Morgunblaðið - 06.09.2001, Síða 12

FRÉTTIR
12 FIMMTUDAGUR 6. SEPTEMBER 2001 MORGUNBLAÐIÐ
SÚ NÝBREYTNI hefur verið tek-
in upp í fermingarstarfi Neskirkju
að fermingarbörnum er boðið er
upp á tvær ólíkar leiðir í undirbún-
ingnum. Boðið er upp á sumar- og
vetrarnámskeið, hvort með sínu
sniði.
Sumarnámskeiðið, sem nú var
haldið í annað sinn, stendur í sex
daga með ýmiss konar fræðslu,
vettvangsferðum og helgistundum.
Því er síðan fylgt eftir með ýmsum
verkefnum og kirkjustarfi yfir vet-
urinn.
Vetrarnámskeiðið er hins vegar
með hefðbundnu sniði, þá eiga
börnin að mæta 16 sinnum í
fræðslutíma á föstudögum. Aðrar
skyldur, hvað snertir helgistundir
og kirkjustarf, eru þær sömu hjá
hópunum. Sumarnámskeiðið hefur
fengið geysigóðar viðtökur en um
80% fermingarbarna völdu þann
kostinn í fyrra og um 90% í ár, eða
114 börn.
Sterkari upplifun
Sumarfermingarnámskeið hafa
verið haldin í ýmsum kirkjum, að
sögn sr. Arnar Bárðar Jónssonar,
en engin svo hann viti með því
sniði, sem er í Neskirkju. Segir
hann námskeiðið í Neskirkju viða-
mikið og að alls komi á annan tug
starfsmanna að því. Meðal þeirra
eru tveir ungir guðfræðingar, sem
útskrifuðust í vor, þeir Aðalsteinn
Þorvaldsson og Sigfús Kristjáns-
son. Þeir hafa báðir starfað með
skátafélaginu Ægisbúum og Sigfús
hefur auk þess verið sveitarforingi
og setið í fræðsluráði íslenskra
skáta. Þeir segja reynsluna af
starfi með börnum og unglingum í
skátastarfinu ómetanlega þegar
kemur að fermingarfræðslunni.
Telja þeir að sumarnámskeiðið
hafi þann kost fram yfir vetrar-
námskeiðið að krakkarnir komist í
miklu betra samband við kirkjuna,
upplifun þeirra af kirkju og kristni
verði mun sterkari í samfelldu
vikulöngu námskeiði heldur en ef
þau kæmu einu sinni í viku yfir all-
an veturinn.
Séra Örn Bárður hafði forgöngu
um það í fyrra að koma námskeið-
inu á fót. „Ég vissi að finnska
kirkjan hefur verið með mjög öfl-
ug fermingarnámskeið og þá eru
þau með sumarbúðir, þau eru með
börnin í viku eða hálfan mánuð úti
í sveit. Og ég fór að hugsa: Hvern-
ig getum við komið þessu fyrir í
einskonar sumarbúðaformi en haft
þetta í borginni, þannig að þau sofi
heima hjá sér? Þess vegna varð til
þessi tegund af námskeiði, sem er
eins konar sumarbúðanámskeið í
borg, sambland af beinni fræðslu,
upplifun og leik.“
Kvikmynd um Jesú
og vettvangsferðir
Grunnkennsluefnið er kvikmynd
um ævi Jesú, sem byggð er á Lúk-
asarguðspjalli. Segir Örn Bárður,
að þessi kvikmynd sé orðin ein út-
breiddasta kvikmynd sögunnar,
hann hafi heyrt að einn og hálfur
milljarður manna sé búinn að sjá
hana.
„Börnin byrja á að horfa á kvik-
myndina í nokkrum hlutum og síð-
an er lesið úr Biblíunni og það
tengt við kvikmyndina. Hefðbund-
in kennsla fer líka fram í formi
fyrirlestra og úrvinnslu verkefna
og komum við að því prestarnir
þrír, sr. Frank, sr. Halldór og ég,
auk tveggja guðfræðinga og upp-
eldisfræðings og svo erum við með
leikræna tjáningu eða það sem við
köllum samhristing. Helgistund
er við upphaf hvers dags, með org-
elleik, söng og bæn. Og auðvitað
þarf svo að gefa þeim að borða og
drekka. Svo þetta er heilmikil dag-
skrá. Skipulagsvinnan er mjög
mikil og heldur Rúnar Reynisson
utan um hana. Svo notum við vett-
vangsferðir. Ég var til dæmis í all-
an morgun með hópa niðri í Hóla-
vallakirkjugarði við Suðurgötu og
þar töluðum við við þau um lífið og
dauðann. Síðan skoðum við um-
hverfið og kennum þeim um líf-
ríkið. Séra Halldór og Dagný
Halla fóru með tvo hópa niður í
miðbæ í morgun og kynntu sér
miðbæjarstarf kirkjunnar, töluðu
við séra Jónu Hrönn og lærðu um
forvarnir í sambandi við fíkniefni
og annað.
