Morgunblaðið - 26.09.2001, Blaðsíða 4

FRÉTTIR
4 MIÐVIKUDAGUR 26. SEPTEMBER 2001 MORGUNBLAÐIÐ
BANKARÁÐ Búnaðarbanka Ís-
lands hf. og stjórn Lýsingar hf. hafa
samþykkt fyrir sitt leyti samruna fé-
laganna með þeim hætti að Lýsing
hf. verði sameinuð Búnaðarbankan-
um. Tillögur þessa efnis verða lagðar
fram til samþykktar á hluthafafund-
um félaganna sem áætlað er að halda
laugardaginn 10. nóvember næst-
komandi.
Í fréttatilkynningu frá Búnaðar-
bankanum og Lýsingu í gær segir að
meginmarkmiðið með sameining-
unni sé að tryggja hámarksárangur
fyrir hluthafa, viðskiptamenn og
starfsmenn félaganna. Samruninn
muni styrkja stöðu Búnaðarbankans
sem framsækins alhliða fjármálafyr-
irtækis og opna honum færi til sókn-
ar inn á ný svið.
Sólon Sigurðsson, bankastjóri
Búnaðarbankans, sagði í samtali við
Morgunblaðið að sameiningin muni
styrkja bæði fyrirtækin. Vilji sé til
að sameiningin leiði til sem
minnstrar breytingar hjá Lýsingu
og að viðskiptavinir þess fyrirtækis
finni sig áfram sem viðskiptavinir
Lýsingar. Vonast sé hins vegar til
þess að Búnaðarbankinn geti boðið
sínum viðskiptavinum breiðari og
víðtækari fjármálaþjónustu.
Verðmat Lýsingar við samrunann
er 2.457 milljónir króna. Núverandi
eigendur Lýsingar eru Búnaðar-
bankinn með 40% hlut, Landsbanki
Íslands hf. einnig með 40% og Sjóvá-
Almennar tryggingar hf. og Vá-
tryggingafélag Íslands hf. með 10%
hvort félag.
Í fréttatilkynningu félaganna seg-
ir að Lýsing hf. hafi verið leiðandi á
sviði eignarleigu atvinnutækja fyrir
fyrirtæki og einstaklinga í rekstri,
auk þess sem fyrirtækið hafi hin síð-
ari ár fjármagnað bifreiðakaup ein-
staklinga á nýjum bílum. Rekstur
Lýsingar hafi verið mjög traustur
frá upphafi og hafi fyrirtækið öll
þess starfsár verið rekið með hagn-
aði. Lýsing hf. verður áfram rekið
með sama hætti og verið hefur en nú
sem sérstök eining innan bankans.
Þá segir í tilkynningunni að sam-
einingin muni skila talsverðum sam-
legðaráhrifum. Búnaðarbankanum
gefist nú kostur á að bjóða viðskipta-
vinum sínum alhliða bankaþjónustu
sem sé í samræmi við stefnu bank-
ans.
Efnahagur Búnaðarbankans
um 187 milljarðar
Samrunaáætlunin miðast við að
hluthafar, aðrir en Búnaðarbankinn,
fái greitt fyrir hlutabréf sín í Lýs-
ingu með hlutabréfum í Búnaðar-
bankanum miðað við skiptihlutfallið
1,18581081. Á hluthafafundi Búnað-
arbankans mun bankaráð af þessum
sökum leggja til að hlutafé Búnaðar-
bankans verði hækkað um 368,55
milljónir króna með útgáfu nýrra
hluta.
Við samrunann eignast Lands-
banki Íslands 5,32% í Búnaðarbank-
anum, Sjóvá-Almennar tryggingar
hf. 1,33% og Vátryggingafélag Ís-
lands hf. 1,33%.
Samruninn miðast við 30. júní
2001. Efnahagur Lýsingar er um 18
milljarðar króna. Efnahagur Búnað-
arbankans um 172 milljarðar. Að
teknu tilliti til innbyrðis viðskipta fé-
laganna þá verður efnahagur Bún-
aðarbankans eftir samrunann rétt
um 187 milljarðar króna og CAD eig-
infjárhlutfall um 9,3%.
Lýsing sameinast
Búnaðarbankanum
JÓAKIM Danaprins og Alexandra prinsessa komu til
landsins í gær í boði forseta Íslands, Ólafs Ragnars
Grímssonar. Þau munu dvelja hér á landi fram á laug-
ardag en með þeim í för eru sonur þeirra, Nikolai prins,
og Niels Johannes Lebech, kirkjumálaráðherra. Heim-
sóknin í gær hófst á því að Ólafur Ragnar og Dorrit
Mousaieff buðu Jóakim og Alexöndru til kvöldverðar á
Bessastöðum en Nikolai litli var genginn til náða.
Morgunblaðið/Árni Sæberg
Danaprins í heimsókn
UNNIÐ er að því í dómsmálaráðu-
neytinu að kanna nauðsynlegar
breytingar á lögum til þess að tak-
ast á við ógnir sem stafa af hryðju-
verkum að sögn Sólveigar Péturs-
dóttur dómsmálaráðherra en hún
kynnti þessa vinnu sem fram fer í
ráðuneytinu á ríkisstjórnarfundi í
gær. Fer þessi endurskoðun lag-
anna fram vegna hryðjuverkanna í
Bandaríkjunum hinn 11. september
sl. Er einkum litið til breytinga á
refsilöggjöf svo og löggjöf sem varð-
ar lögreglu- og öryggismál.
„Það er ljóst að Íslendingar verða
að leggja sitt af mörkum til að efla
aðgerðir gegn hryðjuverkum,“ segir
Sólveig í samtali við Morgunblaðið.
