Morgunblaðið - 07.12.2001, Blaðsíða 35

LISTIR
MORGUNBLAÐIÐ FÖSTUDAGUR 7. DESEMBER 2001 35
Tæplega 6.000 bækur hafa selst af metsölubókinni Rétt mataræði
fyrir þinn blóðflokk á Íslandi. Það sannast því að ORÐSPORIÐ er
besta auglýsingin.
Í þessari nýju bók kemur Dr. Peter D’Adamo með nýjar
upplýsingar varðandi tengsl blóðflokka við almennt heilsu-
farsástand okkar. M.a.:

Ótal reynslusannanir af þeim 2.300 sem skráðar eru í
reynslubanka blóðflokkanna.

Niðurstöður úr nýjum rannsóknum.

Tveggja þrepa matseðill - fyrir þá sem vilja bestu heilsu
og þá sem eru að vinna á sjúkdómum.

Bætiefnalistar fyrir hvern blóðflokk.

Tilvísanir í um 1.200 rannsóknir á tengslum blóðflokka
og sjúkdóma.

Listi yfir heilsufarslega áhættuþætti allra blóðflokka.

Ertu seytir eða ekki seytir? Það skiptir máli.

Sérstakar leiðbeiningar fyrir börn í öllum blóðflokkum.

Sérstakar leiðbeiningar fyrir eldra fólk í öllum
blóðflokkum.

Þú grennist verulega ef þú ferð eftir ráðleggingum
Dr. D’Adamo - og það er bara bónus.

