Morgunblaðið - 07.12.2001, Blaðsíða 16
AKUREYRI
16 FÖSTUDAGUR 7. DESEMBER 2001 MORGUNBLAÐIÐ
Kossinn
vinargjöf
sími 462 2900
Blómin
í bænum
SKÓLANEFND samþykkti á fundi
sínum nýlega að leggja til að skóla-
gjöld í Tónlistarskólanum á Akur-
eyri fyrir nóvember yrðu felld niður
vegna verkfalls tónlistarskólakenn-
ara.
Helgi Þ. Svavarsson, skólastjóri
Tónlistarskólans, mætti á fund
skólanefndar og gerði grein fyrir
áhrifum verkfallsins og nýrra kjara-
samninga þeirra og Launanefndar
sveitarfélaga á starfsemi skólans. Í
máli hans kom m.a. fram að áhrif
verkfallsins væru ekki komin fram
ennþá en af rúmlega 430 nemendum
hefðu fjórir nemendur sagt sig frá
námi nú.
Einnig kom fram að þær fimm vik-
ur sem féllu niður vegna verkfallsins
yrðu ekki unnar upp. Reynt yrði að
skipuleggja námið þannig, þar sem
það væri nauðsynlegt, að nemendur
gætu lokið fyrirfram ákveðnum
stigsprófum.
Tónlistarskólinn
á Akureyri
Skólagjöld
fyrir nóvem-
ber verði
felld niður
TRYGGVI Helgason
fyrrverandi formaður
Sjómannafélags Akureyr-
ar lést á Grund í Reykja-
vík á miðvikudag, 5. des-
ember, á 102. aldursári.
Tryggvi fæddist á
Lykkju á Akranesi 19.
apríl árið 1900. Hann var
sonur hjónanna Guðrúnar
Illugadóttur frá Stóra-
Lambhaga og Helga Guð-
brandssonar frá Klafa-
stöðum, Skilmanna-
hreppi, og var Tryggvi
fjórði í röð þrettán barna þeirra
hjóna.
Tryggvi hóf snemma að taka þátt í
lífsbaráttu fjölskyldunnar og vann
m.a. við sveitastörf frá unga aldri.
Tryggvi stundaði nám í barnaskóla á
Akranesi frá 10 til 14 ára aldurs, en
hélt síðan í atvinnuleit til Reykjavík-
ur. Hann vann við fiskverkun og fór
síðar á fiskiskútur sem gerðar voru út
frá Reykjavík. Þá var hann á togur-
um, m.a. eina vertíð á enskum togara
frá Grimsby og landformaður var
hann á Heru sem gerð var út frá
Akranesi. Tryggvi vann um tíma hjá
togaraútgerðinni Sleipni, en árið 1930
flutti hann til Hríseyjar þar sem hann
gerði út þilfarsbát. Árið 1933 flutti
hann til Akureyrar og
stundaði þar ýmsa
vinnu, á sjó eða landi.
Hann var kjörinn for-
maður Sjómannafélags
Akureyrar árið 1936 og
gegndi því starfi til árs-
ins 1976, eða í 40 ár sam-
fleytt. Hann átti frum-
kvæði að því að
bæjarstjórn Akureyrar
beitti sér fyrir kaupum á
nýsköpunartogurum.
Tryggvi sat um
margra ára skeið í stjórn
Sjómannasambands Íslands og í
samninganefnd þess. Hann var kjör-
inn í fyrstu stjórn Útgerðarfélags
Akureyringa og var endurkjörinn svo
lengi sem hann bjó á Akureyri.
Tryggvi starfaði lengi í Sósíalista-
flokknum og Alþýðubandalaginu á
Akureyri og sat í bæjarstjórn um
skeið. Á síðari hluta ævi sinnar sat
hann í ýmsum nefndum, svo sem
byggðanefnd, verðlagsnefnd um fisk-
verð og síldarútvegsnefnd.
Síðustu rúma tvo áratugi bjó
Tryggvi í Reykjavík.
Tryggvi var um langt árabil í sam-
búð með Sigríði Þorsteinsdóttur frá
Reykjavík, en hún lést árið 1982.
Tryggvi átti einn son.
Andlát
TRYGGVI
HELGASON
VEGAGERÐIN hefur undirritað
samning við Samskip um áframhald-
andi rekstur ferjunnar Sæfara.
Samningurinn tekur gildi um áramót
og gildir til þriggja ára með mögu-
leika á framlengingu um tvö ár til
viðbótar.
