrar til að rétta af
erfiða fjárhagsstöðu íþróttafélag-
anna voru lögð fyrir bæjarráð í vik-
unni. Heildarskuldir íþróttafélag-
anna í bænum námu 220 milljónum
króna um síðustu áramót og þar af
námu skuldir KA, Þórs og GA um
210 milljónum króna. Heildarskuldir
KA um áramót voru 123 milljónir
króna, Þórs um 57 milljónir króna og
GA um 30 milljónir króna.
Að sögn Ásgeirs Magnússonar,
formanns bæjarráðs, er stefnt að því
að ganga frá samningum við félögin
á allra næstu dögum. Starfshópur
bæjarstjórnar sem fór yfir fjárhags-
stöðu félaganna lagði fram tillögur
til úrbóta og sagði Ásgeir að unnið
væri að málinu á grundvelli þeirrar
úttektar sem fram fór. Þar er m.a.
gert ráð fyrir að bærinn yfirtaki
hluta eigna íþróttafélaganna þriggja
og aðstoði þau þannig við að greiða
niður skuldir og jafnframt að rekstr-
arstyrkir til þeirra verði auknir. Ás-
geir sagðist ekki geta nefnt neinar
tölur á þessari stundu, þar sem ekki
lægi endanlega fyrir hver kostnaður
bæjarins yrði.
Samkvæmt tillögum starfshópsins
sem unnið er eftir við samningsgerð-
ina er kostnaður bæjarins um 175
milljónir króna. Þar er lagt til að
gerður verði samstarfssamningur
við ÍBA þar sem fram komi megin-
reglur í samskiptum bæjarins og
ÍBA.
Bærinn kaupi eignir fyrir tæp-
ar 150 milljónir króna
Jafnframt er lagt til að ÍBA ráði
sér fjármálastjóra sem kostaður
verði af Akureyrarbæ. Þá er lagt til
að Akureyrarbær leggi fram fjár-
veitingar til kaupa á eignum til að
létta skuldastöðu félaganna, alls
tæpar 150 milljónir króna. Þannig að
bærinn kaupi hlut KA í íþróttahúsi
félagsins fyrir 95 milljónir króna,
kaupi búningsaðstöðu Þórs í kjallara
Hamars fyrir fjölnota íþróttahús á
37 milljónir króna og hlut í aðstöðu
GA vegna búningaaðstöðu og véla-
geymslu fyrir 13 milljónir króna.
Einnig leggur starfshópurinn til
að bærinn leggi fram fjárveitingar
vegna framtíðaruppbyggingar
íþróttamannvirkja og fjármagni all-
ar nýframkvæmdir. Bærinn tryggi
fjárframlag til rekstrar þessara
mannvirkja svo að tryggt verði að
félögin fjárfesti ekki umfram getu.
Unnið að lausn á erfiðri fjárhagsstöðu stærstu íþróttafélaganna á Akureyri
Samningar bæjarins og
íþróttafélaganna á lokastigi
AKUREYRARKIRKJA: Sunnu-
dagur 29. júlí, guðsþjónusta kl. 11.
Sr. Svavar A. Jónsson. Gary Verk-
ade leikur á orgel. Félagar úr Kór
Akureyrarkirkju. Organisti Eyþór
Ingi Jónsson. Sumartónleikar kl.
17. Gary Verkade frá Svíþjóð leik-
ur á orgel. Aðgangur er ókeypis og
allir velkomnir.
Þriðjudagur 31. júlí, morgun-
söngur kl. 9. Fimmtudagur 2.
ágúst, kyrrðar- og fyrirbænastund
kl. 12.
Bænaefnum má koma til prest-
anna. Unnt er að kaupa léttan há-
degisverð í safnaðarheimili eftir
stundina.
GLERÁRKIRKJA: Kvöldmessa í
Lögmannshlíðarkirkju sunnudag-
inn 29. júlí kl. 21.
HJÁLPRÆÐISHERINN: Almenn
samkoma sunnudaginn 29. júlí kl.
20. Ýmsir taka þátt, allir velkomn-
ir.
PÉTURSKIRKJA: Messa kl. 18
laugardaginn 28. júlí og kl. 11
sunnudaginn 29. júlí.
Kirkjustarf
FJÓRÐU Sumartónleikar í Akur-
eyrarkirkju verða haldnir sunnudag-
inn 29. júlí kl. 17 og er flytjandi
Bandaríkjamaðurinn og orgelleikar-
inn Gary Verkade.
Á efniskrá verða verk eftir Diet-
rich Buxtehude, Jörg Herchet, An-
tonio Vivaldi og Charles Tourne-
mire. Aðgangur er ókeypis og allir
eru velkomnir.
