Morgunblaðið - 21.02.2002, Side 14

HÖFUÐBORGARSVÆÐIÐ
14 FIMMTUDAGUR 21. FEBRÚAR 2002 MORGUNBLAÐIÐ
BREYTTAR tillögur bygg-
ingarfyrirtækisins Gígant að
uppbyggingu á Rafha-reitn-
um svokallaða við Lækjar-
götu í Hafnarfirði verða til
umfjöllunar í skipulagsnefnd
bæjarins í næstu viku.
Óánægju hefur gætt með
það byggingarmagn sem
hugmyndir að skipulagi
reitsins gera ráð fyrir en lóð-
areigandi segir það nauðsyn-
legt svo að framkvæmdirnar
verði hagkvæmar.
Hugmyndir lóðareiganda
voru kynntar á fundi sem ný-
lega var haldinn með íbúum
svæðisins. Meðal íbúa sem
þar létu óánægju sína í ljós
var Elín Gylfadóttir sem býr
við Öldugötu í Hafnarfirði.
„Það eru hugmyndir um að
reisa fjórar fimm hæða
blokkir á þessari lóð og þær
falla ekki að umhverfinu.
Reiturinn er í hjarta Hafn-
arfjarðar þar sem fyrir eru
há brotin þök og gömul hús.
Þarna eru hugmyndir um að
setja nýtísku fimm hæða
blokkir með braggalaga þaki
þannig að þetta stingur mjög
í stúf. Hamarinn, sem er
ákveðið kennileiti hér í
Hafnarfirði, mun síðan
hverfa á bak við þessar
blokkir.“
Hagsmunir lóðar-
eigenda ráði ferðinni
Elín segir stærð bygging-
anna vera yfirþyrmandi.
„Þetta eru 110 eða 120 íbúðir
og það er ljóst að útsýnið er
alveg tekið af okkur hér
neðst í Öldugötunni því við
komum til með að horfa inn í
blokkirnar.“ Hún segir þetta
á skjön við þær upplýsingar
sem hún fékk þegar hún
flutti í hverfið fyrir tveimur
árum um að ekki stæði til að
byggja á Rafha-reitnum
næstu áratugina.
Að mati Elínar virðist of
mikið tillit tekið til eigenda
lóðarinnar við skipulagn-
inguna. „Hafnarfjarðarbær
var í rauninni ekki búinn að
ákveða neitt skipulag á
þessu svæði og skipulagið
virðist eiga að helgast af
hagsmunum verktakans sem
keypti lóðina mjög dýru
verði. Það var mikið talað
um það á þessum fundi að
verktakinn þyrfti að fá eitt-
hvað fyrir sinn snúð þar sem
hann væri búinn að eyða öll-
um þessum peningum. Ég
segi á móti að ef Hafnar-
fjarðarbær hefði verið búinn
að skipuleggja þetta svæði
og sagt að það yrði aldrei
hærri byggð þarna en þrjár
hæðir þá hefði lóðin aldrei
selst svona dýrt og þá hefði
þetta ekki orðið svona mikið
hagsmunamál.“
Lúðvík Geirsson oddviti
minnihlutans í bæjarstjórn
tekur undir gagnrýni Elínar
og segist ekki geta sætt sig
við að forsendur byggingar-
aðilans ráði ferðinni í málinu.
„Það liggur ljóst fyrir að það
þarf að endurskipuleggja og
endurbyggja á þessu svæði
en sjónarmið umhverfis og
nágranna verða að fá að ráða
í þessu máli og bæjaryfirvöld
verða auðvitað að stýra
þessu skipulagi.“ Hann seg-
ist því vilja sjá byggð á reitn-
um sem samsvari sér betur á
svæðinu.
Hafdís Hafliðadóttir,
skipulagsstjóri í Hafnarfirði,
segir skipulagsnefnd ekki
búna að samþykkja að unnin
verði deiliskipulagsbreyting
á grundvelli framkominna
hugmynda eigenda lóðarinn-
ar. „Við munum taka þetta
upp á fundi í skipulagsnefnd
á þriðjudaginn kemur þar
sem þeir, sem að þessu
standa, kynna nýjar hug-
myndir eftir að hafa brugðist
að einhverju leyti við at-
hugasemdunum sem komu
fram á fundinum,“ segir hún.
Valkosturinn
óbreytt ástand
Jón Valur Smárason, ann-
ar eigandi Gígant, bygging-
arfyrirtækisins sem keypt
hefur lóðina, segir ekki ljóst
hvaða atriði verði endur-
skoðuð með tilliti til athuga-
semda íbúanna. „Það var
m.a. verið að mótmæla nýrri
þakgerð í hverfinu og það er
hugmynd um að breyta því
eitthvað og samræma það
betur umhverfinu.“ Hann vill
ekki segja til um hvort gerð-
ar verði breytingar á um-
fangi eða hæð bygginganna
sem um ræðir.
