Morgunblaðið - 07.12.2001, Blaðsíða 18
SUÐURNES
18 FÖSTUDAGUR 7. DESEMBER 2001 MORGUNBLAÐIÐ
ÖLL börn á Suðurnesjum, fædd
1987, eru um þessar mundir að fá
bókina Fíkniefni og forvarnir en hún
er handbók fyrir heimili og skóla.
Sparisjóðurinn í Keflavík afhendir
bókina í skólum og nemendurnir
færa síðan heimilum sínum eintökin.
Bókin er gefin út af Fræðslumið-
stöð í fíknivörnum og rituð af 30 sér-
fræðingum á ýmsum sviðum sem
tengjast áfengis- og fíkniefnamálum.
Ritið er sniðið að þörfum skóla og
fræðslustofnana, foreldra og heimila
og gagnasafna af ýmsu tagi. Í ritinu
er fjallað um uppruna, sögu og gerð
algengustu fíkniefna; Áhrif neyslu
efnanna, m.a. á líffæri, sálarlíf og
samfélag. Einkennum misnotkunar
er lýst og upplýsingar um hvert
hægt er að leita þegar vanda ber að
höndum. Fjallað er um tóbak og
reykingar í sérstökum kafla. Einnig
er fjallað um viðbrögð þjóðfélagsins
til þess að bregðast við vanda vegna
efnanna; forvarnir, íhlutun og með-
ferð eru skýrð. Þróun mála á Íslandi
er rakin og gerð grein fyrir starfi
fjölmargra sem vinna að forvörnum,
s.s. lögreglu, tollgæslu, skóla, heilsu-
gæslu og félagsmálastofnana. Gerð
er grein fyrir hvernig forvörnum er
sinnt í æskulýðsstarfi og uppeldi.
Í fréttatilkynningu lætur Spari-
sjóðurinn þá von í ljósi að foreldrar
kynni sér efni bókarinnar með börn-
unum.
Bók um forvarnir og fíkniefni afhent í Heiðarskóla. Með börnunum eru
Magnús Haraldsson frá Sparisjóðnum, til vinstri á myndinni, og Guðni
Björnsson frá Fræðslumiðstöð í forvörnum.
Færa nemendum
bók um fíkniefni
og forvarnir
Suðurnes
UNNIÐ er áfram að ráðningu nýs
skólastjóra og aðstoðarskólastjóra
Gerðaskóla í Garði í stað þeirra
sem sagt hafa upp störfum.
Hreppsnefnd Gerðahrepps hefur
fellt tillögu um að reynt verði að ná
samkomulagi við núverandi skóla-
stjórnendur um að fresta uppsögn-
um þar til skólaárinu lýkur.
Töluverðar umræður urðu um
skólastjóramálið á fundi hrepps-
nefndar Gerðahrepps í fyrrakvöld
en eins og fram hefur komið sögðu
skólastjóri Gerðaskóla og aðstoð-
arskólastjóri upp störfum vegna
óánægju með afleiðingar síðustu
kjarasamninga kennara.
Lýðræðislegur réttur
að segja upp
Viggó Benediktsson, fulltrúi I-
listans, taldi að ekki hefði verið
gert nógu mikið til að leysa málið.
Lagði hann til að reynt yrði að ná
samkomulagi við skólastjórnendur
um að fresta uppsögnum sínum til
loka skólaárins og ef samningsað-
ilar tækju ekki á málinu fyrir
næsta skólaár yrðu launamál skóla-
stjórnendanna skoðuð að nýju í
ljósi þeirra aðstæðna sem þá ríktu.
Fulltrúar F-listar, sem skipa
meirihluta hreppsnefndar, og Sig-
urður Jónsson sveitarstjóri lögðust
gegn tillögunni. Sögðu að ekki
hefði náðst samkomulag við menn-
ina og Gerðahreppur gæti ekki
annað en farið eftir þeim kjara-
samningum sem launanefnd sveit-
arfélaga hefði gert fyrir hönd sveit-
arfélagsins. Ólafur Kjartansson,
F-lista, sagði að það væri lýðræð-
islegur réttur manna sem ekki
sættu sig við kjör sín og teldu sig
geta fengið betra annars staðar að
segja upp störfum. Það hefðu þeir
gert en jafnframt varpaði hann
fram þeirri spurningu hvort skóla-
stjórnendur sem hlypu í burtu á
miðju skólaári sýndu mikla ábyrgð.
