Morgunblaðið - 19.06.2002, Síða 25

LISTIR
MORGUNBLAÐIÐ MIÐVIKUDAGUR 19. JÚNÍ 2002 25
OD
DI
H
F
I4
79
9
Kæli-
og frystiskápar
Eldunartæki
Þvottavélar
og þurrkarar
Uppþvottavélar
HELGA Steffensen hefur rekið
Brúðubílinn í yfir tuttugu ár og
heldur áfram ótrauð. Eins og svo oft
áður eru tvær frumsýningar á
sumri, ein í júní og önnur í júlí.
Næsta auglýst sýning er við Ljós-
heima 19. þ.m. kl. 10, en sýning sú
sem hér um ræðir var í Árbæjar-
safni á þriðjudaginn í mesta blíð-
skaparveðri sem leikið hefur við
höfuðborgarbúa í manna minnum.
Í dagskránni sem Helga hefur
sett saman eru fjórir þættir, en sýn-
ingin er í heild fjölbreytt, kröftug og
litskrúðug. Það eftirtektarverðasta
við dagskrána er hve vel Helgu
tekst að fella inn í sýninguna atriði
úr íslenskri barnamenningu tuttug-
ustu aldar. Tvö þeirra vöktu upp
gleymdar minningar sem geymdar
höfðu verið áratugum saman í und-
irmeðvitundinni. Annað var sagan af
Stúfi (í endursögn Ísaks Jónssonar)
sem vildi ekki borða hafragrautinn
sinn og átti alla mína samúð þegar
hún var lesin fyrir mig í Brákarborg
og hins vegar flutningur eins barna-
laga Ómars Ragnarssonar, Sumar
og sól, sem orsakaði þá fáheyrðu
upplifun hér á landi að geta hlustað
á íslenskt sumarlag við aðstæður
sem það lýsir.
Önnur leikgerð barnabókar var
Moldvarpan sem vildi vita hver
skeit á hausinn á henni eftir sögu
Holzwarths og Erlbruchs í þýðingu
Þórarins Eldjárns sem kom út hér
fyrir jólin í hitteðfyrra. Hinn ósvífni
húmor sem ríkir í sögunni var
greinilega eitthvað sem börnin tóku
fegins hendi. Þau fengu útrás fyrir
spennu í glæpatryllinum um örlög
unghænunnar Lóu Lipurtáar sem
úlfurinn stakk í poka og hafði á
brott með sér og hollráð um hvernig
beri að haga sér í Guttavísum Stef-
áns Jónssonar, sem er enn eitt
dæmið um hve langt aftur Helga
seilist í sögu íslenskrar barnamenn-
ingar.
Hver þáttur er sviðsettur með
sínu sniði, tekið var mið af mynd-
skreytingu bókanna en hvað Gutta-
vísur og frásögnina um Lóu Lipurtá
varðar ríktu stíleinkenni Helgu ein.
Skemmtilegast var þegar brotist
var út úr viðjum brúðuleikhússins
og leikari klæddur búningi lék öllum
illum látum, ýmist sem hinar klass-
ísku leikpersónur Helgu, úlfurinn
og Dúskur trúður eða sem Stúfur
stór. Annars er fjölbreytnin í brúðu-
gerðinni mikil, flestar handbrúður
af ýmsum stærðum og gerðum en
líka tvívíðar myndir sem brugðið er
upp augnablik yfir rönd sviðsins.
Þetta gefur sýningunni aukna vídd, í
stað þess að færa áhorfendur nær
eða fjær eins og kvikmyndatöku-
maður gerir með linsu myndavélar
sinnar breytir Helga hlutföllum
brúða og leikmuna.
Leikraddirnar voru skemmtilegar
og vel unnar og ættu að vera börn-
um að góðu kunnar úr hljóðsetningu
barnaefnis fyrir sjónvarp eða hvíta
tjaldið. Greinilegt er að Helga not-
færir sér nýjustu tækni sem skilar
sér í auknum gæðum hljóðsins.
Enginn lét stutt straumrof á sig fá
og öllu var kippt í liðinn á örskots-
stund.
Brúðubíllinn er á ferð í hvaða
færð sem er og að sögn Helgu er
sýnt sama hverju veðurguðirnir
taka upp á. Það er ánægjulegt að sjá
að brúðubílssýningin sem byggist á
gömlum merg vex enn og blómgast.
Sveinn Haraldsson
Sumar og sól
LEIKLIST
Brúðubíllinn
Handrit, brúðugerð og leikstjórn: Helga
Steffensen. Höfundar og þýðendur vísna
og sagna: Ísak Jónsson, Ómar Ragn-
arsson, Stefán Jónsson, Werner Holz-
warth, Wolf Erlbruch og Þórarinn Eldjárn.
Brúðuhreyfingar: Edda Björk Þórðardóttir
og Helga Steffensen. Tæknimaður: Birgir
Ísleifur Gunnarsson. Hljóðstjóri og tón-
list: Vilhjálmur Guðjónsson. Búningar:
Ingibjörg Jónsdóttir. Aðstoð við uppsetn-
ingu: Felix Bergsson og Sigrún Edda
Björnsdóttir. Leikraddir: Felix Bergsson,
Helga Steffensen, Júlíus Brjánsson og
Sigrún Edda Björnsdóttir. Þriðjudagur 11.
júní.