Hann segist ekki hafi orð-
ið var við hörð mótmæli íbúa
gegn áformunum. „Þessi
gamla 7.000 fermetra verk-
smiðja sem er þarna til stað-
ar er ekki beysin og útsýnið
því ekki fallegt fyrir fólkið
sem er þarna. Það voru ekki
mikil eða hörð mótmæli á
kynningarfundinum enda
eykst útsýnið hjá sumum við
þetta vegna þess að bygging-
arnar eru brotnar upp. Ég
held að fólk vilji einfaldlega
fá þarna fallega, snyrtilega
byggð í stað þess að hafa
þetta eins og það er í dag.“
Jón Valur segir mikinn
kostnað liggja í lóðinni og
þeim eignum sem á henni
eru. „Til þess að það sé hægt
að gera þessar byggingar-
framkvæmdir að veruleika
þarf að rífa nærri 7.000 fer-
metra hús og til þess að það
sé hagkvæmt þarf að byggja
þennan fjölda íbúða. Þetta er
náttúrulega dýr lóð þegar
þarf að kaupa þetta stóra
húsnæði og koma öllum
leigjendum út. Síðan þarf að
rífa það sem er líka kostn-
aðarsamt. Ef þetta verður
ekki hagkvæmt þarf einfald-
lega að tjasla upp á húsnæð-
ið sem fyrir er og setja það í
langtímaleigu. Það eru í
rauninni einu valkostirnir.“
Að sögn Jóns Vals vonast
fyrirtækið til að geta hafið
framkvæmdir í byrjun maí
og hefur ekki trú á öðru en
að málið eigi eftir að ganga
greitt fyrir sig.
Magnús Gunnarsson bæj-
arstjóri segir verið að skoða
með hvaða hætti og hvort
hægt sé að gera breytingar á
teikningum í samræmi við
framkomnar óskir. „Ég held
reyndar að þeir sem horfi á
svæðið eins og það er núna
átti sig strax á því að þar má
margt betur fara. Þarna er
aðili sem er búinn að festa
sér þessar eignir og er með
ákveðnar hugmyndir. Bæj-
aryfirvöld telja meiri kost í
því fólginn að láta þær verða
að veruleika heldur en að
hafa svæðið eins og það er í
dag.“
Kaupverð milli 200 og
300 milljónir króna
Aðspurður um það hvort
bæjaryfirvöld hefðu ekki átt
að huga að skipulagi svæð-
isins fyrr og þannig haft
áhrif á lóðarverðið segir
Magnús: „Það má kannski
segja að það hefði verið
skynsamlegast að deiliskipu-
leggja svæðið í heild sinni
þegar menn hófu uppbygg-
ingu á svæðinu fyrri nokkuð
mörgum árum. Viturlegast
hefði verið að bæjarfélagið
hefði keypt þessar eignir á
þeim tíma sem þær voru
seldar fyrir tiltölulega lítið
og getað ráðstafað þeim síð-
ar. En þegar málið er þannig
að þetta er eini reiturinn
sem ekki er byggður á svæð-
inu má segja að þarna þurfi
að verða ákveðið samspil
hagsmunaaðila á svæðinu og
bæjarins og þá er leitað að
einhverri niðurstöðu sem all-
ir geta sætt sig við og er til
hagsbóta fyrir bæjarfélag-
ið.“
Hann segir ekki hafa kom-
ið til greina að bærinn keypti
lóðina. „Það er verið að tala
um kaupverð sem er ein-
hvers staðar á milli 200 og
300 milljónir króna og það
var ekkert inni í myndinni
enda er bæjarfélagið í mörg-
um öðrum verkefnum sem
stendur.“
Skiptar skoðanir um ágæti byggingarframkvæmda á svokölluðum Rafha-reit við Lækjargötu
Íbúðafjöldinn nauð-
synlegur til að
tryggja hagkvæmni
Morgunblaðið/Sverrir
Horft í átt að Rafha-reitnum svokallaða þar sem fyrirhugað er að reisa íbúðarblokkir.
Hafnarfjörður
INGIBJÖRG Sólrún Gísla-
dóttir borgarstjóri segir
gríðarlegt átak falið í því að
tölvuvæða leikskóla borgar-
innar sem ekki verði gert
nema á tilteknu árabili. Hún
segir stefnumótunarvinnu
vegna tölvuvæðingar leik-
skólanna vera að hefjast hjá
borginni. Björn Bjarnason
menntamálaráðherra segir
stefnu varðandi tölvukennslu
leikskólanna hafa verið mót-
aða í námskrá þeirra og mál-
ið sé því á réttri braut.
