Morgunblaðið - 19.07.2002, Blaðsíða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 19. JÚLÍ 2002 VERÐ Í LAUSASÖLU 190 KR. MEÐ VSK.
BANDARÍSKA álfyrirtækið Alcoa
mun greiða 75% af kostnaði við 600
milljóna króna undirbúningsfram-
kvæmdir í sumar vegna fyrirhugaðr-
ar Kárahnjúkavirkjunar. Þetta er
samkvæmt samkomulagi við Lands-
virkjun um skiptingu kostnaðar sem
stjórn Landsvirkjunar samþykkti á
fundi sínum í gær að veita Friðriki
Sophussyni forstjóra heimild til að
undirrita í dag, um leið og viljayfir-
lýsing verður undirrituð um form-
legar viðræður vegna byggingar ál-
vers í Reyðarfirði. Alcoa skuld-
bindur sig því til að greiða 450
milljónir af kostnaðinum og Lands-
virkjun 150 milljónir króna. Alcoa
mun fá upphæðina endurgreidda
þegar ákveðið verður endanlega að
ráðast í virkjanaframkvæmdir vegna
álvers í Reyðarfirði. Framkvæmd-
irnar sem um ræðir eru lagning veg-
ar frá Laugarfelli að fyrirhuguðu
Hálslóni við Kárahnjúka, smíði
bráðabirgðabrúar yfir Jökulsá á Dal,
einnig nefnd Jökulsá á Brú, og lagn-
ing rafmagnskapals að vinnusvæði
við Kárahnjúka.
„Af okkar hálfu skiptir þetta sam-
komulag afar miklu máli. Í því felst
talsverð skuldbinding Alcoa, sem
ætti að vera merki um alvöru þeirra
og áhuga á verkinu, þótt auðvitað
eigi eftir að semja um veigamikil at-
riði eins og orkuverð til álversins.
Viðræður um það hafa staðið yfir,“
segir Friðrik Sophusson við Morg-
unblaðið.
Framkvæmdirnar verða auglýstar
til útboðs á næstu dögum og hyggst
Landsvirkjun hefjast handa á Aust-
urlandi strax í næsta mánuði.
Undirbúningsframkvæmdir hefjast við Kárahnjúkavirkjun í sumar
Landsvirkjun og Alcoa
skipta með sér kostnaði
Viljayfirlýsing undirrituð í dag um
viðræður vegna álvers í Reyðarfirði
Alcoa greiðir/6
ELLEFU ára stúlka hjólaði í veg fyr-
ir bíl við Aðalland og Eyrarland í
Fossvogi um klukkan 18 í gær. Hún
var flutt á barnadeild Landspítala –
háskólasjúkrahúss með heilahrist-
ing en hún var ekki með hjálm.
Lögum samkvæmt eiga öll börn
15 ára og yngri að vera með hjálm
við hjólreiðar. Oft vill þó brenna við
að ekki sé farið eftir þeim lögum
eins og reyndar sést á myndinni.
Margreynt er að hjálmar koma í veg
fyrir höfuðáverka eða verða til þess
að áverkar verða ekki jafnalvarlegir
og ella.
Morgunblaðið/Sverrir
Var ekki
með hjálm
FJÖGURRA ára gamalt barn
var nærri drukknað í sundlaug-
inni á Hótel Örk í Hveragerði í
gær, en fyrir snarræði sund-
laugargests tókst að endurlífga
barnið með hjartahnoði og
blástursaðferð. Barnið var á
leikjanámskeiði á vegum
íþróttafélagsins Vals og var í
hópi 40 barna í lauginni. Sund-
laugargestur varð þess var að
ekki var allt með felldu þar sem
börnin busluðu í lauginni og brá
skjótt við. Atburðarásin var
hröð og tókst fljótlega að blása
lífi í barnið, sem komið var í
öndunar- og hjartastopp. Það
tók fljótlega við sér og var sent
með sjúkrabifreið á Landspít-
ala – háskólasjúkrahús.
Í ljós kom að lífgjafi barnsins
reyndist vera sjúkraflutninga-
maður frá Sauðárkróki.
Bjargað frá
drukknun
STJÓRN Bonus Stores Inc., versl-
anakeðju í Bandaríkjunum sem er í
meirihlutaeigu Baugs, ákvað á fundi
sínum á miðvikudag að víkja Jim A.
Schafer úr starfi framkvæmdastjóra
fyrirtækisins og Courtney M. Brick,
varaforstjóra Bonus Florida, fyrir
trúnaðarbrot. Þeir hafa hins vegar
stefnt Bonus Stores og stjórnar-
mönnum þess fyrir brot á ráðning-
arsamningum þar sem þeir krefja fé-
lagið um 10 milljónir dollara í
skaðabætur, eða jafnvirði hátt í 840
milljóna íslenskra króna. Stefnan
var lögð fram í Marion-sýslu í Miss-
issippi-ríki fyrir nokkrum dögum.
