Morgunblaðið - 19.07.2002, Blaðsíða 12

FRÉTTIR
12 FÖSTUDAGUR 19. JÚLÍ 2002 MORGUNBLAÐIÐ
Kársnesbraut
Vel staðsett 202 fm tveggja íbúða hús með tveimur
samþykktum íbúðum og 63 fm bílskúr, sem hefur verið
innr. að hluta sem íbúðaraðstaða. Mjög fallegur og
skjólgóður garður í mikilli rækt fylgir eigninni með
sólpöllum og vandaðri girðingu allan hringinn. Áhv. 12
millj. í góðum lánum. Verð 28 millj. 2530
SCHAFER OG BRICK hafa stefnt
Bonus Stores, sem eru í meirihluta-
eigu Baugs, og stjórn þeirra og
krefjast skaðabóta upp á tíu millj-
ónir dala eða jafnvirði hátt í 840
milljóna íslenskra króna. Stefnan
var lögð fram í Marion-sýslu í Miss-
issippi-fylki fyrir nokkrum dögum.
Á stjórnarfundi Bonus Stores á
miðvikudaginn samþykkti stjórn fé-
lagsins að víkja Jim Schafer úr starfi
vegna trúnaðarbrota auk þess sem
stjórnin telur hann hafa misnotað
aðstöðu sína sem forstjóri félagsins.
Er þar væntanlega verið að vísa til
þess að félag í eigu Bricks og Schaf-
er keypti innréttingar og búnað af
Wal-Mart og seldi síðan áfram til
Bonus Florida og síðar Bonus
Stores.
Í stefnunni kemur fram að Schaf-
er og Brick hafi verið sagt upp störf-
um með bréfi hinn 10. júlí en að rúm-
um mánuði áður eða 4. júní hafi þeim
verið vísað úr höfuðstöðvum Bonus
Stores í viðurvist starfsmanna auk
þess sem leitað hafi verið í eigum
þeirra. Þá er greint frá því að endur-
skoðunarfyrirtæki hafi farið yfir við-
skipti félags Bricks og Schafers við
Bonus og ekki fundið neitt ólögmætt
við þau.
Ráðningarsamningur gerður
við Schafer og Brick
Í stefnunni kemur fram að bót-
anna er m.a. annars krafist vegna
tapaðra launa og annars tekjumissis
í fortíð og framtíð, vegna samnings-
brota, mannorðsmissis og alvarlegs
andlegs álags sem Schafer og Brick
telja sig hafa mátt þola af hálfu
Bonus Stores og stjórnar félagsins.
Jimmy A. Schafer var áður svæð-
isstjóri Wal-Mart í Bandaríkjunum
en leiðir hans og Baugs lágu saman
árið 1998 og starfaði hann m.a. sem
ráðgjafi Baugs hf. á árunum 1998 til
1999.
Upphaf málsins má rekja til þess
er Bonus Florida yfirtók rekstur
Bills Dollar Stores í fyrravor og til
varð félagið Bonus Stores Inc., sem
er í meirihlutaeigu Baugs. Jim
Schafer var einn hluthafanna í Bon-
us Florida og samkvæmt hluthafa-
samkomulagi skyldi hann eignast
7,5% hlutafjár í hinu sameinaða fé-
lagi. En auk þess var hann ráðinn
sem aðalforstjóri Bonus Stores og
við hann gerður ráðningarsamning-
ur, að því er kemur fram í stefnunni,
þar sem kveðið var á um laun, ágóða-
hlut, fríðindi og fleira. Samningur
svipaðs eðlis var gerður við Brick.
Í stefnunni segir að Bonus Stores
hafi ekki uppfyllt gerða samninga og
að stjórn fyrirtækisins hafi augljós-
lega stefnt að því að bola þeim Schaf-
er og Brick burt. Þá hafi Bonus Stor-
es fengið öryggisverði fyrirtækisins
til þess að rannsaka persónulega
hagi Bricks og Schafers til þess að
finna eitthvað það sem nota mætti
gegn þeim, þeir verið rægðir og
mannorð þeirra svert.
Morgunblaðið hefur þýtt megin-
mál stefnunnar nær orðrétt og fer
hún hér á eftir. Millifyrirsagnir eru
blaðsins.
Schafer með 7,5%
í sameinuðu félagi
„Hinn 19. apríl 2001, eða þar um
bil, gerðu hluthafar Bonus Florida,
en Schafer var einn þeirra, sam-
komulag um að stofna nýtt félag,
Bonus Stores Inc., sem skráð er í
Delaware-fylki. Bonus Stores Inc.
varð til við samruna Bonus Florida
og hluta af eignum Bills Dollar Stor-
es Inc. sem keyptar vor úr þrotabúi
þess.
Í samkomulaginu var kveðið á um
að Schafer myndi eiga 7,5% af þá út-
gefnum hlutabréfum, þ.e. þau hluta-
bréf eða önnur almenn bréf í eigu fé-
laganna eftir samruna þeirra undir
nafni í Bonus Stores Inc. Auk þess
var í samkomulaginu að finna kaup-
réttarákvæði til handa Schafer og
skyldu báðir aðilar samþykkja skil-
mála vegna kaupréttarákvæðanna.