Samskip hafa séð um rekstur Sæ-
fara frá 1. maí 1996. Sæfari siglir
milli Dalvíkur, Grímseyjar og Hrís-
eyjar. Áætlunin frá áramótum gerir
ráð fyrir þremur ferðum í viku milli
Dalvíkur og Grímseyjar – á mánu-
dögum, miðvikudögum og föstudög-
um – en tveimur ferðum í viku milli
Dalvíkur og Hríseyjar – á þriðjudög-
um og fimmtudögum. Sæfari siglir
undir merkjum Landflutninga–Sam-
skipa og er hluti af innanlandskerfi
Samskipa. Skipstjóri Sæfara er Sig-
urjón Herbertsson.
Sæfari siglir milli Dalvíkur,
Grímseyjar og Hríseyjar.
Sæfari áfram hjá
Samskipum
Frá undirritun samningsins: Kristín H. Sigurbjörnsdóttir, deildarstjóri
hagdeildar VG, Gunnar Gunnarsson, framkvæmdastjóri stjórnsýslu-
sviðs VG, Pálmar Óli Magnússon, framkvæmdastjóri rekstrarsviðs Sam-
skipa, Óskar Óskarsson, deildarstjóri innanlandsdeildar Samskipa.
LAUFÁSPRESTAKALL: Guðsþjónusta í
Svalbarðskirkju kl. 14 á sunnudag. Ferm-
ingarbörn og foreldrar þeirra sérstaklega
hvött til þátttöku. Kyrrðarstund kl. 21 á
mánudagskvöld. Kirkjuskóli í Laufáskirkju
kl. 13.30 í upphafi aðventuhátíðar í Gamla
bænum. Aðventukvöld verður í Grenivík-
urkirkju á sunnudagskvöld, 9. desember
kl. 20.30. Fjölbreytt dagskrá í tali og tón-
um. Hlín Bolladóttir flytur hugleiðingum.
Jólasveifla
STÆRRA-ÁRSKÓGSKIRKJA: Jólasveiflan
verður í kirkjunni kl. 20:30 á föstudags-
kvöld, 7. desember. Ýmsir söngvarar
munu flytja jólasöngva við undirleik hljóm-
sveitar. Einnig er ætlunin að kirkjugestir
syngi saman nokkur jólalög.
Kirkjustarf
OPIÐ hús verður hjá Menntasmiðju
kvenna á Akureyri á morgun, laug-
ardaginn 8. desember frá kl. 14 til 18.
Að venju er gestum boðið í heim-
sókn í Menntasmiðjuna við lok
námsannar til að líta á afrakstur
starfsins, en m.a. verður sýnt hand-
verk, skáldverk og boðið upp á söng-
og danssýningar auk þess sem kaffi
verður á boðstólum.
Námið í Menntasmiðjunni er þrí-
þætt: hagnýtt, skapandi og sjálfs-
styrkjandi, en sjálfsstyrking fléttast
meira og minna inn í alla námsþætti.
Einn námsþátturinn er Lífsvefurinn,
sjálfstyrkingarnámskeið sérstak-
lega ætlað konum, unnin af Karólínu
Stefánsdóttur og Valgerði H.
Bjarnadóttur. Þá er hagnýtt nám af
ýmsu tagi í Menntasmiðjunni og
mikið um skapandi starf.
Á vorönn 2002 verður hafist handa
við nýtt verkefni, Menntasmiðju
unga fólksins en Menntasmiðja
kvenna verður aftur á haustönn.
Menntasmiðja kvenna
Opið hús
JÓLAANNIR verða í gamla bænum
í Laufási á laugardag, 8. desem-
ber,frá kl. 13.30 til 15.30.
Þar verða gerð kerti, laufabrauð
skorið, hellt upp á kúmenkaffi í
hlóðaeldhúsi og margt fleira. Auk
þess verða til sýnis jólakort frá ár-
unum 1900-1930 og gömul jólatré frá
ýmsum tímum. Til þess að létta starf
og lund verða gömlu jólalögin sungin
og dansað í kringum jólatré. Allir
eru velkomnir hvort heldur er úr
byggð eða af fjöllum.
Dagskráin hefst með barnastund í
Laufáskirkju.
Aðgangseyrir er 300 kr. en ókeyp-
is fyrir eldri borgara og börn yngri
en 16 ára.
