Morgunblaðið - 28.07.2001, Blaðsíða 14

LANDIÐ
14 LAUGARDAGUR 28. JÚLÍ 2001 MORGUNBLAÐIÐ
TRÚBADORINN veiðiglaði Halli
Reynis er staddur hérlendis.
Fréttaritari náði tali af Halla
sem átti stutt stopp í Borgarnesi á
leið sinni vestur í Dali, þar sem
hann var að fara að veiða. Halli
segist fá mikið út úr því að vera í
sumarfríi á Íslandi en hann er bú-
settur ásamt fjölskyldu sinni í
Kaupmannahöfn. ,,Ég er að fara
að veiða fyrir vestan í uppá-
haldsánni minni og ætla að snara á
land bæði löxum og silungum. Ég
fékk algert kikk þegar ég tók upp
18 punda lax um daginn! Topp-
urinn er samt að vera einn úti í
náttúrunni helst um sumarbjarta
nótt við silungsveiðar og þá læðast
stundum að mér laglínur sem síðar
verða að lögum,“ segir Halli.
Um þessar mundir er hann að
undirbúa upptökur á nýju efni og
ætlar að taka upp efni á ensku
næsta vetur. Halli segist aldrei
syngja á dönsku, auðveldara sé að
syngja á ensku og hann langar að
gefa út disk sem hann getur selt
bæði í Danmörku og á Íslandi og
vonandi víðar í Evrópu. Á disknum
verða ný lög og tvö gömul lög sem
hann hefur gert enska texta við.
Annað á döfinni er samstarf og
undirbúningur fyrir komu
Fræbbblanna til Danmerkur.
,,Þeir ætla að halda tónleika, að
öllum líkindum í Kristjaníu í byrj-
un október og sé ég um allan und-
irbúning. Ég mun væntanlega líka
koma fram á þeim tónleikum en
annars hef ég lítið gert að því að
spila í Danmörku. Ég hlakka mikið
til og það verður örugglega mjög
gaman að vinna með þeim.“ Halli
Reynis hefur ekki mátt vera að því
að spila mikið á Íslandi í fríinu en
hélt eina tónleika í Reykjavík og
spilaði á Leifshátíð í Dölunum.
,,Ég kom ekki með gítarinn, fékk
bara lánaðan gítarinn hennar
tengdamömmu,“ segir Halli sem
er kominn veiðivestið og tilbúinn
að halda ferð sinni áfram í Dalina.
Morgunblaðið/Guðrún Vala
Halli Reynis.
Trúbadorinn veiðir,
syngur og semur
Borgarnes
BJARNI Jón Finnsson og Helga
Ólafsdóttir eru að undirbúa að-
stöðu til að taka á móti ferðamönn-
um inn við Höfðabrekkuafrétt í
Mýrdal.
Flutningurinn
talsvert fyrirtæki
Bjarni Jón segir að það verði
hans fyrsta verk að koma fyrir sal-
ernisaðstöðu og slétta fyrir tjald-
stæði í gilkjaftinum á Þakgili og svo
verði ferðaþjónustan í Höfðabrek-
kuafrétti að þróast, t.d. geti hann
boðið upp á gönguferðir um afrétt-
inn enda eru þar margar mjög fal-
Morgunblaðið/Jónas Erlendsson
Salernisaðstaða flutt yfir Múlakvísl í Mýrdal.
Salernisaðstaða
á ferðalagi
Fagridalur legar og stórkostlegar gönguleiðir.
Hann fékk gömlu salernin sem
voru á tjaldstæðunum í Vík en þau
höfðu staðið ónotuð í nokkur ár.
Þessir flutningur var töluvert fyr-
irtæki því fyrst varð að koma hús-
inu upp á vörubíl og aka síðan með
það inn í Þakgil.
Bjarni Jón varð að aka húsinu yf-
ir Múlakvísl inn við Hafursey rétt
innan við gömlu brúna sem tók af í
hlaupi sem kom í ána 1955, en brúin
yfir Illagil, sem er á gamla þjóðveg-
inum inn Höfðabrekkuheiðar, var
ekki talin bera þennan þunga.
Ferðin gekk í alla staði vel þó að
mikið vatn væri í ánni og botninn
mjög grófur.
