Morgunblaðið - 03.05.2002, Blaðsíða 31

LISTIR
MORGUNBLAÐIÐ FÖSTUDAGUR 3. MAÍ 2002 31
GAMANMYNDIN Bubble Boy
fjallar um drenginn Jimmy Livings-
ton, sem fæddist með ónýtt ónæm-
iskerfi og þarf því að lifa lífinu í plast-
blöðru í herberginu sínu. Þegar hann
svo kemst að því að Chloe, konan sem
hann hefur elskað og þráð allt sitt líf,
er í þann veginn að fara að giftast öðr-
um manni við Niagara-fossana í Kan-
ada ákveður hann að ráðast í mikið
ferðalag til að freista þess að stöðva
brúðkaupið og vinna hug og hjarta
konunnar, enda hefur hann til að bera
allar þær þrár og væntingar sem
venjulegir ungir menn hafa til lífsins
þrátt fyrir að hafa mátt dúsa í blöðru
hingað til.
Leikstjóri myndarinnar, sem kem-
ur frá Touchstone Pictures, er Blair
Hayes, en handritshöfundar eru Ken
Daurio og Cinco Paul. Framleiðand-
inn Beau Flynn fékk hugmyndina að
myndinni eftir að hafa staðið að baki
framleiðslu vinsælla mynda á borð við
Tigerland og Requiem for a Dream.
„Bubble Boy fjallar fyrst og fremst
um það að til þess að geta notið þess
góða í heiminum þarf maðurinn líka
að takast á við það sem miður fer. Það
getur enginn lifað með því að ein-
angra sig og vernda frá öllum óþæg-
indum sem lífinu fylgja,“ segja fram-
leiðendur myndarinnar og bæta við:
„Myndin stendur ekki síst fyrir frels-
ið þegar öllu er á botninn hvolft og
það er einmitt það sem allir ættu að
vinna að og lifa fyrir,“ segir Flynn.
Leikarar: Jake Gyllenhaal (Dangerous
Women, The Good Girl, October Sky);
Swoosie Kurtz (Get Over It, Cruel Intent-
ions, Liar Liar); Marley Shelton (Pleas-
antville, Sugar & Spice, Still a Kiss);
Danny Trejo (Con Air, Six Days Seven
Nights, Champions); John Carroll Lynch
(The Next Best Thing, Face/Off, Fargo)
Leikstjóri: Blair Hayes.
Strákur í blöðru
Sambíóin í Álfabakka, Kringlunni,
Keflavík og Akureyri frumsýna Bubble
Boy með Jake Gyllenhaal, Swoosie
Kurtz, Marley Shelton, Danny Trejo og
John Carroll Lynch.
Jimmy Livingston fæddist með ónýtt ónæmiskerfi og þarf því að
lifa lífinu í plastblöðru í herberginu sínu.
SPIDER-MAN er ein nokkurra
mynda þetta árið sem beðið er eft-
ir með hvað mestri eftirvæntingu.
Myndin hefur verið lengi í fram-
leiðslu og aðstandendur lofa miklu
og glæsilegu sjónarspili þegar
þessi gamalkunna teiknimynda-
söguhetja tekur að sveifla sér milli
háhýsa á hvíta tjaldinu.
Leikstjóri myndarinnar er Sam
Raimi, sem einna þekktastur er
fyrir The Gift, A Simple Plan og
Evil Dead-seríuna. Með helstu að-
alhlutverk fara Tobey Maguire,
Willem Dafoe og Kirsten Dunst.
Handritið skrifuðu David Koepp
og Scott Rosenberg eftir sögu
Stan Lee og var tónlistin í höndum
Danny Elfman. Framleiðendur
myndarinnar, sem flokka má sem
vísindaskáldskap, ævintýramynd
og spennutrylli, eru Columbia
Pictures Corporation, Marvel
Films og Sony Pictures Entertain-
ment.
Undarlegir atburðir gerast í lífi
venjulegs menntaskólastráks eftir
að hann er bitinn af geislavirkri
könguló. Skyndilega hefur efna-
fræði líkama Peters Parkers (Tob-
ey Maguire) stökkbreyst svo hann
getur labbað upp lóðrétta veggi og
gengið í loftum svo fátt eitt sé
nefnt. Hann getur skotið leiftur-
hratt vökvakenndum vef úr úlnlið
sínum og öðlast mjög næma
skynjun fyrir hættum. Hann tekur
upp nafnið Spider Man og notfærir
sér krafta sína í upphafi til að öðl-
ast fé. En þegar frændi hans er
myrtur af glæpamanni sem Peter
nær ekki að stöðva, sver hann að
nota krafta sína einungis til að
berjast gegn hinu illa. Á sama
tíma lendir vísindamaðurinn og
viðskiptajöfurinn Norman Osborn
(Willem Dafoe) í skýi af nýrri teg-
und af taugagasi sem veitir honum
annan persónuleika, hins ofur-
sterka Green Goblin. Parker þarf
nú að glíma á þremur vígvöllum í
lífinu; við hið nýja starf sitt hjá
dagblaði, við hinn illskeytta Green
Goblin og við að reyna að vinna
ástir hinnar fögru skólasystur
sinnar, Mary Jane Wilson (Kirsten
Dunst), í samkeppni við besta vin
sinn Harry Osborn (James
Franco), son Normans Osborns.