ÓÞEKKTARANGAR
Morgunblaðið/Jim Smart
„Sýningin er í heild fjölbreytt, kröftug og litskrúðug.“
Á ÞJÓÐHÁTÍÐARDAGINN, 17.
júní, var Hörður Áskelsson kant-
or í Hallgrímskirkju útnefndur
borgarlistamaður Reykjavíkur
samkvæmt þeim reglum sem sam-
þykktar voru í borgarráði 1995.
Þar er kveðið á um að útnefning
borgarlistamanns sé „viðurkenn-
ing handa reykvískum listamanni
sem með listsköpun sinni hefur
skarað fram úr og markað sér-
stök spor í íslensku listalífi.“
Þetta er í áttunda sinn sem
borgarlistamaður er valinn í
Reykjavík. Við athöfnina, sem
fram fór í Höfða, söng einn af
kórum Harðar, Schola cantorum,
Signý Pálsdóttir menningar-
málastjóri gerði grein fyrir vali
nefndarinnar og Ingibjörg Sólrún
Gísladóttir borgarstjóri afhenti
listamanninum ágrafinn stein,
ávísun að upphæð 500 þúsund
krónur og viðurkenningarskjal.
Borgarstjóri gat þess í ávarpi
sínu að útnefning borgarlista-
manns varpaði ljósi á listsköpun í
borginni og styrkti sjálfsmynd
Reykvíkinga sem íbúa menning-
arborgar. Menningarmálastjóri
sagði Hörð Áskelsson einn þeirra
kraftaverkamanna sem með
áræði sínu, listfengi og dugnaði
hafa gert það að verkum að tón-
listarlíf í Reykjavík hefur tekið
ótrúlegum framförum á und-
anförnum áratugum bæði hvað
varðar framlag listamanna og
áhuga almennings á að njóta tón-
listar. Fyrir tilstilli Harðar, kirkj-
unnar þjóna og samstarfsfólks í
tónlistinni hafi Hallgrímskirkja
orðið magnaður segull sem dreg-
ur til sín ótrúlegan fjölda kirkju-
gesta, tónlistarunnenda og ferða-
manna. Hörður Áskelsson hafi
óumdeilanlega skarað fram úr á
sínu sviði og auðgað menningarlíf
borgarinnar undanfarin ár. Þá
hafi hann og það frábæra tónlist-
arfólk sem með honum starfar
borið hróður borgarinnar víða
um heim, bæði á tónleikaferðum
og tónlistarhátíðum. Borgaryf-
irvöld vilja með þessari við-
urkenningu sýna þakklæti sitt
fyrir hvort tveggja.
Atkvæðamikill við kynningu
á íslenskri kirkjutónlist
Hörður Áskelsson hefur verið
organisti við Hallgrímskirkju og
forgöngumaður í uppbyggingu
listalífs þar frá 1982. Hann stofn-
aði Listavinafélag kirkjunnar og
Mótettukór Hallgrímskirkju strax
á fyrsta starfsári, en bæði eru
hornsteinar í listastarfsemi kirkj-
unnar. Kirkjulistahátíð, sem hald-
in hefur verið annað hvert ár frá
1987, og orgeltónleikaröðin Sum-
arkvöld við orgelið, sem haldin
hefur verið á hverju sumri frá
1993, eru tilkomin að frumkvæði
og fyrir atorku Harðar. Árið
1996 stofnaði hann kammerkór-
inn Schola cantorum, sem hefur
mikið látið að sér kveða í ís-
lensku tónlistarlífi, meðal annars
með reglulegum tónleikum í Hall-
grímskirkju. Kórar undir stjórn
Harðar hafa tekið þátt í tónlist-
arhátíðum á erlendri grundu og
nokkrum sinnum unnið til verð-
launa í alþjóðlegri samkeppni.
Hörður hefur verið atkvæðamikill
við kynningu á íslenskri kirkju-
tónlist og frumflutt fjölda verka,
innanlands og utan, bæði sem
orgelleikari og kórstjóri. Þá hef-
ur Hörður kennt orgelleik og
kórstjórn við Tónskóla þjóðkirkj-
unnar og á árunum 1985–1995
var hann lektor í litúrgískum
söngfræðum við guðfræðideild
Háskóla Íslands. Tónlistarflutn-
ingur Harðar, bæði sem kórstjóra
og orgelleikara, hefur verið
hljóðritaður af útvarpi og sjón-
varpi og gefinn út á mörgum
hljómdiskum.
Hörður Áskelsson er nú hand-
hafi Íslensku tónlistarverð-
launanna fyrir starf sitt að tónlist
í Hallgrímskirkju.
Morgunblaðið/Jim Smart
Borgarlistamaður 2002, Hörður Áskelsson, organisti og kórstjóri.
Hörður Áskelsson valinn
borgarlistamaður 2002
„Hefur auðgað
menningarlíf
borgarinnar“