Baugur Group sendi Kauphöll Ís-
lands tilkynningu í gær þar sem seg-
ir m.a. að Schafer hafi verið vikið úr
starfi sökum trúnaðarbrota og að
hafa misnotað aðstöðu sína í starfi
sem framkvæmdastjóri Bonus Stor-
es. Rannsókn standi nú yfir og muni
málið væntanlega fara fyrir dóm-
stóla. Með trúnaðarbrotum er verið
að vísa til þess að félag í eigu Schaf-
ers og Bricks, Retail Stores Serv-
ices, hafi keypt innréttingar og bún-
að af Wal-Mart og selt síðan áfram
til Bonus Florida og síðar Bonus
Stores.
Í stefnu þeirra Schafers og Bricks
kemur m.a. fram að bótanna sé kraf-
ist vegna tapaðra launa og annars
tekjumissis í fortíð og framtíð, vegna
samningsbrota, mannorðsmissis og
alvarlegs andlegs álags sem þeir
telja sig hafa mátt þola af hálfu Bon-
us Stores og stjórnar félagsins.
„Ekki grundvöllur
fyrir stefnunni“
Tryggvi Jónsson, forstjóri Baugs
og stjórnarformaður Bonus Stores,
telur að ekki sé grundvöllur fyrir
stefnu Schafers og Bricks.
„Þessir tveir menn stofnuðu fyr-
irtæki fyrri hluta ársins 2000 og hafa
selt innréttingar og búnað til Bonus
Stores án þess að greina frá því.
Þetta fór rólega af stað en fór á fullt
skrið í júlí í fyrra. Stærstur hluti við-
skiptanna er frá því í mars og apríl á
þessu ári. Þá keyptu þeir innrétting-
ar og búnað á uppboðum og seldu
Bonus Stores á mun hærra verði,“
segir Tryggvi og telur þetta ekki
vera eðlilega viðskiptahætti.
Í samtali við Morgunblaðið vísar
Jim Schafer því á bug að þeir Brick
hafi hagnast persónulega á viðskipt-
unum við Bonus Stores. Þau hafi far-
ið fram með eðlilegum hætti og
fyrstu tvö starfsárin hafi verið tap af
rekstrinum. Fyrirtækið hafi aðeins
selt Bonus Stores notaðar innrétt-
ingar. Hann segir Jón Ásgeir Jó-
hannesson, stjórnarformann Baugs
og áður forstjóra, hafa vitað af tilvist
fyrirtækisins. Hann segist vera mið-
ur sín yfir því hvernig samstarfið við
eigendur Bonus Stores hafi endað.
Hann hafi reynt að ná samkomulagi
en sættir ekki tekist.
Stjórnendum Bonus Stores, dótturfyrirtækis Baugs, sagt upp störfum
Krefjast 840 milljóna
króna í skaðabætur
Ekki/10
Bonus Stores/12
DÆMI eru um að lóðaleiga fyr-
ir atvinnuhúsnæði í Reykjavík
hafi hækkað um tugi prósenta
eftir endurmat fasteignamats
sem tók gildi síðastliðið haust.
Atvinnulóðaleiga er 1% af lóða-
mati og þegar matið hækkaði
sl. haust hækkaði lóðaleiga
samkvæmt því. Samkvæmt
upplýsingum fjármáladeilar
Reykjavíkurborgar hefur tölu-
vert borið á kvörtunum vegna
þessarar hækkunar. Dæmi eru
um 110% hækkun á lóðaleigu.
Hækkaði við endurmat
„Við endurmatið í júní 2001
hækkaði lóðamat í Reykjavík
að meðaltali um 27% en 52%
fyrir landið allt,“ segir Konráð
Þorvaldsson hjá Fasteignamati
ríkisins. Konráð segir ennfrem-
ur að það sé ekki ólíklegt að ein-
hverjar lóðir hafi hækkað um
og yfir 100% í vissum tilvikum.
„Þar sem hækkunin hefur orðið
það mikil hefur líklega verið um
mjög gamalt mat að ræða. Þeir
eigendur sem fengu þessa
miklu hækkun á lóðamati höfðu
hugsanlega verið með of lágt
lóðamat og þar af leiðandi verið
að greiða of lága lóðaleigu mið-
að við eðlilegt lóðamat. Verð-
mæti lands á höfuðborgarsvæð-
inu hefur hækkað mikið síðustu
árin. Þegar uppsöfnuð hækkun
kemur öll í einu eins og gerðist í
nokkrum tilvikum við endur-
matið verða viðkomandi fast-
eignaeigendur og leigjendur
lóða og húsnæðis varir við
breytt mat,“ segir Konráð.
Lóðaleiga atvinnu-
húsnæðis í Reykja-
vík hækkar
Dæmi um
110%
hækkun á
lóðaleigu