Hreppsnefnd bæri skylda til að
tryggja kennslu skólaskyldra
barna. Því hefðu stöðurnar verið
auglýstar og lýsti hann þeirri skoð-
un sinni að borist hefðu álitlegar
umsóknir.
Tillaga Viggós var felld með fjór-
um atkvæðum meirihlutans gegn
atkvæði flutningsmanns, fulltrúar
H-listans sátu hjá.
Finnbogi Björnsson, oddviti H-
listans, ítrekaði þá afstöðu fulltrúa
listans að taka ekki ábyrgð á mál-
inu vegna þess hvernig að því hefði
verið staðið af hálfu forystumanna
meirihlutans. Fulltrúum minnihlut-
ans hefði ekki verið hleypt að því
fyrr en allt var komið í óefni og
uppsögn skólastjórans legið í
skúffu oddvita eða sveitarstjóra í
nærri tvo mánuði, áður en hún var
kynnt. Finnbogi sagði að málið
væri í hnút en lýsti yfir vilja full-
trúa H-listans til að taka þátt í
góðri lausn þess.
Sigurður Jónsson sveitarstjóri
fullyrti að samkomulag hefði verið
við skólastjórann um að geyma
uppsagnarbréfið á meðan málið
væri skoðað.
Vísað til umsagnar
skólanefndar hreppsins
Á fundinum kynnti sveitarstjóri
umsóknir um stöðu skólastjóra.
Fjórir sóttu um en þeir eru: Erna
M. Sveinbjarnardóttir, kennari og
fyrrverandi skólastjóri, hún starfar
í menntamálaráðuneytinu. Stella Á.
Kristjánsdóttir, aðstoðarskólastjóri
við Varmalandsskóla í Borgarfirði.
Eyjólfur Kolbeinn Eyjólfsson kerf-
isfræðingur. Árni Þorsteinsson
kennari. Enginn sótti um stöðu að-
stoðarskólastjóra en Stella lét þess
getið í umsókn að hún sækti um þá
stöðu, fengi hún ekki ráðningu í
skólastjórastöðuna.
Hreppsnefnd samþykkti að
senda umsóknirnar til umsagnar
skólanefndar. Allir hreppsnefndar-
menn stóðu að þeirri afgreiðslu
málsins.
Starfslok skólastjórnenda rædd á hreppsnefndarfundi
Fellt að leita eftir
frestun uppsagna
Garður
BJÖRGUNARSKIPIÐ Hannes Þ.
Hafstein kom Guðfinni KE-19 til að-
stoðar í fyrradag þegar fiskibáturinn
fékk veiðarfæri í skrúfuna.
Báturinn var að veiðum um 8 sjó-
mílur norður af Sandgerði þegar
óhappið varð. Hannes Þ. Hafstein dró
hann í skjól við Garðskaga. Þar skáru
kafarar veiðarfærin úr skrúfunni og
hélt Guðfinnur KE aftur til veiða.
Veður var suðaustan 12-15 m/sek
og 4 metra ölduhæð. Skyggni ágætt
en gekk á með éljum. Björgunarskip-
ið kom inn til Sandgerðis að lokinni
aðgerð um kl. 14.
Fékk í
skrúfuna
Sandgerði
HÁMARKSHRAÐI í Vogum
verður lækkaður í 35 kílómetra
á klukkustund, samkvæmt til-
lögu hreppsyfirvalda. Settar
verða upp merkingar og hraða-
hindrunum fjölgað auk annarra
aðgerða í umferðarmálum.
Ekki hafa gilt sérstakar regl-
ur um hámarkshraða í þéttbýl-
inu í Vogum. Nú hefur hrepps-
nefnd samþykkt tillögur
skipulags- og byggingarnefndar
Vatnsleysustrandarhrepps um
35 km hámarkshraða. Einnig til-
lögur umhverfisstjóra hrepps-
ins að merkingum og fleiri að-
gerðum í umferðarmálum.
Hámarks-
hraði
lækkaður
í 35 km
Vogar
NÚ eru 116 manns án vinnu á Suður-
nesjum, meginhlutinn konur. Er það
meira en helmingi fleiri en á sama
tíma á síðasta ári en munurinn er
minni ef litið er til ársins 1999.
