Morgunblaðið - 19.07.2002, Blaðsíða 10

FRÉTTIR
10 FÖSTUDAGUR 19. JÚLÍ 2002 MORGUNBLAÐIÐ
TRYGGVI Jónsson, forstjóri Baugs,
segir að enginn grundvöllur sé fyrir
stefnu framkvæmdastjóra Bonus
Stores Inc. á hendur stjórn verslana-
keðjunnar bandarísku, sem er að
meirihluta í eigu Baugs, auk Kaup-
þings og smærri hluthafa. Krefst
hann, ásamt varaforstjóra Bonus
Florida, Courtney M. Brick, 10 millj-
óna dollara í skaðabætur fyrir brot á
ráðningarsamningum, eða um 840
milljóna króna, en stjórn Bonus Stor-
es ákvað á miðvikudag að segja
Schafer og Brick upp störfum.
Tryggvi er jafnframt stjórnarfor-
maður Bonus Stores en auk hans
sitja í stjórninni Hreiðar Már Sig-
urðsson, aðstoðarforstjóri Kaup-
þings, Judith Sullivan og William
Fields sem m.a. hefur starfað sem
forstjóri Wal-Mart Stores.
Í tilkynningu til Kauphallar Ís-
lands frá Baugi Group í gær segir:
„Á stjórnarfundi Bonus Stores
Inc. í gær hinn 17. júlí samþykkti
stjórn félagsins að víkja fram-
kvæmdastjóra Bonus Stores Inc.,
Jim Schafer úr starfi sökum trúnað-
arbrota og að misnota aðstöðu sína
sem forstjóri félagsins.
Rannsókn stendur nú yfir og mun
málið væntanlega fara fyrir dóm-
stóla.
Fjárhagslegt tjón Bonus Stores
Inc. er óverulegt þar sem félagið er
tryggt fyrir slíkum áföllum.
Til bráðabirgða mun Bill Fields,
stjórnarmaður í Bonus Stores Inc. og
fyrrum forstjóri Wal-Mart Stores,
stýra daglegum rekstri félagsins, en
það á nú í viðræðum við nokkra aðila
um stöðu forstjóra félagsins.“
Bonus Stores Inc. var stofnað við
samruna verslanakeðjanna Bonus
Dollar Stores og Bill’s Dollar Stores.
Baugur keypti í apríl á síðasta ári
þrotabú síðarnefndu keðjunnar en
átti fyrir helming þeirrar fyrrnefndu.
Bonus Stores Inc. rekur keðjurnar
tvær sem starfrækja um 400 versl-
anir í Bandaríkjunum.
Bonus Dollar Stores var upphaf
verslunarrekstrar Baugs í Banda-
ríkjunum en það er keðja fárra lág-
vöruverðsverslana. Bill’s Dollar
Stores er mun stærri keðja 400 versl-
ana og stóð afar illa þegar Baugur
keypti, átti litlar birgðir og viðskipta-
vinahópurinn hafði flúið.
Jim Schafer átti helming í Bonus
Dollar Stores á móti Jóni Ásgeiri Jó-
hannessyni og Jóhannesi Jónssyni og
síðar Baugi. Schafer var ráðinn for-
stjóri sameinaðs fyrirtækis. Hann
gerði töluverðar breytingar á rekstr-
inum, fækkaði starfsfólki og hag-
ræddi á ýmsan hátt. Umskipti urðu á
rekstrinum, hagnaður náðist á tíma-
bili af rekstri sameinaðs félags en
samkvæmt 14 mánaða uppgjöri
Baugs sem kynnt var í maí sl. varð 95
milljóna króna tap á rekstri Bonus
Stores Inc. á tímabilinu 1. júlí 2001 til
28. febrúar 2002.