Gary Verkade er fæddur í Chicago
og ólst upp í syðri úthverfum borg-
arinnar. Hann nam tónlist, þar með
talið orgelleik, tónsmíðar, tónfræði,
kontrapunkt og tónlistarfræði í
Calvín-tónlistarháskólanum og í há-
skólanum í Iowa (MFA, DMA) og
fékk síðan Fulbright-styrk til áfram-
haldandi náms í Essen í Þýskalandi
þar sem hann lauk einleikararaprófi
og bjó síðan í 17 ár.Gary hefur ein-
beitt sér að evrópskri og bandarískri
nútímatónlist, s.s. eftir Luciano Ber-
io, John Cage, Morton Feldman,
Ernst Helmut Flammer, Jörg
Herchet, Scott Roller og Christian
Wolff.
Gary Ver-
kade leik-
ur á orgel
Sumartónleikar
í Akureyrarkirkju
NÚ er hafin síðasta sýningarhelgi
tveggja sýninga í Ketilhúsinu. Um er
að ræða sýninguna „Bæjó, hver veg-
ur að heiman er vegurinn heim“ þar
sem nemar úr Listaháskóla Íslands,
þau Daníel Björnsson, Huginn Ara-
son, Bryndís Ragnarsdóttir, Geir-
þrúður Finnbogadóttir Hjörvar og
Ágúst Ævar Gunnarsson sýna.
Á efri hæð Ketilhússins er sýning
finnsku myndlistarkonunnar Elenu
Koskimies og endar hún einnig
þessa helgi. Elena hefur dvalið í
gestavinnustofu Gilfélagsins á Akur-
eyri sl. mánuð.
4. ágúst opna Tumi Magnússom
og Ráðhildur Ingadóttir sýningu
sína í stóra sal Ketilhússins.
11. ágúst opnar Rannveig Helga-
dóttir sýningu sína á jarðhæð Ket-
ilhússins undir hringstiganum og
stendur sú sýning til 26. ágúst.
Í Deiglunni sýna þrír íslenskir út-
skriftarnemar frá AKI listaháskól-
anum í Enschede í Hollandi verk sín.
Sýningin stendur til 5. ágúst.
11. ágúst opnar Þórey Eyþórs-
dóttir sýningu sína í Deiglunni og
stendur hún til 26. ágúst.
Sýningum
að ljúka í
Ketilhúsinu
HORNBREKKA, heimili aldraðra í
Ólafsfirði bauð vistmönnum og
starfsfólki til grillveislu í síðustu
viku.
Veður var ágætt, en svolítil norð-
angola og var því veislan sunnan
við Hornbrekku, en þar er gott
skjól. Jón Árnason spilaði á nikk-
una.
Grillveisla
á Horn-
brekku
Ólafsfjörður
Morgunblaðið/Helgi Jónsson
Vistfólk á Hornbrekku gæðir sér á mat og drykk.
GÚSTAF Bollason opnar sýningu í
Kompunni að Kaupvangstræti 24 á
Akureyri í dag, laugardag, kl.
17.00.
Sýningin stendur til 11. ágúst og
eru allir boðnir velkomnir.
Kompan er opin daglega kl.
14.00–17.00 frá þriðjudegi til laug-
ardags.
Gústaf sýnir
í Kompunni
ÓLAFUR Sveinsson, myndlistar-
maður á Akureyri, heldur sýningu
á hluta málverka sinna á veggjum
húsgagnadeildar Office 1 á Akur-
eyri. Um er að ræða olíumálverk í
mismunandi stíl sem gefur skoð-
endum örlitla sýn í verk Ólafs.
Hugmyndin er skipta út og bæta
inn nýjum myndum Ólafs eftir því
sem tilefni gefst til og svo síðar að
hleypa jafnvel öðrum listamönnum
að. Málverkasýning sem þessi er
liður í gera húsgagnadeildina
meira aðlaðandi, ásamt því að
stuðla að því að koma góðum ein-
staklingum og list þeirra á fram-
færi. Myndir Ólafs eru allar til
sölu.
Málverkasýn-
ing í verslun
MINJASAFNIÐ á Akureyri
hefur skipulagt gönguferðir um
hverfi Akureyrar á sumrin.
Rölt er um göturnar, skoðuð
gömul hús og saga þeirra rifjuð
upp eins og kostur er.
Bæði heimamenn og ferða-
menn hafa tekið þátt í þessum
gönguferðum og stundum haft
eitthvað til málanna að leggja
um sögu húsanna.
Í dag, laugardag, verður far-
ið um Oddeyrina. Hún fór að
byggjast upp úr 1870 eftir að
Gránufélagið reisti þar fyrstu
verslunarhús sín. Fyrstu árin
fjölgaði íbúum hægt en um
1880 er Strandgatan farin að
byggjast og fram að aldamót-
um varð mikil íbúafjölgun á
Oddeyri.
Lagt verður af stað frá
Gránufélagshúsunum kl. 14.00.
Leiðsögn annast Margrét
Björgvinsdóttir safnkennari.
Aðgangur er ókeypis og allir
velkomnir.
Sögu-
ganga um
Oddeyrina
♦ ♦ ♦
♦ ♦ ♦
♦ ♦ ♦
Listasumar
♦ ♦ ♦