Morgunblaðið - 07.12.2001, Blaðsíða 76

FÓLK Í FRÉTTUM
76 FÖSTUDAGUR 7. DESEMBER 2001 MORGUNBLAÐIÐ
Moulin Rouge
Bandarísk. 20001. Leikstjórn og handrit:
Baz Luhrman. Aðalleikendur: Nicole Kidman,
Ewan McGregor, Jim Broadbent. Sannkölluð
himnasending í skammdeginu. Stórfengleg
afþreying sem er allt í senn: Söng- og dans-
amynd, poppópera, gleðileikur, harmleikur,
nefndu það. Baz Luhrman er einn athygl-
isverðasti kvikmyndagerðarmaður samtím-
ans sem sættir sig ekki við neinar málamiðl-
anir og uppsker eins og hann sáir; fullt hús
stiga. Smárabíó
Requiem for a Dream/
Sálumessa draums
Bandarísk. 2000. Leikstjórn: Darren Aron-
ofsky. Aðalleikendur: Ellen Burstyn, Jared
Leto, Jennifer Connelly. Áhrifaríkasta mynd
ársins til þessa. Aronofsky galdrar fram frá-
bært samspili mynda og tóna um leið og
hann segir átakanlega sögu með frábærum
leikurnum. - Sambíóin
The Others
Spænsk/frönsk/bandarísk. 2001. Leikstjórn
og handrit: Alejandro Amenábar. Nicole Kid-
man, Fionula Flanagan, Christopher Eccl-
eston, Alakina Mann, Eric Sykes. Meistara-
lega gerð hrollvekja sem þarf ekki á neinum
milljóndalabrellum að halda, en styðst við
einfalt, magnað handrit, styrkan leik, kvik-
myndatöku og leikstjórn. Umgerðin afskekkt-
ur herragarður, persónurnar dularfullar, efnið
pottþétt, gamaldags draugasaga með nýju,
snjöllu ívafi. Háskólabíó, Sambíóin
Italiensk for begyndere /
Ítalska fyrir byrjendur
Dönsk. 2001. Leikstjórn og handrit: Lone
Scherfig. Aðalleikendur: Anders W. Berthel-
sen, Anette Stövebæk, Ann Eleonora Jörg-
ensen. Ný kvikmynd unnin eftir Dogme 95
forskriftinni, frá dönsku leikstýrunni Scherfig.
Frábær saga, rómantísk og alvöruþrungin í
senn, sem framreidd er af dönskum úrvals-
leikurum. Regnboginn
The Man Who Wasn’t There/
Maðurinn sem reykti
of mikið
Bandarísk. 2001. Leikstjóri: Joel Coen. Aðal-
leikendur: Billy Bob Thornton, Frances
McDormand, James Gandolfini, Tony Shal-
oub. Billy Bob fer hamförum sem keðjureykj-
andi undirtylla á rakarastofu sem hefnir sín á
þeim sem hafa hann undir að öllu jöfnu. Sér
ekki fyrir afleiðingarnar. Coen-bræður í fág-
aðri og meinfyndinni, s/h filmnoir-sveiflu
með afburða leikhópi. Stjörnubíó
Shadow of the Vampire/
Skuggi vampírunnar
Bandarísk. 2000. Leikstjóri: E. Elias Merh-
inge. Aðalleikendur: John Malkowich, Willem
Dafoe, Udo Kier. Bráðsnjöll, hrollvelkjandi og
fyndin, útúrsnúningur á klassíkinni Nosferatu
eftir Murnau. Var Max Schreck raunveruleg
blóðsuga? Sambíóin
Elling
Noregur 2001. Leikstjóri: Peter Næss. Aðal-
leikendur: Per Christan Ellefsen, Sven Nord-
in, Pia Jacobsen. Norsk mynd um tvo létt
geðfatlaða náunga sem fá íbúð saman og
þurfa að læra að bjarga sér. Bráðfyndin og
skemmtileg mynd með fullri virðingu fyrir að-
alpersónunum.
Háskólabíó
Harry Potter og viskusteinn-
inn/Harry Potter and the
Sorcerer’s Stone
Bandarísk. 2001. Leikstjóri: Chris Columbus.
Aðalleikendur: Daniel Radcliffe, Rupert Grint,
Emmu Watson, Robbie Coltrane, John
Cleese. Aðlögun hinnar lifandi sögu J.K.
Rowling um galdrastrákinn Harry Potter yfir í
kvikmyndahandrit tekst hér vel. Útkoman er
ekki hnökralaus en bráðskemmtileg ævin-
týramynd engu að síður.
Sambíóin Reykjavík, Keflavík, Akureyri,
Háskólabíó
Málarinn
Íslensk. 2001. Leikstjórn og handrit: Erlend-
ur Sveinsson. Vönduð og metnaðarfull heim-
ildarmynd um líf og störf listmálarans Sveins
Björnssonar, síðustu árin sem hann lifði.
Prýdd fallegri og kraftmikilli kvikmyndatöku
Sigurðar Sverris Pálssonar.
Háskólabíó
Mávahlátur
Tilkomumikil kvikmynd Ágústs Guðmunds-
sonar byggð á samnefndri skáldsögu Krist-
ínar Marju Baldursdóttur. Þar skapar leik-
stjórinn söguheim sem er lifandi og heillandi,
og hefur náð sterkum tökum á kvikmynda-
legum frásagnarmáta. Frammistaða Mar-
grétar Vilhjálmsdóttur og Uglu Egilsdóttur er
frábær.
Háskólabíó, Sambíóin
O
Bandarísk. 2001. Leikstjóri: Tim Blake Nel-
son. Aðalleikendur: Mekhi Phifer, Martin
Sheen, Josh Hartnett, Julia Stiles. Unglinga-
mynd sem gerð er eftir Oþelló hans Shake-
speares, og tekst vel til. Myndin er mjög
áhrifarík, trúverðug og vel leikin. Kemur veru-
lega skemmtilega á óvart.
Regnboginn
Training Day
/Reynsludagur
Bandarísk. 2001. Leikstjóri: Antoine Fuqua.
Aðalleikendur: Denzel Washington, Ethan
Hawke. Fyrsti dagur nýliða í lögreglunni
(Hawke), undir handleiðslu þaulreyndrar L.A.
löggu (Washington), vafasamri í meira lagi,
kostar hann nánast starfið, æruna og lífið.