Þetta eru því ekki eintómir fyr-
irlestrar heldur líka upplifun. Í
fræðslunni eru tekin fyrir hefð-
bundin þemu kristinnar trúar en
að auki er hugað að sjálfstyrkingu
barnanna og siðfræði. Loks er ferð
að Úlfljótsvatni sem er mikilvægur
hluti námskeiðsins þar sem dvalið
er í sólarhring við leik og störf. Á
sunnudaginn koma þau svo til
messu og ganga til altaris í fyrsta
sinn ásamt foreldrum sínum,“
sagði Örn Bárður í samtali nýlega.
Eftirfylgdin þarf
að takast vel
Treystirðu þér til þess að meta
hvort þessi fræðsluaðferð skilar
meiri árangri en hefðbundin
fræðsla sem er í gangi allan vet-
urinn?
„Ég held að við þurfum nú meiri
reynslu til þess að geta skorið úr
um það. Því eftirfylgdin yfir vetr-
artímann skiptir ekki síður máli.
Þau eiga að mæta reglulega í
kirkju í vetur og vinna ýmis verk-
efni þannig að þessu lýkur ekki við
lok þessa sumarnámskeiðs.“ Örn
Bárður segir að þau ætli sér að
fylgja námskeiðinu vel eftir í vet-
ur, vera með meira fyrir foreldra
en áður, bjóða upp á fyrirlestra
eða umræður um tiltekin þemu
eftir guðsþjónustur og því um líkt.
Þannig að það er foreldra-
fræðsla líka. Það er kannski ekk-
ert síður mikilvægt?
„Einmitt, við lítum á þetta þann-
ig að fermingin sé málefni fjöl-
skyldunnar. Það voru foreldrarnir,
sem létu skíra barnið, og barnið er
að staðfesta þeirra ákvörðun og þá
er eðlilegt að það sé samvinna fjöl-
skyldunnar um ferminguna.“
Sr. Örn Bárður Jónsson ásamt hópi af fermingarbörnum á sumarnámskeiði Neskirkju.
Nýbreytni í fermingarfræðslu
Morgunblaðið/Golli
Aðalsteinn Þorvaldsson, Sigfús Kristjánsson og Þorvaldur Víðisson út-
skrifuðust úr guðfræði í vor. Þeir hafa allir starfað í Neskirkju langa
hríð, Þorvaldur í 4 ár en Aðalsteinn og Sigfús 2 ár. Þorvaldur hefur starf-
að hjá Útfararstofu Kirkjugarðanna í sumar. Allir telja þeir reynsluna af
sumarnámskeiðinu mjög jákvæða og gefa fögur fyrirheit.
BORGARSTJÓRN Reykjavíkur
kemur saman í dag eftir sumarleyfi.
Hún mun starfa samkvæmt nýrri
samþykkt sem gerð var í vor en hún
felur í sér margvíslegar breytingar,
m.a. á fundartíma, dagskrá funda og
takmörkun á ræðutíma borgarfull-
trúa.
„Fundir borgarstjórnar hefjast nú
klukkan 14 í stað klukkan 17 en
aðalástæðan fyrir breyttum fundar-
tíma er sú að það hefur sýnt sig að
fundirnir hafa oft staðið langt fram á
kvöld,“ segir Kristbjörg Stephensen
fulltrúi og bætir við að það sé til
óhagræðis, bæði fyrir þá sem fund-
ina sitja og alla þá sem áhuga hafa á
að fylgjast með því sem þar fer fram.
„Áður fyrr gegndu borgarfulltrú-
ar almennt öðru starfi en nú er borg-
arfulltrúastarfið í auknum mæli nær
því að vera fullt starf. Það má því
segja að við séum að hverfa til nú-
tímans með því að færa fundina til.“
Kristbjörg segir að hingað til hafi
fyrst og fremst fundargerðir borg-
arráðs verið til umræðu á borgar-
stjórnarfundum og heit pólitísk mál
hafi þar af leiðandi eingöngu verið
rædd undir viðkomandi fundargerð.
Það hafi því oft verið bæði erfitt og
flókið fyrir almenning að fylgjast
með umræðunni. Nú er gert ráð fyr-
ir því að mál, sem menn geta gefið
sér að muni hljóta mikla umræðu,
verði í útsendri dagskrá og rædd
sem sérstakir dagskrárliðir á fund-
inum.
Ræðutími takmarkaður
Þá verður, í því skyni að gera
fundina skilvirkari, ræðutími fram-
sögumanns og borgarfulltrúa tak-
markaður við allt að 30 mínútur við
fyrri umræðu en 10 mínútur við síð-
ari umræðu en áður fyrr máttu menn
tala ótakmarkað.
