Morgunblaðið - 26.03.2002, Blaðsíða 10
FRÉTTIR
10 ÞRIÐJUDAGUR 26. MARS 2002 MORGUNBLAÐIÐ
VALGERÐUR Sverrisdóttir iðnað-
arráðherra sagði á Alþingi í gær að
mikil vinna hefði farið fram í iðnaðar-
ráðuneytinu til að sinna fyrirtækinu
Norðuráli á Grundartanga allt frá
árinu 2000. Kom þetta fram í máli
hennar í fyrirspurnartíma á Alþingi
en Lúðvík Bergvinsson, þingmaður
Samfylkingarinnar, hóf umræðuna
með því að beina m.a. þeirri fyrir-
spurn til ráðherra hvort hún hefði
gert upp á milli þeirra fyrirtækja
sem vildu viðræður við ráðuneytið
um stóriðjumál.
„Við höfum verið að sinna fyrir-
tækinu og þeim erindum sem hafa
borist ráðuneytinu alveg frá því árið
2000,“ sagði iðnaðarráðherra. Lagði
hún jafnframt áherslu á að eftir að
Þjóðhagsstofnun hefði á sínum tíma
verið fengin til að vinna að úttekt á
efnahagslegum áhrifum þess að farið
yrði út í stækkun Norðuráls og Nor-
al-verkefnisins á Austfjörðum hefði
verið komist að þeirri niðurstöðu að
byrjað yrði á stækkun Norðuráls.
„Niðurstaðan var sú að það yrði
byrjað á stækkun Norðuráls. Ég
endurtek; að það yrði byrjað á
stækkun Norðuráls. En Norðurál
þarf orku og við höfum því í iðnaðar-
áðuneytinu komið á viðræðum fyr-
irtækisins við orkufyrirtæki um að
afhenda orku. Niðurstaða þess starfs
er sú að það sé einungis Landsvirkj-
un sem ráði við það verkefnið miðað
við tímaáætlanir fyrirtækisins. Það
byggist á Búðarhálsvirkjun og virkj-
un Norðlingaöldu.“ Síðan sagði ráð-
herra: „Mikið starf hefur verið í
gangi í ráðuneytinu sem tengist
þessu ágæta fyrirtæki [Norðuráli]
og ég veit ekki betur en að þeir sem
að því standa séu mjög ánægðir.“
Lúðvík Bergvinsson gerði í fyrir-
spurn sinni einnig að umtalsefni um-
mæli Davíðs Oddssonar forsætisráð-
herra í fréttum Stöðvar 2 á sunnu-
dagskvöld. „… Í fréttum Stöðvar 2 í
gær kom fram hjá hæstvirtum for-
sætisráðherra að um nokkuð langt
skeið hefði legið fyrir erindi frá
Norðuráli sem ekki hefði verið svar-
að,“ sagði Lúðvík og spurði iðnaðar-
ráðherra hvort það væri rétt. Í svari
sínu lagði ráðherra áherslu á, eins og
áður var getið um, að iðnaðarráðu-
neytið hefði verið að sinna Norðuráli
og þeim erindum sem ráðuneytinu
hefðu borist allt frá árinu 2000. „Og
það að taka upp viðræður við ráðu-
neytið núna á þessu stigi, það eru
einfaldlega framhaldsviðræður, því
við erum búin að fjalla um þessi mál í
tvö ár,“ sagði hún.
Morgunblaðið/Sverrir
Árni Mathiesen sjávarútvegsráðherra og Valgerður Sverrisdóttir iðnaðar- og viðskiptaráðherra.
Valgerður Sverrisdóttir iðnaðarráðherra
Norðuráli sinnt
vel í ráðuneytinu
GUÐNI Ágústsson landbúnaðarráð-
herra sagði á Alþingi í gær að taka
þyrfti „harkalega í hnakkadrambið“
á þeim útflytjendum lambakjöts sem
ekki hefðu farið að reglum sem gilda
m.a. um merkingar á kjöti. Eins og
fram kom í Morgunblaðinu um
helgina hefur lambakjöt sem flutt
hefur verið frá Íslandi til þriggja
landa Evrópusambandsins ekki verið
nægilega vel merkt og því eytt áður
en það hefur komist á markað er-
lendis. Fimm íslenskir aðilar hafa
leyfi til að flytja út til ESB og hjá
fjórum þeirra hefur þessu verið
ábótavant.