Sambíóin
Pétur og kötturinn
Brandur
Sænsk. 2000. Leikstjóri: Albert Hanan Kam-
insky. Handrit: Torbjörn Janson. Teiknimynd.
Aðalraddir: Guðmundur Ólafsson, Arngunnur
Árnadóttir, Sigurður Sigurjónsson, Sigrún
Waage. Ekkert stórvirki en ágætisskemmtun
fyrir litla krakka. Pétur og Brandur eru við-
kunnanlegir og uppátektarsamir.
Smárabíó, Laugarásbíó
Joe Dirt /Jói skítur
Bandarísk. 2001. David Spade, Brittany
Daniel, Dennis Miller, Kid Rock og Christoph-
er Walken. Leikstjóri: Dennie Gordon. Joe
Dirt var skilinn eftir hjá Miklagili af foreldrum
sínum, og síðan hefur lífið verið ein þrauta-
ganga. grínmynd með David Spade sem er
alls ekki nógu fyndin þó að Joe Dirt sé mjög
góð manngerð. Stjörnubíó
Princess Diaries
Bandarísk. 2001. Leikstjórn: Garry Marshall
Aðalleikendur: Julie Andrews, Anne Hath-
away. Gamaldags prinsessusaga færð í gljá-
fægðan nútímabúning. Ljóti andarunginn
verður að fallega svaninum og fjöldi marg-
nýttra Hollywood-tuggna. Sambíóin
Corky Romano
Leikstjóri Rob Potts. Aðalleikendur: Chris
Kattan, Peter Falk. Dýralæknir, meinleysingi
og mafíósasonur fær annað tækifæri til að
vaxa í áliti í augum pabba gamla. Barnalega
einfeldningslegt handrit, aðalleikarinn fer
hamförum í fíflaskap, ein sú allra léleg-
asta.