Í því skyni að stuðla að hagræð-
ingu, skilvirkni og hraðari málsmeð-
ferð er borgarstjórn nú heimilt að
ákveða að fela öðrum aðilum en
nefndum afgreiðslu mála er ekki
varða verulega fjárhag Reykjavíkur-
borgar. „Þetta hefur reyndar verið
heimilt fram til þessa á grundvelli
sveitarstjórnarlaga en er nú fest í
sessi með því að taka upp ákvæði þar
að lútandi í samþykktina,“ segir
Kristbjörg.
Borgarstjórn
kemur saman
í dag eftir sumarhlé
Fundar-
tími færist
fram til
klukkan 14
FRAMKVÆMDASTJÓRAR sveit-
arfélaga á höfuðborgarsvæðinu
tóku í vikubyrjun vel í ósk Sam-
taka sveitarfélaga á höfuðborgar-
svæðinu um 20 milljóna króna
aukafjárframlag til að rétta við
fjárhag samtakanna, að sögn Ernu
Nielsen, formanns SSH.
Erna Nielsen segir að fjár-
hagsvandinn sé tilkominn vegna
ákveðinna verkefna sem farið hafi
fram úr áætlun. Þar vegi þyngst
girðingaframkvæmdir í kringum
höfuðborgarsvæðið, sem hafi farið
um 10 milljónum króna fram úr
áætlun, um níu milljónir vanti
vegna þess að ekki hafi verið gert
ráð fyrir starfslokasamningi fram-
kvæmdastjóra, ráðningu nýs fram-
kvæmdastjóra, launaskriði í kjöl-
far samninga og ýmsu öðru í fjár-
hagsáætlun fyrir 2001 og SSH hafi
ekki fengið rúmlega fimm millj. kr.
kostnað endurgreiddan vegna
aksturs fatlaðra grunnskólanem-
enda.
Að sögn Ernu eru margar skýr-
ingar á því hvers vegna kostnaður
vegna girðingaframkvæmda hefur
farið eins mikið fram úr áætlun og
raun ber vitni. Í því sambandi
nefnir hún að sum sveitarfélögin
hafi ekki samþykkt bann við lausa-
göngu búfjár og því hafi girðingin
orðið að vera viðameiri en ella.
Gert hafi verið ráð fyrir framlagi
frá Vegagerðinni og landbúnaðar-
ráðuneytinu og enn væri vonast
eftir greiðslum þaðan enda sparaði
girðingin Vegagerðinni að girða
meðfram vegum.
Erna segir að fjárhagsáætlunin
hafi verið gerð í september í fyrra
og þá hafi fyrrnefndir kostnaðar-
liðir og fleiri ekki verið fyrirsjáan-
legir. Sveitarfélögin átta hafi tekið
vel í fyrrnefnda ósk og þau séu
þegar farin að greiða sinn hlut.
Fjárhagsvandi Samtaka sveitar-
félaga á höfuðborgarsvæðinu
Vel tekið í ósk um
aukafjárframlag
ÞÆR Ingibjörg Baldursdóttir og
Signý Jóhannesdóttir voru á
sumarnámskeiðinu í Neskirkju og
spurði blaðamaður hvernig þeim
líkaði námskeiðið. Þær voru
sannfærðar um það, að það væri
skemmtilegra en hin hefðbundna
fræðsla, sem dreifist á allan vet-
urinn.
Og hvað eruð þið búin að læra
í fermingarfræðslunni?
Signý verður fyrir svörum.
„Við erum búin læra um ævi
Guðs og kirkjuna og alla þessa
kyrtla, um allt sem er í kirkjunni
og bara ýmislegt um Guð og
Jesú. Við erum búin að fara í bæ-
inn og skoða KFUM [og KFUK]-
kaffihús, sem á að opna þar bráð-
um.“
Af hverju ætlar þú að fermast?
„Bara út af Guði, bara af sömu
ástæðu og allir ætla að gera
það.“
Er ástæðan sem sagt trúin?
„Já,“ svara þær Signý og Ingi-
björg sposkar á svip og eru rokn-
ar í tíma til að læra meira um
leyndardóma trúarinnar.
Þóri Bergssyni líkar ágætlega
á námskeiðinu, segir að það sé
reyndar „ekkert voðalega gaman
en allt í lagi“.
Finnst þér það áhugavert, sem
verið er að kenna ykkur?
„Sumt, ekki allt, sumt.“
Skilurðu allt?
„Meirihlutann af því.“
Af hverju ætlarðu að fermast?
„Bara, [til] að taka trúna,
ákveða að ég ætli að vera krist-
inn.“
Hafa gjafirnar ekkert að segja?
„Ja, náttúrlega svolítið.“
„Skemmtilegra en
hefðbundna fræðslan“