Morgunblaðið - 19.07.2002, Blaðsíða 2

FRÉTTIR
2 FÖSTUDAGUR 19. JÚLÍ 2002 MORGUNBLAÐIÐ
Þrír efstir og jafnir eftir fyrsta dag
Opna breska/C4
KR-stúlkur, ÍBV, Valur og Þór/KA/
KS áfram í bikarnum/C3
8 SÍÐUR Fylgstu
með
nýjustu
fréttum
www.mbl.is
4 SÍÐUR
 Heima í Hljómskála / B1
 Skjótum upp fána / B2
 Djassað í rekavið / B4
 Í fínni stofu bæjarins / B6
 Mismunað vegna málanna / B7
 Auðlesið efni / B8
Sérblöð í dag
Morgunblaðinu í
dag fylgir auglýs-
ingablaðið „66°
norður“ frá Sjó-
klæðagerðinni.
Blaðinu verður
dreift um allt
land.
NEFND á vegum umhverfisráðuneytisins telur
nauðsynlegt að grípa til hertra aðgerða gegn ólög-
legum rjúpnaveiðum hér á landi, þ.e. vélsleðaveið-
um og veiðum úr bifreiðum. Mikilvægt er talið að
þyrlueftirlit verði tekið upp strax í haust enda sýni
reynslan frá Kanada, Noregi og Svíþjóð að það sé
eina leiðin til að hafa eftirlit með strjálbýlum svæð-
um. Sigmar B. Hauksson, formaður SKOTVÍS og
formaður nefndarinnar, segir þyrlueftirlit hafa gef-
ist ákaflega vel erlendis og að fælingarmáttur þess
sé gífurlegur. Hann segir að ríkissjóður eigi að fjár-
magna slíkt eftirlit enda beri ríkisvaldinu skylda til
að halda uppi lögum í landinu. Hann telur þyrlueft-
irlit í raun ódýarari kost en eftirlit lögreglumanna á
bifreiðum þar sem gríðarmikill tími fari í það.
Nefndin leggur áherslu á nauðsyn þess að
ákvarðanir um veiðar og aðgerðir til að draga úr
áhrifum veiða á stofna villtra dýra séu byggðar á
rannsóknum og að góð sátt ríki um aðgerðir. Ekki
er talin ástæða til að grípa til aðgerða til að draga úr
veiðiálagi á þessa stofna heldur sé rétt að bíða eftir
niðurstöðum rannsókna til þess að byggja slíka
ákvörðun á.
Þetta er meðal niðurstaðna nefndarinnar í nýrri
skýrslu en nefndinni var falið að fara yfir og gera
tillögur um aðgerðir til þess að draga úr veiðiálagi á
helstu tegundir villtra fugla. Nefndina skipuðu Sig-
mar B. Hauksson, dr. Guðmundur A. Guðmunds-
son, dýravistfræðingur hjá Náttúrufræðistofnun
Íslands, Áki Ármann Jónsson, veiðistjóri hjá veiði-
stjóraembættinu, dr. Arnór Þ. Sigfússon fuglafræð-
ingur, Sesselja Jónsdóttir, sveitarstjóri Sveitarfé-
lagsins Ölfuss, og Sigurður A. Þráinsson,
deildarstjóri í umhverfisráðuneytinu.
Ekki til áreiðanlegar upplýsingar
um stærð grágæsastofnsins
Í skýrslu nefndarinnar segir um grágæsastofn-
inn að ekki liggi fyrir áreiðanlegar upplýsingar um
stofnstærð og nauðsynlegt sé að rannsaka hann
frekar. Varnaraðgerðir nú gætu haft neikvæð áhrif
á rannsóknirnar og því leggur nefndin til að ekki
verði gripið til verndaraðgerða nú heldur verði beð-
ið þar til áreiðanlegar upplýsingar liggja fyrir um
stærð stofnsins. Grágæsastofninn er einn fjögurra
gæsastofna á landinu og er ljóst að veiðiálagið er of
mikið á þennan eina stofn. Tölur frá veiðistjóraemb-
ættinu sýna að um 10% veiðimanna veiða meira en
helming þeirra grágæsa sem veiddar eru. Sýnt hef-
ur verið fram á það í háskólaritgerð Ágústs Þor-
geirssonar frá árinu 2000 að tekjur af gæsaveiðum á
landsvísu voru samtals 65,5 milljónir króna.
