Morgunblaðið - 19.07.2002, Blaðsíða 23

Reuters
A.P.J. Abdul Kalam, nýkjörinn
forseti Indlands, tekur á móti
stuðningsmönnum fyrir framan
heimili sitt í Nýju Delí.
INDVERSKA þingið kaus í gær nýj-
an forseta landsins og varð vísinda-
maðurinn A.P.J. Abdul Kalam fyrir
valinu, en tæplega 90% þingmanna
greiddu honum atkvæði sitt. Kalam
hefur um árabil unnið að rannsókn-
um og þróun á eldflaugabúnaði fyrir
geimferðastofnun Indlands og fyrir
indverska herinn og gengur því undir
heitinu „eldflaugamaðurinn“ meðal
landsmanna. Þá fór hann fyrir þeim
hópi vísindamanna sem þróuðu
kjarnorkuvopn fyrir Indverja.
Kalam hefur alla tíð verið stuðn-
ingsmaður þess að Indverjar komi
sér upp kjarnorkuvopnabúri, þrátt
fyrir að vera mikill friðarsinni sjálfur,
og stjórnaði kjarnorkutilraunum
Indverja í maí árið 1998.
Kalam tekur við embætti forseta
hinn 25. júlí næstkomandi og verður
þar með tólfti forseti landsins frá því
að það fékk sjálfstæði frá Bretum ár-
ið 1947 og þriðji músliminn sem
gegnir því embætti. Forseti Indlands
er að mestu valdalaus en getur þó, við
ákveðnar aðstæður, haft nokkur
áhrif. Hann ákveður hvaða flokkur
fær umboð til stjórnarmyndunar eft-
ir þingkosningar, hann getur rofið
þing og sker úr deilum í þinginu þeg-
ar ekki fæst meirihluti fyrir neinni
lausn.
Of mikill hindúi
Kalam hefur það orð á sér að vera
sérvitringur, en hann gengur venju-
lega um í stuttermaskyrtu og ilskóm
og er með axlasítt hár. Kom það því
mörgum á óvart þegar úrslitin voru
gerð kunn en aðrir tóku fréttunum
fagnandi og sögðu að með kjöri hans
myndu ferskir vindar blása um emb-
ættið. Eftir að Kalam hætti störfum
hjá indverska ríkinu hefur hann
ferðast um og talað um nauðsyn
menntunar og siðferðis í samfélag-
inu, en hann er sjálfur þekktur fyrir
mikinn sjálfsaga.
Sumir stjórnmálaskýrendur segja
að Kalam muni reynast indverskum
ráðamönnum óþægur ljár í þúfu.
Hann sé of þrjóskur, sjálfstæður og
vinsæll meðal Indverja til að honum
verði auðveldlega stjórnað. Þeir
segja hins vegar að skipun múslima í
forsetaembættið núna þegar deilur
standa sem hæst um yfirráð yfir
Kasmír-héraði, sem að mestu er
byggt múslimum, sé afar mikilvæg.
Kalam hefur þegar fengið send
hótunarbréf en margir múslimar eru
ósáttir við „hve mikill hindúi“ hann
er. Hann gerir sjálfur lítið úr því að
hann er af múslimaættum, segist lesa
úr heilögum bókum hindúa á hverj-
um degi og vera grænmetisæta.
Eldflaugamaðurinn
nýr forseti Indlands
Nýja-Delí. AP, AFP.
ERLENT
MORGUNBLAÐIÐ FÖSTUDAGUR 19. JÚLÍ 2002 23
LEIKFÉLAGI
Á GÓÐU VERÐI
Hjá Bílalandi erum við með nokkra vel með farna Land Rover bíla á frábæru verði
og á bilaland.is eigum við mikið úrval af notuðum bílum á góðum kjörum.
Range Rover DTi Diesel
Nýskr. 09/1997, 2500cc
5 dyra, sjálfskiptur,
dökkblár, ekinn 94 þ.
Verð 2.890 þ.
Land Rover Discovery
Nýskr. 09/1999, 2500cc
5 dyra, 5 gíra,
grár, ekinn 81 þ.
Verð 2.690 þ.
Range Rover 4,6 HSE
Nýskr. 09/2000, 2500cc
5 dyra, sjálfskiptur,
brons, ekinn 37 þ.
Hlaðinn aukabúnaði
Verð 5.590 þ.
Land Rover Discovery Diesel
Nýskr. 09/1997, 2500cc
5 dyra, 5 gíra,
blár, ekinn 130 þ.
