Morgunblaðið - 17.05.2002, Blaðsíða 8

FRÉTTIR
8 FÖSTUDAGUR 17. MAÍ 2002 MORGUNBLAÐIÐ
Stefnumót við nýsköpun
Hugmynd verð-
ur að veruleika
FÉLAG kvenna í at-vinnurekstrigengst fyrir ráð-
stefnu um nýsköpun í ís-
lensku atvinnulífi nk.
fimmtudag. Ráðstefnan,
sem fer fram á Grand Hót-
eli, er haldin í samvinnu
við Nýsköpunarsjóð og
Háskólann í Reykjavík.
Dagný Halldórsdóttir
varaformaður FKA er ráð-
stefnustjóri og hún svaraði
nokkrum spurningum
Morgunblaðsins.
– Hvað felst í yfirskrift
ráðstefnunnar, „Stefnu-
mót við nýsköpun“?
„Í sínum upphafsskref-
um má líkja nýsköpun við
tilhugalíf. Hugmynd verð-
ur að veruleika. Hug-
myndin byggist oft á ást-
fóstri á verkefni sem fær síðan
undirtektir og er veitt brautar-
gengi. Oft ríkir samhliða nokkur
óvissa um afdrif og niðurstöðu ný-
sköpunarverkefna þó unnið sé af
mikilli ástríðu og hún knýr verk-
efnið áfram. Í anda þessa var
ákveðið að bjóða á stefnumót í
stað þess að boða til ráðstefnu um
nýsköpun. Orðið stefnumót er lítið
notað nú til dags en er fallegt ís-
lenskt orð sem ber með sér bjart-
sýni og væntingar. Stefnumót má
segja að séu eins og orð, „til alls
fyrst“, og tengist það inntaki ráð-
stefnunnar að fá umræðu um
stöðu og framtíð nýsköpunar á Ís-
landi.“
– Hver er tilurð og tilgangur
ráðstefnunnar?
„Upp úr miðjum síðasta áratug
kom fram geysilegur áhugi fjár-
festa á nýsköpunarverkefnum og
lögðu þeir mikið fjármagn í þau.
Jafnt opinberir aðilar sem og al-
menningur hrifust af þessari
grósku. Bjartsýnin var mikil, op-
inberir aðilar hvöttu nýsköpunar-
umhverfið áfram með styrkjum
og viðurkenningum og einstak-
lingar beindu sparifé sínu til ný-
sköpunarverkefna. Nú hefur orðið
talsvert bakslag í þessu umhverfi.
Nýsköpunarverkefnin, sem ráðist
var í, eiga nú mörg hver erfitt
uppdráttar þar sem áframhald-
andi stuðning við þau skortir þó
þeim sé ekki lokið. Þau njóta mörg
hver ekki lengur þess stuðnings
sem nauðsynlegur er til að þau
megi verða arðbær. Umhverfið
fyrir nýsköpun er erfitt þar sem
m.a. háir vextir hamla framgangi
verkefna, fjárfestar halda að sér
höndum og dregið hefur úr hvatn-
ingu opinberra aðila. Ný verkefni
fá lítinn hljómgrunn. Félag
kvenna í atvinnurekstri saknar
umræðunnar um nýsköpun og
umhverfi hennar á Íslandi sem
átti sér stað í góðærinu. Það er
enn mikilvægara að huga vel að
þessum verkefnum í samdrætti en
í góðæri. Með þessari ráðstefnu
viljum við leggja okkar af mörk-
um til að vekja á ný umræðuna um
nýsköpun með það að markmiði
að bæta umhverfi nýsköpunar á
Íslandi á öllum tímum.“
– Hverjar verða
helstu áherslurnar á
ráðstefnunni?
„Á ráðstefnunni líta
fyrirlesarar um öxl,
rifja upp hvernig ný-
sköpunarverkefnum hefur verið
lagt lið og hvað hefur verið gert til
að hlúa að umhverfi nýsköpunar
hér á landi. Reynt verður að meta
hvernig til hefur tekist. Lagt
verður mat á stöðuna í dag og
hvað megi bæta með það að mark-
miði að nýsköpun sé viðvarandi
þáttur í íslensku atvinnulífi. Því
má ekki gleyma að það tekur ný-
sköpunarverkefni gjarnan mörg
ár að verða arðbær. Þetta kallar
ekki eingöngu á bjartsýni heldur
einnig mikla þrautseigju allra sem
verkefnið snertir. Á ráðstefnunni
fáum við að heyra einn fremsta
vísindamann á sviði rannsókna á
áhrifum nýsköpunar á efnahagslíf
þjóða greina frá sínum niðurstöð-
um. Drifkraftur nýsköpunar er
margþættur en frumskilyrði eru
trú og áhugi á viðfangsefninu
ásamt von um ávinning. Nýsköp-
unarverkefni skila ekki eingöngu
eigendum sínum ávinningi heldur
þjóðfélaginu í heild sinni. Það er
samt mikilvægt að minna á að ef
ekki er gefið af sér í verkefnin í
upphafi á einstaklingsvísu og af
hálfu þjóðfélagsins þá uppskera
þessir aðilar ekki heldur. Í lok
ráðstefnunnar verða umræður
með þátttöku fyrirlesara, frum-
mælenda og ráðstefnugesta.“
– Hefur ekki rofað til í þátttöku
kvenna í fyrirtækjastofnun og
rekstri?
„Á ráðstefnunni verður kynnt
úttekt Hagstofunnar á þátttöku
kvenna í stjórnun fyrirtækja og í
formennsku fyrir þau. Reynt
verður að líta á hver þróunin er og
tengja við nýsköpun. Konur hafa
lengi verið ötular í smærri fyrir-
tækjarekstri sem tengist fag-
þekkingu þeirra, s.s. í verslun,
dansi, hárgreiðslu og snyrtingu.
En á ráðstefnunni fáum við svar
við spurningunni.“
– Nú eru sveitarstjórnarkosn-
ingar framundan, hver
er þáttur sveitar-
stjórna í nýsköpun?
„Sveitastjórnir
skapa nánasta um-
hverfi fyrirtækja jafnt
og íbúa í hverju sveitarfélagi.Þó
að rekstrarumhverfi fyrirtækja sé
ætíð mikilvægt þá vega aðrir
þættir innan sveitarfélaganna
jafnframt þungt eins og svigrúm
og undirtektir þeirra undir nýjar
hugmyndir og frumkvæði. Vænt-
anlega verða líflegar umræður um
þennan þátt á ráðstefnunni sem er
haldin tveim dögum fyrir kosning-
ar.“
Dagný Halldórsdóttir
 Dagný Halldórsdóttir fæddist
22. október 1958. Stúdent frá MR
1978. B.Sc. í rafmagnsverkfræði
frá Washington State University
1982 og M.Sc. í sama fagi auk
tölvunarfræði frá Minnesota-
háskóla 1984. Fjölmörg sérfræði-
námskeið í gegnum árin. Verk-
fræðingur hjá Rafteikningu
1984, ýmis sérfræðistörf v/IBM á
Íslandi 1985–93, einn stofnenda
og framkvæmdastjóri Tákns
1993, stofnandi og fram-
kvæmdastjóri Skímu 1994–2000
og aðstoðarforstjóri Íslandssíma
frá 2000. Gift Finni Sveinbjörns-
syni bankastjóra og eiga þau tvö
börn.
Umhverfið
nú erfitt fyrir
nýsköpun
Þú lætur mig bara vita ef þú þarft fleiri milljarða, vinur. Það má ekkert til
spara, til að finna þetta vitlausa gen í Dóra.