NÚ Í SUMAR var árleg messa í
Borgarvirki, sem er náttúrusmíð
í Vestur-Húnavatnssýslu. Þetta
er liður í sumarhátíð héraðsins,
„Björtum nóttum“. Í þessari
messu skírði sóknarpresturinn,
sr. Sigurður Grétar Sigurðsson,
tvö börn og var skírnarfont-
urinn steinn í virkinu, sem virt-
ist hafa um aldir beðið eftir
þessu hlutverki. Messan var vel
sótt af 100 manns og tóku marg-
ir undir söng undir stjórn Helga
S. Ólafssonar, sem lék undir á
harmonikku. Veður var mjög
gott, en hellirigndi klukkustund
fyrir athöfn og eins skömmu
síðar.
Morgunblaðið/Karl Ásgeir Sigurgeirsson
Sr. Sigurður Grétar skírir barn Söndru Ragnarsdóttur.
Messað í
Borgarvirki
Hvammstangi
MIKIL aukning landgræðsluverk-
efna á síðustu árum er framhald af
samstarfi Landgræðslu ríkisins og
bænda og hefur árangur þeirrar
uppgræðslu orðið stórkostlegur, að
sögn Stefáns Skaftasonar, ráðu-
nautar og héraðsfulltrúa Land-
græðslunnar.
Á þessu ári eru mörg stór gróð-
urverkefni í framkvæmd og á
Norðurlandi eystra verður dreift
um 600 tonnum af áburði, en af því
fara 210 tonn í verkefnið „Bændur
græða landið“. Þátttakendur eru
alls um 140 bændur í Eyjafirði,
Suður-Þingeyjarsýslu og Norður-
Þingeyjarsýslu, en flestir í S-Þing-
eyjarsýslu eða réttur helmingur.
Bændurnir leggja sjálfir fram vél-
ar, vinnu og hluta af áburði í
sekkjum og auk þess mikið af hey-
leifum og húsdýraáburði.
Annar áburður fer í 35 svæði,
þ.e. afgirt landgræðslusvæði og
önnur aðgerðasvæði eða alls tæp-
lega 400 tonn. Þessum áburði er að
stærstum hluta dreift af verktök-
um sem í öllum tilfellum eru
bændur. Alls hafa því verið gerðir
20 verktakasamningar á þessu
vori.
Miklu fræi er sáð á svæðinu eða
4,3 tonnum af grasfræi, 3,2 tonn-
um af melfræi og 1,9 tonnum af
lúpínufræi.
Stærstur hluti þessa fræs fer í
aðgerðasvæði til heftingar land-
eyðingu og í baráttuna við sand-
inn. Reikna má með að sáð verði í
alls um 700 hektara á þessu sumri
og þar af lúpínu í 500 hektara.
Aðgerðasvæði Landgræðslu rík-
isins fylgja ströndinni frá Kinn-
arfjöllum til Kópaskers og ofan
byggða á öræfunum, en varnarað-
gerðir þessar hafa breytt stórum
örfoka svæðum í sjálfbær gróð-
urlendi.
Með samstarfinu við Land-
græðsluna hefur bændum tekist að
auka mjög beitarþol og þeir hafa
náð að gera lélega bithaga að sjálf-
bærum beitilöndum. Þá hafa
bændur friðað stór svæði, aukið
gróðurþekju og fegrað ásýnd bú-
jarðanna. Þessu öllu fylgir Land-
græðslan eftir með ráðgjöf en hér-
aðsfulltrúi heimsækir hvern
einasta þátttakanda árlega og
skoðar landsvæðin sem verið er að
græða upp og bæta.
Morgunblaðið/Atli Vigfússon
Þorlákur Páll Jónsson með áburð á foksvæðin nyrst í Aðaldalshrauni
ásamt Stefáni Skaftasyni ráðunaut og héraðsfulltrúa Landgræðslunnar.
Þúsundum hektara breytt
í sjálfbært gróðurlendi
Laxamýri
MIKLAR vegaframkvæmdir standa
nú yfir í Fljótsdal vegna fyrirhug-
aðra virkjunarframkvæmda. Mynd-
in er tekin við Hengifossá í Fljótsdal
þar sem verið er að byggja nýja brú.
Jón Egill Sveinsson og Halldór Berg
Sigmundsson frá Héraðsverki voru
að setja út hæðir fyrir burðarlag á
nýja veginn við Hengifossárbrúna.
Röng mynd birtist með þessari
frétt í fyrradag svo hún er hér end-
urbirt með réttri mynd.
Morgunblaðið/Sigurður Aðalsteins
Setja út hæðir
Norður-Hérað