Atvinnuleysi hefur farið stigvax-
andi undanfarna mánuði. Samkvæmt
upplýsingum Ketils G. Jósefssonar,
forstöðumanns Svæðisvinnumiðlunar
Suðurnesja, er um að ræða árstíða-
bundið atvinnuleysi, eins og víða ann-
ars staðar. Nefnir hann að fólk sé að
hverfa úr afleysingastörfum hjá varn-
arliðinu og hjá fyrirtækjum í Flug-
stöð Leifs Eiríkssonar. Hryðjuverkin
í Bandaríkjunum 11. september hafi
einnig sett strik í þann reikning. Seg-
ir Ketill að eftirspurn eftir vinnuafli
aukist venjulega aftur með hækkandi
sól, í febrúar eða mars.
Ástandið hefur verið verst að þessu
sinni í þjónustustörfum. Nefnir Ketill
ræstingar, verslunar- og skrifstofu-
störf, mötuneyti og hleðslustörf.
Fiskvinnslan hafi hins vegar staðið
allt af sér og byggingariðnaðurinn sé
að svipuðu róli og verið hefur.
Tvöfalt
meira at-
vinnuleysi
Suðurnes
ÞEIM fjölmörgu Grindvíkingum
sem hafa haft leyndan listamann í
sér gefst nú gott tækifæri til að láta
ljós sitt skína. Linda Oddsdóttir
heitir húsráðandinn í nýrri aðstöðu
handverksfólks, Handverkshúsinu
Sjólist að Víkurbraut 1, en þar er
fjöldi fólks þessa dagana bæði að
leira og í myndlist.
„Þetta er löngu tímabært. Það
komu um 80 manns að kynna sér
málið nú á dögunum. Framtakið
hefur fengið góðar viðtökur og ætl-
unin með aðstöðunni er að veita
sköpunargleði einstaklinga útrás í
notalegum félagsskap,“ segir
Linda.
Þeir sem greiða félagsgjald fá
lykil að húsnæðinu þannig að þeir
komast inn þegar þeim hentar frá
sunnudegi til fimmtudags. Þá er
ætlunin að vera með lokaða hópa á
föstudögum, svo sem saumaklúbba
og vinnufélaga. Auk þess er fyr-
irhugað að bjóða upp á ýmis önnur
námskeið, svo sem í leir, gleri og
myndlist þegar frá líður, að sögn
Lindu. Vildi hún koma því á fram-
færi að enn væri hægt að komast að
í félagsskapnum en staðurinn hefur
fengið nafnið Handverkshúsið Sjó-
list.
Veitir sköpunargleðinni útrás
Morgunblaðið/Garðar Páll Vignisson
Leirlistarkonur við störf í nýju aðstöðunni, Handverkshúsinu Sjólist.
Grindavík
ÚTSVAR íbúa Vatnsleysustrandar-
hrepps mun hækka um 0,33% um
áramót, verða 13,03% í stað 12,7%.
Hins vegar mun álagningarhlutfall
fasteignaskatta og lóðarleiga lækka
vegna hækkunar fasteignamats.
Hreppsnefnd ákvað á fundi sínum
í vikunni að nýta að fullu heimild til
hækkunar álagningarhlutfalls út-
svars. Sveitarfélögum er heimilt að
leggja á 13,03% útsvar í stað 12,7%.
Þóra Bragadóttir, oddviti í Vogum,
segir að sveitarfélagið hafi staðið í
miklum fjárfestingum og rekstrarút-
gjöld séu að aukast, meðal annars
vegna mikilla launahækkana.
Hreppurinn þurfi því að nýta sér þá
heimild til hækkunar sem sveitar-
félögum hafi verið veitt.
Endurskoðun á fasteignamati í
Vatnsleysustrandarhreppi leiddi til
um 15% hækkunar á húsamati að
meðaltali og um 117% meðalhækk-
unar á lóðum. Hreppsnefndin hefur
ákveðið, meðal annars til að koma til
móts við íbúana vegna þessarar
hækkunar, að lækka álagningarpró-
sentu fasteignaskatts á íbúðarhús-
næði úr 0,4% í 0,36% en halda álagn-
ingu á atvinnuhúsnæði óbreyttri. Þá
hefur hreppsnefndin ákveðið að
lækka lóðarleigu úr 3% af fasteigna-
mati í 1,4%. Á þetta við um lóðir sem
sveitarfélagið sjálft á en hluti húsa í
Vogum er á lóðum í einkaeigu.
Þóra Bragadóttir segir að fast-
eignamatið hafi hækkað misjafnlega
mikið eftir eignum. Þá sé ekki búið
að afgreiða kærur vegna matsins.
Því verði álagningarreglur fast-
eignaskatta og lóðarleiga áfram til
skoðunar.
Ákveðið að hækka
útsvar upp í 13,03%
Vatnsleysustrandarhreppur
♦ ♦ ♦