Morgunblaðið - 26.03.2002, Blaðsíða 47
FRÉTTIR
MORGUNBLAÐIÐ ÞRIÐJUDAGUR 26. MARS 2002 47
KÓR Háteigskirkju og kammer-
sveit undir stjórn Douglas Brotchie
organista flytja sálumessu eftir
enska tónskáldið John Rutter í Há-
teigskirkju annaðkvöld, miðviku-
dagskvöld.
Athöfnin hefst kl. 20.30 en fyrir
tónlistarflutninginn flytur sr. Jürg-
en Jamin, dómkirkjuprestur í
Landakotskirkju, erindi um sálu-
messu. Fjallar hann um hvað sálu-
messa er, hugsunina að baki henni
og hvernig hún er iðkuð í kaþólsku
kirkjunni.
Sálumessa í Háteigskirkju
Morgunblaðið/Árni Sæberg
Kór Háteigskirkju á æfingu í kirkjunni undir stjórn Douglas Brotchie.
Fremst á myndinni er sr. Helga Soffía Konráðsdóttir sóknarprestur.
UM helgina voru 42
ökumenn grunaðir um
of hraðan akstur en sjö
um ölvun við akstur.
Harður árekstur varð á Kjalar-
nesi síðdegis á föstudag. Ökumenn
beggja bifreiða voru fluttir á slysa-
deild með sjúkrabifreið. Síðdegis á
laugardag varð sex bíla árekstur á
Sæbraut en bílarnir lentu hver aft-
an á öðrum. Orsökin var sú að bif-
reið hafði verið skilin eftir þarna á
vinstri akrein, bensínlaus, og hafði
ökumaður hennar farið til að ná í
bensín. Tveir ökumenn og einn far-
þegi voru fluttir á slysadeild með
sjúkrabifreiðum vegna eymsla í
hálsi og baki. Meiðslin voru talin
minniháttar. Á sunnudagsmorgun
var tilkynnt um að bifreið hafi ver-
ið ekið á staur í Skógarseli. Bifreið-
in var fjarlægð af vettvangi með
dráttarbifreið. Ökumaður bifreið-
arinnar fann til eymsla í brjósti eft-
ir áreksturinn.
Ökumaður var stöðvaður á
sunnudagskvöld þar sem hann ók
vestur Ártúnsbrekku á akrein sem
ætluð er fyrir umferð í austur. Olli
hann mikilli hættu í Ártúnsbrekk-
unni. Er ökumaður var stöðvaður
kvaðst hann hafa ekið þarna í um
40 ár en konurnar (aftursætisbíl-
stjórarnir!) í bifreiðinni hafi viljað
fara þessa leið. Hann kvaðst ekki
hafa áttað sig á aðstæðum fyrr en
hann var kominn inn á Ártúns-
brekkuna. Ökumanni var vísað á
hinar réttu þrjár akreinar sem ætl-
aðar eru umferð í vestur.
Á föstudag var tilkynnt um pilta
að stela gaskútum í garði við Brá-
vallagötu. Þeir reyndu að selja kút-
ana á bensínstöð en voru nokkru
síðar handteknir og vísuðu á kút-
ana.
Skaust inn um afturrúðu
Síðdegis á föstudag var tilkynnt
um að maður hafi fengið kaðal í
höfuðið við drátt á bifreið. Verið
var að draga gamla, númerslausa
bifreið áleiðis af bifreiðastæði.
Númerslausa bifreiðin var föst í
bremsu og var reynt að rykkja
henni lausri. Þá vildi ekki betur til
en svo að festing sú sem dráttar-
tógið var fest í á númerslausu bif-
reiðinni slitnaði. Sá endi kaðalsins
sem var festur í númerslausu bif-
reiðina ásamt járnstykki úr henni,
skaust af miklum krafti inn um aft-
urrúðu dráttarbílsins og beint í
hnakka bílstjórans. Ökumaðurinn
var fluttur á slysadeild með sjúkra-
bifreið. Hann reyndist m.a. höfuð-
kúpubrotinn. Sérstakt eftirlit var
með útivistartíma barna í sam-
starfi við Félagsþjónustuna og
ÍTR. Farið var um miðborgina og
hverfi í austurborginni. Fátt var af
börnum á ferðinni en nokkur ölvuð
ungmenni voru flutt til síns heima
eða foreldrar látnir sækja þau.