Hinn 29. mars 2001, eða þar um bil,
gerðu báðir aðilar síðan hluthafa-
samkomulag en samkvæmt því
skyldi Schafer eiga 430.035 almenn
hlutabréf og 24.510 B-hlutabréf.
Fluttu tvisvar sinnum
búferlum
Í apríl árið 2001 keypti Bonus
eignir Bills Dollar Stores og hin
sameinuðu félög hófu starfsemi und-
ir nafni Bonus Stores Inc. Schafer
og Brick voru ráðnir sem aðal- og
varaforstjórar fyrirtækisins. Brick
var fyrst ráðinn sem svæðisstjóri en
var síðan hækkaður í tign og gerður
að varaforstjóra Bonus. Schafer og
Brick fluttu búferlum frá Flórída til
Mississippi-fylkis til þess að stjórna
rekstri hins sameinaða félags. Til að
byrja með var fyrirtækið með aðset-
ur í Jackson í Mississippi en í júlí ár-
ið 2001 voru höfuðstöðvar félagsins
fluttar til Columbia í sama fylki.
Schafer og Brick fluttu þá búferlum
til Columbia-svæðisins.
Stjórn Bonus lofaði bæði Schafer
og Brick að gengið yrði frá skrif-
legum ráðningarsamningi við þá þar
sem kveðið væri á um fríðindi og
kauprétt þeim til handa. Frá því í
apríl 2001 og fram í febrúar á þessu
ári lögðu bæði Schafer og Brick nótt
við dag til þess að tryggja arðbæran
rekstur fyrirtækisins. Fulltrúi
stjórnar Bonus (Judith Sullivan) hóf
samningaviðræður við lögfræðing
Schafers í því skyni að ganga frá
skriflegum ráðningarsamningi sem
lofað hafði verið. Hinn 20. febrúar
2002 sendi Sullivan Schafer ráðning-
arsamning fyrir milligöngu lög-
manns Schafers. Ráðningarsamn-
ingur Schafers var til fjögurra ára
og skyldu árslaun hans nema 200
þúsund dölum. Þá var í samningnum
og kveðið á um ágóðahlut og almenn
fríðindi sem báðir aðilar skyldu fall-
ast á. Í endanlegri útgáfu samnings-
ins var kveðið á um kaupvilnun til
handa Schafer, eða 7,5% af útgefnu
og útistandandi hlutafé, og skyldi
þetta hlutafé afhent Schafer í sam-
ræmi við hluthafasamkomulagið og
frá og með dagsetningu þess. Staðið
hefði verið við þennan samning ef
ekki hefði komið til ólögmætt fram-
ferði af hálfu hinna stefndu.
Hinn 17. apríl eða þar um bil, var
gengið frá ráðningarsamningi á milli
Bricks og Bonus. Samningurinn var
til tveggja ára og skyldu árslaun
Bricks vera 100 þúsund dalir á ári.
Líkt og hjá Schafer voru ákvæði um
kauprétt í samningi þessum.
Keyptu og seldu innréttingar
frá Wal-Mart
Hinn 27. mars 2000, eða þar um
bil, stofnuðu Brick og Schafer, sem
þá störfuðu fyrir Bonus Florida, fé-
lagið Retail Stores Services en til-
gangur þess félags var að kaupa inn-
réttingar úr Wal-Mart-verslunum
sem lokað hafði verið. Á þessum
tíma keypti Retial Stores Services
verslunarinnréttingar og seldi síðan
aftur til Bonus Florida en Schafer
átti þá helmingshlut í fyrirtækinu.
Niðurstaðan af þessum viðskiptum
varð sú Bonus Florida var útvegaður
og tryggður aðgangur að verslunar-
innréttingum á mun hagstæðara
verði en ella. Þessi viðskipti héldu
áfram eftir samruna félaganna undir
nafni Bonus Stores Inc. Almenn
vitneskja var um þessi viðskipti og
viðskiptatengsl á meðal allra yfir-
manna og stjórnenda Bonus en auk
þess vissu margir starfsmenn af
þeim. Tekið skal fram að fjármála-
stjórinn, Guy Heyl, vissi af viðskipt-
um þessum. Hvorki Schafer né
Brick bar lagaleg skylda til þess að
greina stjórn Bonus frá þessum við-
skiptum og öll voru þau á milli
óskyldra aðila og höfðu í för með sér
sparnað fyrir Bonus.