Bæði Jim Schafer og William
Fields, stjórnarmaður sem nú er
stefnt, eru fyrrverandi starfsmenn
Wal-Mart, en Fields var forstjóri
Wal-Mart Stores. Fields tók sæti í
stjórn Bonus Stores Inc. í desember
sl. og eftir uppsögn Schafers hefur
hann gegnt starfi forstjóra. Judith
Sullivan kom að Bonus Stores sem
stjórnarmaður og lögfræðingur fyr-
irtækisins í apríl 2001, við stofnun
þess.
Stefnur á báða bóga
Tryggvi Jónsson, forstjóri Baugs
og stjórnarformaður Bonus Stores
Inc., segir í samtali við Morgunblaðið
að stjórn Bonus Stores telji engan
grundvöll fyrir stefnunni af hálfu
Schafers og málið sé til athugunar
hjá lögfræðingum. Tryggvi segir
ástæðuna fyrir uppsögn Jim Schafer
trúnaðarbrot og að hann hafi misnot-
að aðstöðu sína sem forstjóri félags-
ins, líkt og fram kemur
í tilkynningu til Kaup-
hallar Íslands í gær.
Hann segir að líklegt
sé að málið muni fara
fyrir dómstóla þar sem
Schafer hafi stefnt
stjórn Bonus Stores en
einnig liggi fyrir að
Bonus Stores muni
stefna Schafer fyrir
trúnaðarbrot.
Í stefnunni af hálfu
Schafers kemur fram
að Bonus Stores hafi
brotið á Jim Schafer
með því að standa ekki
við ráðningarsamning
þar sem auk 200 þúsund dala árs-
launa var kveðið á um kaupauka og
kauprétt á hlutabréfum allt að 7,5%
hlutafjár. Tryggvi segir að kauprétt-
ur lykilstarfsmanna sé tengdur
frammistöðu starfsmanns og afkomu
fyrirtækisins. „Það liggja einungis
fyrir drög að ráðningarsamningi við
Schafer en þótt samningurinn væri
frágenginn teljum við að hann upp-
fylli ekki þau skilyrði sem samningur
kveður á um,“ segir Tryggvi.
Ekki hefur heldur verið gengið frá
gögnum varðandi eignarhlut Jims
Schafers í Bonus Stores, eftir sam-
einingu Bonus Dollar Stores og Bill’s
Dollar Stores.
Courtney M. Bricks var fram-
kvæmdastjóri innkaupasviðs hjá
Bonus Stores og meðeigandi Schaf-
ers að Retail Stores Services. „Þessir
tveir menn stofnuðu fyrirtæki fyrri-
hluta árs 2000 og hafa selt innrétt-
ingar og búnað til Bonus Stores án
þess að greina frá því. Þetta fór ró-
lega af stað en fór á fullt
skrið í júlí í fyrra.
Stærstur hluti við-
skiptanna er frá því í
mars og apríl á þessu
ári. Þá keyptu þeir inn-
réttingar og búnað á
uppboðum og seldu
Bonus Stores á mun
hærra verði,“ segir
Tryggvi. „Það er mjög
óeðlilegt að starfsmenn,
forstjórar eða aðrir,
kaupi af sjálfum sér og
selji á hærra verði til
vinnuveitanda síns. Það
eru ekki eðlilegir við-
skiptahættir.“
Hann segir að stjórn Bonus Stores
hafi frétt af fyrirtækinu Retail Stores
Services og hverjir væru eigendur
þess um mánaðamótin apríl-maí sl.,
þegar starfsmaður Bonus Stores lét
Tryggva vita. Þá hófst strax rann-
sókn sem endurskoðunarfyrirtækið
Earnst & Young ásamt lögfræðifyr-
irtæki hafa annast. Jim Schafer fór í
leyfi frá störfum á launum á meðan,
að sögn Tryggva, og stjórnin sam-
þykkti á fundi í fyrradag að segja
honum upp vegna þeirra atriða sem
fram komu við rannsóknina. Stjórnin
hafði áður staðfest uppsagnarbréfið
frá 10. júlí á símafundi.