Nefndin leggur til að ef nauðsynlegt verði talið að
grípa til varnaraðgerða til að draga úr veiðiálagi á
gæsastofninn verði hugað að því í þremur áföngum.
Sala á gæs í verslanir verði bönnuð og gæsaveiði-
tíminn styttur með því að hefja veiðar 1. september
í stað 20. ágúst eins og nú er. Samhliða þessari
ákvörðun yrðu veiðar á náttstað bannaðar. Loks
leggur nefndin til að skotgeymar á hálfsjálfvirkum
haglabyssum verði þrengdir þannig að vopnið taki
tvö skot í geymi og eitt í hlaup.
Ekki brýnt að vernda
rjúpuna á næstunni
Nefndin telur í umfjöllun sinni um rjúpnastofn-
inn að ekki sé brýnt að grípa til neinna varnarað-
gerða á næstunni. Líkur séu á minnkandi rjúpna-
neyslu og minnkandi veiðum atvinnuveiðimanna.
Undirstrikar nefndin mikilvægi þess að banna sölu
á bráð til veitingahúsa og verslana.
Í skýrslunni segir að ætla megi að árlega stundi
12–13 þúsund Íslendingar skotveiðar en um 17 þús-
und veiðikorthafar eru á skrá hjá veiðistjóraemb-
ættinu. Um fimm þúsund manns stunda rjúpna-
veiðar árlega og rúmlega þrjú þúsund manns
gæsaveiðar. Að minnsta kosti 60–65 þúsund skot-
vopn eru til í landinu samkvæmt upplýsingum lög-
reglu.
Í lokaorðum skýrslunnar segist nefndin vera
sammála um að veiðar eigi að vera frístunda- eða
tómstundaiðja en ekki atvinna eða tekjulind. Þurfi
aðgerðir stjórnvalda því að miða að því að draga úr
magnveiðum.
Nefnd skilar umhverfisráðherra skýrslu um aðgerðir vegna veiða á villibráð
Ætla að koma í veg fyrir ólöglega
rjúpnaveiði með eftirliti úr þyrlu
VEÐURSTOFAN spáir hitabylgju
á Norðaustur- og Austurlandi um
helgina. Því er spáð að hiti verði
á bilinu 12 til 22 gráður og að
bjart verði í veðri. Um landið
vestanvert verður lítilsháttar
rigning með köflum. Um leið og
hlýnar í veðri eru sippuböndin
dregin fram. Það eru því horfur
á að þessar stúlkur, sem voru að
leika sér á Akureyri í gær, muni
kætast um helgina.
Morgunblaðið/Skapti Hallgrímsson
Hlýtt fyrir norðan og
austan um helgina
MEIRIHLUTI almennings er
hlynntur stofnun þjóðgarðs norðan
Vatnajökuls. Þetta kemur fram í nið-
urstöðum nýrrar viðhorfskönnunar,
sem Gallup framkvæmdi fyrir Nátt-
úruverndarsamtök Íslands. Af þeim
sem afstöðu tóku segjast 65,8%
hlynnt stofnun þjóðgarðs á svæðinu,
19,5% taka ekki afstöðu og 14,6% eru
andvíg.
Einnig var spurt um hversu vel
svarendur hefðu fylgst með um-
ræðunni um stofnun þjóðgarðs norð-
an Vatnajökuls. Af þeim sem afstöðu
tóku sögðust 21,3% hafa fylgst vel
með, 10% gáfu ekki svar en 68,8%
sögðust lítið hafa fylgst með um-
ræðunni.
Meirihluti
hlynntur
þjóðgarði
SEX mánaða löngu farbanni var í
gær létt af Íslendingi á Kanaríeyj-
um með því skilyrði að hann gæfi
sig fram við lögregluyfirvöld á Spáni
í október, en þau hafa dauðsfall
sambýliskonu hans til rannsóknar.
Niðurstaða fundar sem haldinn var í
gær með dómara, saksóknara og Ís-
lendingnum leiddi til þeirrar niður-
stöðu að farbanninu var aflétt og er
hann væntanlegur heim í dag.