Gengið úr skugga um
lögmæti viðskiptanna
Hinn 21. maí 2001, eða þar um bil,
á mánaðarlegum fundi stjórnar
Bonus, var Schafer beðinn um að
skýra frá viðskiptum Retail Stores
Services og Bonus. Schafer greindi
opinskátt frá þessum viðskiptum og
og þeirri hugsun sem bjó að baki
þeim. Hinn 23. maí 2001 fór stjórn
Bonus Stores þess á leit við endur-
skoðunarfyrirtækið Ernst & Young
að það færi yfir viðskipti milli fyr-
irtækjanna tveggja til þess að ganga
úr skugga um að þar væri um að
ræða lögleg viðskipti á milli óskyldra
aðila. Schafer og Brick létu endur-
skoðendunum í té öll fjárhagsleg
gögn, sem máli skiptu, og fóru með
þeim yfir málin. Fulltrúar Ernst &
Young greindu síðan Schafer og
Brick frá því að viðskiptin væru lög-
leg og í þeim væri ekkert sem bryti í
bága við góða reikningsskilavenju.
Hinn 31. maí, eða þar um bil, var
stefnendum gert að mæta á fund
með stjórn Bonus. Á þeim fundi yf-
irheyrðu stjórnarmenn Bonus Brick
og Schafer. Stjórnarmaðurinn og
lögmaðurinn, Judith Sullivan, hótaði
stefnendum með því að greina þeim
ranglega frá því að þeir hefðu brotið
lög og að þeir yrðu sóttir til saka fyr-
ir þau brot.
Fylgt burt úr höfuðstöðvunum
Hinn 4. júní, 2002, eða þar um bil,
fengu stefnendur bréf frá Sullivan,
lögmanni, þar sem þeim var gert að
taka sér frí frá störfum. Stefnendum
var greint frá því að þeir mættu ekki
hafa samband við nokkurn af starfs-
mönnum Bonus, söluaðila, birgja,
umboðsmenn eða aðra slíka á meðan
á leyfi þeirra stæði. Þá var þeim og
sagt að afhenda alla lykla, aðgangs-
kort og aðra muni fyrirtækisins. Síð-
an fylgdi Scott Koch, yfirmaður
munaumsýslu Bonus, stefnendum á
brott úr höfuðstöðvum fyrirtækisins
í augsýn allra starfsmanna þess. Þá
framkvæmdi Koch, að beiðni stjórn-
arinnar, einnig leit í munum stefn-
enda í viðurvist starfsmanna fyrir-
tækisins.
Stefnendum var gegn vilja sínum
gert að taka sér frí frá störfum svo
fyrirtækinu gæfist kostur á að fram-
kvæma frekari rannsóknir í þeirri
viðleitni að finna ástæður til þess að
víkja þeim endanlega frá störfum.
Stjórnin fékk síðan, með milligöngu
stjórnarmannanna William Fields
og Judith Sullivan, starfsmenn og
aðra á snærum fyrirtækisins til þess
að rannsaka viðskipti og persónulegt
líf stefnenda. Starfsmenn í öryggis-
gæslu Bonus og aðrir á snærum fyr-
irtækisins greindu fjölmörgum
starfsmönnum ranglega frá því að
stefnendur hefðu dregið sér fé, ber-
sýnilega til þess að niðurlægja og
koma höggi stefnendu. Starfsmenn
öryggissviðs Bonus fylgdu stefnend-
um eftir í því skyni að komast að ein-
hverju því sem hugsanlega mætti
nota til þess að hræða stefnendur til
þess að gera einhvers konar sam-
komulag við fyrirtækið. Hinir
stefndu og menn á þeirra snærum
rægðu stefnendu í því skyni að
sverta þá og eyðileggja orðspor
þeirra sem stjórnenda í þessari at-
vinnugrein.
Persónulegir munir fjarlægðir
Enda þótt stefnendum hafi verið
greint frá því að þeir væru einfald-
lega í leyfi frá störfum skipaði
stjórnin, með milligöngu Sullivan og
Fields, starfsmönnum fyrirtækisins
að fjarlægja alla persónulega muni
úr skrifstofum Bricks og Schafers,
sem sýnir að hún hugðist segja
stefnendum upp störfum. En þar
sem stefndu höfðu ekki nægilega
ástæðu til þess hinn 4. júní, leituðu
þeir í það skálkaskjól að setja þá í or-
lof og hófu að rægja og framkvæma
ólögmæta rannsókn á högum stefn-
enda.
Hinn 10. júlí, eftir að stefndu
höfðu í tvo mánuði reynt að draga
fram í dagsljósið eitthvað sem rétt-
lætt gæti ranglega brottvikningu,
var stefnendum greint frá því að
þeim hefði verið vikið frá störfum
fyrir fullt og fast. Í uppsagnarbréf-
inu var hins vegar ekki tilgreind nein
sérstök ástæða fyrir uppsögninni.“
Stefna vegna samningsbrota, tekju- og mannorðsmissis auk andlegs og tilfinningalegs álags
Krefja Bonus Stores um
tæpan milljarð í bætur
Jimmy A. Schafer,
fyrrverandi aðalfram-
kvæmdastjóri Bonus
Stores, og Courtney M.
Brick, varaforstjóri
Bonus Florida, hafa
stefnt Bonus Stores.
Arnór Gísli Ólafsson
komst að því að þeir
hafa krafið félagið um
skaðabætur upp á jafn-
virði hátt í 840 milljóna
íslenskra króna.
arnorg@mbl.is