Morgunblaðið - 06.09.2001, Qupperneq 23

ERLENT
MORGUNBLAÐIÐ FIMMTUDAGUR 6. SEPTEMBER 2001 23
BRESKIR vísindamenn hófu í
gær óvenjulega rannsókn, með
það að markmiði að finna fyndn-
asta brandarann í Bretlandi. Hóp-
ur vísindamanna undir forystu
sálfræðingsins Richards Wise-
mans hyggst verja nokkrum mán-
uðum í að athuga þúsundir
brandara sem safnað verður um
Netið og prófa síðan þá fyndn-
ustu á sjálfboðaliða sem tengdur
verður við heilalínurita.
Tilgangurinn með þessari
óvenjulegu rannsókn – sem minn-
ir um margt á brandara Monty
Python-hópsins breska um
„fyndnasta brandara í heimi“ – er
að útskýra hvers vegna hláturinn
lengir lífið.
„Þetta er tilraun til að kanna
sálræna þætti húmors. Það þarf
mikla vitsmuni til að skilja brand-
ara og finnast hann fyndinn. Þess
vegna hafa sálfræðingar lengi
rannsakað húmor,“ sagði Wise-
man í gær, þegar verkefninu var
hleypt af stokkunum á vís-
indasýningu í Glasgow. „Hæfileik-
inn til að hlæja gegnir lykilhlut-
verki í að auka líkamlega og
andlega heilsu.“
Wiseman er lektor við Háskól-
ann í Hertfordshire, skammt frá
London. Kveðst hann vona að al-
menningur sendi þúsundir brand-
ara til vefseturs síns, sem nefnist
Hláturstofan (www.laughlab.-
co.uk). Innsendir brandarar verða
síðan athugaðir með tilliti til ald-
urs, kyns og heimabæjar send-
anda, til þess að finna út hvort
þessir þættir hafa ráðandi áhrif á
húmorinn.
Þeir sem heimsækja vefsetrið
geta ennfremur sagt álit sitt á
bröndurunum og þannig hjálpað
vísindamönnunum að velja fyndn-
asta brandarann.
Brandari Monty Python-hópsins
fjallar um grínista sem segir
óvart svo fyndinn brandara að
hann deyr úr hlátri. Brandarinn
er síðan þýddur yfir á málleysuna
„Wenn ist das Nunstruck git und
Slotermeyer? Ja! ... Beiherhund
das Oder die Flipperwaldt gers-
put,“ og beitt af banvænni ná-
kvæmni gegn þýskum hersveitum.
En brandararnir sem Wiseman
og félagar velja verða notaðir á
öllu meinlausari hátt. Sjálf-
boðaliði fær að heyra þá og fylgst
verður með viðbrögðum fremsta
hluta heila hans við þeim. „Ef
maður ætlar að rannsaka áhrif
húmors á heilann þá er skárra að
nota fyndna brandara,“ sagði
Wiseman.
En breski grínistinn Jimmy
Carr segir að greining á brönd-
urum með þessum hætti líti fram
hjá mikilvægum þætti í húmor. „Í
80% tilvika er [húmorinn] óorð-
aður. Mikið af honum felst í radd-
beitingu, svipbrigðum, tímasetn-
ingu og bara hvernig brandari er
sagður.“
Fyndnasti brandarinn verður
sagður opinberlega í september á
næsta ári.
Leita að fyndnasta
brandaranum
London. AP.
Scharping
kann að
segja af sér
Berlín. AFP.
RUDOLF Scharping, varnarmála-
ráðherra Þýskalands, kann að segja
af sér embætti, að
því er þýska
fréttastofan
Deutsche Presse
Agentur (DPA),
hafði í gær eftir
heimildamönnum
er sagðir eru hafa
náin tengsl við
ríkisstjórnina.
Scharping hefur
undanfarið sætt harðri gagnrýni fyr-
ir að hafa notað flugvél í eigu þýska
hersins til að fara á fund kærustu
sinnar á sólarströnd.
DPA greindi ennfremur frá því að
Gerhard Schröder, kanslari Þýska-
lands, hefði lagt til við varnarmála-
ráðherrann að hann léti af störfum.
Ekki höfðu borist fregnir af við-
brögðum Scharpings við tillögu for-
sætisráðherrans.
Talsmaður þýsku stjórnarinnar
sagði aftur á móti í gær að fregn
DPA væri villandi. Kanslarinn væri
enn þeirrar skoðunar að Scharping
ætti að sitja áfram og hefði hvorki
lagt til né krafist þess af varnarmála-
ráðherranum að hann segði af sér.
Þýska stjórnarandstaðan hefur
fengið í gegn að haldinn verði auka-
fundur varnarmálanefndar þingsins
um málið og stendur til að hann verði
á mánudaginn kemur. Vilja stjórn-
arandstæðingar að allar flugferðir
sem Scharping hefur farið í flugvél-
um hersins verði athugaðar.
Scharping