Sambíóin
Bræðralag úlfanna
Frakkland 2001. Leikstjóri: Christopje Gans.
Samuel Le Bihan. Vincent Cassell, Emilie
Dequenne. Hræðilegt skrímsli herjar á sveitir
19. aldar Frakklands, tætir í sig gesti og
gangandi. Samansull margra uppáhalds-
kvikmynda höfundanna, er sundurlaus og
langdregin. Fínir leikarar geta lítið gert.

Háskólabíó
The One /
Sá eini
Bandarísk. 2001. Leikstjóri: James Wong.
Aðalleikendur: Jet Li, Carla Gugino, Jason
Stahan og Delroy Lindo. Ótrúlega ófrumleg
og ósmekkleg kvikmynd sem gerist í framtíð-
inni þar sem hægt er að ferðast á milli
margra samhliða heima, og aðalgaurinn gerir
það og bjargar öllu. Jet Li í stuði. ½
BÍÓIN Í BORGINNI
Sæbjörn Valdimarsson/Hildur Loftsdóttir/Heiða Jóhannsdóttir




Meistaraverk


Ómissandi

Miðjumoð
Tímasóun 0 Botninn
Leikarahópurinn í The Man Who Wasn’t There er sérdeilis sterkur. Fremstur
fer Billy Bob Thornton en James Gandolfini er þó ekki langt undan.
Drápshvöt
(Instinct to Kill)
Spennumynd
Bandaríkin, 2000. Myndform VHS. Bönn-
uð innan 16 ára. (90 mín) Leikstjórn:
Gustavo Graef-Marino.
Aðalhlutverk: Mark Dacascos, Mellissa
Crider og Kadeem Hardison
HÉR er á ferðinni spennumynd
sem virðist í fyrstu í meira lagi
ógæfuleg en kemur síðan dálítið á
óvart. Þar segir frá lögreglumann-
inum Jim sem gengur að eiga föngu-
legu klappstýruna
Tess. Brátt kemst
Tess hins vegar að
því að eiginmaður
hennar er sálsjúk-
ur fjöldamorðingi.
Eins og áður segir
er hér ýmislegt
sem gefur til
kynna að ekki sé
merkilegur varningur á ferðinni. Við
kynnumst bardagasnillingi sem lítur
út eins og karlfyrirsæta, staðal-
ímynd hins svarta lögregluforingja
og ekki er söguefnið frumlegt. Það
sem fleytir myndinni hins vegar upp
úr myndbandaræsinu er ákveðin
dirfska og metnaður í handriti og
hversu ágætlega reynist haldið um
leikstjórnartaumana. Drápshvöt er
langt í frá úrvalsmynd en hægt er
mæla með henni sem sæmilegri af-
þreyingu. Heiða Jóhannsdóttir
Myndbönd
Sleppur
fyrir horn
Blóðug barnæska
(Mörderische Ferien
/Flashback)
Hrollvekja
Þýskaland 2000. Myndform VHS. Bönn-
uð innan 16 ára. (95 mín.) Leikstjórn
Michael Karen. Aðalhlutverk Valerie Nie-
haus, Xaver Hutter.
HÉR er mætt tilraun Þjóðverja
til að gera sína útgáfu af Scream-
myndunum. Svona nokkurs konar
„Öskrað á sjúkrahúsinu í Svarta-
skógi“. Og ekki vantar blóðsúthell-
ingarnar (sem
margir líta vissu-
lega á sem kost
þegar slík tegund
af hrollvekjum á í
hlut). Hvert
hrottafengið
morðið rekur ann-
að og morðinginn
má eiga það að
hann hefur hug-
myndaflugið í lagi og fer ótroðnar
slóðir í morðtilburðum sínum.
Sjálf sagan er náttúrlega ekki
neitt, neitt. Ung kona tekst á við
heiminn eftir að hafa verið á geð-
veikrahæli frá barnsaldri þar sem
hún var vistuð eftir að hafa séð
foreldra sína myrta á hrottafeng-
inn hátt. Hún er ekki fyrr komin
út en röð morða hefst sem sverja
sig í ætt við morðið á foreldrunum
og hún verður þess fullviss að hún
sé næst. En eins og sannri hroll-