Frekar fátt var í miðborginni þetta
föstudagskvöld og aðfaranótt laug-
ardagsins en flestir voru á aldrin-
um 20–30 ára. Ástand var almennt
gott, lítil ölvun og unglingar ekki
áberandi. Veður var frekar napurt
til útiveru, kaldi, rigning og hiti um
6 gráður. Í athvarfið voru færðir 3
unglingar sem höfðu haft áfengi
um hönd. Vitað er um eina rúðu
sem var brotin, tveir voru hand-
teknir vegna ölvunar, lögregla
flutti einn á slysadeild og sjúkra-
bifreið einn. Engar biðraðir voru
við veitingastaði enda fátt fólk þar
inni. Vitað er um eina líkamsárás
sem átti sér stað utandyra við veit-
ingastað, árásarmaðurinn er
ófundinn.
Tilkynnt var um pilta sem voru
að lýsa inn í bifreiðar við Borgar-
tún. Þeir voru handteknir en þeir
reyndust hafa í fórum sínum
geislaspilara úr bifreið.
Stungu af frá matarreikningi
Mjög rólegt var í miðborginni
aðfaranótt sunnudags. Ein minni-
háttar líkamsárás varð við veit-
ingahús en þolanda var ekið á
slysadeild með gat á höfði. Slags-
mál við annað veitingahús voru
leyst upp og maður handtekinn
fyrir að brjóta rúður við þriðja
veitingahúsið.
Síðdegis á sunnudag var til-
kynnt um innbrot í fyrirtæki í
Skeifunni. Farið hafði verið inn um
glugga á annarri hæð og stolið
ýmsum tölvubúnaði. Peningaveski
var stolið í Kolaportinu. Í veskinu
var reiðufé, greiðslukort og öku-
skírteini. Veskinu var stolið frá
konu sem þar er með sölubás. Þá
var tilkynnt um að 4 piltar hafi
keypt mat fyrir um 8.000 krónur á
veitingastað í miðborginni og
stungið af frá reikningnum. Lík-
lega er ljóst um hvaða pilta var að
ræða.
Á mánudagsmorgun var tilkynnt
um innbrot í fyrirtæki við Vatna-
garða. Farið var inn um glugga á 2.
hæð. Stolið var ýmsum tölvubún-
aði.
Úr dagbók lögreglunnar – 22.–25. mars
Aftursætisbílstjórar
valda vandræðum
LÖGREGLAN í Reykjavík lýsir
eftir vitnum að því þegar bifreið
var ekið á járngrindverk á miðeyju
við gatnamót Hringbrautar og
Bræðraborgarstígs.
Atvikið átti sér stað 22. mars, kl.
13.43. Grindverkið skemmdist mik-
ið og kubbaðist í sundur á kafla.
Ökumaður ók hins vegar á brott
eftir óhappið. Hann ók fólksbif-
reið, brúnleitri eða gráleitri,
mögulega af tegundinni Volkswag-
en. Óskað er eftir að ökumaður
bifreiðarinnar svo og vitni að
óhappinu hafi samband við lög-
regluna í Reykjavík.
Lögreglan lýsir
eftir ökumanni
og vitnum
FRAMBOÐSLISTI sjálfstæðis-
manna í Árborg fyrir komandi
sveitarstjórnarkosningar var sam-
þykktur á félagsfundi sjálfstæðis-
félaganna á Stokkseyri, Eyrar-
bakka og Selfossi á fimmtu-
dagskvöld. Listann skipa:
1. Ingunn Guðmundsdóttir, 44
ára, formaður bæjarráðs, 2. Páll
Leó Jónsson, 44 ára, skólastjóri, 3.
Halldór Valur Pálsson, 21 árs,
nemi í stjórnmálafræði við Há-
skóla Íslands, 4. Björn Ingi Gísla-
son, 55 ára, hárskerameistari, 5.
