Morgunblaðið - 23.10.2001, Page 49

FRÉTTIR
MORGUNBLAÐIÐ ÞRIÐJUDAGUR 23. OKTÓBER 2001 49
MAGNÚS Þorkell Bernharðsson
heldur opinn fyrirlestur á vegum
Háskóla Íslands undir heitinu „Af
hverju hata þeir okkur?“ miðviku-
daginn 24. október kl. 16.15 í Há-
tíðasal Aðalbyggingar Háskóla Ís-
lands.
„Með hliðsjón af atburðunum sem
áttu sér stað í Bandaríkjunum 11.
september sl., verður í fyrirlestrin-
um fjallað um heimsmynd múslima í
Miðausturlöndum og í framhaldi af
því um spurninguna sem brennur
mjög á Bandaríkjamönnum þessa
dagana,“ segir í fréttatilkynningu.
Fyrirlesturinn er öllum opinn og
aðgangur er ókeypis.
Af hverju hata
þeir okkur?
NÝ Bónusverslun var opnuð í
Kringlunni s.l. laugardag. Hún er
til húsa á þeim stað sem verslun
Habitat var áður.
Verslunin er með hefðbundnu
Bónussniði þar sem boðið verður
upp á alla helstu vöruflokka í mat-
vöru og fjölda vöruliða í sérvöru.
Búðin í Kringlunni er sextánda
verslun Bónuss. Verslunarstjóri er
Ólafur Ingi Gunnarsson.
„Bónusmenn hyggja á eina opn-
un enn á næstunni en Bónusverslun
verður opnuð í hluta af því húsnæði
sem Hagkaup hafði á Smáratorgi.
Stefnt er að opnun þeirrar versl-
unar laugardaginn 1. desember,“
segir í fréttatilkynningu.
Bónusversl-
un opnuð í
Kringlunni
KYNNINGARFUNDUR verður
haldinn hjá ITC-deildinni Melkorku
miðvikudaginn 24. október í Menn-
ingarmiðstöðinni Gerðubergi kl. 20 –
22. Kynnt verða ITC samtökin á Ís-
landi og hvaða starf fer fram innan
Melkorku sem er ein af deildum inn-
an ITC.
ITC-deildin Melkorka hefur starf-
að frá árinu 1982. Fundir eru haldnir
í Menningarmiðstöðinni Gerðubergi
2. og 4. miðvikudag hvers mánaðar.
Kynning á ITC-
deildinni Melkorku
HALDIÐ verður heilsunámskeið í
Hlíðardalsskóla, Ölfusi, dagana 25.–
28. október.
„Í boði verða fyrirlestrar um nýj-
ustu vísindalegar rannsóknir frá
virtum háskólum um hvernig megi
fyrirbyggja hina helstu menningar-
sjúkdóma okkar tíma.
Fyrirlesarar eru dr. Edda Bakke
ND. PhT. og dr. Ole Bakke PhD.
ND. PhT. Fyrirlestrarnir fjalla m.a.
um næringu, varnarkerfi líkamans,
áhrif hinna ýmsu efna á líkamann.
Kennd verða heilsuráð, hollar og
góðar líkamsæfingar, sýnikennsla í
matreiðslu á jurtafæði og fleira, seg-
ir í fréttatilkynningu.
Heilsunámskeið í
Hlíðardalsskóla
FRÆÐSLUFUNDUR Kælitækni-
félag Íslands verður haldinn
fimmtudaginn 25. október kl. 20 í
Grand hóteli í Reykjavík, sal Gall-
eríi.
Fyrirlesarar verða Heiðrún Guð-
mundsdóttir, líffræðingur hjá Holl-
ustuvernd ríkisins, og Sigurður
Bergsson, tæknifræðingur hjá
Kælitækni ehf. Fundarstjóri verður
Sigurjón Arason.
Fræðslufundur
um kælitækni
FRÆÐSLUKVÖLD um íslam og
menningarheim araba verður í Ed-
inborgarhúsinu á Ísafirði fimmtu-
daginn 25. október kl. 20, á vegum
Menningarmiðstöðvarinnar Edin-
borgar, Rauða krossins, Fjölmenn-
ingarsetursins á Vestfjörðum og
Róta.
Salman Tamimi fræðir um íslam
og meginstoðirnar fimm í trúar-
brögðunum. Jóhanna Kristjónsdótt-
ir flytur erindi um fjölskylduna í
arabaríkjunum og hjónabandsmál.
Fræðslukvöld um
íslam á Ísafirði
KYNNING á starfsemi Íslenska
Alpaklúbbsins verður á miðvikudag-
inn 24. október kl. 20:30 í risinu að
Mörkinni 6, húsi Ferðafélags Ís-
lands.
Alpaklúbburinn er félag áhuga-
manna um fjallamennsku og hefur
starfað frá 1977. Hann er opinn öll-
um 18 ára og eldri. Á hverjum vetri
stendur Alpaklúbburinn fyrir fjölda
námskeiða, ferða og myndasýninga.
Kynning
á Alpaklúbbnum
HÁSKÓLARÁÐ Háskóla Íslands
boðar til málþings um fjármögnun
háskóla, föstudaginn 26. október
2001, kl. 13-16 í Hátíðasal í Aðal-
byggingu Háskóla Íslands.
Í upphafi málþingsins mun Páll
Skúlason rektor Háskóla Íslands
flytja ávarp um starfsumhverfi há-
skóla en síðan verða flutt 6 erindi,
þau flytja: Ólafur Proppé, Ingjaldur
Hannibalsson, Jón Torfi Jónasson,
Þórdís Kristmundsdóttir, Tjörvi
Ólafsson, Baldvin Þór Bergsson.
Eftir flutning erindanna, um kl.
14.30, verða umræður í vinnuhópum.
Málþingsstjórar verða Anna
Soffía Hauksdóttir og Kristín Ing-
ólfsdóttir Málþingið er öllum opið.
Málþing um fjár-
mögnun háskóla