Það var Karl V. Matthíasson, þing-
maður Samfylkingarinnar, sem tók
málið upp í fyrirspurnartíma á þingi í
gær. „Um helgina sem leið bárust
okkur fréttir af því að yfirvöld í Dan-
mörku, Hollandi og Englandi hefðu
kvartað við Evrópusambandið vegna
endurtekinna brota fjögurra ís-
lenskra útflytjenda á lambakjöti á
reglum um innflutning,“ sagði Karl
og vildi fá viðbrögð ráðherra við þeim
fréttum. Bætti hann því við að þetta
væru skelfilegar fréttir.
Guðni Ágústsson landbúnaðarráð-
herra sagðist í svari sínu geta tekið
undir með Karli. „Ég lít auðvitað
grafalvarlegum augum á það þegar
íslensk fyrirtæki sem eiga að þekkja
leikreglurnar bregðast í markaðs-
setningu og fara ekki að þeim kröfum
og skilyrðum sem þeim ber.“ Guðni
sagði að það væri ekki nóg að hafa
góða vöru í höndunum. Menn yrðu að
hafa vilja til að markaðssetja hana og
merkja hana og gera hana þannig úr
garði að það stæðist þær ströngu
reglur sem giltu um útflutning.
„… Það er auðvitað mjög nauðsyn-
legt nú að taka harkalega í hnakka-
drambið á þessum aðilum sem svona
hafa brugðist og gera þeim grein fyr-
ir því að það er skömm að því að fara
ekki að reglunum. Það verða þeir að
gera.“ Í máli ráðherra kom jafnframt
fram að starfsmenn embættis yfir-
dýralæknis hefðu átt fund með við-
komandi útflytjendum þar sem farið
hefði verið yfir stöðu þessara mála.
Landbúnaðarráðherra um útflytjendur lambakjöts
Alvarlegt að ekki skuli
farið að settum reglum
FJÓRIR þingmenn úr fjórum þingflokkum á
Alþingi hafa lagt fram frumvarp til laga, um
breytingu á lögum um hvalveiðar, sem miðar
að því að hvalveiðir hefjist sem fyrst að nýju.
Fyrsti flutningsmaður frumvarpsins er Guðjón
A. Kristjánsson, þingmaður Frjálslynda flokks-
ins, en meðflutningsmenn eru Magnús Stef-
ánsson, þingmaður Framsóknarflokksins, Jó-
hann Ársælsson, þingmaður
Samfylkingarinnar, og Guðjón Guðmundsson,
þingmaður Sjálfstæðisflokksins.
Í greinargerð frumvarpsins er minnt á að
þrjú ár eru liðin frá því að Alþingi samþykkti
ályktun um að hefja hvalveiðar hið fyrsta.
„Frumvarpið miðar að því að þeirri stefnu verði nú framfylgt í verki,“
segir í greinargerðinni. Í henni segir að upphaf hvalveiðibanns hér við
land megi rekja til þingsályktunar Alþingis frá árinu 1983. „Hval-
veiðibanninu var hrundið í framkvæmd af hálfu sjávarútvegsráðuneyt-
isins með stöðvun á útgáfu leyfa til hvalveiða.“ Síðan segir að ekkert sé
því til fyrirstöðu að hefja hvalveiðar að óbreyttum lögum fáist til þess
leyfi ráðherra. „Það má gagnrýna að ráðherra geti ... stöðvað fram-
gang laga með því einfaldlega að neita útgáfu leyfa, jafnvel þótt vilji Al-
þingis hafi verið kannaður.“ Þá segir: „Frumvarp þetta gengur annars
vegar út á það að kveða á um með ákveðnari hætti en nú er gert að ráð-
herra skuli gefa út leyfi að uppfylltum almennum og sérstökum skil-
yrðum og hins vegar að þrengja heimildir ráðherra til að takmarka
hvalveiðar. Frumvarpið gerir ráð fyrir aðlögunartímabili en þegar það
er liðið er ekki heimilt að takmarka veiðar umfram það sem Hafrann-
sóknastofnunin telur óhætt að veiða hverju sinni.“
Í greinargerðinni segir að skv. upplýsingum frá sjávarútvegsráðu-
neytinu hafi tæplega 60 milljónum króna verið varið til kynningarstarfa
á málstað Íslendinga varðandi hvalveiðar á árunum 1999 til og með
2001. Auk þess er á fjárlögum þessa árs gert ráð fyrir því að verja 25
milljónum króna til kynningarverkefnisins. „Mikil kynning á málstað
Íslendinga hefur því þegar átt sér stað og tímabært að hefja veiðar.“
Hvalveiðar hefjist
sem fyrst að nýju
MENNTAMÁLARÁÐHERRA, Tómas Ingi Olrich, hefur lagt fram á
Alþingi frumvarp til laga sem miðast að því að ríkið hætti að skoða og
meta kvikmyndir fyrir frumsýningu þeirra hér á landi og að skyldan
færist til þeirra sem framleiða, leigja, sýna eða dreifa á annan hátt
kvikmyndum í atvinnuskyni. Í frumvarpinu er því gert ráð fyrir að
rekstri Kvikmyndaskoðunar ríkisins verði hætt.