Fyrirfram heimild stjórnar
lagaleg skylda
Tryggvi segir það rangt sem kem-
ur fram í stefnunni að rannsókn á
málinu hafi byrjað í fyrra og endur-
skoðunarfyrirtækið Earnst & Young
ráðið til þess. Tryggvi segir að fyr-
irtækið hafi ekki verið ráðið til Bonus
Stores fyrr en á þessu ári. Enginn
hafi vitað um fyrirtækið Retail Stor-
es Services fyrr en á þessu ári.
„Stjórn og starfsfólk Bonus Stores
vissi ekki betur en að verið væri að
kaupa innréttingar og búnað á eðli-
legu verði frá þriðja aðila þar til
skömmu áður en rannsóknin hófst.“
Tryggvi segir að stjórn Bonus Stores
hafi haldið að ekki væri þörf á að
kaupa innréttingar fyrir fyrirtækið
þar sem nóg hafi verið keypt með
þrotabúi Bill’s Dollar Stores í apríl á
síðasta ári. „Stjórninni er ekki kunn-
ugt um einstök nöfn á fyrirtækjum
sem skipt er við eða einstök við-
skipti,“ segir Tryggvi.
Samkvæmt lögum í Delaware þar
sem fyrirtækið er skráð, ber for-
stjóra að fá fyrirfram heimild stjórn-
ar ef hann hyggst eiga viðskipti við
eigin fyrirtæki eða tengd fyrirtæki,
að sögn Tryggva. Í stefnunni á hend-
ur stjórn Bonus Stores kemur fram
að Schafer og Brick hafi ekki borið
lagaleg skylda til að upplýsa stjórn-
armenn Bonus Stores um viðskipta-
sambandið og viðskiptin hafi haft
sparnað í för með sér fyrir Bonus
Stores.
Bonus Stores eru tryggð fyrir
áföllum af þessu tagi og verður fjár-
hagslegt tjón óverulegt. „Þetta er
hins vegar slæmt vegna þess að Jim
Schafer hefur verið náinn samstarfs-
maður okkar og mikil vonbrigði að
hann skyldi leiðast út í þetta. Við höf-
um haft mikla trú á honum og hann
hefur náð miklum árangri við að
skera niður kostnað hjá fyrirtækinu.
En salan hefur ekki þróast með þeim
hætti sem hann hafði lagt fram áætl-
anir um,“ segir Tryggvi.
Ekki grund-
völlur fyrir
stefnunni
Morgunblaðið/Árni Sæberg
Frá síðasta aðalfundi Baugs þar sem Jim Schafer er í ræðustóli að greina frá rekstri Bonus Stores.
Tryggvi Jónsson
Segir framkvæmdastjórann hafa
misnotað aðstöðu sína
Tryggvi Jónsson, forstjóri Baugs, um stefnu framkvæmdastjóra Bonus Stores Inc.
JIM A. Schafer, sem nýlega var vís-
að úr starfi framkvæmdastjóra
verslanakeðjunnar Bonus Stores í
Bandaríkjunum, sem að meirihluta
er í eigu Baugs, segir að Jón Ásgeir
Jóhannesson, nú stjórnarformaður
Baugs og áður forstjóri, hafi vitað af
tilvist fyrirtækis síns, Retail Stores
Services. Stjórn Bonus Stores ákvað
á miðvikudag að segja Schafer upp
störfum fyrir trúnaðarbrot og að
hafa misnotað aðstöðu sína sem
framkvæmdastjóri fyrirtækisins.
Schafer stofnaði Retail Stores
Services í maí árið 2000 ásamt sam-
starfsmanni sínum hjá Bonus Stor-
es, Courtney M. Brick, sem einnig
hefur verið vísað úr starfi. Keypti
fyrirtæki þeirra notaðar innrétting-
ar af Wall-Mart og seldi m.a. áfram
til verslana Bonus Stores. Þeir
störfuðu báðir áður hjá Wall-Mart-
keðjunni.
