Morgunblaðið - 26.03.2002, Blaðsíða 16

SUÐURNES
16 ÞRIÐJUDAGUR 26. MARS 2002 MORGUNBLAÐIÐ
OPIÐ HÚS Í DAG
s. 588 4477 eða 899 9271
www.valholl.is
Opið virka daga frá kl. 9-17.30.
Glæsileg 126 fm endaíbúð á tveimur hæðum með sérinngangi.
Húsið nýlega viðgert og málað, nýleg gólfefni. Þvottahús innan
íbúðar. Björt og vel skipulögð eign. Þrjú rúmgóð herbergi á efri
hæð, tvö baðherbergi og stórar stofur á neðri hæð. Skammt frá
skólum og annarri þjónustu. Verð 14,1m. Áhv. 7,0 m.húsbr.
Grétar og Guðrún taka á móti gestum í dag frá kl. 19-21
VALLARHÚS 13, ÍB. 0204.
ÁKVEÐIÐ hefur verið að hætta
við að gera ráð fyrir nýrri aðkomu
að leikskólanum Garðaseli í Kefla-
vík um Heiðargarð. Aðkoman verð-
ur um Hólmgarð eins og verið hef-
ur.
Íbúar við Heiðargarð og Miðgarð
mótmæltu kröftuglega hugmynd-
um bæjaryfirvalda um að gera ráð
fyrir aðkomu um Heiðargarð vegna
stækkunar leikskólans sem nú
stendur fyrir dyrum. Skipulags- og
byggingarnefnd Reykjanesbæjar
hefur fallist á rök íbúanna.
Fallið frá aðkomu
um Heiðargarð
Keflavík
BERGLIND Óskarsdóttir, 18 ára
stúlka úr Keflavík, er fegurð-
ardrottning Suðurnesja 2002. Hún
var kjörin úr hópi átján stúlkna
við athöfn sem fram fór við Bláa
lónið á laugardagskvöld.
Önnur í kjörinu varð Snjólaug
Þorsteinsdóttir, tvítug Njarðvík-
urmær, og Vala Rún Vilhjálms-
dóttir, 18 ára Keflavíkingur, varð
í því þriðja.
Auk þess að vinna í keppninni
var Berglind útnefnd K-sport
stúlkan, Gallerý förðun stúlkan og
Bláa lóns stúlkan. Tvítug stúlka
úr Grindavík, Kristjana Arnars-
dóttir, var kjörin ljósmyndafyr-
irsæta Suðurnesja og Ólöf Daðey
Pétursdóttir, sem er 19 ára og
einnig úr Grindavík, var valin vin-
sælasta stúlka keppninnar.
Svanhildur Hermannsdóttir,
fegurðardrottning Suðurnesja
2001, krýndi arftaka sinn og nauð
við það aðstoðar Hrund Ottós-
dóttur sem einnig keppti í fyrra.
Kjörin fegurð-
ardrottning
Suðurnesja
Bláa lónið
Morgunblaðið/Hilmar Bragi Bárðarson
HVÍTA liðið sigraði í árlegu starfs-
hlaupi Fjölbrautaskóla Suðurnesja.
Starfshlaupið er boðhlaup milli liða
og er keppt í flestum þeim greinum
sem kenndar eru við skólann auk
þess sem ýmiss konar þrautir eru
lagðar fyrir þátttakendur.
Hið árlega starfshlaup er eitt af
sérkennum Fjölbrautaskóla Suð-
urnesja í Keflavík. Í ár tóku níu lið
þátt. Í hverju liði voru um 40–50
keppendur og 20 manna klapplið.
Hlaupið hófst í íþróttahúsinu þar
sem meðal annars var keppt í reip-
togi, stultuhlaupi og pokahlaupi.
Síðan var synt og hlaupið og að
lokum barst leikurinn inn í skólann
þar sem liðin hlupu milli kennslu-
stofa og leystu verkefni, auk þess
sem þeir þurftu að leysa þrautir á
göngunum. Keppninni lauk á sal
þar sem liðin lögðu á borð, döns-
uðu, sungu og léku. Einn af há-
punktum dagsins var síðan kappát
þar sem hvert lið fékk kennara til
að taka þátt fyrir sína hönd.
Mikið líf og fjör var í skólanum
síðastliðinn föstudag á meðan á
keppni stóð enda var skemmtunin í
fyrirrúmi hjá nemendum og starfs-
fólki skólans, segir frétt á heima-
síðu Fjölbrautaskólans.