Bætir hún því við að um sé að ræða
málaflokk sem þurfi að skoða mjög
vel og vandlega. Hin Norðurlöndin
hafa einnig stefnt að ýmsum laga-
breytingum sem miða að því að taka
á hættunni sem stafar af hryðju-
verkum.
Meðal þeirra lagabreytinga sem
skoðaðar eru í dómsmálaráðuneyt-
inu er fullgilding á samningi Sam-
einuðu þjóðanna um fjármögnun
hryðjuverkastarfsemi. „Vinna þarf
að fullgildingu þess samnings og
nauðsynlegum lagabreytingum sem
hann kallar á, einkum á refsilöggjöf-
inni, varðandi refsiábyrgð þeirra
sem styðja hryðjuverkasamtök fjár-
hagslega,“ segir í minnisblaði ráð-
herra til ríkisstjórnarinnar.
Þá segir m.a. í minnisblaðinu að
skoða þurfi ýmsar aðrar breytingar
á almennum hegningarlögum, þ.e.
aðrar en þær sem tengjast fjár-
mögnun hryðjuverkasamtaka, t.d.
skilgreiningu hryðjuverka í hegn-
ingarlögunum og ýmis hugtök þeim
tengd.
Auka þarf heimildir lögreglu
Þá segir í minnisblaðinu að auka
verði heimildir lögreglunnar til sér-
stakra rannsóknaraðgerða sem
nauðsynlegar eru í þágu rannsóknar
„alvarlegustu brota“, s.s. hryðju-
verka og annarra brota þeim tengd-
um. „Þannig þarf m.a. að kanna
reglur síma- og netþjónustu til að
skrá og varðveita yfirlit um fjar-
skipti, hlerunarheimildir og leyni-
legt eftirlit með grunuðum mönn-
um. Einnig þarf að kanna leiðir til
þess að vernda þá sem bera vitni í
málum er varða hryðjuverk vegna
hættu á hefndaraðgerðum gagnvart
þeim.“
Breytingar gerðar á lög-
um vegna hryðjuverkanna
Áfram
hlýtt í
veðri
UNDANFARNA daga hefur
verið hlýrra hér á landi en víða
í Evrópu og áfram verður
hlýtt, a.m.k. í nokkra daga.
Meðalhiti fyrstu tuttugu og
fjóra daga septembermánaðar
í Reykjavík var 9,4 gráður. Að
sögn Þórönnu Pálsdóttur, for-
stöðumanns úrvinnslu- og
rannsóknarsviðs Veðurstof-
unnar, var miklu hlýrra árið
1996 en þá var meðalhitinn á
þessum sama tíma 11 gráður.
Þá getur hún þess m.a. að árið
1993 hafi meðalhitinn einnig
verið 9,4 gráður og árið 1968
hafi hann verið 10,7 gráður.
„Þetta getur því orðið einn
af hlýjustu septembermánuð-
unum en árið 1996 var fádæma
gott veður,“ segir Þóranna.
Innt eftir því hvernig hlýind-
unum sé skipt milli landsfjórð-
unga segir hún að í gær hafi
verið hlýjast á norðanverðu
landinu en það líti út fyrir að
hlýjasta loftið færi sig yfir á
vestanvert landið.
Ástæðuna fyrir góðri veðr-
áttu í septembermánuði segir
hún vera hlýjan loftmassa yfir
Íslandi. „Svo eyðist hann og
það kólnar lítillega næstu
daga. Það verður þó áfram
hlýtt.“
Nærri 400
skjálftar á
tveimur
dögum
SKJÁLFTAVIRKNIN á Öxarfirði,
sem hófst fyrir rúmri viku, hélt áfram
í gær, skammt vestur af Kópaskeri.
Mældust þá hátt í 200 minni skjálftar
á mælum Veðurstofunnar, eða álíka
margir og mældust í fyrradag.
Særsti skjálftinn mældist 2,4 stig á
Richter en langflestir voru á bilinu
1-2 stig. Skjálfti upp á tæp þrjú stig
varð seint í fyrrakvöld og fundu vel-
flestir íbúar á Kópaskeri fyrir hon-
um.
Vísindamenn á jarðeðlissviði Veð-
urstofunnar fylgjast grannt með
gangi mála á Öxarfirði en þessi virkni
er að þeirra mati mjög óvenjuleg fyr-
ir þá sök hvað skjálftarnir eru á vel
afmörkuðu og hringlaga svæði.
Öxarfjörður
SLÖKKVILIÐINU í Reykja-
vík var tilkynnt um eld í
Hagaskóla rétt fyrir klukkan
níu í gærkvöldi. Þegar
slökkviliðsmenn komu á stað-
inn var anddyri í tengibygg-
ingu á milli álma fullt af reyk.
Í ljós kom að spjald í hurð
hafði verið brotið og logandi
drasli hent inn í bygginguna.
Að sögn varðstjóra hjá
slökkviliðinu komst reykur
inn í gangana beggja vegna
við tengibygginguna en engar
verulegar skemmdir urðu á
byggingunni.
Ólykt í Grafarvogi
Lögreglunni í Reykjavík
var tilkynnt um sterka amm-
oníaklykt í Grafarvogi í gær-
kvöldi en þegar til kom reynd-
ist ekki um ammoníaklykt að
ræða heldur einhverja tor-
kennilega ólykt sem lögreglu-
menn gátu ekki skilgreint
frekar. Ekki komust þeir
heldur að uppruna fnyksins.
Þjófnaður á þurrkara var
tilkynntur til Lögreglunnar í
Reykjavík kl. 17 í gær. Hafði
nýjum þurrkara, sem enn var
í umbúðunum, verið stolið úr
geymslu í íbúðarhúsi í Fells-
múla.
Tilraun til
íkveikju í
Hagaskóla