Verð 1.890 þ.
Land Rover Freelander XEi
Nýskr. 07/1999, 1800cc
5 dyra, 5 gíra,
svartur, ekinn 24 þ.
Leðurinnrétting, topplúga
Verð 2.050 þ.
Land Rover Discovery II Diesel
Nýskr. 11/1999, 2500cc
5 dyra, sjálfskiptur,
grænn, ekinn 99 þ.
Verð 2.590 þ.
SKÖRULEG framganga Davids
Blunketts í embætti innanrík-
isráðherra Bretlands hefur vakið svo
mikla athygli að farið er að tala um
hann sem hugsanlegan eftirmann
Tonys Blairs forsætisráðherra, að
sögn bandaríska stórblaðsins The
New York Times.
Þykir þetta sæta tíðindum vegna
þess að Gordon Brown fjár-
málaráðherra hefur til þessa verið
eini ráðherrann, fyrir utan Blair, sem
hefur látið mikið að sér kveða frá því
að Verkamannaflokkurinn komst til
valda fyrir fimm árum. Aðrir ráð-
herrar hafa verið í skugga Blairs sem
hefur verið sakaður um að vera frek-
ur til valdsins.
Þessi upphefð innanríkisráðherr-
ans þykir einnig eftirtektarverð í ljósi
þess að Blunkett er blindur.
Í sviðsljósinu nær daglega
Blunkett var menntamálaráðherra
á fyrsta kjörtímabili Blair-stjórn-
arinnar og þótti standa sig vel í því
embætti. Hann kom á ýmsum umbót-
um, sem miðuðust einkum að því að
bæta lestrar- og stærðfræðikennslu í
barnaskólum.
Frá því að Blunkett tók við innan-
ríkisráðuneytinu hefur hann verið
nær daglega í fréttunum vegna ein-
arðrar framgöngu hans í málum sem
hafa verið í brennidepli í Bretlandi,
svo sem baráttunni gegn glæpum og
hryðjuverkum, málefnum ólöglegra
innflytjenda, umbótum í fangels-
ismálum og breytingum á fíkniefna-
löggjöfinni. Og hann hefur fengið
sama frelsi til að segja hug sinn og
Brown, ólíkt öðrum ráðherrum.
Lengi hefur verið vitað að Brown
sækist eftir embætti Blairs og hann
hefur á bak við sig stóran hóp stuðn-
ingsmanna sem eru tilbúnir að berj-
ast fyrir því að hann verði næsti for-
sætisráðherra ákveði Blair að draga
sig í hlé.
Stuðningsmenn innanríkisráðherr-
ans hafa ekki undirbúið slíka valda-
baráttu og sjálfur kveðst Blunkett
ekki hafa áhuga á embætti Blairs.
Margir telja að takmörk séu fyrir því
hvað blindir menn geti gert í krefj-
andi ráðherrastörfum en Blunkett
hefur hvað eftir annað komið þeim á
óvart.
Sjálfur segist Blunkett líta á blindu
sem „óþægindi en ekki fötlun“. Hann
gerir oft grín að sjónleysi sínu og seg-
ir að því fylgi sá kostur að hann geti
lesið í rúminu þótt ljósið sé slökkt.
Lifði á „brauði og floti“
Blunkett er 55 ára og ólst upp í
Sheffield. Hann fæddist blindur og að
sögn The New York Times þurfti
hann að ganga í skóla fyrir blinda frá
fjögurra ára aldri. Þegar hann var
tólf ára datt faðir hans, sem var verk-
stjóri gasveitu, ofan í tank fullan af
sjóðandi vatni og dó mánuði síðar eft-
ir að hafa liðið miklar kvalir.
Stjórn gasveitnanna í miðhéruðum
Englands neitaði að greiða fjölskyld-
unni bætur vegna slyssins. Hún bjó
því við sára fátækt og Blunkett hefur
lýst því svo að hún hafi lifað á „brauði
og floti“.
Auk hefðbundins barnaskólanáms
fékk Blunkett sérkennslu með það
fyrir augum að hann gæti haft við-
urværi af píanóstillingum, starfi sem
þótti kjörið fyrir blint fólk á þessum
tíma. Það átti þó ekki fyrir honum að
liggja því að hann skaraði fram úr í
námi, tók háskólapróf í stjórn-
málafræði í Sheffield og helgaði sig
stjórnmálum.