Í október mun verða tekin
ákvörðun um hvort ástæða sé til að
sækja manninn til saka vegna láts
sambýliskonu hans, og er honum
gert að fara utan til að hlýða á úr-
skurð þess efnis. Lát konunnar bar
að með þeim hætti að hún féll fram
af svölum hótels með fyrrgreindum
afleiðingum. Atburðurinn varð 5.
janúar og var maðurinn hnepptur í
gæsluvarðhald en skömmu síðar í
farbann.
Íslendingurinn
á Kanaríeyjum
Væntanleg-
ur til lands-
ins í dag
♦ ♦ ♦
♦ ♦ ♦
LÖGREGLAN á Selfossi mældi bíl á
134 km hraða rétt austan Selfoss í
gær þar sem hámarkshraði er 90
km/klst. Bílnum hafði verið stolið á
Selfossi.
Ökumaðurinn, sem er á þrítugs-
aldri og af höfuðborgarsvæðinu, var í
annarlegu ástandi og gisti fanga-
geymslur í nótt.
Á stolnum bíl á
134 km hraða
ÚTLIT er fyrir að sauðfé verði
slátrað í alls 16 sláturhúsum í ár, en
slátrað var í 17 húsum í fyrra. Að-
alsteinn Jónsson, formaður Lands-
sambands sauðfjárbænda, segir að
gera megi ráð fyrir því að útflutn-
ingsprósentan muni liggja á bilinu
25–30%, það gæti farið þannig að
28% af því sem slátrað verður í
haust verði flutt á erlenda markaði.
21% af slátruninni síðasta haust var
flutt út og er því um nokkra aukn-
ingu að ræða.
Aðspurður segir Aðalsteinn þetta
vera nokkurt áhyggjuefni. Bændur
fái lægra verð fyrir þennan hluta
framleiðslunnar, ef útflutnings-
skyldan er aukin milli ára geti það
þýtt að bændur þurfi að fara inn á
lakari markaði og fá þar með lægra
verð fyrir framleiðsluna. Aðalsteinn
segir að endanleg ákvörðun um út-
flutningsprósentuna verði tekin eftir
miðjan ágúst, þegar sölutölur fyrir
júlímánuð liggja fyrir.
„Salan var mjög góð í apríl og maí
en júní stóð ekki undir væntingum
okkar og var ívið lakari en í fyrra.
Þetta kom okkur verulega á óvart og
höfum við engar skýringar á þessu.
Við höfðum ekki skynjað annað en
að salan væri góð,“ segir Aðalsteinn.
Hann segir að síðasta vetur hafi ver-
ið um 8–9.000 fleiri kindur á landinu
en í fyrravetur þannig að framleiðsl-
an verði nokkru meiri í ár en í fyrra.
Miðað við 28% útflutningsprósentu,
sem útlit er fyrir, verði birgðir
minnkaðar um 300 tonn, þannig
verði birgðastöðunni haldið eðlilegri.
Vilja tvöfalda útflutning
vestur um haf
Nýlega var í Morgunblaðinu sagt
frá auknum áhuga vestanhafs á ís-
lensku lambakjöti. „Við bindum
ákveðnar vonir við það að tvöfalda
það magn sem fer á Bandaríkja-
markað. Á síðasta ári fóru tæp 50
tonn, mikið á góðu verði, og vonumst
við til að geta tvöfaldað það magn í
komandi sláturtíð. Þetta er háð
vinnslugetu fyrir afurðastöðvar sem
flytja út en helst viljum við ekki vera
undir 80 tonnum.“
Aðalsteinn segir að einnig sé horft
hýru auga til Ítalíu. „Styrking ís-
lensku krónunnar gerir þann mark-
að reyndar ekki jafnhagstæðan og
hann leit út fyrir að vera í vetur. Þar
er verið að vinna ákveðið markaðs-
starf og er áformað að flytja umtals-
vert magn af fersku kjöti á Ítalíu-
markað í haust.“
Útlit fyrir að 28% sauðfjárfram-
leiðslu verði flutt á erlenda markaði
Salan í júní
stóð ekki undir
væntingum
TVEGGJA ÁRA barn fótbrotnaði
þegar annað barn hjólaði á það í Ása-
hverfi í Hafnarfirði um klukkan 21 í
gærkvöldi. Sjúkrabíll flutti barnið á
slysadeild.
Tveggja ára
fótbrotnaði
♦ ♦ ♦