Í umfjöllun Morgunblaðs-
ins um tölvunám leikskóla-
barna um síðustu helgi kom
fram að tækjakostur standi
því fyrir þrifum að hægt sé
að bjóða upp á slíkt í þorra
leikskóla borgarinnar. Ingi-
björg Sólrún Gísladóttir
borgarstjóri segir nauðsyn-
legt að meta þörfina og setja
stefnuna í tölvuvæðingar-
málum leikskólanna líkt og
gert var hjá grunnskólunum.
„Það þarf að meta með
hvaða hætti við viljum haga
tölvuvæðingunni í leikskól-
unum, setja ákveðin mark-
mið í því efni og vinna svo að
því á ákveðnu tímabili,“ seg-
ir hún. „Við rekum 76 leik-
skóla þannig að það er gríð-
arlegt átak að fara út í þetta
og það verður ekki gert
nema á tilteknu árabili. Mér
finnst skipta máli að þetta sé
gert með skipulögðum hætti
þannig að þetta verði ekki
handahófskennt.“
Hún segir að verið sé að
fara í slíka stefnumótunar-
vinnu með leikskólunum.
„Þetta er líka spurning um
hvernig þeir eiga að tengjast
Netinu og hvernig þeir geta
nýtt sér það. Eins er það lið-
ur í þjónustu leikskólanna
við foreldrana að setja upp
heimasíður á hverjum leik-
skóla með upplýsingum um
þá þjónustu sem hver leik-
skóli veitir. Þannig að það
eru ýmsar hliðar á þessu en
það er verið að fara yfir
þessi mál núna með tilliti til
þess að marka skýra
stefnu.“
Leiðin að
markmiðum skýr
Björn Bjarnason mennta-
málaráðherra segir sjálfsagt
að nýta tölvutæknina á öllum
skólastigum. „Þetta ryður
sér til rúms hægt og sígandi
bæði í leikskólum, grunn-
skólum og framhaldsskólun-
um og það er alveg augljóst
að þessi tæki eru ómetanleg
í svo mörgu tilliti. Ég tel að
það eigi að halda áfram að
ná þeim markmiðum sem
sett eru í námskrá leikskól-
anna að skólinn sameini leik
og nám og tölvurnar eru
þáttur í því.“
Hann segir að tækjakost-
ur hljóti að koma stig af stigi
líkt og í grunnskólunum.
„Það er ákveðin framvinda í
þessu og ef þetta gefst vel
munu menn leggja áherslu á
að tölvuvæða þessa skóla
eins og aðra. Menn verða að
setja sér einhverja áætlun
um að ná markmiðum sínum
og gera það í samræmi við
fjárráð, aðbúnað og annað
slíkt. Mér sýnist að stefnan
hafi verið mörkuð og leiðin
að markmiðinu er líka skýr
þannig að ég held að þetta
sé allt komið á rétta braut.“
Stefnumótun í tölvuvæð-
ingu leikskóla framundan
Morgunblaðið/Sverrir
Leikskólinn Garðaborg er einn fárra leikskóla í borginni þar sem börn hafa notið tölvu-
náms. Hér eru það þau Hjördís Lára, fjögurra ára, Katrín Inga, fimm ára, og Baldur Þór,
fjögurra ára, sem einbeita sér að verkefnum í tölvunni.
Reykjavík
BORGARRÁÐ samþykkti
nýtt deiliskipulag fyrir Suð-
urhlíð 38 á fundi sínum á
þriðjudag en gert er ráð fyrir
fjölbýlishúsi með 46 íbúðum
að hámarki á lóðinni. Tillag-
an var samþykkt með fjórum
atkvæðum fulltrúa R-lista.
Fulltrúar sjálfstæðis-
manna sátu hjá og óskuðu
eftir að bókað yrði að skipu-
lag lóðarinnar klyfi „þann
einstaka útivistarás sem
tengir borgina frá vestasta
hluta hennar og upp í Heið-
mörk“. Eru tíunduð mótmæli
sem íbúar í Suðurhlíðum hafa
haft uppi um áformin varð-
andi byggingarmagn og um-
ferðarþunga og sagt að ekki
hafi verið tekið tillit til
þeirra.
Í bókun R-lista segir að
lengi hafi verið gert ráð fyrir
byggingu á lóðinni en lóðar-
notkuninni verið breytt í
skipulagi úr stofnanalóð í
íbúðarsvæði, sem ótvírætt
þjóni hagsmunum íbúa hverf-
isins. Komið hafi verið til
móts við sjónarmið íbúa með
því að fækka íbúðum í húsinu
úr 50 í 46 auk þess sem dreg-
ið verði úr umferðarálagi á
Suðurhlíð með því að hafa að-
komu að húsinu frá Kringlu-
mýrarbraut.
Deili-
skipulag
sam-
þykkt
Suðurhlíðar