Hvíta liðið
sigraði
í starfs-
hlaupi
Keppt var í flestum þeim greinum sem kenndar eru í FSS.
Keflavík
Fjölmennt klapplið fylgdi hverju liði en ekki gátu allir unnið.
SAMÞYKKT aðalfundar Sparisjóðs-
ins í Keflavík um að ljúka undirbún-
ingi og gerð tillagna um að breyta
sjóðnum í hlutafélag er fyrsta skref-
ið af mörgum sem stigið er í átt að
formbreytingu á rekstri fyrirtækis-
ins. Fleiri sparisjóðir eru farnir að
huga að hliðstæðum breytingum en
Sparisjóðurinn í Keflavík er að vinna
brautryðjendastarf og gæti orðið
fyrsti sparisjóðurinn með hf. fyrir
aftan nafn sitt ef áætlanir ganga eft-
ir.
„Við erum með ágætan rekstur og
getum sjálfsagt starfrækt sparisjóð-
inn áfram með góðu móti í núverandi
rekstrarformi, að minnsta kosti
næstu árin. Vinnan við að breyta fé-
lagsforminu miðast að því að byggja
undir sparisjóðinn til framtíðar,
þannig að hann geti lifað sem lengst
svæðinu til hagsbóta,“ segir Geir-
mundur Kristinsson, sparisjóðs-
stjóri í Keflavík, fyrst þegar hann er
spurður út í ástæður fyrirhugaðra
breytinga. Hann tekur fram að
breytingunni fylgi bæði kostir og
gallar en telur sóknarfærin sem fel-
ast í hlutafélagsforminu vega
þyngra.
Þrengt að sparisjóðum
Geirmundur segir að með nýjum
reglum og tilmælum sé nokkuð
þrengt að bönkum og sparisjóðum.
Nefnir hann í því sambandi að þótt
lög kveði um 8% lágmark eigin fjár
sé mælst til þess, með tilliti til
áhættu sem er samfara rekstri fjár-
málafyrirtækja, að eiginfjárhlutfall
þeirra sé 10%. Þá séu bankar og
sparisjóðir nú skyldaðir til að draga
eignarhluta í öðrum fjármálafyrir-
tækjum að fullu frá eignum sínum
við útreikning eiginfjárhlutfalls. Það
hafi slæm áhrif á möguleika spari-
sjóðanna til að vaxa og dafna þar
sem margir þeirra eigi miklar eignir
í öðrum fjármálafyrirtækjum, eins
og Kaupþingi. Segir Geirmundur
ljóst að þessar breyttu reglur komi í
veg fyrir að sparisjóðurinn auki um-
svif sín um 15–20% á ári, eins og á
undanförnum árum.
Hann segir einnig að reynslan
sýni að sparnaður landsmanna skili
sér ekki nema að litlu leyti inn í
banka og sparisjóði. Stærsti hlutinn
sé í lögbundnum framlögum í lífeyr-
issjóði og telji margir að það sé næg-
ur sparnaður. Bankar og sparisjóðir
þurfi því að fjármagna útlán sín og
aukna starfsemi með lántökum. Til
að fá góð kjör á slíkum lánum verði
afkoma fjármálastofnana að vera
góð og eiginfjárhlutfall hátt. Því
þurfi sparisjóðir eins og aðrar fjár-
málastofnanir að geta aukið eigið fé
sitt, þegar þær þurfi á að halda.
Geirmundur segir að hægt sé að
bregðast við með ýmsu móti. Mögu-
legt sé að draga saman seglin, selja
frá sér dótturfyrirtæki eða taka víkj-
andi lán, en allt séu það bráðabirgða-
lausnir. Eina lausnin til framtíðar sé
að gefa út stofnfé eða hlutafé.
Fólk þekkir hlutabréf
Segir Geirmundur að Sparisjóður-
inn í Keflavík hafi gefið út stofnfé til
að auka eigið fé sitt. Útgáfa hlutafjár
hafi hins vegar marga kosti umfram
stofnféð og þess vegna sé verið að
vinna að breytingu á sparisjóðnum í
hlutafélag. Nefnir hann að almenn-
ingur þekki hlutabréf betur en stofn-
fjárbréf og auðveldara sé að selja
þau á markaðsgengi. Einnig sé auð-
veldara fyrir sparisjóðinn að auka
hlutafé sitt, eftir því sem þörf er á.