Í frumvarpinu, sem ber heitið frumvarp til laga um eftirlit með að-
gangi barna að kvikmyndum, er ofbeldiskvikmynd skilgreind á eft-
irfarandi máta. „Ofbeldiskvikmynd...er kvikmynd þar sem sérstak-
lega er sóst eftir að sýna hvers kyns misþyrmingar eða hrottalegar
drápsaðferðir á mönnum og dýrum. Þegar sýning ofbeldis telst eiga
rétt á sér vegna upplýsingagildis kvikmyndar eða vegna listræns gild-
is hennar telst kvikmynd ekki ofbeldiskvikmynd í framangreindum
skilningi.“
Í frumvarpinu er lagt til að bannað verði að sýna ungmennum undir
sjálfræðisaldri ofbeldiskvikmyndir og jafnframt að bannað verði að
selja og dreifa slíkum myndum til ungmenna sem ekki hafa náð fyrr-
greindum aldri. „Ef kvikmynd telst vera ofbeldiskvikmynd er skylt að
láta þess getið alls staðar þar sem við á, svo sem í auglýsingum, ann-
arri kynningu á myndinni og merkingu...,“ segir í frumvarpinu. Þá er
í því lagt til að heimilt verði að gera kvikmynd upptæka ef sýning,
sala eða dreifing hennar fer í bága við ákvæði laganna.
Kvikmyndaskoðun
ríkisins verði lögð niður
NÍU þingmenn Samfylkingarinnar hafa lagt fram á Alþingi tillögu til
þingsályktunar um hálendisþjóðgarð. Fyrsti flutningsmaður hennar
er Össur Skarphéðinsson, formaður Samfylkingarinnar. Í tillögunni
segir: „Alþingi ályktar að fela umhverfisráðherra að leggja undir
þjóðgarð víðernin norðan og norðaustan Vatnajökuls. Innan þjóð-
garðs verði m.a. eftirtaldir staðir og land: Tungnafellsjökull, Nýidal-
ur, Gæsavötn, Askja, Herðubreið, Kverkfjöll, Krepputunga, Hvanna-
lindir, Fagridalur, Grágæsadalur, Snæfell og Vesturöræfi,
Eyjabakkar og Lónsöræfi. Nyrðri mörk þjóðgarðsins verði svo norð-
arlega að allt vatnasvið Kreppu sé innan þjóðgarðsmarka.“
Þá segir í tillögunni að markmið þjóðgarðsins verði að vernda ein-
stakar náttúruminjar, stuðla að útivist og ferðamennsku, og ýta undir
jákvæða byggðastefnu með því að skapa störf og efla hefðbundna
framleiðslu.
Í greinargerð tillögunnar segir að verði ráðist í virkjun við Kára-
hnjúka séu enn fjölmörg dýrmæt svæði norðan og norðaustan Vatna-
jökuls sem brýnt sé að vernda fyrir komandi kynslóðir. „Í þjóðgarði
felst æðsta stig verndunar samkvæmt íslenskum lögum. Samfylkingin
telur farsælast að þessi svæði verði því lögð undir þjóðgarð. Það er
besta tryggingin fyrir að ekki verði frekar á þau gengið.“
Vilja hálendisþjóðgarð
LAGT hefur verið fram á Alþingi, frumvarp til laga um Tæknihá-
skóla Íslands en með frumvarpinu er verið að samræma lög um
Tækniskóla Íslands lögum um háskóla, nr. 136/1997, en þau lög
kveða á um að sérlög um einstakar háskólastofnanir verði endur-
skoðuð og efni þeirra aðlagað þeim lögum. Það er menntamálaráð-
herra, Tómas Ingi Olrich, sem mun mæla fyrir frumvarpinu.
Í athugasemdum þess segir að mestur hluti náms við Tækniskóla
Íslands hafi verið á háskólastigi og að skólinn hafi útskrifað nem-
endur með viðurkenndar háskólagráður. Jafnframt hafi skólinn átt
aðild að samstarfsnefnd háskólastigsins ásamt öðrum háskólum.
„Með frumvarpinu er því verið að staðfesta stöðu skólans sem há-
skóla í skólakerfinu jafnframt því sem skipulag skólans er aðlagað
háskólalögum,“ segir í athugasemdunum.
Tækniskólinn verði
Tækniháskóli Íslands