Spurningin er, bara hvort þetta
geti ekki verið sjálfum Spider Man
ofviða?
Leikarar: Tobey Maguire (Don’s
Plum, Wonder Boys, Ride with the
Devil); Willem Dafoe (Bullfighter, The
Reckoning, Edges of the Lord); Kirst-
en Dunst (The Cat’s Meow, Get Over
It, All Forgotten); James Franco
(Blind Spot, Mean People Suck, If
Tomorrow Comes; JK Simmons (The
Mexican, The Gift, Autumn in New
York); Michael Papajohn (The An-
imal, Charlie’s Angels, Impala). Leik-
stjóri: Sam Raimi.
Hæfileikum fylgir ábyrgð
Smárabíó, Laugarásbíó, Regnboginn,
Nýja bíó Keflavík og Borgarbíó Akureyri
frumsýna Spiderman með Tobey Mag-
uire, Willem Dafoe, Kirsten Dunst,
James Franco, JK Simmons og Michael
Papajohn.
Efnafræði líkama Peters Parkers (Tobey Maguire) hefur stökkbreyst
svo hann getur labbað upp lóðrétta veggi og gengið í loftum.
KVIKMYNDIN You Can Count on
Me fjallar um samband tveggja
systkina í smábæ einum í Banda-
ríkjunum. Sammy er einstæð móð-
ir í smábænum Catskill í New
York-ríki sem tekst á við rótlausan
bróður sinn, Terry að nafni, og
dagleg vandræði í vinnunni. Systk-
inin höfðu misst foreldra sína í bíl-
slysi á unga aldri og birtist Terry
loks allt í einu og kemur inn í líf
systur sinnar eftir áralanga fjar-
veru.
Það slær svo alvarlega í brýnu á
milli þeirra systkina þegar bróð-
irinn býðst til þess að kynna átta
ára gamlan son Sammy fyrir föður
sínum, sem hann hefur aldrei aug-
um litið, en ímyndar sér á degi
hverjum sem mikla hetju. Þá reyn-
ir loks á systkinin að endurskil-
greina samband sitt.
Leikstjóri myndarinnar og hand-
ritshöfundur er Kenneth Lonerg-
an, fæddur í New York árið 1963.
Hann er m.a. þekktur fyrir að hafa
skrifað handrit að bíómyndunum
Gangs of New York, The Advent-
ures of Rocky & Bullwinkle og
Analyze This. Framleiðandi mynd-
arinnar er Cappa Production Hart
Sharp Productions, sem er fremur
lítið kvikmyndaver á bandarískan
mælikvarða.
Myndin hlaut tvær tilnefningar
til Óskarsverðlauna. Annars vegar
fékk Kenneth Lonergan tilnefn-
ingu fyrir besta frumsamda hand-
ritið og hins vegar fékk Laura
Linney tilnefningu fyrir besta að-
alhlutverk kvenna sem Sammy.
Leikarar: Amy Ryan (A Pork Chop for
Larry, Roberta, Remembering Sex);
Michael Countryman (Black Knight,
Ransom, The Paper); Adam LeFevre
(The Victim, Born Loser, Hearts in
Atlantis); Halley Feiffer (Lax & Ord-
er); Laura Linney (Maze, Lush, The
House of Mirth); Whitney Vance (Wet
Hot American Summer). Leikstjóri:
Kenneth Lonergan.
Sammy er einstæð móðir í smábænum Catskill í New York-fylki sem
tekst á við rótlausan bróður sinn og dagleg vandræði í vinnunni.
Systkinasamband
Háskólabíó frumsýnir You Can Count on
Me með Amy Ryan, Michael Country-
man, Adam LeFevre, Halley Feiffer,
Laura Linney og Whitney Vance.
Í TILEFNI af væntanlegri frum-
sýningu Hollendingsins fljúgandi á
Listahátíð í Reykjavík 11. maí mun
Reynir Axelsson halda kynningar-
fyrirlestur um óperuna í Norræna
húsinu á morgun, laugardag kl. 13.
Einnig verður sýnd upptaka óper-
unnar frá Bayerische Staatsoper í
München árið 1991. Hljómsveitar-
stjóri þeirrar sýningar er Wolfgang
Sawallisch en leikstjórn og sviðs-
mynd annaðist Henning von Gierke.
Enskur skjátexti.
Aðgangur ókeypis.
Hollendingurinn
fljúgandi kynntur
VORTÓNLEIKAR Tónmennta-
skóla Reykjavíkur verða haldnir á
morgun, laugardag, kl. 14 í Ís-
lensku óperunni við Ingólfsstræti.
Fram koma yngri og eldri nem-
endur með einleiks- og samspils-
atriði.
Aðgangur er ókeypis.
Vortónleikar
í Óperunni