Geirmundur segir nauðsynlegt að
vekja athygli á þeim eiginleikum
hlutafélagsformsins að inn í félagið
geti komið hluthafar sem vilji breyta
um áherslur í rekstri og átök geti
hugsanlega orðið um völd, eins og
dæmin sanni. Í því sambandi vekur
sparisjóðsstjórinn athygli á því að í
lögum um hlutafélagavæðingu spari-
sjóða sé ákvæði sem takmarkar at-
kvæðisrétt einstakra hluthafa við 5%
af atkvæðamagni, með sama hætti
og nú sé hjá stofnfjáreigendum
sparisjóða. Þá segir hann að sjálfs-
eignarstofnunin sem í upphafi mun
eiga meirihluta hlutafjár sé bundin
starfssvæði sparisjóðsins og myndi
hlutverk hennar ekki breytast þótt
hlutafélagið kynni að taka breyting-
um, til dæmis með samruna við aðra
sparisjóði eða fjármálastofnanir.
Hann segir að þótt sameining við
aðrar fjármálastofnanir sé ekki á
döfinni nú sé augljóst að nýtt rekstr-
arform auðveldi sameiningu spari-
sjóða og nauðsynlegt sé að vera op-
inn fyrir slíku í framtíðinni.
Dregur til tíðinda
í haust
Lögin sem heimila sparisjóðum að
færa rekstur sinn í hlutafélög voru
samþykkt í vor og er starfið hjá
Sparisjóðnum í Keflavík því braut-
ryðjendavinna. Geirmundur segir að
í mörg horn sé að líta í þessu efni.
Fyrst verði fengnir óháðir aðilar til
að meta markaðsvirði sparisjóðsins
og stofnað hlutafélag sem sparisjóð-
urinn muni síðan sameinast, ef af
breytingu verður.
Jafnframt þarf að vinna að lausn á
ýmsum verkefnum, til dæmis í
tengslum við núverandi eignaraðild.
Lögin gera ráð fyrir því að stofnfjár-
eign breytist í hlutafé og að stofnuð
verði sjálfseignarstofnun sem eign-
ist þann hluta eigin fjár sparisjóðsins
sem stofnfjáreigendur eiga ekki. Að
mati Geirmundar er möguleg upp-
hafsstaða sjálfseignarstofnunarinn-
ar um 70% hlutafjár á móti 30% hlut
núverandi stofnfjáreigenda. Það
hlutfall muni hins vegar minnka
smám saman með auknu hlutafé,
nema sjálfseignarstofnunin auki
hlutafé sitt til samræmis við aðra
hlutahafa. Fimm manna stjórn fer
með hlut sjálfseignarstofnunarinnar
og henni er meðal annars ætlað að
styðja við menningarstarfsemi á
svæðinu.
Vinnuáætlun stjórnenda spari-
sjóðsins miðast að því að undirbún-
ingi og gerð tillagna verði lokið fyrir
1. október næstkomandi þannig að
þá verði hægt að taka endanlega af-
stöðu til málsins og stofna Sparisjóð-
inn í Keflavík hf. Geirmundur leggur
þó áherslu á að tímasetningin fari
eftir markaðsaðstæðum. Sömu sögu
er að segja um skráningu hins nýja
félags í kauphöll, markmiðið hljóti að
fara með bréfin á almennan hluta-
bréfamarkað þegar það verði talið
hagkvæmt.
„Verðmæti sparisjóðsins felast að
miklu leyti í trausti viðskiptavinanna
og í góðu starfsfólki. Munum við að
sjálfsögðu taka tilltit til þeirra við
þessa breytingu,“ segir Geirmundur
Kristinsson.
Byggjum und-
ir sparisjóðinn
til framtíðar
Keflavík
Ljósmynd/Páll Ketilsson
Geirmundur Kristinsson sparisjóðsstjóri og starfsfólk hans vinnur að
undirbúningi stofnunar hlutafélags um rekstur Sparisjóðsins í Keflavík.
Stefnt er að stofnun hlutafélags um Sparisjóðinn í Keflavík á haustmánuðum
♦ ♦ ♦
KRISTJÁN Gunnarsson var kosinn
formaður Samfylkingarinnar í
Reykjanesbæ á aðalfundi félagsins
sem haldinn var á dögunum.
Með honum í stjórn eru Andrea
Gunnarsdóttir, Brynjar Harðarson,
Sigurður H. Ólafsson og Vilhjálmur
Skarphéðinsson. Til vara eru Björn
Herbert Guðbjörnsson og Stefán
Ólafsson.
Kristján
formaður
Reykjanesbær