Þetta er bók sem vekur ótal spurningar og
veitir enn fleiri svör!
ÞETTA ER BÓK FYRIR
ALLA SEM VIRÐA
HEILSUNA
Ú T G Á F A
ÞAÐ var gleðilegt að fá í fyrra-
kvöld annað tækifæri til að hlusta á
fádæmagóðan stúlknakór Langholts-
kirkju, Graduale nobili. Þessi kór er
liðlega árs gamall, og eftir fyrstu tón-
leika kórsins í apríl í vor viðhafði und-
irrituð stór orð um þá fagmennsku og
músíkhæfileika sem kórinn býr yfir.
Á tónleikunum í fyrrakvöld var efnis-
skráin að miklu leyti sú sama og í vor,
en tilefnið var að út er kominn geisla-
diskur með söng kórsins á þessum
verkum. Að auki söng kórinn fjögur
lög af nýrri efnisskrá. Sem fyrr virð-
ist Graduale nobili ætla að bera höfuð
og herðar yfir aðra sambærilega kóra
með einstaklega góðum söng. Kórinn
er hundrað prósent samstilltur; – all-
ar innkomur hnífjafnar og öruggar,
endingar hendinga hnífjafnar; söng-
urinn fallega mótaður með sterkmót-
uðum blæbrigðum og breidd í styrk-
leika og dýnamík. Sönggleðin er mikil
svo það hreinlega gneistar af þessum
frábæru stelpum. Kórstjórinn, Jón
Stefánsson, er sannarlega að gera
merka hluti hér og hefur unnið vel að
mótun þessa góða efniviðar. Kórinn
tók þátt í Evrópsku æskukórakeppn-
inni í Kalundborg í Danmörku í vor og
hreppti þar annað sæti, og maður
hlýtur að velta því fyrir sér hvers kon-
ar yfirburðakór það var sem hlaut
fyrsta sætið, úr því að stúlkunum í
Graduale nobili tókst ekki að hreppa
það hnoss.
Inngöngulag kórsins á tónleikun-
um í fyrrakvöld var finnskt þjóðlag,
On suuri sun rantas autius, þar sem
Árný Ingvarsdóttir leiddi kórinn inn í
fallegum einsöng. Dóra Steinunn Ár-
mannsdóttir tók svo við einsöngshlut-
verkinu þegar í kórtröppurnar var
komið. Þessar tvær stúlkur hljóta að
eiga framtíðina fyrir sér í sönglistinni
svo góðar sem þær eru nú. Maríuljóð
Hildigunnar Rúnarsdóttur var sér-
staklega vel flutt, og sömuleiðis ynd-
islegt lag Hróðmars Inga Sigur-
björnssonar, Vökuró. Lorca-svíta
eftir Einojuhani Rautavaara var þó
eins og í vor það sem uppúr stóð, þar
sem fleiri einsöngvarar úr röðum kór-
stúlkna létu til sín taka, afar fallega.
Ef eitthvað mætti finna að, hefði ef til
vill mátt skerpa eilítið á spænska
rytmanum í fyrsta þætti svítunnar,
Söngi riddarans. Nýju lögin á efnis-
skránni báru þess merki að vera ekki
alveg jafnmargsungin og örugg og
hin eldri, en þar bar af lag Báru
Grímsdóttur, Eg vil lofa eina þá, við
gamalt íslenskt Maríukvæði.
Þetta voru afbragðsgóðir tónleikar
eins okkar bestu kóra, sem sýndi það
aftur að hann er fyllilega lofsins verð-
ur og verðskuldar mikla athygli í
næstu framtíð.
Göfgar grallara-
stúlkur sanna
sig enn og aftur
TÓNLIST
Kórtónleikar
Graduale nobili, stúlknakór Langholts-
kirkju, söng innlend og erlend lög. Ein-
söngvarar úr röðum kórfélaga voru Árný
Ingvarsdóttir, Dóra Steinunn Ármanns-
dóttir, Regína Unnur Ólafsdóttir, Stein-
unn S. Skjenstad, Lovísa Árnadóttir og
Lára Bryndís Eggertsdóttir. Meðleikari á
selló í Vókalísu var Bryndís Halla Gylfa-
dóttir og Jón Stefánsson stjórnaði.
HÁTEIGSKIRKJA
Bergþóra Jónsdóttir
Í LEIKHÚSINU Vesturporti standa
nú yfir æfingar á nýju íslensku leik-
riti eftir Agnar Jón Egilsson sem
nefnist Lykill um hálsinn.
Þetta er samtímasaga nokkurra
ungmenna í Reykjavík sem eiga
það sameiginlegt að vera að leita að
sjálfum sér í hraða næturinnar og
neysluveröldinni.
Verkið spannar eina síðsumar-
helgi í lífi söguhetjanna. Hvert and-
artak er fullt af kæruleysislegri von
og framtíðin bíður handan horns-
ins. Fylgst er með þeim fara yfir
eigin velsæmismörk enda komin ný
öld. Samfélagið sér ekki um að
halda þeim innan skynsamlegra
marka, það verða þau sjálf að gera.
Þau upplifa afleiðingarnar hvert og
eitt á sinn ólíka máta, sum í átt til
þroska og hamingju, önnur til glöt-
unar.
Leikendur eru Erlendur Eiríks-
son, Þórunn E. Clausen, Ragnheið-
ur Elín Gunnarsdóttir og Björn
Hlynur Haraldsson. Leikstjóri er
Agnar Jón Egilsson. Leikmynd, lýs-
ing og búningar eru í höndum Sig-
urðar Kaiser, Björn Helgason sér
um kvikmyndatöku og klippingu,
Ásta Hafþórsdóttir annast förðun
og hannar leikgerfi, Björn Krist-
jánsson semur tónlist, Hrefna Hall-
grímsdóttir semur dansa og Magn-
ús Þór Þorbergsson er dramatúrg
sýningarinnar.
Frumsýning er fyrirhuguð milli
jóla og nýárs.
Morgunblaðið/Árni Sæberg
Erlendur Eiríksson, Agnar Jón Egilsson höfundur, Ragnheiður Elín
Gunnarsdóttir, Björn Hlynur Haraldsson og Þórunn Clausen.
Lykill um hálsinn
æft í Vesturporti
BORGARLEIKHÚSIÐ hefur
auglýst eftir hugmyndum að
efniviði í tvenns konar leikhús-
verk.
Annars vegar er hugmyndin
að virkja ungt fólk. Leikhúsið
býður því ungum skáldum á
aldrinum 18-35 ára að semja ör-
stutt verk fyrir leikhús sem á
einhvern hátt tengjast hugsun-
inni „future de luxe“. Textarnir
eiga ekki að vera lengri en 2000
orð og mega ekki hafa birst áð-
ur. Verkið má ekki krefjast fleiri
en fjögurra leikara. Það verða
valin 5 til 10 verk, sem síðan
verða útfærð nánar í samvinnu
leikhúsfólks og höfunda og
frumsýnd sameiginlega á næsta
leikári. Hugmyndum á að skila
inn fyrir 15. febrúar n.k.
Hins vegar óskar leikhúsið
eftir hugmyndum að stuttum
leikverkum til uppsetningar á
Nýja sviði Borgarleikhússins
veturinn 2002-2003. Miðað er við
að hvert verk taki u.þ.b. klukku-
stund í flutningi. Í fyrstu umferð
eiga höfundar að skila inn hug-
myndum sem rúmast á tveimur
blaðsíðum. Síðan verða þrjár til
sex hugmyndir teknar til nánari
vinnslu sem lýkur með grind að
leikverki. Þrjár hugmyndir
verða unnar upp í leiksýningu.
Þessum hugmyndum óskar leik-
húsið eftir í síðasta lagi þann 1.
febrúar nk.
Auglýst
eftir nýj-
um leik-
verkum