Schafer sagði í sam-
tali við Morgunblaðið í
gærkvöldi að viðskipti
Retail Stores Services
færu fram með eðli-
legum hætti. Fyrir-
tækið hefði aðeins selt
Bonus Stores notaðar
innréttingar og vísaði
hann því alfarið á bug
að þeir Brick hefðu
hagnast persónulega á
þeim viðskiptum.
Hann sagði að fyrstu
tvö starfsárin hefði
verið tap af þessum
viðskiptum en skiljan-
lega væri ekki enn vit-
að um afkomu þessa árs.
Hann sagði það ekki óalgengt í
bandarískum einkafyrirtækjum að
stjórnendur þeirra ættu önnur fyr-
irtæki sem þeir létu vinnuveitendur
sína eiga viðskipti við.
Aðspurður hvort
feðgarnir Jón Ásgeir og
Jóhannes Jónsson
hefðu vitað af tilvist
Retail Stores sagðist
Schafer ekki geta sagt
um Jóhannes en hann
hefði sagt Jóni Ásgeiri
frá fyrirtækinu í upp-
hafi.
Segir Bonus Stores
skorta fé
Schafer sagðist allan
tímann hafa gefið stjórn
Bonus Stores réttar
upplýsingar um rekst-
urinn og ekki haldið neinu leyndu
fyrir henni. Hann sagði fyrirtækið
skorta fé inn í reksturinn og ef til
vill héldu fjárfestar að fjárhagurinn
væri betri en látið væri í veðri vaka.
Með þessu sagðist hann ekki vera að
halda því fram að stjórn Bonus Stor-
es væri að gefa fjárfestum rangar
upplýsingar.
Jim Schafer sagðist vera miður
sín yfir því hvernig samstarfið við
eigendur Bonus Stores hefði endað,
en eins og fram kemur í blaðinu í
dag hafa þeir Brick stefnt Bonus
Stores og krefjast 840 milljóna
króna í skaðabætur. Hann sagðist
hafa reynt að ná samkomulagi við
stjórnina og í því skyni flogið til Ís-
lands til fundar við feðgana Jón Ás-
geir og Jóhannes. Því miður hefðu
sættir ekki tekist.
Að endingu var hann spurður
hvort hann hefði stefnt Bonus Stor-
es þar sem fyrirtækið ætlaði sér að
gera slíkt hið sama gegn honum.
Schafer neitaði því og sagðist ekkert
vita um áform fyrirtækisins í mál-
inu.
Jim Schafer, fyrrverandi framkvæmdastjóri Bonus Stores
Segir að Jón Ásgeir hafi
vitað um fyrirtæki sitt
Jim Schafer
LÖGREGLAN stöðvaði öku-
mann á Hafnarfjarðarvegi við
Kringlumýrarbraut á 147 km/
klst í gær, en þar er hámarks-
hraði 70 km/klst. Umferðin á
Hafnarfjarðarvegi var mjög
þétt um fjögurleytið þegar
ökuhraðinn var mældur.
Ökumaðurinn, sem er um
tvítugt, sinnti ekki tilmælum
lögreglu um að stöðva bílinn
og var honum því veitt eftirför
sem lauk á móts við Verslunar-
skóla Íslands.
Ökumaðurinn reyndist ekki
ölvaður. Hann sagði lögreglu-
mönnum að hann hefði verið að
flýta sér en þyrfti þó ekki að
mæta á neinn sérstakan stað.
Að sögn lögreglu er mildi að
ekki varð slys vegna hraðakst-
ursins enda beygja á veginum
og ekki hefði þurfti mikið til að
ökumaðurinn hefði misst
stjórn á bílnum og ekið á aðra
bíla.
Maðurinn verður kallaður
fyrir hjá fulltrúa sýslumanns
og ekki er ólíklegt að hann
verði sviptur ökuréttindum.
Ók á 147
km hraða