Morgunblaðið - 19.07.2002, Blaðsíða 19

LANDIÐ
MORGUNBLAÐIÐ FÖSTUDAGUR 19. JÚLÍ 2002 19
HANN er frekar óvanalegur gest-
urinn sem sótt hefur Gistiheimilið
Brekkubæ á Hellnum heim und-
anfarna daga. Hann mætir ólíkt
öðrum gestum snemma á morgn-
ana og leitar eftir inngöngu eða
öllu heldur mat. Hann virðist alls
óhræddur við menn og þegar úti-
dyrnar eru opnaðar hopar hann
ekki undan heldur hoppar í átt-
ina að þeim. Þetta er hrafnsungi,
enn með dún á bringunni og virð-
ist reikna með að vera fóðraður.
Hann er sennilega vanur því
vegna þess að á vinstri fótlegg
hans er blátt merki. Eigendur
Gistiheimilisins hafa hins vegar
verið á báðum áttum með það
hvort þeir eigi að taka þennan
gest í fæði svo að á meðan þeir
hugsa sig um hefur hrafnsunginn
gætt sér á valmúanum og nokkr-
um öðrum jurtum sem vaxa í
garðinum. Reyndar hafa fáeinir
síldarbitar hrokkið í hans munn
en sú spurning sem er eigendum
gistiheimilisins ofarlega í huga
er: Hefur einhver týnt hrafni?
Hefur einhver
týnt hrafni?
Hellnum
Morgunblaðið/Guðrún G. Bergmann
Hrafninn reyndi að laumast inn um bakdyrnar þegar hann fékk ekki
aðgang í gegnum aðaldyrnar. Við hlið hans sést í Jóhann Þóroddsson.
FÉLAG húsbílaeigenda er á átta
daga ferðalagi um Suðurland og var
lagt af stað 12. júní frá blómabæn-
um Hveragerði og haldið austur og
eru eknir 80 til 100 km á dag undir
leiðsögn en leiðsögumaðurinn notar
talstöðvar til að koma upplýsingum
til ferðalangana. Að sögn Ernu M.
Kristjánsdóttur, formanns félags-
ins, eru í kringum 200 manns í ferð-
inni á um 70 bílum en í félaginu eru
í allt 638 húsbílaeigendur og eru
þetta bílar á öllum aldri og í öllum
verðflokkum. Bílarnir eru flestir
skírðir nöfnum og t.d heitir bíllinn
hennar Ernu Rósin. Hún segir að
félagarnir séu þverskurður af ís-
lensku þjóðfélagi. Flestar stéttir
eiga sinn fulltrúa í félaginu. Það sé
mjög virkt og farnar séu 9 skipu-
lagðar ferðir á ári og ein óvissuferð.
Einnig er slegið saman aðalfundi og
árshátíð sömu helgina.
Félagarnir í húsbílunum sem
fréttaritari hitti segja að þetta sé af-
skaplega skemmtilegur félagsskap-
ur og óneitanlega er það tilkomu-
mikil sjón að sjá þessa bílalest á
ferð og í veðri eins og var þegar þeir
komu til Víkur í Mýrdal en þá var
mikil rigning. Augljóst er að þá er
mjög þægilegt að vera inni í bíl en
ekki í tjaldi.
70 hús-
bílar
á ferð
Fagradal
Morgunblaðið/Jónas Erlendsson
Húsbílarnir koma til Víkur.
ÞESSIR duglegu krakkar héldu
hlutaveltu til styrktar Garðshorni,
nýjum útivistar- og endurhæfing-
argarði við Heilbrigðisstofnun
Þingeyinga.
Þau heita fv. Kormákur Darri
Bjarkason, María Marta Bjarka-
dóttir, Elsa María Markúsdóttir,
Linda Ósk Hilmarsdóttir og Stefán
Júlíus Aðalsteinsson.
Héldu hluta-
veltu til styrkt-
ar Garðshorni
Morgunblaðið/Hafþór Hreiðarsson
Húsavík