Ari Björn Thorarensen, 37 ára,
fangavörður, 6. Magnús Gíslason,
32 ára, framkvæmdastjóri, 7. Guð-
rún Jóhannsdóttir, 31 árs, kennari,
8. Sigríður Óskarsdóttir, 44 ára,
skrifstofumaður, 9. Sigríður Rós
Sigurðardóttir, 22 ára, nemi við
Kennaraháskóla Íslands, 10. Sig-
urður Þór Sigurðsson, 44 ára,
framkvæmdastjóri, 11. Benedikt
Benediktsson, 51 árs, verkstjóri,
12. Ragnhildur Jónsdóttir, 48 ára,
afgreiðslustjóri, 13. Óskar Valberg
Arilíusson, 37 ára, atvinnurekandi,
14. Sigríður Gunnarsdóttir, 36 ára,
gæðastjóri, 15. Guðmundur B.
Gylfason, 30 ára kennari, 16. Svan-
borg Egilsdóttir, 56 ára, yfirljós-
móðir, 17. Guðmundur Geir Ólafs-
son, 90 ára, fyrrverandi kaup-
maður, 18. Helgi Ívarsson, 72 ára,
bóndi í Hólum.
Listi sjálfstæðis-
manna í Árborg
Selfossi. Morgunblaðið.
HEIMAHLYNNING verður með
samverustund fyrir aðstandendur í
kvöld, þriðjudagskvöld kl. 20–22 í
húsi Krabbameinsfélags Íslands,
Skógarhlíð 8.
Sigurbjörg Björnsdóttir bóka-
safnsfræðingur segir frá lesefni fyrir
syrgjendur. Kaffi og meðlæti verður
á boðstólum, segir í fréttatilkynn-
ingu.
Heimahlynning
með opið hús
Á STJÓRNARFUNDI Ung-
mennafélags Íslands fyrir helgi
var ákveðið hvar 24. landsmót
Ungmennafélags Íslands árið 2004
verður haldið. Fimm sambönd
sóttu um að halda landsmótið að
þessu sinni, þ.e. UMSK í Kópa-
vogi, UMSS á Sauðárkróki, HSÞ á
Húsavík, Fjölnir í Reykjavík og
ÍBR í Reykjavík. Eftir að stjórn
hafði farið vandlega yfir umsókn-
irnar komst hún að niðurstöðu um
að fela UMSS á Sauðárkróki fram-
kvæmd 24. landsmóts UMFÍ sum-
arið 2004, segir í frétt frá stjórn
UMFÍ.
Landsmót
UMFÍ 2004
á Sauðárkróki
NÁMSKEIÐ verður á vegum End-
urmenntunar er nefnist: Prag –
Hjarta Evrópu – Saga, menning og
tunga. Markmiðið er að blanda
saman tékknesku og fræðslu um
menningu og sögu Tékklands með
sérstakri áherslu á höfuðborgina
Prag. Fjallað verður um bygging-
arsögu, byggingarstíla, myndlist,
kvikmyndir, leiklist, nytjalist og
tónlist. Þátttakendur fá almennt yf-
irlit um uppruna, þróun, skyldleika
og aðaleinkenni tékkneskrar tungu
auk kennslu í grunnatriðum máls-
ins með áherslu á orðaforða sem
nýtist á ferðalögum. Kennsla fer
fram á íslensku. Kennari: Alena F.
Anderlova arkitekt. Verð er kr.
13.000. Kennsla fer fram mánudaga
og fimmtudaga, 4. apríl–2. maí kl.
20.15–22.15 (8x).
Skráning: http://www.endur-
menntun.hi.is, segir í fréttatilkynn-
ingu.
Námskeið um
sögu og menn-
ingu Tékklands
BANDARÍSKI viðmótshönnuður-
inn Kelly Goto og höfundur bókar-
innar „Web – Redesign and Work-
flow that works“ heldur námskeið
hjá Endurmenntun HÍ dagana 15. og
16. apríl kl. 9-16.
Kelly hefur fengið alþjóðlegar við-
urkenningar fyrir vefsíðuhönnun.
Hún mun fjalla um hvernig best er
að skipuleggja viðmót og hönnun á
vefsíðum. Kelly Goto hefur stjórnað
hönnun og uppsetningu á fjölmörg-
um vefsíðum m.a. fyrir National
Geographic, Warner Bros, Adobe og
Sony Pictures, segir í fréttatilkynn-
ingu.
Skráningarfrestur á námskeiðið
er til 1. apríl. Kennt er á ensku.
Frekari uppl. á vefslóðinni http://
www.endurmenntun.hi.is.
Námskeið
um vefsíðugerð