Aðventustund
í Laufási
JÓNAS Viðar opnar málverkasýn-
ingu á Kaffi Karólínu við Kaup-
vangsstræti á Akureyri á morgun,
laugardaginn 8. desember kl. 14.
Þetta er tuttugusta einkasýning
Jónasar. Engin boðskort verða send
út en allir eru velkomnir á opnun eða
síðar. Sýningin er opin á afgreiðslu-
tíma Karólínu.
Jónas sýnir
á Karólínu
GREIFINN eignarhaldsfélag hefur eignast hlut í
Ferðaskrifstofu Akureyrar ehf., sem tekur yfir
rekstur Ferðaskrifstofu Íslands við Ráðhústorg
nú um áramótin. Baldur Guðnason, framkvæmda-
stjóri Sjafnar, og Steingrímur Pétursson fram-
kvæmdastjóri Sandblásturs og málmhúðunar eru
einnig hluthafar og heimamenn á Akureyri eiga
því 70% eignarhlut í félaginu á móti 30% eign-
arhlut Ferðaskrifstofu Íslands.
Þá hefur Ferðaskrifstofa Akureyrar ráðið Jó-
hönnu Gunnlaugsdóttur til starfa en hún var for-
stöðumaður Samvinnuferða-Landsýnar á Akur-
eyri fram að gjaldþroti félagsins á dögunum. Hjá
félaginu starfa nú fjórir starfsmenn, með mikla
reynslu og þekkingu í ferðaþjónustu. Velta Ferða-
skrifstofu Akureyrar er um 250 milljónir króna og
eftir gjaldþrot Samvinnuferða-Landsýnar rekur
félagið einu IATA ferðaskrifstofuna á Akureyri,
samkvæmt upplýsingum frá félaginu. Ferðaskrif-
stofa Akureyrar er með umboð fyrir Flugfélag Ís-
lands, Úrval Útsýn, Plúsferðir og fleiri.
Samkvæmt stefnumörkun félagsins verður unn-
ið að því að efla núverandi starfsemi enn frekar og
gera það að þekkingarfyrirtæki í ferðaþjónustu á
Norðurlandi. Unnið verður að því byggja upp
þjónustu við innkomandi ferðamenn, jafnt inn-
lenda sem erlenda.
Ferðamönnum tryggður aðgangur að
góðri og viðurkenndri þjónustu
Þá verður unnið að eflingu og framgangi ferða-
mála á Norðurlandi, m.a. með því að tryggja ferða-
mönnum aðgang að góðri og viðurkenndri þjón-
ustu, með samstarfi hagsmunaaðila í
ferðaþjónsustu hvað varðar markaðs- og kynning-
armál og með beinni markaðstengingu innanlands
og utan.
Ferðaskrifstofa Akureyrar stefnir að því að
veita upplýsingar um ferða- og afþreyingarmögu-
leika á Norðurlandi og annast bókanir fyrir þá,
byggja upp tengsl og samstarf við hliðstæð fyr-
irtæki erlendis og markaðssetja Norðurland
gagnvart innlendum og erlendum ferðamönnum,
eins og segir í fréttatilkynningu frá félaginu.
Greifinn eignast hlut í Ferðaskrifstofu Akureyrar
Unnið að því að efla
núverandi starfsemi Morgunblaðið/Kristján
Starfskonur Ferðaskrifstofu Akureyrar við
Ráðhústorg, f.v. Sigríður Sigtryggsdóttir,
Anna Guðmundsdóttir, Ragnheiður Jakobs-
dóttir og Jóhanna Gunnlaugsdóttir.
FYRSTA sunnudag í jólaföstu höfðu Mývetningar
fregnir af því að rjúpnamenn hefðu séð til jóla-
sveinsins í Dimmuborgum þá um morguninn. Flýgur
fiskisagan og áður en varði var barnafjöld og full-
orðnir komin í borgirnar til að sannreyna fréttina.
Það sýndi sig að Skyrgámur var þar á ferð með
poka sinn og hafði tyllt sér niður á Hallarflöt, þar
tók hann á móti börnunum, gaf þeim ávexti og söng
með þeim jólalög. Hann hvarf svo inn milli borg-
anna og kvaðst á leið í kveldverðarboð í Sel Hóteli
hjá Yngva Ragnari þar sem borð svigna undir krás-
um.
Skyrgámur kominn í Dimmuborgir
Morgunblaðið/BFH
Mývatnssveit