vekju sæmir tekur myndin
„óvænta“ stefnu undir lokin.
Með „Öskrinu í Ölpunum“ bæta
Þjóðverjar sáralitlu við sams kon-
ar framleiðslu frá Hollywood.
Engu meiri dýpt í persónum,
eintóm ærsl og blóðslettur, einn
felldur hér og einn þar, skiptir
ekki máli hversu margir svo lengi
sem morðið er frumlega fram-
kvæmt. Skarphéðinn Guðmundsson
Öskrað í
Ölpunum
Í FLJÓTU bragði sjá mennkannski ekki beintengingu ámilli læknislistar og hljómlist-ar ... og þó. Haukur Heiðar
Ingólfsson er jafnvígur á bæði fögin,
sem snúast í eðli sínu um nákvæmni
þess sem stundar, og segir aðspurð-
ur að þetta tvennt fari afar vel sam-
an. Gott sé að snúa sér að
hljómafléttum ef hann er búinn að
vera grúska í vísindum líkamans
lengi og öfugt.
Mánaskin er fjórða plata Hauks.
Árið 1984 kom Með suðrænum
blæ út (endurútgefin á hljómdisk
1991), 1995 komu Suðrænar perlur
út og 1999 Á ljúfum nótum.
Allar eiga þessar plötur það sam-
eiginlegt að vera ljúfar og þekkileg-
ar.
„Þessi er svona svipaður þeim síð-
asta,“ segir Haukur, aðspurður um
hvort einhver blæbrigðamunur sé á
þessum útgáfum. „Ívið rólegri
kannski. Þessir tveir síðustu eru ein-
ungis spilaðir og á þessum hér
reyndum við að hafa efnisvalið sem
breiðast. Hér eru t.d. sex latin-lög
með staðallögum, gömlum og nýjum.
Einnig eru þarna tveir hægir vals-
ar.“
Árni Scheving verður fyrir svör-
um þegar ég inni þá eftir því hvort
þeir séu að reyna að stýra inn á
nokkurs konar létthlustunarmarkað.
„Ja ... það sem við erum að reyna
að ná fram er að fólk taki eftir þessu,
viti af þessu, en þetta sé svona þægi-
legt á bak við, ef þú ert að gera eitt-
hvað, tala, borða, hvað sem er.“
Haukur tekur undir þetta. „Þetta
á að vera slakandi tónlist.“
Þeir félagar segja upptökurnar
hafa tekið skjótan tíma, enda hafa
þeir unnið saman að öllum plötunum.
„Við hittumst í júlí,“ útskýrir
Haukur. „Við veljum lög í samein-
ingu og ákveðum svo útsetningar.“
Árni segir það einfalt hvernig lög-
in séu valin. „Hann (nikkar til Hauks
og hlær) kemur með gríðarlega lang-
an lista. Svo ber hann listann undir
mig og ég krossa við. Svo rökræðum
við þetta fram og aftur þangað til við
erum báðir sáttir.“
Það er ekki mikið um að menn séu
að sinna þessum geira, alltént ekki af
fullri alvöru. „Gunnar Gunnarsson
hefur reyndar gefið út tvo diska,“
segir Haukur, „með sólópíanóleik.
Hann hefur verið að gera svipaða
hluti.“
Aðspurðir um hvert framhaldið
verður setja þeir kumpánar upp
sposkan svip. Árni tekur svo af skar-
ið og tilkynnir. „Við ákveðum aldrei
neitt með þetta. Ekki nema við lítum
til síðasta lagsins á disknum, „We’ll
meet again“, og lesum það sem eins-
konar forspá.“
Morgunblaðið/Þorkell
Árni Scheving og Haukur Heiðar.
Undir ljúfu
tungli
Haukur Heiðar og félagar gefa út Mánaskin
Haukur Heiðar, píanisti og læknir, er mætt-
ur með sína fjórðu plötu. Arnar Eggert
Thoroddsen ræddi við þá Hauk og Árna
Scheving um tilurð verksins.
arnart@mbl.is