Blunkett gekk í Verkamannaflokk-
inn þegar hann var sextán ára, varð
borgarfulltrúi í Sheffield 22 ára og
forseti borgarstjórnarinnar ellefu ár-
um síðar. Hann var kosinn á þing
1987.
Blunkett hefur skrifað sjálfs-
ævisögu og bókina „Stjórnmál og
framfarir“ þar sem hann lýsir hug-
myndum sínum um hvernig stuðla
eigi að „pólitískri og félagslegri end-
urnýjun“. Á heimasíðu hans, dav-
idblunkett.org.uk, eru upplýsingar
um viðhorf hans, meðal annars kaflar
úr bókinni.
Talsmaður aga og
sjálfsbjargarviðleitni
Að sögn The New York Times hef-
ur Blunkett tekist að „hefja sig upp
yfir fötlun sína og það hefur gert
hann að hreinskilnum talsmanni aga
og sjálfsbjargarviðleitni og mótað
harðlínustefnu hans í málefnum laga
og reglu – einmitt á þeim sviðum sem
margir kjósendur hafa gagnrýnt evr-
ópska mið- og vinstriflokka eins og
Verkamannaflokkinn fyrir að vera
ekki nógu harðir“.
Er hér meðal annars skírskotað til
stefnu innanríkisráðherrans í mál-
efnum ólöglegra innflytjenda, en
hann hefur meðal annars lagt til að
þeim verði haldið í sérstökum „kyrr-
setningarbúðum“. Hann hefur einnig
gert lítið úr gagnrýni mannréttinda-
hreyfinga á ýmsar ráðstafanir stjórn-
arinnar, til að mynda í baráttunni
gegn hryðjuverkum, gagnrýnt inn-
flytjendur fyrir að laga sig ekki að
breskum venjum og hvatt þá til að
giftast Bretum frekar en útlend-
ingum.
Blunkett sagður hugsan-
legur eftirmaður Blairs
AP
Innanríkisráðherra Frakklands, Nicolas Sarkozy (til vinstri), leiðir breska innanríkisráðherrann David Blunk-
ett á blaðamannafund í París um ólöglega innflytjendur. David Blunkett hefur verið blindur frá fæðingu.
’ Er blindur og líturá það sem „óþægindi
en ekki fötlun“ ‘
DANSKIR lögreglustjórar
ákváðu í gær að þarlendir lög-
reglumenn fengju ekki lengur
að þiggja ókeypis eða ódýra
hamborgara frá Burger King
eða McDonald’s. „Auðvitað
hafa lögreglumenn kunnað vel
að meta þetta en þegar spurn-
ingar vakna um hvort hlutleysi
þeirra sé ógnað er ljóst að við
getum ekki lengur þegið slíkt,“
sagði Per Larsen lögreglustjóri
í viðtali við danska útvarpið.
Blaðið Politiken upplýsti að
lögreglumenn í Álaborg hefðu í
mörg ár fengið ókeypis ham-
borgara þegar þeir fóru inn á
hamborgarastaði til að kaupa
sér gosdrykki eða franskar
kartöflur. Þingmaðurinn Line
Barfod í vinstriflokknum Ein-
ingarlistanum gerði Lene
Espersen dómsmálaráðherra
viðvart um þetta í vor. Esper-
sen hét þá á lögreglumenn að
hætta að þiggja ókeypis ham-
borgara eða afslátt á hamborg-
arastöðum en þeir létu sér ekki
segjast. Þetta var einkum áber-
andi á McDonald’s-hamborg-
arastaðnum á járnbrautarstöð-
inni í Kaupmannahöfn.
McDonald’s segist bjóða lög-
reglumönnum, sem eru á vakt á
svæðinu, afslátt af hamborgur-
um. En vandinn er að þetta
gæti breiðst út til annarra staða
á svæðinu, svo sem verslana og
næturklúbba, og atvinnurek-
endur gætu þannig fengið það á
tilfinninguna að þeir geti keypt
lögregluna,“ sagði Barfod.
„Þetta grefur undan trausti á
lögregluna og þess vegna hef
ég beðið dómsmálaráðherrann
enn og aftur að stöðva þetta.“
Framkvæmdastjóri McDon-
ald’s-staðarins á járnbrautar-
stöðinni sagði í samtali við
Politiken að oft kæmu upp
vandamál í tengslum við gesti á
staðnum. „Þess vegna er gott
að sem flestir lögreglumenn
komi inn á staðinn og grípi í
taumana þegar þess er þörf.“
Danska lögreglan
Hamborg-
araveislu
lokið
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is